ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ

Հ Ր Ա Մ Ա Ն

«25» դեկտեմբերի 2023 թ.

N 166-Ն

Ղեկավարվելով «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքի 9-րդ հոդվածի 1-ին մասի «է1» կետի և Հայաստանի Հանրապետության վարչապետի 2023 թվականի հունիսի 28-ի N 696-Ա որոշման հավելվածի 3-րդ կետի պահանջներով՝

1. Հաստատել պատմության և մշակույթի անշարժ հուշարձանների տարածքներում տեղադրվող տեղեկատվական ցուցանակների ձևը՝ համաձայն հավելվածի։

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Նախարար`

Ժ. ԱՆԴՐԵԱՍՅԱՆ

Հավելված ՀՀ կրթության, գիտության, մշակույթի և սպորտի նախարարի 2023 թ. դեկտեմբերի «25»-ի N 166-Ն հրամանի

1. Տեղեկատվական վահանակի նկարագիր.

1) Բետոնե կետային հիմքեր,

2) մետաղական հիմնակմախք՝ երկու կանգնակներ 60x80 մմ հատույթով քառանկյուն խողովակներ, 900 մմ ուղղահայաց բարձրությամբ և 700 մմ (փոփոխական ըստ վահանակի) երկարությամբ 45 աստիճան թեքությամբ, ուղղանկյուն շրջանակ՝ 40x20 մմ մետաղյա քառանկյուն խողովակներով, ընդհանուր բարձրությունը 1,395 մ (փոփոխական ըստ վահանակի) հողի նիշից,

3) մետաղական տարրերը փոշեներկված՝ սև անփայլ ներկով,

4) տառատեսակը՝ արիալ,

5) տպագրվող տեքստի հիմքը՝ ալյուկաբոնդ 70x100սմ (փոփոխական ըստ վահանակի),

6) տպագրությունը՝ ինքնակպչուն, ջրակայուն, անփայլ նյութի վրա, որը փակցվում է մետաղական հիմքին, ինչն էլ ամրացվում է մետաղական հիմնակմախքին,

7) ցուցանակի վերին ձախ անկյունում զետեղվում է ՀՀ պետական զինանշանը, կից լիազոր մարմնի՝ ԿԳՄՍ նախարարության անվանումը, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի կամ վահանակի տեղադրման պատվիրատուի անվանումն ու տարբերանշանը /երեք լեզվով/,

8) Ստորև հուշարձանի անվանումը /երեք լեզվով/,

9) հակիրճ տեղեկատվությունը /երեք լեզվով/,

10) QR կոդը /էլեկտրոնային տարբերակով լրացուցիչ տեղեկատվություն՝ տեքստ, գծագրեր, վիդեո, լուսանկարներ և այլն/։

Պաշտոնական հրապարակման օրը՝ 26 դեկտեմբերի 2023 թվական: