ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

14 նոյեմբերի 1986 թ. N 762

Քաղ. Երևան

ՀԱՅԿԱԿԱՆ ՍՍՀ-ՈՒՄ ՊԵՏԱԿԱՆ ԵՎ ՀԱՆՐԱՅԻՆ ԲՆԱԿԵԼԻ ՖՈՆԴԻ ՏՆԵՐՈՒՄ ԲՆԱԿԱՐԱՆՆԵՐԻ ԱՄՐԱԿՑՄԱՆ ԿԱՐԳԻ ՄԱՍԻՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Հայկական ՍՍՀ Մինիստրների խորհուրդը որոշում է.

Հաստատել Հայկական ՍՍՀ-ում պետական ու հանրային բնակելի ֆոնդի տներում բնակարանների ամրակցման կարգի մասին առդիր հրահանգը:

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի նախագահ`

Ֆ. ՍԱՐԳՍՅԱՆ

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴԻ ԳՈՐԾԵՐԻ ԿԱՌԱՎԱՐԻՉ`

Հ. ՎԱՐԴԱՆՅԱՆ

ՀՐԱՀԱՆԳ

ՀԱՅԿԱԿԱՆ ՍՍՀ-ՈՒՄ ՊԵՏԱԿԱՆ ՈՒ ՀԱՆՐԱՅԻՆ ԲՆԱԿԵԼԻ ՖՈՆԴԻ ՏՆԵՐՈՒՄ ԲՆԱԿԱՐԱՆՆԵՐԻ ԱՄՐԱԿՑՄԱՆ ԿԱՐԳԻ ՄԱՍԻՆ

1. Սույն հրահանգով Հայկական ՍՍՀ բնակարանային օրենսդրությանը համապատասխան սահմանվում է Հայկական ՍՍՀ պետական ու հանրային բնակելի ֆոնդի տներում բնակարանների ամրակցման միասնական կարգը:

2. Վարձակալների ու նրանց ընտանիքների անդամների կողմից զբաղեցվող բնակարանները ամրակցվում են`

ա) արտասահմանում աշխատանքի ուղարկելու դեպքում` արտասահմանում մնալու ամբողջ ժամանակամիջոցի համար.

բ) Ծայր Հյուսիսի շրջանները և դրանց հավասարեցված վայրերը աշխատանքի մեկնելու դեպքում` աշխատանքային պայմանագրի գործողության ամբողջ ժամանակամիջոցի համար, իսկ ՍՍՀ Միության օրենսդրությամբ նախատեսված դեպքերում` Ծայր Հյուսիսի շրջաններում և դրանց հավասարեցված վայրերում մնալու ամբողջ ժամանակամիջոցի համար.

գ) ուսուցիչների, բժիշկների, միջին բուժանձնակազմի և դեղագործների գյուղական վայրերում գտնվող դպրոցներ, բուժ-պրոֆիլակտիկ հիմնարկներ և դեղատներ աշխատանքի մեկնելու դեպքում` պայմանագրով սահմանված ժամկետով.

դ) ՍՍՀ Միության և Հայկական ՍՍՀ օրենսդրությամբ կարող են նախատեսվել նաև բնակարանների ամրակցման ուրիշ դեպքեր:

3. Գերակետիկ ծառայության զինծառայողների, պրապորշչիկների, միչմանների և ՍՍՀՄ զինված ուժերի, ՍՍՀՄ պետական անվտանգության կոմիտեի զորքերի ու մարմինների հրամանատարական կազմի անձանց համար, ինչպես նաև նրանց ընտանիքների անդամների համար օրենսդրությամբ սահմանված դեպքերում բնակարանը ամրակցվում է ըստ մշտական բնակավայրի:

4. Սույն հրահանգի 2 և 3-րդ կետերով նախատեսված դեպքերում ժողովրդական դեպուտատների տեղական սովետի գործադիր կոմիտեն վարձակալին կամ նրա ընտանիքի անդամներին հանձնում է պահպանական վկայական (ամրացագիր) ըստ սահմանված ձևի (հավելված թիվ 1):

Պահպանական վկայական (ամրացագիր) տալուց հրաժարվելը կարող է բողոքարկվել դատական կարգով:

5. Բնակարանի ամրակցման պահպանական վկայականը ստանալու համար վարձակալի կամ նրա ընտանիքի անդամի կողմից դիմում է տրվում ժողովրդական դեպուտատների տեղական սովետի գործադիր կոմիտեին: Դիմումին կցվում են` ամրակցվող բնակարանի անձնական ֆինանսական հաշվի պատճենը. աշխատանքային պայմանագրով աշխատանքի մեկնելու դեպքում` աշխատանքի պայմանագրի պատճենը, իսկ մյուս դեպքերում` համապատասխան ձեռնարկության, հիմնարկության, կազմակերպության միջնորդագիրը. վարձատուի տեղեկանքը զբաղեցրած բնակարանի մասին ըստ սահմանված ձևի (հավելված թիվ 2):

Աշխատողի ընտանիքի անդամի կողմից, որը մեկնում է այդ աշխատողի աշխատավայրը, տրվում է միայն դիմում:

6. Ընտանիքի հետ բնակարանի վարձակալի մեկնելու դեպքում ամրակցվում է իրենց կողմից զբաղեցրած ամբողջ բնակարանը, անկախ այն բանից, վարձակալը և նրա ընտանիքի անդամները մեկնում են միաժամանակ կամ տարբեր ժամանակ: Ընտանիքի առանձին անդամի մեկնելու դեպքում նրա համար ամրակցվում է ամբողջ բնակարանի միայն իրեն հասանելիք բաժինը:

Վարձակալի ընտանիքի նախկին անդամները, որոնք բնակվում են նրա հետ համատեղ, բնակարանի ամրակցման համար ունեն նույն իրավունքները, ինչ որ վարձակալն ու նրա ընտանիքի անդամները:

Վարձակալի ընտանիքի անդամներին են պատկանում վարձակալի ամուսինը, նրանց երեխաներն ու ծնողները: Մյուս անձինք կարող են վարձակալի ընտանիքի անդամներ ճանաչվել, եթե նրանք բնակվում են վարձակալի հետ համատեղ և վարում են ընդհանուր տնտեսություն:

7. Բնակարանի ամրակցումը կարող է կատարվել քաղաքացիների կողմից` մեկնելու պահից 6 ամիս ոչ ուշ:

Այդ ժամկետը լրանալուն պես բնակարանը կարող է ամրակցվել քաղաքացիների համար, եթե նրանք դատական կարգով նշված բնակարանի նկատմամբ իրավունքը կորցրած չեն ճանաչվել:

8. Պահպանական վկայականը (ամրացագիրը), անկախ բնակելի տան պատկանելությունից, տրվում է ըստ ամրակցվող բնակարանի գտնվելու վայրի:

Ամրակցված բնակարանը հաշվառվում է ամրակցված բնակարանների հաշվառման գրքում ըստ սահմանված ձևի (հավելված թիվ 3):

9. Պահպանական վկայականը (ամրացագիրը) կազմվում է երեք օրինակից, որից առաջին և երկրորդ օրինակները ստացագրով տրվում են մեկնողին, որից առաջին օրինակը նրա կողմից ստացագրով տրվում է բնակշահագործման կազմակերպությանը ըստ ամրակցվող բնակարանի գտնվելու վայրի, իսկ երկրորդը` մնում է պահպանման վկայականը (ամրացագիրը) տվող մարմնի մոտ:

Պահպանական վկայականը (ամրացագիրը) պահվում է որպես խիստ հաշվառման փաստաթուղթ:

10. Պահպանական վկայականի գործողության ժամկետը հաշվվում է այն տալու օրվանից: Պահպանական վկայականը (ամրացագիրը) տրվում է սույն հրահանգի 2-րդ կետով նախատեսված ժամկետներով:

Արտասահմանում մնալու ժամկետը երկարացնելու, աշխատանքային պայմանագիրը վերակնքելու ու երկարաձգելու ժամանակ և ՍՍՀ Միության ու Հայկական UUՀ օրենսդրությամբ նախատեսված մյուս դեպքերում, տրված պահպանական վկայականի (ամրացագրի) գործողությունը երկարաձգվում է նոր ժամկետով` քաղաքացու դիմումին համաձայն, կցելով բնակարանի ամրակցման իրավունքը հաստատող փաստաթղթերը (աշխատանքային պայմանագրի պատճենը, ձեռնարկության, հիմնարկության, կազմակերպության միջնորդագիրը):

11. Պահպանական վկայականը (ամրացագիրը) կորցնում է ուժը ժամկետը լրանալու այն պահից, որի համար տրվում է, վարձակալի կամ նրա ընտանիքի անդամների ժամկետից շուտ վերադառնալու, կամ այն ոչ իսկական ժամկետից շուտ չեղյալ ճանաչելու մասին դատարանի վճռի ուժի մեջ մտնելու պահից:

12. Բնակարանը չի ամրակցվում`

ա) ծառայական բնակարաններում կամ հանրակացարաններում բնակվող վարձակալների համար.

բ) ժամանակավոր բնակիչների կամ ենթավարձակալների համար.

գ) բնակարանային-շինարարական կոոպերատիվների տներում և քաղաքացիների անձնական սեփականությունը հանդիսացող տներում վարձակալների համար.

դ) այն անձանց համար, որոնց նկատմամբ հայց է ներկայացվել բնակարանի վարձակալության պայմանագրի լուծման կամ փոփոխման մասին, մինչև վեճի սահմանված կարգով լուծումը.

ե) բնակվարձի կամ կոմունալ ծառայությունների վճարումների գծով պարտք ունեցող վարձակալների համար (մինչև պարտքի մարումը).

զ) օրենսդրությամբ նախատեսված այլ դեպքերում:

13. Այն բնակտարածությունը, որից օգտվելու իրավունքը պահպանվում է ժամանակավորապես բացակայող քաղաքացու կողմից, ավելորդ չի համարվում:

14. Բնակարանների վարձակալները իրավունք ունեն ամրակցված բնակարանները օգտագործման հանձնել ենթավարձակալներին կամ ժամանակավոր բնակվողներին պահպանական վկայականի (ամրացագրի) գործողության ժամկետի սահմաններում:

15. Եթե ժամանակավորապես մեկնող վարձակալը վարձատուին իրավունք է տվել ամրակցված բնակարանի ժամանակավոր բնակեցման համար վարձատուի հայեցողությամբ, ապա մինչև վարձակալի կամ նրա ընտանիքի անդամների վերադառնալու ժամկետով դրանում բնակեցված անձանց հետ վարձատուն կնքում է վարձակալության ժամանակավոր պայմանագիր:

16. Այն անձինք, որոնք վարձատուի կողմից բնակեցվել են ամրակցված բնակարանում, սույն հրահանգի 14-րդ կետով նախատեսված դեպքերում պարտավոր են պահպանել բնակտարածությունից օգտվելու, բնակելի տան և տնամերձ տարածության պահպանելու կանոնները և վարձատուին մուծել համապատասխան բնակվարձ և կոմունալ ծառայությունների վարձ ընդհանուր հիմունքներով:

17. Վարձակալի և նրա ընտանիքի անդամների բացակայության ժամկետով ամրակցված բնակարանում վարձակալի և վարձատուի կողմից բնակեցված անձինք այդ բնակարանի նկատմամբ ինքնուրույն իրավունք ձեռք չեն բերում:

18. Վարձակալի կամ նրա ընտանիքի անդամների վերադառնալու ժամանակ նրանք իրավունք ունեն պահանջել ամրակցված բնակարանի շտապ ազատումը, անկախ ամրացագրի ժամկետը լրանալուց: Ենթավարձակալի, կամ ժամանակավոր բնակիչների կողմից բնակարանը ազատելուց հրաժարվելու դեպքում, նրանք վարձակալի պահանջով ենթակա են վտարման դատական կարգով, առանց ուրիշ բնակարան հատկացնելու:

Այդ նույն կարգով վտարվում են սույն հրահանգի 14 կետով սահմանված կարգով ամրակցված բնակարաններում բնակեցված անձինք:

19. Պահպանական վկայականի (ամրացագրի) գործողության ժամկետը լրանալուց հետո, վարձակալն ու նրա ընտանիքի անդամները պահպանում են զբաղեցրած բնակտարածության նկատմամբ իրենց իրավունքը վեց ամսվա ընթացքում:

Պահպանական վկայականի (ամրացագրի) գործողության ժամկետը լրանալուց հետո վեց ամիս անցնելուն պես, բնակարանի վարձակալության պայմանագիրը Հայկական UUՀ բնակարանային օրենսգրքի 61-րդ հոդվածին համապատասխան վարձատուի հայցով կարող է լուծվել դատական կարգով:

Հավելված թիվ 1 Հայկական ՍՍՀ-ում պետական ու հանրային բնակելի ֆոնդի տներում բնակարանների ամրակցման կարգի մասին հրահանգի էջ1,  էջ2,  էջ3,  էջ4

 

Հավելված թիվ 2 Հայկական ՍՍՀ-ում պետական ու հանրային բնակելի ֆոնդի տներում բնակարանների ամրակցման կարգի մասին հրահանգի