ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 սեպտեմբերի 1994 թվականի N 444

քաղ. Երևան

ԲՆԱԿԵԼԻ ՇԵՆՔԵՐԻ ՀԱՐԴԱՐՄԱՆ ՈՒ ՍԱՐՔԱՎՈՐՄԱՆ ԱՇԽԱՏԱՆՔՆԵՐԻ ՏԵՍԱԿՆԵՐԻ ԵՎ ԾԱՎԱԼՆԵՐԻ ՄԱՍՆԱԿԻ ԿՐՃԱՏՄԱՆ ԺԱՄԱՆԱԿԱՎՈՐ ԹՈՒՅԼՏՎՈՒԹՅԱՆ ՄԱՍԻՆ

Պետական բյուջեի սահմանափակ հնարավորությունների, շինանյութերի և սարքավորումների հանրապետություն ներկրման ծանր պայմաններում բնակելի շինարարության համար հատկացված կապիտալ ներդրումներով առավելագույն քանակի բնակելի մակերես շահագործման հանձնելու նպատակով Հայաստանի Հանրապետության կառավարությունը որոշում է`

1. Սահմանել, ժամանակավորապես, որ պետական բյուջեի հաշվին կառուցվող բնակելի շենքերը շահագործման են հանձնվում հարդարման, սարքավորման և դրանց շրջակայքի բարեկարգման աշխատանքների տեսակների, ծավալների մասնակի կրճատմամբ ու փոփոխմամբ, համաձայն հավելվածի:

Թույլատրված կրճատումների և փոփոխությունների դեպքում պատվիրատուները սահմանված կարգով փոփոխություններ են կատարում նախագծանախահաշվային փաստաթղթերում և ճշգրտումներ մտցնում ներկայացվող հաշվետվություններում: Կառույցի ընդունման ակտին կցվում է տեղեկանք կատարված կրճատումների ու փոփոխությունների մասին, համապատասխան գումարային հաշվարկներով, հաստատված պատվիրատուի ու կապալառուի կողմից:

2. Հայաստանի Հանրապետության նյութական ռեսուրսների նախարարությանը, «Հայարդշինանյութեր» ՊԱՄ-ին և Հայաստանի Հանրապետության շինարարության նախարարությանը` ընդլայնել բնակչությանը մատուցվող ծառայությունների տեսականին և ձեռնարկել անհրաժեշտ միջոցներ բնակչության շինանյութերի և սարքավորումների նկատմամբ պահանջը առաջնահերթ կարգով ապահովելու համար:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

Ց Ա Ն Կ

ԲՆԱԿԵԼԻ ՇԵՆՔԵՐԻ ՀԱՐԴԱՐՄԱՆ, ՍԱՐՔԱՎՈՐՄԱՆ ՈՒ ԴՐԱՆՑ ՇՐՋԱԿԱՅՔԻ ԲԱՐԵԿԱՐԳՄԱՆ ՄԱՍՆԱԿԻ ԿՐՃԱՏՎԱԾ ԵՎ ՓՈՓՈԽՎԱԾ ԱՇԽԱՏԱՆՔՆԵՐԻ ՏԵՍԱԿՆԵՐԻ ԵՎ ԾԱՎԱԼՆԵՐԻ

Աշխատանքի անվանումը	Իրականացվող աշխատանքի տեսակը և ծավալը
1	2
Պատերի արտաքին մակերեսի հարդարում	կարերի և ճաքերի քսահարթում ցեմենտ-ավազի շաղախով
Սենյակների, խոհանոցների և միջանցքների պատերի և առաստաղների հարդարում	բետոնե պատերի դեպքում` կարերի և ճաքերի քսահարթում գաջի շաղախով քարե պատերի և միջնապատերի դեպքում` միաշերտ սվաղ գաջի շաղախով
Լողասենյակների և սանհանգույցների պատերի հարդարում	սվաղ ցեմենտ-ավազի շաղախով
Սենյակների, խոհանոցների և միջանցքների հատակների պատրաստում	լինոլեումի տեղադրում ցեմենտ-ավազի հարթաշերտի վրայից
Լողասենյակների և սանհանգույցների հատակների պատրաստում	ցեմենտի հատակի պատրաստում ողորկումով
Պատշգամբների հատակների պատրաստում	ցեմենտի հատակի պատրաստում ողորկումով
Նկուղների հատակների պատրաստում	տոփանած գրունտով հատակների պատրաստում
Աստիճանների, միջհարկային և մուտքի հարթակների պատրաստում	ողորկում ցեմենտի շաղախով
Դռների տեղադրում	բնակարանների մուտքերի, լողասենյակների և սանհանգույցների դռների տեղադրում, շենքի մուտքերի միաշերտ դռների տեղադրում
Պատուհանների տեղադրում	երկշերտ պատուհանների տեղադրում միաշերտ ապակեպատումով
Լողասենյակների և սանհանգույցների սարքավորումների տեղադրում	զուգարանի կոնքի (ունիտազի), լվացարանի, հատականցքի (տրապի) կամ ցնցուղի հիմքի տեղադրում
Խոհանոցային սարքավորումների տեղադրում	լվացարանի տեղադրում
Ջեռուցում	ներքին ցանցի մոնտաժում առանց մարտկոցների տեղադրման
Գազամատակարարում	արտաքին և ներքին ցանցերը, գազօջախներն ու գազի ջրատաքացուցիչները չեն մոնտաժվում
Էլեկտրամատակարարում	արտաքին լուսավորման ցանցերն ու սարքերը չեն մոնտաժվում խոհանոցների էլեկտրական սալիկները չեն տեղադրվում
Թույլ հոսանքի սարքավորում	ռադիոհաղորդակցական ցանցի մոնտաժում
Բարեկարգում	տարածքի ուղղաձիգ հարթեցում շենքերի մուտքերին տոփանած խճի ծածկույթով, բետոնե եզրաքարերով ավտոմեքենաների մոտեցման ճանապարհների կառուցում շենքերի շրջափակի (մայթի) սալարկման իրականացում
Կոյուղի	կոյուղի չունեցող գյուղական բնակավայրերում կոյուղու հորերի տեղադրում` ներքին ցանցի միացումով

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ