Գլխավոր տեղեկություն
Համար
հ.ն-0958-1
Տիպ
Որոշում
Ակտի տիպ
Հիմնական ակտ (01.11.1993-մինչ օրս)
Կարգավիճակ
Գործում է
Սկզբնաղբյուր
ՀՀԳԽՏ 1993/3-4
Ընդունող մարմին
ՀՀ Գերագույն խորհուրդ
Ընդունման ամսաթիվ
01.11.1993
Ստորագրող մարմին
ՀՀ ԱԺ նախագահի տեղակալ, ՀՀ ԱԺ նախագահի պաշտոնակատար
Ստորագրման ամսաթիվ
01.11.1993
Ուժի մեջ մտնելու ամսաթիվ
01.11.1993

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

 

Ո Ր Ո Շ ՈՒ Մ Ը

 

«ԶԻՆԱՊԱՐՏՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԿԻՐԱՐԿԵԼՈՒ ՄԱՍԻՆ

 

Հայաստանի Հանրապետության Գերագույն խորհուրդը որոշում է.

1. «Զինապարտության մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքը կիրարկել հրապարակման պահից:

2. Ժամկետային զինվորական ծառայության զորակոչը հայտարարելուց հետո, զորակոչով նախատեսված ժամկետի ավարտից ոչ ուշ, քան 5 օր առաջ համապատասխան զինվորական կոմիսարիատ չներկայացած զորակոչիկը համարվում է զինվորական ծառայության զորակոչից խուսափող և պատասխանատվություն է կրում օրենքով սահմանված կարգով:

3. Հայաստանի Հանրապետության կառավարությանը`

ա) տասնօրյա ժամկետում հաստատել այն միջնակարգ մասնագիտական ուսումնական հաստատությունների ցանկը, որոնց սովորողներին տրվում է զինվորական ծառայությունից տարկետման իրավունք.

 բ) տասնօրյա ժամկետում սահմանել այն քաղաքացիների կատեգորիաները, որոնց կարող է տարկետում տրվել ժամկետային զինվորական ծառայության զորակոչից.

գ) երկշաբաթյա ժամկետում սահմանել այլ պետություններում Հայաստանի Հանրապետության քաղաքացիների զինվորական հաշվառման և Հայաստանի Հանրապետության` 18 տարին լրացած արական սեռի քաղաքացիների համապատասխան զինվորական կոմիսարիատ ներկայանալու ապահովման կարգը:

4. Հայաստանի Հանրապետության պաշտպանության նախարարությանը`

մեկամսյա ժամկետում պաշտպանության նախարարության համակարգում ստեղծել կարգապահական գումարտակ:

 

Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ

բ. արարքցյան


1 նոյեմբերի 1993 թվականի,
քաղ. Երևան
արձ. հ. 342, կետ 5
հ.ն-0958-1