ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 ապրիլի 1992 թվականի N 225

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱԿԱՆ ԲՆԱԿԱՎԱՅՐԵՐՈՒՄ ԼՔՎԱԾ ՏՆԵՐԻ ԵՎ ՕԺԱՆԴԱԿ ԿԱՌՈՒՅՑՆԵՐԻ ՏՆՕՐԻՆՄԱՆ ՄԱՍԻՆ

Հայաստանի Հանրապետության գյուղական բնակավայրերի լքված տների և օժանդակ կառույցների հետագա տնօրինման համար Հայաստանի Հանրապետության կառավարությունը որոշում է`

1. Հանրապետության գյուղական բնակավայրերի լքված և կիսակառույց տներն ու օժանդակ կառույցները հանձնել շրջանային խորհուրդների գործկոմների տնօրինությանը:

2. Լքված տների և օժանդակ կառույցների բնակեցումը կատարել շրջանային խորհուրդների գործադիր կոմիտեների կողմից` Հայաստանի Հանրապետության փախստականների հարցերի պետական վարչության համաձայնությամբ:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ