ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՌՈՒԲԼԻՆ ՈՐՊԵՍ ՊԱՇՏՈՆԱԿԱՆ ՎՃԱՐՄԱՆ ՄԻՋՈՑ ԸՆԴՈՒՆԵԼՈՒ ՄԱՍԻՆ
Հայաստանի Հանրապետության և Ռուսաստանի Դաշնության, ինչպես նաև ռուբլու գոտում գտնվող մյուս հանրապետությունների միջև տնտեսական կապերն ամրապնդելու և զարգացնելու նպատակով Հայաստանի Հանրապետության Գերագույն խորհուրդը որոշում է.
1. Հայաստանի Հանրապետության տարածքում շրջանառության մեջ գտնվող` ԽՍՀՄ պետական բանկի կողմից բաց թողնվող 1961-1992 թվականների նմուշի թղթադրամները, ԽՍՀՄ պետական գանձատնային տոմսերը և մետաղադրամները, ինչպես նաև Ռուսաստանի Դաշնության Կենտրոնական բանկի կողմից բաց թողվող 1992, 1993 թվականների նմուշի դրամանիշները հանդիսանում են օրինական վճարման միջոց և ենթակա են պարտադիր ընդունման իրենց անվանական արժեքով Հայաստանի Հանրապետության ամբողջ տարածքում ձեռնարկությունների, հիմնարկների, կազմակերպությունների (անկախ սեփականության ձևից) և քաղաքացիների կողմից:
2. Հայաստանի Հանրապետության կառավարությանը և Հայաստանի Հանրապետության Կենտրոնական բանկին` բանակցություններ վարել Ռուսաստանի Դաշնության կառավարության և Ռուսաստանի Դաշնության Կենտրոնական բանկի հետ` ռուբլու գոտում Հայաստանի Հանրապետության մնալու, Հայաստանի Հանրապետության տարածքում ռուբլին որպես պաշտոնական վճարման միջոց օգտագործելու հետ կապված պարտավորություններն ու պահանջները պարզելու վերաբերյալ:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ |
բ. արարքցյան |
|
|
| Փոփոխող ակտ | Համապատասխան ինկորպորացիան | |
|---|---|---|
| 28.11.2006, ՀՕ-199-Ն | 04.01.2007, հ.ն-0843-I |
| Փոփոխող ակտ | Համապատասխան ինկորպորացիան |
|---|