ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«05» փետրվար 2024 թ.

N 609-Ա

«ՀԵԼԻՈՆ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐԿԱՅԱՑՎԱԾ ԹՄՐԱՄԻՋՈՑՆԵՐԻ ԿԱՄ ՀՈԳԵՄԵՏ ՆՅՈՒԹԵՐԻ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՍԱՀՄԱՆԱԾ` ԴՐԱՆՑ ՊՐԵԿՈՒՐՍՈՐՆԵՐԻ ԱՐՏԱՀԱՆՄԱՆ, ՆԵՐՄՈՒԾՄԱՆ ԿԱՄ ՄԵԾԱԾԱԽ ԱՌԵՎՏՐԻ ԻՐԱԿԱՆԱՑՄԱՆ ԼԻՑԵՆԶԻԱ ՍՏԱՆԱԼՈՒ ՀԱՅՏԸ ԲԱՎԱՐԱՐԵԼՈՒ ՄԱՍԻՆ

Հիմք ընդունելով «Լիցենզավորման մասին» օրենքի 9-րդ հոդվածի 1-ին մասը և ՀՀ կառավարության 2011 թվականի մարտի 18-ի N 281-Ն որոշման N 3 հավելվածի 2-րդ կետը, ուսումնասիրելով «ՀԵԼԻՈՆ» սահմանափակ պատասխանատվությամբ ընկերության կողմից ներկայացված թմրամիջոցների կամ հոգեմետ նյութերի` Հայաստանի Հանրապետության կառավարության սահմանած` դրանց պրեկուրսորների արտահանման, ներմուծման կամ մեծածախ առևտրի իրականացման լիցենզիա ստանալու համար ներկայացված հայտը և կից փաստաթղթերը, պարզվել է, որ.

ՀՀ կառավարության 2011 թվականի մարտի 18-ի N 281-Ն որոշման N 3 հավելվածում սահմանված է վերոնշյալ փաստաթղթերը շահագրգիռ մարմինների հետ համաձայնեցնելու պահանջ: Ներքին գործերի նախարարության կողմից եզրակացությունը չստանալու արդյունքում լիցենզավորման հանձնաժողովի կողմից ստացվել է եզրակացությունն առ այն, որ «ՀԵԼԻՈՆ» սահմանափակ պատասխանատվությամբ ընկերության կողմից ներկայացված թմրամիջոցների կամ հոգեմետ նյութերի` Հայաստանի Հանրապետության կառավարության սահմանած` դրանց պրեկուրսորների արտահանման, ներմուծման կամ մեծածախ առևտրի իրականացման լիցենզիա ստանալու համար ներկայացված հայտը և կից փաստաթղթերը չեն համապատասխանում ՀՀ կառավարության 2011 թվականի մարտի 18-ի N 281-Ն որոշման N 3 հավելվածի 16-րդ կետի 2-րդ ենթակետի պահանջներին: Մինչդեռ հաշվի առնելով այն հանգամանքը, որ 02.02.2024թ. Ներքին գործերի նախարարության կողմից ստացվել է դրական դիրքորոշում «ՀԵԼԻՈՆ» սահմանափակ պատասխանատվությամբ ընկերության կողմից ներկայացված լիցենզավորման հայտի և կից փաստաթղթերի վերաբերյալ, ինչպես նաև հաշվի առնելով, որ լիցենզիա ստանալու մասին հայտի մերժման հիմք առկա չէ.

Հրամայում եմ`

1. «ՀԵԼԻՈՆ» սահմանափակ պատասխանատվությամբ ընկերության կողմից 2023 թվականի դեկտեմբերի 29-ին թիվ 49010-2023 մտից համարով ներկայացված մարզ Արարատ, համայնք Մասիս Մասիս ք. Մասիս Կայարան Սայաթ-Նովայի փողոց 24/1 հասցեում թմրամիջոցների կամ հոգեմետ նյութերի` Հայաստանի Հանրապետության կառավարության սահմանած` դրանց պրեկուրսորների արտահանման, ներմուծման կամ մեծածախ առևտրի իրականացման լիցենզիա ստանալու մասին հայտը բավարարել:

2. «ՀԵԼԻՈՆ» սահմանափակ պատասխանատվությամբ ընկերությանը Հայաստանի Հանրապետության կառավարության 2011 թվականի մարտի 18-ի N 281-Ն որոշման պահանջներին համաձայն լիցենզիան տրամադրել հայտը բավարարելուց հետո հինգ աշխատանքային օրվա ընթացքում օրենքով սահմանված պետական տուրքը վճարելու դեպքում, իսկ չվճարելու դեպքում հայտը համարել մերժված:

3. Առողջապահության նախարարության լիցենզավորման գործակալության պետ Վահե Ալեքսանյանին՝ եռօրյա ժամկետում ապահովել սույն հրամանի առաքումը նորմատիվ իրավական ակտերը հրապարակող մարմին և Պետական եկամուտների կոմիտե:

4. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը հայտատուին:

5. Սույն հրամանն ուժի մեջ է մտնում «ՀԵԼԻՈՆ» սահմանափակ պատասխանատվությամբ ընկերությանն իրազեկելու օրվան հաջորդող օրվանից:

6. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտը ստանալուց հետո՝ տասնհինգօրյա ժամկետում:

ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ`

Լ. ՆԱՆՈՒՇՅԱՆ