ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 մարտի 1992 թվականի N 177

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՆԿԵՐՈՒՄ ՓԱՍՏԱԹՂԹԱՇՐՋԱՆԱՌՈՒԹՅԱՆ ԱՐԱԳԱՑՄԱՆ ՄԻՋՈՑԱՌՈՒՄՆԵՐԻ ՄԱՍԻՆ

Մինչև «Հայաստանի բանկերի և բանկային գործունեության մասին» Հայաստանի Հանրապետության օրենքի ընդունումը, Հայաստանի Հանրապետության բանկերում փաստաթղթաշրջանառության արագացման, ինչպես նաև ձեռնարկությունների և կազմակերպությունների ֆինանսական վիճակի բարելավման նպատակով Հայաստանի Հանրապետության կառավարությունը որոշում է`

1. Սահմանել, որ բանկային փաստաթղթերի մշակման նախատեսված ժամկետների խախտման դեպքում բանկերը, այդ թվում նաև` առևտրային, յուրաքանչյուր ժամկետանց օրվա համար հաշվի տիրոջը վճարում են տուգանք` ժամանակին չփոխանցված և մուտքագրված գումարի 0,5 տոկոսի չափով:

2. Հայաստանի Հանրապետության բանկին` ֆինանսների նախարարության հետ համատեղ, 10-օրյա ժամկետում սահմանել բանկերում և հաշվարկային կենտրոններում փաստաթղթերի մշակման նվազագույն ժամկետներ, ինչպես նաև սույն որոշմամբ նախատեսված տուգանքի հաշվառման և գանձման կարգը:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ