Գլխավոր տեղեկություն
Համար
N 5106-Ա
Տիպ
Հրաման
Ակտի տիպ
Հիմնական ակտ (25.10.2023-մինչ օրս)
Կարգավիճակ
Գործում է
Սկզբնաղբյուր
Հրապարակվել է միասնական կայքում
Ընդունող մարմին
Առողջապահության նախարար
Ընդունման ամսաթիվ
24.10.2023
Ստորագրող մարմին
Առողջապահության նախարար
Ստորագրման ամսաթիվ
24.10.2023
Ուժի մեջ մտնելու ամսաթիվ
25.10.2023

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

 

«24» հոկտեմբեր 2023 թ.

N 5106-Ա

 

Հ Ր Ա Մ Ա Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ««ՅՈԼՅԱՆ» ԱՐՅՈՒՆԱԲԱՆՈՒԹՅԱՆ ԵՎ ՈՒՌՈՒՑՔԱԲԱՆՈՒԹՅԱՆ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՏՐՎԱԾ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԻՐԱԿԱՆԱՑՄԱՆ ՄԻ ՇԱՐՔ ԼԻՑԵՆԶԻԱՆԵՐԸ ՎԵՐԱՁԵՎԱԿԵՐՊԵԼՈՒ ՄԱՍԻՆ

 

Հիմք ընդունելով «Լիցենզավորման մասին» օրենքի 20-րդ, 21-րդ հոդվածները, 22-րդ հոդվածի 4-րդ մասը, 32-րդ հոդվածի 1-ին մասը, 5-րդ մասը, Հայաստանի Հանրապետության ««ՅՈԼՅԱՆ» արյունաբանության և ուռուցքաբանության կենտրոն» փակ բաժնետիրական ընկերության տնօրենի կողմից 2023 թվականի հոկտեմբերի 20-ին ներկայացված հայտը.

 

ՀՐԱՄԱՅՈՒՄ ԵՄ`

 

1. Հայաստանի Հանրապետության Առողջապահության նախարարության «Պրոֆեսոր Ռ. Օ. Յոլյանի անվան արյունաբանական կենտրոն» փակ բաժնետիրական ընկերությանը 2003 թվականի հունիսի 20-ին տրված թիվ Կ-XX-000131, 2016 թվականի հուլիսի 4-ին տրված թիվ Կ-ԲՕ-002172, 2017 թվականի ապրիլի 6-ին տրված թիվ Կ-ԲՕ-002257 և 2021 թվականի ապրիլի 13-ի թիվ Կ-ԲՕ-002874 բժշկական օգնության և սպասարկման իրականացման լիցենզիաները վերաձևակերպել` Հայաստանի Հանրապետության Առողջապահության նախարարության ««Յոլյան» արյունաբանության և ուռուցքաբանության կենտրոն» փակ բաժնետիրական ընկերության անվամբ:

2. «Հրազդանի մարզային արյան բանկ» պետական փակ բաժնետիրական ընկերությանը 2003 թվականի սեպտեմբերի 8-ին տրված թիվ Կ-XX-000254, «Արմավիրի արյան փոխներարկման կայան» պետական փակ բաժնետիրական ընկերությանը 2003 թվականի նոյեմբերի 5-ին տրված թիվ Կ-XX-000361, «Սյունիքի մարզային արյան փոխներարկման կայան» փակ բաժնետիրական ընկերությանը 2004 թվականի հունիսի 18-ին տրված թիվ Կ-XX-000582, «Գյումրու արյան փոխներարկման կայան» փակ բաժնետիրական ընկերությանը 2003 թվականի սեպտեմբերի 8-ին տրված թիվ Կ-XX-000255 և «Լոռու մարզային արյան փոխներարկման կայան» փակ բաժնետիրական ընկերությանը 2023 թվականի սեպտեմբերի 26-ին տրված թիվ Կ-ԲՕ-000839 բժշկական օգնության և սպասարկման իրականացման լիցենզիաները վերաձևակերպել` Հայաստանի Հանրապետության Առողջապահության նախարարության ««Յոլյան» արյունաբանության և ուռուցքաբանության կենտրոն» փակ բաժնետիրական ընկերության անվամբ, լիցենզիաներում իրավաբանական անձի գտնվելու վայրը սահմանել` ք. Երևան, Քանաքեռ-Զեյթուն, Հր. Ներսիսյան 7:

3. Առողջապահության նախարարության լիցենզավորման գործակալության պետ Վահե Ալեքսանյանին`

1) ապահովել լիցենզիաների վերաձևակերպման մասին տեղեկության գրանցումը գրանցամատյանում.

2) եռօրյա ժամկետում ապահովել սույն հրամանի առաքումը նորմատիվ իրավական ակտերը հրապարակող մարմին և Պետական եկամուտների կոմիտե:

4. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը դիմողին:

5. Սույն հրամանն ուժի մեջ է մտնում Հայաստանի Հանրապետության Առողջապահության նախարարության ««Յոլյան» արյունաբանության և ուռուցքաբանության կենտրոն» փակ բաժնետիրական ընկերությանն իրազեկելու օրվան հաջորդող օրվանից:

6. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտն ստանալուց հետո՝ տասնհինգօրյա ժամկետում:

 

 

Ա. Ավանեսյան