ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
1995 ԹՎԱԿԱՆԻ ԸՆԹԱՑՔՈՒՄ ՀԱՅԽՆԱՅԲԱՆԿՈՒՄ ԲՆԱԿՉՈՒԹՅԱՆ ԽՆԱՅՈՂՈՒԹՅՈՒՆՆԵՐԻ ԻՆԴԵՔՍԱՎՈՐՄԱՆ ՄԱՍԻՆ
Հայխնայբանկում բնակչության խնայողությունների ինդեքսավորման նպատակով Հայաստանի Հանրապետության Գերագույն խորհուրդը որոշում է.
1. 1995 թվականի ընթացքում պետական ձեռնարկությունների և անավարտ շինարարության օբյեկտների սեփականաշնորհումից 1995 թվականին հանրապետական բյուջե մուտք եղած գումարների 15 տոկոսն ուղղել Հայխնայբանկում բնակչության խնայողությունների ինդեքսավորմանը:
2. Հայաստանի Հանրապետության կառավարությանը` իրականացնել բնակչության խնայողությունների ինդեքսավորում կիսամյակը մեկ` սեփականաշնորհումից բյուջե մուտք եղած փաստացի գումարների հաշվին:
3. Հայաստանի Հանրապետության Գերագույն խորհրդի 1994 թվականի հունվարի 12-ի «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1994 թվականի ծրագրի մասին» որոշման ծրագրի 12-րդ կետի (աղյուսակ 1) սեփականաշնորհումից և ապապետականացումից սպասվելիք միջոցների օգտագործման բնագավառների օգտագործման առաջին ուղղությունից` բնակչության սոցիալական պաշտպանվածությանն ուղղված միջոցառումների ֆինանսավորում, 0,2 բաշխման գործակցով: 0,15 գործակցի չափով ուղղել Հայխնայբանկում բնակչության խնայողությունների ինդեքսավորմանը և Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1995 թվականի ծրագրի սպասվելիք միջոցների օգտագործման բնագավառում Հայխնայբանկում բնակչության խնայողությունների ինդեքսավորման ուղղությանը 0,15 բաշխման գործակցով սահմանել առանձին տողով:
4. Հայաստանի Հանրապետության կառավարությանը` մինչև Հայաստանի Հանրապետության Գերագույն խորհրդում 1996 թվականի պետական բյուջեի քննարկումը, բայց ոչ ուշ, քան 1995 թվականի դեկտեմբերի 1-ը, Հայաստանի Հանրապետության Գերագույն խորհուրդ ներկայացնել առաջարկություն նախկին ԽՍՀՄ խնայբանկի Հայաստանի Հանրապետության բանկում Հայաստանի Հանրապետության քաղաքացիների խնայողությունների փոխհատուցման լրացուցիչ միջոցառումների մասին:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ |
բ. արարքցյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|