ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 ապրիլի 1995 թվականի N 199

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻ 1991 ԹՎԱԿԱՆԻ ՄԱՐՏԻ 5-Ի N 164 ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1994 ԹՎԱԿԱՆԻ ՍԵՊՏԵՄԲԵՐԻ 3-Ի N 410 ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Գյուղացիական և գյուղացիական կոլեկտիվ տնտեսություններին հողի սեփականության իրավունքի պետական ակտերի հանձնման աշխատանքներն արագացնելու նպատակով Հայաստանի Հանրապետության կառավարությունը որոշում է`

Հայաստանի Հանրապետության Նախարարների խորհրդի 1991 թվականի մարտի 5-ի N 164 և Հայաստանի Հանրապետության կառավարության 1994 թվականի սեպտեմբերի 3-ի N 410 որոշումներում կատարել հետևյալ փոփոխությունները`

ա) Հայաստանի Հանրապետության Նախարարների խորհրդի 1991 թվականի մարտի 5-ի «Հողի սեփականության և օգտագործման իրավունքի պետական ակտերի ձևերը հաստատելու մասին» N 164 որոշման 2-րդ կետի վերջին պարբերությունը շարադրել հետևյալ խմբագրությամբ`

«Հողի սեփականության և օգտագործման իրավունքի պետական ակտերը կազմվում են մեկ օրինակից, որը տրվում է հողի սեփականատիրոջը կամ օգտագործողին, իսկ շրջանային հողաշինարարական ծառայությունում պահվում է տվյալ հողամասի հատակագծի լուսապատճենը».

բ) Հայաստանի Հանրապետության կառավարության 1994 թվականի սեպտեմբերի 3-ի «Հողի սեփականության իրավունքի պետական ակտերի հանձնման աշխատանքների մասին» N 410 որոշման 2-րդ կետում «Հայաստանի Հանրապետության գյուղատնտեսության նախարարության պատվերով» բառերը փոխարինել «պատգամավորների տեղական խորհուրդների գործադիր կոմիտեների պատվերով» բառերով.

նույն որոշմամբ հաստատված հողի սեփականության իրավունքի պետական ակտերի կազմման և տրամադրման ժամանակավոր կարգի 4-րդ կետը շարադրել հետևյալ խմբագրությամբ`

«4. Հողի սեփականության իրավունքի պետական ակտերը կազմվում են մեկ օրինակից, որը տրվում է հողի սեփականատիրոջը, իսկ շրջանային հողաշինարարական ծառայությունում պահվում է տվյալ հողամասի հատակագծի լուսապատճենը»:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ