ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

12 մայիսի 1991 թվականի N 347

քաղ. Երևան

ԲՆԱԿԵԼԻ ՏԱՐԱԾՈՒԹՅՈՒՆՆԵՐԻ ՓՈԽԱՆԱԿՄԱՆ ԿԱՆՈՆՆԵՐՈՒՄ ՓՈՓՈԽՈՒԹՅՈՒՆՆԵՐ ՄՏՑՆԵԼՈՒ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. Ընդունել ժողովրդական պատգամավորների Երևանի քաղխորհրդի գործկոմի առաջարկությունը և Հայկական ԽՍՀ Մինիստրների խորհրդի 1986 թվականի մայիսի 5-ի N 290 որոշմամբ հաստատված Հայկական ԽՍՀ-ում բնակելի տարածությունների փոխանակման կանոններում մտցնել հետևյալ փոփոխությունները`

ա) 9-րդ կետի «ա» ենթակետի առաջին և «բ» ենթակետի երկրորդ պարբերությունները լրացնել հետևյալ բառերով` «իսկ Երևան քաղաքում` ժողովրդական պատգամավորների Երևանի քաղաքային խորհրդի գործադիր կոմիտեի որոշմամբ».

բ) 12-րդ կետի 8-րդ պարբերության առաջին նախադասությունը լրացնել հետևյալ բառերով` «իսկ եթե փոխանակվող տարածություններից որևէ մեկը գտնվում է Երևան քաղաքում, փոխանակող այդ կողմը դիմումը ներկայացնում է ժողովրդական պատգամավորների Երևանի քաղխորհրդի գործկոմի բնակելի ֆոնդի հաշվառման և բաշխման վարչությանը»:

2. Ուժը կորցրած ճանաչել Հայկական ԽՍՀ Մինիստրների խորհրդի 1987 թվականի փետրվարի 26-ի N 116 որոշումը:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ