ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

Ո Ր Ո Շ ՈՒ Մ Ը

«ԳՈՒՅՔԱՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՄԱՆ ԿԱՐԳԻ ՄԱՍԻՆ

Հայաստանի Հանրապետության Գերագույն խորհուրդը որոշում է.

1. «Գույքահարկի մասին» Հայաստանի Հանրապետության օրենքը կիրարկել օրենքի 3 հոդվածով սահմանված հարկման օբյեկտ չհանդիսացող գույքի կազմի և գույքի գնահատման կարգի հաստատմանը հաջորդող եռամսյակի սկզբից:

2. Հայաստանի Հանրապետության կառավարությանը` սույն օրենքի ընդունումից հետո.

ա) երկամսյա ժամկետում`

- սահմանել ձեռնարկությունների, հիմնարկների և կազմակերպությունների հարկման օբյեկտ չհանդիսացող գույքի կազմը,

- հաստատել գույքահարկով հարկման օբյեկտ հանդիսացող գույքի գնահատման կարգը,

- հաստատել սույն օրենքի 3 հոդվածի «բ» կետով սահմանված նորմերը` չհարկվող անասնագլխաքանակի համար,

- առաջարկություններ ներկայացնել Հայաստանի Հանրապետության սահմանամերձ շրջանների բնակավայրերում գույքահարկի արտոնություններ սահմանելու վերաբերյալ.

բ) եռամսյա ժամկետում Հայաստանի Հանրապետության կառավարության որոշումները համապատասխանեցնել սույն օրենքի պահանջներին և առաջարկություններ ներկայացնել Հայաստանի Հանրապետության Գերագույն խորհուրդ` Հայաստանի Հանրապետության օրենքներում սույն օրենքից բխող փոփոխություններ և լրացումներ կատարելու մասին.

գ) վեցամսյա ժամկետում`

- ապահովել ինքնակամ կառուցած շինությունները հաշվառելու, դրանք որպես սեփականություն գրանցելու հետ կապված հարցերի լուծումը Հայաստանի Հանրապետության օրենսդրությանը համապատասխան,

- իրականացնել գույքահարկով հարկման ենթակա շինությունների սահմանված կարգով գնահատման աշխատանքների կազմակերպումն ու ավարտումը:

3. Սույն օրենքի կիրարկման պահից ՀՀ տարածքում դադարեցնել`

ա) Հայաստանի Հանրապետության պետական ձեռնարկությունների, հիմնարկների և կազմակերպությունների հիմնական արտադրական ֆոնդերի օգտագործման համար վճարի գանձումը.

բ) ՍՍՀՄ Գերագույն սովետի նախագահության 1981 թվականի հունվարի 26-ի հ. 3819 հրամանագրով հաստատված «Տեղական հարկերի մասին» կանոնադրության գործողությունը:

Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ	բ. արարքցյան
17 հունվարի 1995 թվականի, քաղ. Երևան արձ. հ. 426, կետ 8 հ.ն-1132-1