«30» օգոստոսի 2024 թ․

թիվ 6-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ 2011 ԹՎԱԿԱՆԻ ՄԱՅԻՍԻ 30-Ի ԹԻՎ 1-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

«Նորմատիվ իրավական ակտերի մասին» օրենքի 33-րդ և 34-րդ հոդվածների համաձայն.

1. Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի 2011 թվականի մայիսի 30-ի «ՀՀ կառավարությանն առընթեր Հայաստանի Հանրապետության ոստիկանության սպառազինության մեջ ընդգրկված հատուկ միջոցները գործադրելու և դրանք ոստիկանության ծառայողներին հատկացնելու, պահպանելու և պիտանելիությունը պարբերաբար ստուգելու կարգը սահմանելու մասին» թիվ 1-Ն հրամանում (այսուհետ նաև՝ Հրաման) կատարել հետևյալ փոփոխությունները և լրացումը.

1) Հրամանի վերնագիրը շարադրել հետևյալ բովանդակությամբ նոր խմբագրությամբ.

«ՀԱՏՈՒԿ ՄԻՋՈՑՆԵՐԸ ԳՈՐԾԱԴՐԵԼՈՒ ԵՎ ԴՐԱՆՔ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻՆ ՀԱՏԿԱՑՆԵԼՈՒ, ԻՆՉՊԵՍ ՆԱԵՎ ՀԱՏՈՒԿ ՄԻՋՈՑՆԵՐԸ ՊԱՀՊԱՆԵԼՈՒ ԵՎ ԴՐԱՆՑ ՊԻՏԱՆԵԼԻՈՒԹՅՈՒՆԸ ՊԱՐԲԵՐԱԲԱՐ ՍՏՈՒԳԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ».

2) Հրամանի 1-ին կետը շարադրել հետևյալ բովանդակությամբ նոր խմբագրությամբ.

«1. Սահմանել հատուկ միջոցները գործադրելու և դրանք ոստիկանության ծառայողներին հատկացնելու, ինչպես նաև հատուկ միջոցները պահպանելու և դրանց պիտանելիությունը պարբերաբար ստուգելու կարգը` համաձայն հավելվածի:».

3) Հրամանով սահմանված հավելվածում՝

ա. վերնագիրը շարադրել հետևյալ բովանդակությամբ նոր խմբագրությամբ.

«ԿԱՐԳ

ՀԱՏՈՒԿ ՄԻՋՈՑՆԵՐԸ ԳՈՐԾԱԴՐԵԼՈՒ ԵՎ ԴՐԱՆՔ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻՆ ՀԱՏԿԱՑՆԵԼՈՒ, ԻՆՉՊԵՍ ՆԱԵՎ ՀԱՏՈՒԿ ՄԻՋՈՑՆԵՐԸ ՊԱՀՊԱՆԵԼՈՒ ԵՎ ԴՐԱՆՑ ՊԻՏԱՆԵԼԻՈՒԹՅՈՒՆԸ ՊԱՐԲԵՐԱԲԱՐ ՍՏՈՒԳԵԼՈՒ».

բ. 1-ին կետը շարադրել հետևյալ բովանդակությամբ նոր խմբագրությամբ.

«1. Սույն կարգով սահմանվում է Հայաստանի Հանրապետության ներքին գործերի նախարարության ոստիկանության (այսուհետ` ոստիկանություն) ծառայողների, բացառությամբ ոստիկանության զորքերի, կողմից հատուկ միջոցներ գործադրելու և դրանք ոստիկանության ծառայողներին հատկացնելու, ինչպես նաև հատուկ միջոցները պահպանելու և դրանց պիտանելիությունը պարբերաբար ստուգելու հետ կապված հարաբերությունները:».

գ. 2-րդ կետում «սույն օրենքով» բառերը փոխարինել ««Ոստիկանության մասին» օրենքով (այսուհետ՝ Օրենք)» բառերով.

դ. 3-րդ կետում «Ոստիկանության մասին» Հայաստանի Հանրապետության օրենքի» բառերը փոխարինել «Օրենքի» բառով, 1-ին ենթակետի «բ» պարբերության «ռետինե մահակ» բառերը փոխարինել «մահակներ» բառով, 2-րդ ենթակետի «իրականացման» բառը փոխարինել «ապահովման» բառով, իսկ «թ» պարբերության «ջրանետ մեքենաներ» բառերը՝ «ջրանետեր» բառերով․

ե. 4-րդ կետի 1-ին, 2-րդ, 7-րդ ենթակետերում «ռետինե մահակներ» բառերը փոխարինել «մահակներ» բառով, իսկ 1-ին, 2-րդ, 4-րդ, 6-րդ և 7-րդ ենթակետերում «ջրանետ մեքենաներ» բառերը՝ «ջրանետեր» բառով.

զ. 6-րդ կետի 1-ին ենթակետի «հաշմանդամների» բառը փոխարինել «հաշմանդամություն ունեցող անձանց» բառերով.

է. 11-րդ կետի «ռետինե մահակների» բառերը փոխարինել «մահակների» բառով.

ը. 18-րդ կետի 2-րդ ենթակետը շարադրել հետևյալ բովանդակությամբ նոր խմբագրությամբ․

«2) հատուկ միջոցառումների ապահովման միջոցներ՝ ոստիկանության պետ-Հայաստանի Հանրապետության ներքին գործերի նախարարի տեղակալը կամ վերջինիս հրամանով լիազորված ոստիկանության պետի տեղակալը։»․

թ. 23-րդ կետի «Ռետինե մահակներ» և «ռետինե մահակներով» բառերը համապատասխանաբար փոխարինել «Մահակներ» և «մահակներով» բառերով.

ժ. 30-րդ կետի «ջրանետ մեքենայի» բառերը փոխարինել «ջրանետի» բառով.

ժա. 33-րդ կետի «Ջրանետ մեքենաներ» և «ջրանետ մեքենայի» բառերը համապատասխանաբար փոխարինել «Ջրանետեր» և «ջրանետի» բառերով.

ժբ. 35-րդ կետի «ծառայական» բառը փոխարինել «ծառայողական» բառով.

ժգ. VII բաժնի վերնագրում «ՊԻՏԱՆԵԼԻՈՒԹՅԱՆ» բառից առաջ լրացնել «ԴՐԱՆՑ» բառը:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը։

Ոստիկանության գեներալ-մայոր	Ա. ՀՈՎՀԱՆՆԻՍՅԱՆ
«30» օգոստոսի 2024 թ․  ք. Երևան

Պաշտոնական հրապարակման օրը՝ 3 սեպտեմբերի 2024 թվական: