ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«11» հոկտեմբեր 2024 թ.

N 308-Ն

Հ Ր Ա Մ Ա Ն

ՄԱՇԿԻ ԱՏՐՈՖԻԿ ԽԱԽՏՈՒՄՆԵՐՈՎ ՊԱՑԻԵՆՏԻ ՎԱՐՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը`

1. Հաստատել մաշկի ատրոֆիկ խախտումներով պացիենտի վարման գործելակարգը՝ համաձայն hավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

11.10.2024

Ա. ԱՎԱՆԵՍՅԱՆ

Հավելված ՀՀ առողջապահության նախարարի 2024 թվականի հոկտեմբեր «11»-ի N 308-Ն հրամանի

ԳՈՐԾԵԼԱԿԱՐԳ

ՄԱՇԿԻ ԱՏՐՈՖԻԿ ԽԱԽՏՈՒՄՆԵՐՈՎ ՊԱՑԻԵՆՏԻ ՎԱՐՄԱՆ

1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10–րդ վերանայման դասակարգչի․

Հ/Հ	Կոդը	Անվանում
1)	L90	Մաշկի ատրոֆիկ խախտումներ
2)	L90․0	Սկլերոատրոֆիկ որքին, բացառությամբ՝ կանանց (N90.4) և տղամարդկանց (N48.0) արտաքին սեռական օգանների սկլերոտիկ որքինի
3)	L90․3	Պազինիի և Պիերինիի անետոդերմիա
4)	L90․5	Մաշկի թելքախտ (ֆիբրոզ) և սպիացում, ներառյալ՝ սերտաճած սպին, ցիկատրիքսը, ձևախեղող սպին, սպին` ԱՀՃ Բացառությամբ` գերաճական սպիի (L91.0), կելոիդային սպիի (L91.0)
5)	L90․6	Ատրո‎ֆիկ բծեր

2․ Նոզոլոգիաների խումբը կիրառելի է՝ ըստ սույն հավելվածով սահմանված Ձև 1–ի․

Ձև 1

1)	Տարիքային խումբ (նորածին, երեխա, դեռահաս, մեծահասակ)	Դեռահաս, մեծահասակ
2)	Սեռ (արական, իգական)	Արական, իգական
3)	Բարդություններ (առանց բարդությունների (ԱԲ), բարդություններով (Բ))	ԱԲ, Բ
4)	Հիվանդության փուլը (նկարագրել)	Կիրառելի չէ
5)	Բժշկական օգնության և սպասարկման պայմանները (բժշկական կազմակերպությունից դուրս, արտահիվանդանոցային պայմաններում, ցերեկային ստացիոնարի պայմաններում, հիվանդանոցային պայմաններում)	Արտահիվանդանոցային պայմաններում, ցերեկային ստացիոնարի պայմաններում, հիվանդանոցային պայմաններում
6)	Բժշկական օգնության և սպասարկման ծառայությունների մատուցման ձևը (շտապ, անհետաձգելի, պլանային)	Պլանային, շտապ
7)	Կիրառման շրջանակը (նշել մասնագետների շրջանակը)	Մաշկավեներաբան, ընտանեկան բժիշկ, մանկաբույժ, ալերգոլոգ և իմունոլոգ, մանկաբարձ-գինեկոլոգ, ուրոլոգ
8)	Գանգատներ	Մաշկածածկույթի առանձին տեղամասերի ցանավորում, քորի, ցավի զգացում։
9)	Անամնեզ	Մաշկի սպիական փոփոխություններ և ձգվածություն։
10)	Զննման արդյունք/Ցուցում	Մաշկածածկույթի առանձին տեղամասերում դիտվում են սպիտակավուն հանգուցիկներ, վահանիկներ՝ կենտրոնում խորացումով, մաշկի ատրոֆիկ փոփոխություններ, գերգունակավորում։
11)	Հոսպիտալացման Ցուցում	ա.տեղային բուժման նկատմամբ կայունություն, բ.տարածուն վարակային բարդությունների զարգացում

3․ Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2–ի (անհրաժեշտության դեպքում անհրաժեշտ է նշել հիվանդության փուլերը)․

Ձև 2

Հ/հ	Խորհրդատվության տեսակը	Տրամադրման քանակը
		ԱԲ	Բ
1)	Մաշկավեներաբան	1	1
2)	Ալերգոլոգ և իմունոլոգ	0,05	0,1
3)	Մանկաբույժ	0,2	0,2
4)	Ընտանեկան բժիշկ	0,2	0,05
5)	Մանկաբարձ-գինեկոլոգ	0,1	0,1
6)	Ուրոլոգ	0,1	0,1

4․ Սույն հավելվածի Ձև 2–ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը։

 5․ Լաբորատոր-գործիքային ախտորոշիչ հետազոտություններն իրականացվում են՝ ըստ Ձև 3–ի (անհրաժեշտության դեպքում անհրաժեշտ է նշել հիվանդության փուլերը)․

Ձև 3

	Լաբորատոր հետազոտություններ
Հ/Հ	Կոդը	Անվանումը	Տրամադրման քանակը		Արդյունք
			ԱԲ	Բ
1)	Առկա չէ	Արյան ընդհանուր հետազոտություն	1	1	Շեղումների հայտնաբերում
2)	Առկա չէ	Մաշկային ալերգիկ փորձերի իրականացում	0,1	0․3	Վիճակը բարդացնող հնարավոր ալերգենների որոշում
3)	Առկա չէ	Ախտահարված օջախի հյուսվածքաբանական հետազոտություն	0,05	0,1	Բուն մաշկի պտկիկային շերտի այտուց, շուրջանոթային ներսփռանք (լիմֆոցիտներ, հիստիոցիտներ), էլաստիկ թելերի նվազեցում, կոլագենային թելերի հոմոգենացում։

6․ Սույն հավելվածի Ձև 3–ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը։

7․ Օգտագործվող դեղերի ցանկը սահմանվում է ըստ Ձև 4–ի (անհրաժեշտության դեպքում նշել հիվանդության փուլերը)․

Ձև 4

Հ/հ	Անվանում, դեղաչափ, դեղաձև, փաթեթավորում	Անվանում /ջեներիկ/	Չ/Մ	Միջինացված ցուցանիշ՝ տրամադրման հաճախականություն	Միջին օրական չափաքանակ	Բուժման կուրսի միջին չափաքանակ	Օրերի քանակ
1)	Կլոբետազոլ (կլոբետազոլի պրոպիոնատ) 0,5մգ/գ	Կլոբետազոլ (կլոբետազոլի պրոպիոնատ) 0,5մգ/գ	նրբաքսուք արտաքին կիրառման	0,5	3	150	50
2)	Բետամեթազոն (բետամեթազոնի դիպրոպիոնատ), սալիցիլաթթու 0,5մգ/գ+30մգ/գ	Բետամեթազոն (բետամեթազոնի դիպրոպիոնատ), սալիցիլաթթու 0,5մգ/գ+30մգ/գ	քսուք արտաքին կիրառման	0,3	3	150	50
3)	Մոմետազոն (մոմետազոնի ֆուրոատ) 1մգ/գ	Մոմետազոն (մոմետազոնի ֆուրոատ) 1մգ/գ	նրբաքսուք	0,4	3	150	50
4)	Պիմեկրոլիմուս 10մգ/գ	Պիմեկրոլիմուս 10մգ/գ	նրբաքսուք արտաքին կիրառման	0,3	2	200	100
5)	Տակրոլիմուս 0,03%	Տակրոլիմուս 0,03%	քսուք արտաքին կիրառման	0,3	2	200	100
6)	Տակրոլիմուս 0,1%	Տակրոլիմուս 0,1%	քսուք արտաքին կիրառման	0,3	2	200	100
7)	Ցիպրոֆլօքսացին (ցիպրոֆլօքսացինի հիդրոքլորիդ) 500մգ	Ցիպրոֆլօքսացին (ցիպրոֆլօքսացինի հիդրոքլորիդ) 500մգ	դեղահատեր	0,05	1000	10000	10
8)	Ամօքսիցիլին (ամօքսիցիլինի տրիհիդրատ), քլավուլանաթթու (կալիումի քլավուլանատ) 875մգ+125մգ	Ամօքսիցիլին (ամօքսիցիլինի տրիհիդրատ), քլավուլանաթթու (կալիումի քլավուլանատ) 875մգ+125մգ	դեղահատեր	0,05	2000	20000	10
9)	Ցիտիրիզին 10մգ	Ցիտիրիզին 10մգ	դեղահատեր	0,4	10	200	20
10)	Մեբհիդրոլին 100մգ	Մեբհիդրոլին 100մգ	դեղահատեր	0,1	200	2000	10
11)	Լորատադին բ 10մգ	Լորատադին 10մգ	դեղահատեր	0,4	10	200	20
12)	Դեզլորատադին 5մգ	Դեզլորատադին 5մգ	դեղահատեր	0,2	5	100	20
13)	Լևոցիտիրիզին 5մգ	Լևոցիտիրիզին 5մգ	դեղահատեր	0,3	5	100	20
14)	Դապսոն 100մգ հաբ	Դապսոն 100մգ	դեղահատեր	0,05	100	3000	30
15)	Հիդրոքսիքլորոխին 200մգ	Հիդրոքսիքլորոխին 200մգ	դեղահատեր	0,05	200	6000	30

8․ Սույն հավելվածի Ձև 4–ում սահմանված`

1) նշանակված դեղի նկատմամբ անհատական անտանելիության դեպքում ավագ բուժաշխատողը իրավասու է նշանակել այլ դեղ:

2) տրամադրվող քանակների համար նշվում է միջինացված ցուցանիշ, նկատի ունենալով տվյալ դեղի օգտագործման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ դեղի օգտագործման հաճախականությունը:

9․ Բուժական այլ միջոցառումներ սահմանվում են Ձև 5–ում (անհրաժեշտության դեպքում անհրաժեշտ է նշել հիվանդության փուլերը)․

Ձև 5

Հ/հ	Բժշկական ծառայության տեսակը	Տրամադրման քանակը
		ԱԲ	Բ
1)	Կրիոթերապիա	0,2	0,1
2)	Լուսային թերապիա	0,3	0,05
3)	Վիրահատական միջամտություն	0,05	0,05

ԳՈՐԾԵԼԱԿԱՐԳԻ ՄՇԱԿՄԱՆ ԱՂԲՅՈՒՐԸ

1. https://www.uptodate.com/contents/atrophoderma-of-pasini-and-pierini?search=atrophoderma&source=search_result&selectedTitle=1%7E150&usage_type=default&display_rank=1

Պաշտոնական հրապարակման օրը՝ 21 հոկտեմբերի 2024 թվական: