ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

 25 ապրիլի 1995 թվականի N 234

քաղ. Երևան

ԲՆԱՄԹԵՐԱՅԻՆ (ՈՉ ԴՐԱՄԱԿԱՆ) ՁԵՎՈՎ ՍՏԱՑՎԱԾ ԵԿԱՄՈՒՏՆԵՐԸ ՀԱՐԿՄԱՆ ՕԲՅԵԿՏՈՒՄ ՀԱՇՎԻ ԱՌՆԵԼՈՒ ԿԱՐԳԻ ՍԱՀՄԱՆՄԱՆ ՄԱՍԻՆ

Ի կատարումն Հայաստանի Հանրապետության Գերագույն խորհրդի 1995 թվականի հունվարի 17-ի «Եկամտահարկի մասին» Հայաստանի Հանրապետության օրենքի կիրարկման կարգի մասին» որոշման 3-րդ կետի «ա» ենթակետի, Հայաստանի Հանրապետության կառավարությունը որոշում է`

1. Սահմանել, որ ձեռնարկությունների, հիմնարկների, կազմակերպությունների կողմից ապրանքներով, աշխատանքներով, ծառայություններով կամ գույքով (այսուհետև` ապրանքներ) աշխատանքի վարձատրություն կամ օգնություն (նվիրատվություն) տրամադրելու դեպքում ֆիզիկական անձանց եկամուտների հաշվարկման համար հիմք են ընդունվում`

ա) սեփական արտադրության ապրանքներ տրամադրելու դեպքում` տվյալ ամսում այլ գնորդների (սպառողների) այդ ապրանքների իրացման առնվազն միջին գները, իսկ դրանց բացակայության դեպքում` վարձատրությանը նախորդող ամսում այլ գնորդների (սպառողների) այդ ապրանքների իրացման առնվազն միջին գները, վերջիններիս բացակայության դեպքում` ապրանքների ինքնարժեքը.

բ) ոչ սեփական արտադրության ապրանքներ տրամադրելու դեպքում` այդ ապրանքների ձեռքբերման գինը:

2. Սույն որոշումը կիրարկել 1995 թվականի մայիսի 1-ից:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ԱՌԱՋԻՆ ՏԵՂԱԿԱԼ

Վ. ՄԱՆՈՒԿՅԱՆ