ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

20 հուլիսի 1993 թվականի N 377

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԿԱԹԳԻԾԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ՀԱՂՈՐԴԱԿՑՈՒԹՅԱՆ ՆԱԽԱՐԱՐՈՒԹՅԱՆԸ ՀԱՆՁՆԵԼՈՒ ՄԱՍԻՆ

Ղեկավարվելով «Հայաստանի Հանրապետության կառավարության կազմի և կառուցվածքի մասին» Հայաստանի Հանրապետության օրենքով, և տրանսպորտի կառավարման կառուցվածքի կատարելագործման նպատակով Հայաստանի Հանրապետության կառավարությունը որոշում է`

1. Հայաստանի Հանրապետության երկաթգիծը հանձնել Հայաստանի Հանրապետության տրանսպորտի և հաղորդակցության նախարարության ենթակայությանը:

2. Հայաստանի Հանրապետության տրանսպորտի և հաղորդակցության նախարարությանը`

ա) Հայաստանի Հանրապետության երկաթգծի հետ համատեղ ստեղծել հանձնաժողով և մեկամսյա ժամկետում ավարտել Հայաստանի Հանրապետության երկաթգծի գույքը սահմանված կարգով նախարարության հաշվեկշռին հանձնելու աշխատանքները.

բ) մեկամսյա ժամկետում Հայաստանի Հանրապետության կառավարության հաստատմանը ներկայացնել նախարարության կանոնադրությունը և առաջարկություններ` Հայաստանի Հանրապետության երկաթգծին վերաբերող գործող ենթաօրենսդրական ակտերում փոփոխություններ կատարելու մասին:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ