ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 մայիսի 1993 թվականի N 244

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՎԱՐՉՈՒԹՅԱՆ ՀԱՄԱԿԱՐԳԻ ՄԱՔՍԱՏՆԵՐԻ ՎԵՐԱԿԱՌՈՒՑՄԱՆ ՄԱՍԻՆ

Հայաստանի Հանրապետության մաքսային ծառայության աշխատանքի կատարելագործման և արդյունավետության բարձրացման նպատակով Հայաստանի Հանրապետության կառավարությունը որոշում է`

1. Համաձայնվել Հայաստանի Հանրապետության մաքսային վարչության առաջարկությանը` Երևանի «Զվարթնոց» օդանավակայանի ու Երևանի բեռների և փոստային առաքումների մաքսատները` Արարատյան տարածաշրջանային մաքսատան, իսկ Գյումրիի մաքսատունը և Գյումրիի օդանավակայանի ու Բավրայի մաքսային կետերը` Շիրակի տարածաշրջանային մաքսատան վերակառուցման և Լոռու ու Զանգեզուրի տարածաշրջանային մաքսատների ստեղծման վերաբերյալ:

2. Հիշյալ տարածաշրջանային մաքսատների աշխատողների աշխատանքի վարձատրությունն իրականացնել Հայաստանի Հանրապետության մաքսային վարչությանը հաստատված աշխատանքի վարձատրման ֆոնդի սահմաններում:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ