ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

13 նոյեմբերի 2009 թ. ք. Երևան

N 670-Ա

Հ Ր Ա Մ Ա Ն

ՄԻ ՇԱՐՔ ԿԱԶՄԱԿԵՐՊՈՒԹՅՈՒՆՆԵՐԻՆ ՏՐԱՄԱԴՐՎԱԾ ԸՆԴՀԱՆՈՒՐ ՕԳՏԱԳՈՐԾՄԱՆ ՈՒՂԵՎՈՐԱՏԱՐ ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ԿԱՆՈՆԱՎՈՐ ՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԼԻՑԵՆԶԻԱՆԵՐԻ ԳՈՐԾՈՂՈՒԹՅՈՒՆՆԵՐԻ ԿԱՍԵՑՈՒՄԸ ՎԵՐԱՑՆԵԼՈՒ ՄԱՍԻՆ

«Լիցենզավորման մասին» Հայաստանի Հանրապետության օրենքի 34-րդ հոդվածի 7-րդ կետին համապատասխան և հիմք ընդունելով` «ԷԴԳԱՐ ԳԵՎՈՐԳՅԱՆ» սահմանափակ պատասխանատվությամբ ընկերության 2009 թվականի նոյեմբերի 9-ի և «ՎԱՉԱԳԱՆ-ՆԱՎԱՍԱՐԴ» սահմանափակ պատասխանատվությամբ ընկերության 2009 թվականի նոյեմբերի 3-ի գրություններն ու տարեկան պետական տուրքի և տույժերի վճարման անդորրագրերի պատճենները.

վերացնել Հայաստանի Հանրապետության տրանսպորտի և կապի նախարարի 2009 թվականի հոկտեմբերի 9-ի «Մի շարք կազմակերպություններին տրամադրված ընդհանուր օգտագործման ուղևորատար ավտոմոբիլային տրանսպորտով կանոնավոր փոխադրումների կազմակերպման լիցենզիաների գործողությունները կասեցնելու մասին» N 579-Ա հրամանի 1-ին կետով նշված հետևյալ ընկերությունների լիցենզիաների գործողությունների կասեցումը`

1. «ԷԴԳԱՐ ԳԵՎՈՐԳՅԱՆ» սահմանափակ պատասխանատվությամբ ընկերության 2007 թվականի նոյեմբերի 9-ի N ՏԿՈՒ 00183 լիցենզիայի գործողությունը 2009 թվականի նոյեմբերի 10-ից:

2. «ՎԱՉԱԳԱՆ-ՆԱՎԱՍԱՐԴ» սահմանափակ պատասխանատվությամբ ընկերության 2007 թվականի նոյեմբերի 9-ի N ՏԿՈՒ 00178 լիցենզիայի գործողությունը 2009 թվականի նոյեմբերի 4-ից:

ՀՀ տրանսպորտի և կապի նախարար`

Գ. Սարգսյան