«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
6 դԵԿՏԵՄԲԵՐԻ 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 6 դեկտեմբերի 1996 թվականի N 370

քաղ. Երևան

ՕՐԵՆՔՆԵՐԻ ԵՎ ԱՅԼ ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՊԱՇՏՈՆԱԿԱՆ ՎԵՐԱՀՐԱՏԱՐԱԿՄԱՆ ՄԱՍԻՆ

Համաձայն «Հայաստանի Հանրապետության օրենքների, այլ նորմատիվ իրավական ակտերի հրապարակման և ուժի մեջ մտնելու կարգի մասին» Հայաստանի Հանրապետության օրենքի 9 հոդվածի, Հայաստանի Հանրապետության կառավարությունը որոշում է.

1. Սահմանել, որ օրենքների և այլ նորմատիվ իրավական ակտերի պաշտոնական վերահրատարակումն իրականացնում են Հայաստանի Հանրապետության արդարադատության նախարարությունը կամ նրա կողմից սահմանված կարգով` օրենքների և այլ նորմատիվ իրավական ակտերի պաշտոնական վերահրատարակման լիցենզիա ունեցող ձեռնարկություններն ու անհատ ձեռներեցները:

2. Սահմանել, որ օրենքների և այլ նորմատիվ իրավական ակտերի պաշտոնական վերահրատարակման ժամանակ նշվում է դրանց անվանումը, ծածկագիրը, ընդունման, վավերացման կամ ստորագրման տարին, ամիսը, ամսաթիվը, վայրը, գրանցման համարը:

3. Սույն որոշումն ուժի մեջ է մտնում 1996 թվականի դեկտեմբերի 6-ից:

Հայաստանի Հանրապետության վարչապետ

Ա. ՍԱՐԳՍՅԱՆ