ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

7 նոյեմբերի 1991 թվականի N 633

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՈՉ ՊԵՏԱԿԱՆ ԲԱՐՁՐԱԳՈՒՅՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԳՐԱՆՑՄԱՆ ԿԱՐԳԻ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. Հայաստանի Հանրապետության տարածքում ոչ պետական բարձրագույն ուսումնական հաստատությունները գրանցում է Հայաստանի Հանրապետության Նախարարների խորհուրդը` Հայաստանի Հանրապետության բարձրագույն կրթության և գիտության պետական կոմիտեի ներկայացմամբ:

2. Ոչ պետական ուսումնական հաստատությունների շրջանավարտներին աշխատանքի տեղավորելու հարցում պետությունը պարտավորություն չի ստանձնում:

3. Հայաստանի Հանրապետությունում սահմանել բարձրագույն ուսումնական հաստատությունների հավատարմագրում` որպես կադրերի պատրաստման պետական պահանջներին համապատասխանության ճանաչման ակտ:

4. Հայաստանի Հանրապետության բարձրագույն կրթության և գիտության պետական կոմիտեին`

ա) երկամսյա ժամկետում մշակել և Հայաստանի Հանրապետության Նախարարների խորհրդի հաստատմանը ներկայացնել բարձրագույն ուսումնական հաստատությունների հավատարմագրման կանոնադրությունը.

բ) կատարել գրանցված ոչ պետական բարձրագույն կրթության ուսումնական հաստատությունների հաշվառում:

6. Ուժը կորցրած ճանաչել Հայաստանի Հանրապետության Նախարարների խորհրդի 1991 թվականի մարտի 11-ի «Հայաստանի Հանրապետության ոչ պետական բարձրագույն ուսումնական հաստատությունների գրանցման կարգի մասին» N 196 որոշումը:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահԻ ՊԱՇՏՈՆԱԿԱՏԱՐ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ