ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 ապրիլի 1994 թվականի N 193

քաղ. Երևան

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՊԻ ՆԱԽԱՐԱՐՈՒԹՅԱՆ ՀԱՄԱԿԱՐԳՈՒՄ ՏՎՅԱԼՆԵՐԻ ՓՈԽԱՆՑՄԱՆ ԱԶԳԱՅԻՆ ՑԱՆՑԻ ՍՏԵՂԾՄԱՆ ՄԱՍԻՆ

Հաշվի առնելով տեղեկատվական և համակարգչային ցանցերի կարևորությունը Հայաստանի Հանրապետության արտաքին տնտեսական ու մշակութային կապերի զարգացման, բանկային համակարգի, նախարարությունների, պետական վարչությունների և գերատեսչությունների գործունեության բարելավման գործում և ընդունելով Հայաստանի Հանրապետության կապի նախարարության առաջարկությունը իր համակարգում տվյալների փոխանցման ազգային ցանցի ստեղծման և շահագործման մասին, Հայաստանի Հանրապետության կառավարությունը որոշում է՝

1. Հայաստանի Հանրապետությունում տեղեկատվական և համակարգչային ցանցերի ստեղծման և շահագործման աշխատանքների կոորդինացումը դնել Հայաստանի Հանրապետության կապի նախարարության վրա:

2. Հայաստանի Հանրապետության նախարարների խորհրդի 1991 թ. մարտի 5-ի «Հայաստանի Հանրապետության տարածքում տնտեսական գործունեության տեսակներով զբաղվելու մասին» N 161 որոշմամբ հաստատված կարգի Հայաստանի Հանրապետության տարածքում պետական լիցենզավորման ենթակա գործունեության տեսակների N 2 ցանկի կապի նախարարության մասում լիցենզավորման ենթակա գործունեության տեսակները լրացնել «տեղեկատվական և համակարգչային ցանցերի, այդ ոլորտում տեխնիկական և ծրագրային համակարգերի ստեղծում և շահագործում» տեսակներով: 

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ