ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

ՆԱԽԱՐԱՐ

«19» օգոստոսի 2024 թ. ք. Երևան

N 1920-Ա

Հ Ր Ա Մ Ա Ն

«ՔԱՌ ՍԵՐՎԻՍ ՍԻԹԻ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ 2019 ԹՎԱԿԱՆԻ ՀՈՒՆՎԱՐԻ 21-ԻՆ ՏՐԱՄԱԴՐՎԱԾ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՏԵԽՆԻԿԱԿԱՆ ԶՆՆՈՒԹՅԱՆ ԳՈՐԾՈՒՆԵՈՒԹՅԱՆ N ՏՄՏԶ 00039 ԼԻՑԵՆԶԻԱՅԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ

Ուսումնասիրելով ՀՀ տարածքային կառավարման և ենթակառուցվածքների նախարարի (այսուհետ՝ նաև Նախարար) 03.10.2019 թվականի թիվ 446-Ա հրամանի հիման վրա ստեղծված լիցենզավորման հանձնաժողովի (այսուհետ՝ նաև Հանձնաժողով) կողմից ներկայացված՝ «ՔԱՌ ՍԵՐՎԻՍ ՍԻԹԻ» սահմանափակ պատասխանատվությամբ ընկերության (այսուհետ՝ նաև Ընկերություն) նկատմամբ 2024 թվականի հուլիսի 9-ի թիվ 1547-Ա հրամանով հարուցված վարչական վարույթի արդյունքները՝

ՊԱՐԶԵՑԻ

1. Գործի նախապատմությունը.

ՀՀ տարածքային կառավարման և ենթակառուցվածքների նախարարի 2024 թվականի հուլիսի 9-ի թիվ 1547-Ա հրամանով «ՔԱՌ ՍԵՐՎԻՍ ՍԻԹԻ» սահմանափակ պատասխանատվությամբ ընկերության (այսուհետ՝ Ընկերություն) նկատմամբ հարուցվել է վարչական վարույթ։ Վարչական վարույթի հարուցման համար հիմք են հանդիսացել տրանսպորտային միջոցների տեխնիկական զննության բնագավառում լիցենզավորված կազմակերպությունների կողմից լիցենզիայի պայմանների և պահանջների պահպանումն ապահովելու նպատակով ՀՀ տարածքային կառավարման և ենթակառուցվածքների նախարարության (այսուհետ՝ Նախարարություն) ավտոմոբիլային տրանսպորտի քաղաքականության, լիցենզավորման և թույլտվությունների վարչության կողմից լիցենզավորված կազմակերպությունների տեխնիկական զննության գործընթացի մշտադիտարկման (մոնիթորինգի) արդյունքները, որի շրջանակում ուսումնասիրվում են տրանսպորտային միջոցների տեխնիկական զննության էլեկտրոնային հարթակի տվյալները և ուսումնասիրության արդյունքներն համադրվում են ՀՀ կառավարության 2021 թվականի սեպտեմբերի 24-ի N 1565-Ն որոշման 1-ին կետով հաստատված կարգի (այսուհետ՝ Կարգ) 15-րդ կետով սահմանված տեսաձայնագրությունների հետ, որոնք կայանում պետք է պահպանվեն մեկ տարի ժամկետով։

Նշված գործընթացի շրջանակում մշտադիտարկվել է նաև Ընկերության կողմից իրականացվող տրանսպորտային միջոցների տեխնիկական զննության գործընթացը։

Նախարարությունը 2024 թվականի մայիսի 15-ին Ընկերությանը տրամադրել է 2024 թվականի փետրվար, մարտ, ապրիլ ամիսների ընթացքում ընտրանքային կարգով ընտրված թվով 39 տրանսպորտային միջոցների տվյալներ և առաջակել Ընկերությանը տրամադրել տվյալ տրանսպորտային միջոցների տեխնիկական զննության անցկացման փաստը հավաստող տեսաձայնագրությունները, սակայն Ընկերությունը պահանջվող 39 տեսաձայնագրությունները չի ներկայացրել։

Վարչական վարույթի շրջանակում Նախարարությունում անցկացվել են լսումներ։ Լիցենզավորման հանձնաժողովի 2024 թվականի հուլիսի 19-ի լսումներին մասնակցել է Ընկերության տնօրեն Մ. Հարությունյանը։

 Ընկերությանը առաջարկվել է մինչև 2024 թվականի հուլիսի 22-ը, Ընկերության համար մատչելի ցանկացած միջոցով, Նախարարությանը տրամադրել 2024 թվականի հունիսի 1-ից հետո մուտքագրած տրանսպորտային միջոցների ցանկում ներառված ավտոմոբիլների տեխնիկական զննության անցկացման փաստը հավաստող տեսաձայնագրությունները։

Ընկերության կողմից ներկայացված նյութերի ուսումնասիրության արդյունքները քննարկվել են Նախարարության լիցենզավորման հանձնաժողովի 2024 թվականի հուլիսի 31-ին կայացած նիստում՝ Ընկերության տնօրեն Մ. Հարությունյանի մասնակցությամբ:

Լիցենզավորման հանձնաժողովի քարտուղար Ա. Ստեփանյանը ներկայացրել է ներկայացված տեսաձայնագրությունների ուսումնասիրության արդյունքները և նշել, որ Ընկերության կողմից 2024 թվականի հունիսի 1-ից հետո տեխնիկական զննության էլեկտրոնային շտեմարան մուտքագրած 1080 տրանսպորտային միջոցներից ընտրանքային կարգով առանձնացվել և Ընկերությանն են տրամադրվել թվով 101 տրանսպորտային միջոցների ցանկ և առաջարկվել ներկայացնել ցանկում ներառված տրանսպորտային միջոցների տեխնիկական զննության անցկացման փաստը հավաստող տեսաձայնագրությունները:

2․ Ընկերության ներկայացրած նյութերի ուսումնասիրության արդյունքում պարզվել է.

-Ցանկում ներառված 101 տրանսպորտային միջոցներից Ընկերությունը ներկայացրել է 73 տրանսպորտային միջոցների տեխնիկական զննության անցկացման փաստը հավաստող տեսաձայնագրությունները:

-Արձանագրվել է, որ մի շարք դեպքերում տեխնիկական զննությունը պատշաճ չի իրականացվում, չեն օգտագործվում Կարգի ցանկ N 2-ով սահմանված՝ տեխնիկական զննության կայաններում տրանսպորտային միջոցների տեխնիկական զննության ժամանակ դրանց վիճակի ստուգման համար օգտագործվող տեխնիկական արատորոշման բոլոր միջոցները և հետևաբար՝ չեն իրականացվում ցանկ N 1-ով սահմանված՝ տրանսպորտային միջոցների տեխնիկական զննության ժամանակ տեխնիկական վիճակի ստուգման աշխատանքներն ամբողջական ծավալով։ Ընկերության կողմից ներկայացված տեսագրությունները վկայում են, որ տեխնիկական զննությունը պատշաճ չի իրականացվում, շատ տեսագրություններում բացահայտորեն տեսանելի է, որ չեն արատորոշվում մեքենաների արգելակային համակարգը, չեն ստուգվում մեքենաների բենզինային կամ գազաբալոնային շարժիչի բանած գազերում վնասակար նյութերի /CO, CH/ պարունակությունը, ղեկային համակարգը և այլ պարտադիր արատորոշման ենթակա համակարգերը և կառուցվածքային տարրերը։

Մ. Հարությունյանը պատասխանել է, որ նախորդ լսումերից հետո արդեն աշխատակցին հանձնարարել է ամբողջական ծավալով իրականացնել տեխնիկական զննությունը։

Հանձնաժողովի անդամ Ռ. Այվազյանը նշել է, որ վարույթում ուսումնասիրվում են Ընկերության գործունեությունը վերջին երկու ամսվա ընթացքում և հանձնաժողովը եզրակացություն է կայացնելու ուսումնասիրության համար հայցված բոլոր նյութերի ուսումնասիրության հիման վրա։

Հանձնաժողովի անդամ Ա. Սողոմոնյանը նշեց, որ դեռևս մարտ ամսին ՏԿԵ նախարարությունում հրավիրված քննարկման ժամանակ բոլոր լիցենզավորված կազմակերպություններին, այդ թվում նաև Կազմակերպությանը զգուշացվել է տեխնիկական զննության ընթացքում ամբողջական ծավալով արատորոշման փաստերը ուսումնասիրելու նախարարության նախաձեռնության մասին։

Մ. Հարությունյանը հայտնել է, որ չներկայացված 28 տեսագրությունները նույնպես առկա են Ընկերության գործունեության վայրում, սակայն կրիչի ծավալի անբավարարության պատճառով չեն ներկայացվել և խոստացել է մեկօրյա ժամկետում ներկայացնել տեսաձայնագրություններ։

-Մ. Հարությունյանին առաջարկվել է մեկօրյա ժամկետում ներկայացնել նոր նյութեր՝ 28 տրանսպորտային միջոցների տեխնիկական զննության տեսաձայնագրությունների վերաբերյալ:

Ընկերության նկատմամբ հարուցված վարչական վարույթի ընթացքում ներկայացված լրացուցիչ նյութերի պատշաճ ուսումնասիրությունն ապահովելու նպատակով ՀՀ տարածքային կառավարման և ենթակառուցվածքների նախարարի 2024 թվականի օգոստոսի 8-ի N 1836-Ա հրամանով Ընկերության նկատմամբ ՀՀ տարածքային կառավարման և ենթակառուցվածքների նախարարի 2024 թվականի հուլիսի 9-ի թիվ 1546-Ա հրամանով հարուցված վարչական վարույթի ժամկետը երկարաձգվել է 10 օրով:

Ընկերությունը մեկօրյա ժամկետում վարույթ իրականացնող մարմնին տրամադրել է նոր նյութեր: Տրամադրված տեսաձայնագրությունների ուսումնասիրության արդյունքում արձանագրվել է, որ ներկայացված նյութերում առկա են ևս 9 տրանսպորտային միջոցների տեխնիկական զննության տեսաձայնագրությունները, բացակայում են 19 տրանսպորտային միջոցների տեխնիկական զննության անցկացման փաստը հավաստող տեսաձայնագրությունները:

Ընկերության կողմից վարչական վարույթի ընթացքում ներկայացրած տրանսպորտային միջոցների տեխնիկական զննության անցկացման փաստը հավաստող նյութերի ամբողջական և կրկնակի ուսումնասիրության արդյունքում պարզվել է.

-Ընկերությունը 2024 թվականի հունիսի 1-ից մինչև հուլիսի 30-ը իրականացրել է 1080 տրանսպորտային միջոցների տեխնիկական զննություն.

-Նախարարությունը 1080 տրանսպորտային միջոցներից ընտրանքային կարգով ձևավորել և Ընկերությանը տրամադրել է տրանսպորտային միջոցների էլեկտրոնային հարթակ մուտքագրած 101 տրանսպորտային միջոցների տվյալներ ընդգրկող ցանկ՝ տվյալ տրանսպորտային միջոցների տեխնիկական զննության անցկացման փաստը հավաստող տեսագրությունները վարույթ իրականացնող մարմնին ներկայացնելու համար.

- Ցանկում ընդգրկված 101 տրանսպորտային միջոցներից Ընկերությունը ներկայացրել է 82 տրանսպորտային միջոցների տեխնիկական զննության տեսագրությունները.

-Ներկայացված նյութերում բացակայում են թվով 15՝ Kia Forte lxs 2.0 մակնիշի 84AR888 համարանիշի, Vaz 21703-110-01 մակնիշի 37CZ837 համարանիշի, Opel Astra 1.6 մակնիշի 75OQ500 համարանիշի, Ford Fusion 2.5 մակնիշի 47ZN007 համարանիշի, Nissan X-terra 3.3 մակնիշի 37PZ629 համարանիշի, Kia Forte 2.0l մակնիշի 37UG398 համարանիշի, Vaz 21214-126-20 մակնիշի 88UM988 համարանիշի, Nissan Rogue 2.5 մակնիշի 13II130 համարանիշի, Bmw 535 i մակնիշի 55SC535 համարանիշի, Bmw X6 3.5 i մակնիշի 11LR011 համարանիշի, Gaz 3302 մակնիշի 36QX117 համարանիշի, Bmw 535 i մակնիշի 05NN553 համարանիշի, Opel Vita 1.4 մակնիշի 35ST513 համարանիշի, Opel Astra 1.8 մակնիշի 15DN007 համարանիշի, Mercedes-benz A160 մակնիշի 55RM551 համարանիշի, Mercedes-benz Ml 320 մակնիշի 45MO045 համարանիշի, Peugeot 307 մակնիշի 480SO61 համարանիշի, Porsche Panamera gts 4.8 մակնիշի 07MV007 համարանիշի և Volkswagen Golf 1.2 tsi մակնիշի 37AB905 համարանիշի տրանսպորտային միջոցների տեխնիկական զննության անցկացման փաստը հավաստող տեսագրությունները.

Ընկերության կողմից ներկայացված տեսագրությունների ուսումնասիրության արդյունքում արձանագրվեցին Կարգի ցանկ N 1-ով սահմանված՝ տրանսպորտային միջոցների տեխնիկական զննության ժամանակ տեխնիկական վիճակի ստուգման աշխատանքների հետևյալ խախտումները.

- Չեն ստուգվել Nissan Juke 1.6 t մակնիշի 20UX101 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Mercedes-benz Ml320 cdi մակնիշի 35LG345 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Volkswagen Jetta 1.8 մակնիշի 21OL938 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Fiat Albea high 1.4 մակնիշի 01VS909 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը) և կախոցի տեխնիկական վիճակը, սակայն տրվել է դրական եզրակացություն.

- Չեն ստուգվել Bmw 328 i մակնիշի 15BM005 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Nissan Tiida latio 1.5 մակնիշի 35GR852 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Toyota Rav 4 2.0 մակնիշի 35GN826 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը կամ ծխայնությունը), սակայն տրվել է դրական եզրակացություն.

- Չեն ստուգվել Honda Cmx500 մակնիշի 00AF809 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը) և կախոցի տեխնիկական վիճակը, սակայն տրվել է դրական եզրակացություն.

- Չեն ստուգվել Jeep Cherokee trailhawk 3.2 մակնիշի 94ZV999 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Vaz 21214 մակնիշի 15LU377 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը) և կախոցի տեխնիկական վիճակը, սակայն տրվել է դրական եզրակացություն.

- Չեն ստուգվել Nissan Fuga 2.5 մակնիշի 88DL889 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Nissan Kicks 1.6 մակնիշի 17GQ717 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը) և կախոցի տեխնիկական վիճակը, սակայն տրվել է դրական եզրակացություն.

- Չեն ստուգվել Toyota Rav 4 2.5 մակնիշի 50AV015 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Mercedes-benz C 180 մակնիշի 77PM877 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Lexus Es 300h մակնիշի 01PM011 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Nissan Bluebird sylphy 2.0 մակնիշի 37SR882 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

-Չեն ստուգվել Bmw 328 xi մակնիշի 60UX606 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

-Չեն ստուգվել Toyota Scion ia 1.5 մակնիշի 81UN989 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

-Չեն ստուգվել Rover 75 մակնիշի 70SS100 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

-Չեն ստուգվել Honda Cr-v 2.4 i մակնիշի 36FU302 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Bmw 323 i մակնիշի 37NG190 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Mitsubishi Outlander 2.4 մակնիշի 26SO820 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Mercedes-benz E 53 am մակնիշի 20MR020 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Mercedes-benz C230 մակնիշի 35AP508 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

- Չեն ստուգվել Mercedes-benz C 300 4 մակնիշի 05WW105 համարանիշի տրանսպորտային միջոցի ղեկային կառավարման համակարգը, շարժիչը և դրա համակարգերը (շարժիչի բանած գազերում վնասակար նյութերի պարունակությունը), սակայն տրվել է դրական եզրակացություն.

3․ Հրամանի իրավական հիմքերը և հիմնավորումները.

«Լիցենզավորման մասին» օրենքի 9-րդ հոդվածի համաձայն՝

1. Սույն օրենքով նախատեսված դեպքերում լիցենզավորող մարմինն իր որոշումներն ընդունում է համապատասխան հանձնաժողովի եզրակացության հիման վրա: Սակայն լիցենզավորող մարմինն իրավունք ունի որոշման համար հիմք չընդունել հանձնաժողովի եզրակացությունը: Այս դեպքում նա պարտավոր է իր որոշմամբ հիմնավորել հանձնաժողովի եզրակացությունը չընդունելու պատճառները:

2. Լիցենզավորող մարմնի որոշման մեջ պետք է նշվեն`

1) լիցենզավորող մարմնի անվանումը, որոշումը կայացնելու ամսաթիվը.

2) հարցը (հայտը, բողոքը, լիցենզիայի և (կամ) յուրաքանչյուր ներդիրի գործողության կասեցումը և այլն), որի վերաբերյալ կայացվել է որոշումը.

3) հարցը ներկայացնող անձի անունը (անվանումը).

4) շարժառիթները կամ հիմքերը, որոնցով լիցենզավորող մարմինը հանգել է հետևությունների` օրենքների և այլ իրավական ակտերի վկայակոչմամբ.

5) քննարկվող հարցի վերաբերյալ եզրակացությունը:

3. Այն դեպքում, երբ լիցենզիայի և (կամ) յուրաքանչյուր ներդիրի տրման, լիցենզիայի և (կամ) յուրաքանչյուր ներդիրի կրկնօրինակի տրման, լիցենզիայի և (կամ) յուրաքանչյուր ներդիրի գործողության ժամկետի երկարաձգման, լիցենզիայի և (կամ) յուրաքանչյուր ներդիրի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու համար օրենքով սահմանված պետական տուրքը վճարվում է համապատասխան որոշումը կայացվելուց հետո, ապա լիցենզիան և (կամ) յուրաքանչյուր ներդիրը, լիցենզիայի և (կամ) յուրաքանչյուր ներդիրի կրկնօրինակը, ժամկետը երկարաձգված լիցենզիան և (կամ) յուրաքանչյուր ներդիրը, վերաձևակերպված լիցենզիան և (կամ) յուրաքանչյուր ներդիրը, այլ վայրում ևս լիցենզավորման ենթակա նույն գործունեությամբ զբաղվելու լիցենզիան և (կամ) յուրաքանչյուր ներդիրը, ինչպես նաև դրանց վերաբերյալ համապատասխան որոշումները լիցենզավորված անձին պատշաճ ձևով հանձնվում կամ ուղարկվում են ոչ շուտ, քան օրենքով սահմանված պետական տուրքը վճարելու օրը:

Նույն օրենքի 35-րդ հոդվածի 1-ին և 2-րդ մասերի համաձայն՝

1. Լիցենզավորող մարմինն իրավունք ունի օրենսդրության պահանջների խախտման պատճառով լիցենզիայի գործողությունը կասեցնել միայն լիցենզավորող մարմնի լիցենզավորման հանձնաժողովի եզրակացության համաձայն, բացառությամբ օրենքով նախատեսված դեպքերի:

Եթե լիցենզավորված անձի կողմից թույլ են տրվել օրենքի, լիցենզավորման կարգի կամ լիցենզավորման պայմանների ու պահանջների այնպիսի խախտումներ, որոնց հետևանքով ուղղակի սպառնալիք է առաջացել պետական և հասարակական անվտանգությանը, հասարակական կարգին, անձանց կյանքին, առողջությանը կամ բարքերին, ինչպես նաև այլոց իրավունքներին և ազատություններին, պատվին կամ բարի համբավին կամ միջազգային անվտանգության ապահովման ուղղությամբ Հայաստանի Հանրապետության ստանձնած միջազգային պարտավորությունների կատարմանը, ապա լիցենզավորող մարմինն իրավունք ունի անմիջապես ժամանակավորապես արգելել լիցենզավորման ենթակա գործունեության կամ այդ գործունեության առանձին գործառույթների կամ լիցենզիայով վերապահված առանձին գործողությունների իրականացումը: Լիցենզավորման ենթակա գործունեության կամ այդ գործունեության առանձին գործառույթների կամ լիցենզիայով վերապահված առանձին գործողությունների իրականացման արգելման մասին կայացվում է որոշում, որն ուժի մեջ է մտնում լիցենզավորված անձին պատշաճ ձևով հանձնելու պահից:

Եթե լիցենզավորման ենթակա գործունեության կամ այդ գործունեության առանձին գործառույթների կամ լիցենզիայով վերապահված առանձին գործողությունների իրականացման արգելման մասին որոշումը կայացնելու օրվանից՝ հինգ օրվա ընթացքում, լիցենզիայի գործողության կասեցման մասին որոշում չի կայացվում կամ, եթե այդ որոշմամբ չի հիմնավորվում լիցենզավորման ենթակա գործունեության կամ այդ գործունեության առանձին գործառույթների կամ լիցենզիայով վերապահված առանձին գործողությունների արգելման անհրաժեշտությունը, ապա արգելման մասին որոշումը համարվում է անվավեր: Այս դեպքում լիցենզավորող մարմինը պարտավոր է փոխհատուցել արգելման հետևանքով լիցենզավորված անձին պատճառված վնասները:

2. Լիցենզավորող հանձնաժողովը լիցենզիայի գործողության կասեցման հարցը քննարկում և համապատասխան եզրակացություն է կայացնում սույն օրենքով և հանձնաժողովի կանոնադրությամբ նախատեսված կարգով:

Օրենքի 36-րդ հոդվածի 1-ին մասի 3-րդ և 5-րդ կետերի համաձայն՝

1. Լիցենզիայի գործողությունը կարող է կասեցվել`

3) լիցենզավորման ենթակա գործունեության իրականացման ժամանակ այդ լիցենզիայի պահանջների ու պայմանների այնպիսի խախտման դեպքում, որոնք անմիջական վտանգ կամ ռիսկ են պարունակում մարդկանց կյանքի կամ առողջության համար կամ այդ լիցենզիայի պահանջների ու պայմանների, լիցենզավորման ենթակա գործունեությունը կարգավորող օրենսդրության պահանջների կոպիտ խախտման դեպքում.

5) լիցենզավորված անձի կողմից լիցենզավորման ենթակա գործունեության նկատմամբ հսկողություն իրականացնող անձանց՝ օրենսդրությանը համապատասխան ստուգումների իրականացմանը խոչընդոտելու կամ պահանջվող փաստաթղթերը չներկայացնելու դեպքում։

Նույն հոդվածի 2-րդ մասի համաձայն՝ Սույն հոդվածի առաջին մասի 2-րդ, 3-րդ, 3.1-ին, 4-րդ, 5-րդ, 6-րդ, 7-րդ, 8-րդ, 11-րդ և 11.1-ին կետերով նախատեսված դեպքերում լիցենզիայի գործողությունը կասեցվում է մինչև խախտման պատճառի վերացումը:

ՀՀ կառավարության 2021 թվականի սեպտեմբերի 24-ի «Տրանսպորտային միջոցների տեխնիկական զննություն անցկացնելու կարգը սահմանելու և Հայաստանի Հանրապետության կառավարության 2007 թվականի փետրվարի 15-ի N 344-Ն, 2007 թվականի փետրվարի 15-ի N 346-Ն, 2007 թվականի ապրիլի 5-ի N 401-Ն ու 2011 թվականի մարտի 31-ի N 350-Ն որոշումներն ուժը կորցրած ճանաչելու մասին» N 1565-Ն որոշմամբ հաստատվել է Հայաստանի Հանրապետությունում տրանսպորտային միջոցների տեխնիկական զննություն անցկացնելու կարգը (այսուհետ՝ Կարգ)։

Կարգի 4-ի կետի համաձայն՝ Տեխնիկական զննության հիմնական նպատակներն են`

1) ճանապարհային երթևեկության անվտանգության ապահովման ոլորտի նորմատիվ իրավական ակտերի, կանոնների, ստանդարտների և տեխնիկական նորմերի պահանջներին, ինչպես նաև վնասակար նյութերի մթնոլորտ արտանետման տեխնիկական նորմատիվներին տրանսպորտային միջոցների տեխնիկական վիճակի և կահավորանքի համապատասխանության ապահովումը.

2) շահագործման մեջ գտնվող տրանսպորտային միջոցների կառուցվածքում ինքնակամ և երթևեկության անվտանգությանն սպառնացող փոփոխությունների կատարման կանխումը.

3) տեխնիկական զննության անցկացման արդյունքների մասին համապատասխան կառավարման մարմիններում տեղեկատվական բազայի վարումը` նրանց կողմից սահմանվող կարգով:

Կարգի 11-րդ կետի համաձայն՝

11. Տեխնիկական զննության կայաններում կատարվում են տրանսպորտային միջոցների` սույն կարգի N 1 ցանկում նշված ագրեգատների, հանգույցների, համակարգերի և աշխատանքների տեխնիկական վիճակի ստուգման աշխատանքները։

Կարգի 12-րդ կետի համաձայն՝

12. Տեխնիկական զննության կայաններում տրանսպորտային միջոցների տեխնիկական զննության ժամանակ դրանց վիճակի ստուգման համար օգտագործվող տեխնիկական արատորոշման միջոցների ցանկը և դրանց հիմնական տեխնիկական բնութագրերը ներկայացված են սույն կարգի N 2 ցանկում։

Կարգի 13-րդ կետի համաձայն՝ 13. Ճանապարհային երթևեկության անվտանգության պահանջներին և մնացած պարամետրերի անհամապատասխանության դեպքում արատորոշման քարտում կատարվում է համապատասխան նշում։

Կարգի 15-րդ կետի համաձայն՝

15. Տեխնիկական զննության իրականացման գործընթացը տեսաձայնագրվում է, որի ձայնագրությունները կայանում պահպանվում են մեկ տարի ժամկետով։

Հիմք ընդունելով վերոգրյալն ու Հայաստանի Հանրապետության տարածքային կառավարման և ենթակառուցվածքների նախարարության լիցենզավորման հանձնաժողովի 2024 թվականի օգոստոսի 16-ի N 13/1 եզրակացությունը և ղեկավարվելով «Լիցենզավորման մասին» օրենքի 9-րդ հոդվածով, 35-րդ հոդվածի 1-ին և 2-րդ մասերով, 36-րդ հոդվածի 1-ին մասի 3-րդ և 5-րդ կետերով և 2-րդ մասով, ՀՀ կառավարության 2007 թվականի փետրվարի 15-ի թիվ 690-Ն որոշման 1-ին կետի 1-ին ենթակետով հաստատված կարգի 4-րդ կետով, Հայաստանի Հանրապետության վարչապետի 2019 թվականի հունիսի 1-ի թիվ 659-Լ որոշմամբ հաստատված հավելվածի 19-րդ կետի 20-րդ ենթակետով՝

ՀՐԱՄԱՅՈՒՄ ԵՄ

1. Կասեցնել «ՔԱՌ ՍԵՐՎԻՍ ՍԻԹԻ» սահմանափակ պատասխանատվությամբ ընկերությանը 2019 թվականի հունվարի 21-ին տրամադրված տրանսպորտային միջոցների տեխնիկական զննության գործունեության N ՏՄՏԶ 00039 լիցենզիայի գործողությունը.

1.1 «Լիցենզավորման մասին» օրենքի 36-րդ հոդվածի 1-ին մասի 3-րդ կետի հիմքով՝ մինչև խախտման պատճառի վերացումը,

1.2 «Լիցենզավորման մասին» օրենքի 36-րդ հոդվածի 1-ին մասի 5-րդ կետի հիմքով՝ մինչև խախտման պատճառի վերացումը:

2. Լիցենզավորման հանձնաժողովի քարտուղարին՝ վարչական ակտը ընդունումից հետո` եռօրյա ժամկետում ծանուցել վարույթի մասնակիցներին:

3. Սույն հրամանը ուժի մեջ է մտնում այն հասցեատիրոջն իրազեկելուն հաջորդող օրվանից և կարող է բողոքարկվել վարչական կամ դատական կարգով ուժի մեջ մտնելու օրվանից՝ երկու ամսվա ընթացքում:

4. Սույն հրամանը ուժի մեջ մտնելուց հետո մեկօրյա ժամկետում ապահովել «ՔԱՌ ՍԵՐՎԻՍ ՍԻԹԻ» սահմանափակ պատասխանատվությամբ ընկերության անջատումը տեխնիկական զննության կայանների ընդհանուր համակարգչային ցանցից:

5. Սույն հրամանի կատարման հսկողությունը վերապահել Տարածքային կառավարման և ենթակառուցվածքների նախարարության համապատասխան ոլորտը համակարգող նախարարի տեղակալին:

Նախարար`

Գ. Սանոսյան