Գլխավոր տեղեկություն

Համար

N 133-Ն

Տիպ

Հրաման

Ակտի տիպ

Պաշտոնական Ինկորպորացիա (15.09.2023-մինչ օրս)

Կարգավիճակ

Գործում է

Սկզբնաղբյուր

ՀՀԳՏ 2018.03.01/8(611) Հոդ.63

Ընդունող մարմին

Տնտեսական զարգացման և ներդրումների նախարար

Ընդունման ամսաթիվ

19.02.2018

Ստորագրող մարմին

Տնտեսական զարգացման և ներդրումների նախարար

Ստորագրման ամսաթիվ

19.02.2018

Ուժի մեջ մտնելու ամսաթիվ

11.03.2018

«Գրանցված է»

ՀՀ արդարադատության

նախարարության կողմից

26 փետրվարի 2018 թ.

Պետական գրանցման թիվ 10318068

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՆՏԵՍԱԿԱՆ ԶԱՐԳԱՑՄԱՆ ԵՎ ՆԵՐԴՐՈՒՄՆԵՐԻ ՆԱԽԱՐԱՐ

19 փետրվարի 2018 թ.

ք. Երևան

N 133-Ն

Հ Ր Ա Մ Ա Ն

ՉԱՓՄԱՆ ՄԻՋՈՑԻ ՍՏՈՒԳԱՉԱՓՄԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ԿԱՐԳԸ, ՍՏՈՒԳԱՉԱՓՄԱՆ ԴՐՈՇՄԻ ԱՐՏԱՏԻՊԻ ՊԱՏԿԵՐԸ ՍԱՀՄԱՆԵԼՈՒ, ՀՀ ԷԿՈՆՈՄԻԿԱՅԻ ՆԱԽԱՐԱՐԻ 2012 ԹՎԱԿԱՆԻ ՆՈՅԵՄԲԵՐԻ 29-Ի N 1018-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀՀ ԷԿՈՆՈՄԻԿԱՅԻ ՆԱԽԱՐԱՐԻ 2013 ԹՎԱԿԱՆԻ ՓԵՏՐՎԱՐԻ 14-Ի N 104-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

(վերնագիրը լրաց. 28.04.20 N 493-Ն, փոփ. 30.08.23 N 1619-Ն)

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը և 72-րդ հոդվածի 1-ին մասի 1-ին կետի «բ» ենթակետը, «Չափումների միասնականության ապահովման մասին» Հայաստանի Հանրապետության օրենքի 10-րդ հոդվածի 2-րդ մասի 6-րդ կետը և 16-րդ հոդվածի 7-րդ մասը`

Հրամայում եմ`

1. ՀՀ էկոնոմիկայի նախարարի 2012 թվականի նոյեմբերի 29-ի «Չափման միջոցի տեսակի հաստատման սերտիֆիկատի ձևը, չափման միջոցի տեսակի հաստատման նշանի պատկերը, չափման միջոցի տեսակի հաստատման գրանցամատյանի վարման կարգը և չափման միջոցի ստուգաչափման դրոշմի արտատիպի պատկերները սահմանելու և Հայաստանի Հանրապետության առևտրի և տնտեսական զարգացման նախարարի 2004 թվականի օգոստոսի 24-ի N 142-Ն հրամանը ուժը կորցրած ճանաչելու մասին» N 1018-Ն հրամանի (այսուհետ` Հրաման) վերնագրից հանել «և չափման միջոցի ստուգաչափման դրոշմի արտատիպի պատկերները» բառերը:

2. Ուժը կորցրած ճանաչել`

1) Հրամանի 1-ին կետի 4-րդ ենթակետը:

2) ՀՀ էկոնոմիկայի նախարարի 2013 թվականի փետրվարի 14-ի «Չափման միջոցների ստուգաչափման կազմակերպման և իրականացման կարգը սահմանելու մասին» N 104-Ն հրամանը:

3. Սահմանել՝

1) Չափման միջոցի ստուգաչափման կազմակերպման և իրականացման կարգը՝ համաձայն Հավելված N 1-ի:

2) Չափման միջոցի ստուգաչափման դրոշմի արտատիպի պատկերը՝ համաձայն Հավելված N 2-ի:

(3-րդ կետը լրաց. 28.04.20 N 493-Ն, փոփ. 30.08.23 N 1619-Ն)

4. Սույն հրամանի կատարման հսկողությունը վերապահել Հայաստանի Հանրապետության էկոնոմիկայի նախարարի տեղակալ Ն. Տերյանին:

(4-րդ կետը փոփ. 30.08.23 N 1619-Ն)

Ս. Կարայան

Հավելված N 1

ՀՀ տնտեսական զարգացման և

ներդրումների նախարարի

2018 թ. փետրվարի 19-ի

N 133-Ն հրամանի

ԿԱՐԳ

ՉԱՓՄԱՆ ՄԻՋՈՑԻ ՍՏՈՒԳԱՉԱՓՄԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են չափման միջոցի (այսուհետ՝ ՉՄ) ստուգաչափման կազմակերպման և իրականացման հետ կապված հարաբերությունները:

2. ՉՄ ստուգաչափումն իրականացնում են չափագիտության ազգային մարմինը և Հայաստանի Հանրապետության օրենսդրությամբ սահմանված կարգով հավատարմագրված իրավաբանական անձինք (այսուհետ` իրավասու կազմակերպություն):

(2-րդ կետը փոփ. 30.08.23 N 1619-Ն)

3. ՉՄ ստուգաչափումն իրականացվում է սահմանված չափագիտական պահանջներին դրանց համապատասխանությունը հավաստելու նպատակով:

4. ՉՄ ստուգաչափման պարբերականությունը և ստուգաչափման մեթոդիկան որոշվում է ՉՄ տեսակի հաստատման ժամանակ։

5. Ստուգաչափման ժամանակ կիրառվում են Չափի և կշռի միջազգային համաժողովի կողմից ընդունված և Օրենսդրական չափագիտության միջազգային կազմակերպության կողմից երաշխավորված միավորների միջազգային ՍԻ (SI) համակարգի մեծությունների միավորների էտալոններ, որոնց համար ապահովվում է դրանց օգնությամբ ստացված չափումների արդյունքների չափագիտական հետևելիությունը Միավորների միջազգային համակարգին, ազգային (առաջնային) էտալոններին կամ մեծությունների միավորների միջազգային էտալոններին:

6. ՉՄ ստուգաչափումը լինում է առաջնային, պարտադիր պարբերաբար կատարվող, կրկնակի, ընտրանքային, կամավոր:

7. Սույն կարգում օգտագործվող հիմնական հասկացություններն են`

1) Չափագիտական վկայագրում՝ եզակի օրինակով արտադրված կամ իր կազմում մեկից ավելի չափիչ սարք ունեցող կամ լրացուցիչ սարքերի հետ համատեղ աշխատող չափման միջոցների համալիրների ստուգաչափում․

2) Առաջնային ստուգաչափում՝ արտադրությունում թողարկված, ներմուծված, նորոգման ենթարկված կամ նախկինում չստուգաչափված յուրաքանչյուր ՉՄ ստուգաչափում, բացառությամբ այն ՉՄ, որոնց ստուգաչափումը կատարվել է այլ երկրի արտադրողի մոտ և առկա է ստուգաչափման արդյունքների փոխճանաչման վերաբերյալ միջպետական և (կամ) միջազգային համաձայնագիր, որի մասնակիցն է Հայաստանի Հանրապետությունը:

3) Պարտադիր պարբերաբար կատարվող ստուգաչափում՝ ստուգաչափված ՉՄ հերթական ստուգաչափում, որն իրականացվում է պարբերաբար` ՉՄ տեսակի հաստատման ժամանակ հատկորոշված ժամանակահատվածում և ընթացակարգերով:

4) Կրկնակի ստուգաչափում՝ ստուգաչափված ՉՄ հերթական ստուգաչափում, այդ թվում՝ վերանորոգումից հետո կատարվող ստուգաչափում:

5) Ընտրանքային ստուգաչափում՝ խմբաքանակից պատահական կերպով ընտրված նմուշների համապատասխան քանակի ստուգման արդյունքների վրա հիմնված միատեսակ ՉՄ ստուգաչափում:

6) Կամավոր ստուգաչափում՝ ոչ պարտադիր իրականացվող ստուգաչափում:

7) Ստուգաչափման մեթոդիկա՝ ընթացակարգ, որը սահմանում է ստուգաչափումն իրականացնելու մանրամասն նկարագրություն, ինչպես նաև ստուգաչափում իրականացնելու համար օգտագործվող չափանմուշներին և օժանդակ սարքերին ներկայացվող պահանջներ։

8) Հայտատու՝ ստուգաչափման ծառայություններ պատվիրող իրավաբանական կամ ֆիզիկական անձ, կամ անհատ ձեռնարկատեր, որին ՉՄ պատկանում է սեփականության կամ այլ իրավունքով։

(7-րդ կետը խմբ. 30.08.23 N 1619-Ն)

II. ՍՏՈՒԳԱՉԱՓՄԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ ԵՎ ԻՐԱԿԱՆԱՑՈՒՄԸ

8. ՉՄ ստուգաչափումն իրականացվում է հայտատուի կողմից սույն Հավելվածի Ձև N 1-ով հաստատված ստուգաչափման հայտի ներկայացման դեպքում կամ ստուգաչափման իրականացման վերաբերյալ պայմանագրերի հիման վրա:

(8-րդ կետը փոփ. 30.08.23 N 1619-Ն)

9․ ՉՄ ստուգաչափման ներկայացնելու վերաբերյալ տեղեկատվությունը Չափագիտության ազգային մարմնի կամ իրավասու կազմակերպության կողմից ներկայացվում է հայտատուներին, ինչպես նաև տեղադրվում է նրանց պաշտոնական կայքում:

(9-րդ կետը խմբ. 30.08.23 N 1619-Ն)

10. ՉՄ ստուգաչափումն իրականացվում է Հայաստանի Հանրապետությունում գործող նորմատիվ իրավական ակտերի, ստուգաչափման մեթոդիկաների հիման վրա:

11. Առաջնային ստուգաչափումը՝

1) իրականացվում է ՉՄ արտադրությունում թողարկվելուց հետո՝ մինչև շահագործման հանձնելը կամ շուկայահանելը.

2) (պարբերությունն ուժը կորցրել է 28.04.20 N 493-Ն)

Եթե չափագիտության ազգային մարմնի կողմից գնահատված է արտադրող կազմակերպության որակի համակարգը և այն համապատասխանում է միջազգային ստանդարտների պահանջներին, ինչպես նաև կամայական ընտրությամբ 10 ՉՄ-ների չափման սխալանքը չի գերազանցում թույլատրելի առավելագույն սխալանքի կեսը, ապա ՉՄ առաջնային ստուգաչափման ժամանակ Լիազորված կազմակերպությունը կարող է մնացած ՉՄ-ների սխալանքը որոշել միայն չափման անվանական արժեքում (մասնակի ծրագրով ստուգաչափում)։

Հայաստանի Հանրապետության կառավարության 2016 թվականի հունվարի 29-ի «Սոցիալական և կենսական կարևոր նշանակություն ունեցող չափման միջոցները, դրանց ներկայացվող պահանջները և շուկայահանման կարգը սահմանելու մասին» N 60-Ն որոշմամբ սահմանված չափման միջոցները ենթակա են առաջնային ստուգաչափման:

(11-րդ կետը փոփ. 28.04.20 N 493-Ն)

12. Պարտադիր պարբերաբար կատարվող ստուգաչափումն իրականացվում է շահագործման մեջ գտնվող ՉՄ-ների միջստուգաչափական ժամանակահատվածում, որը սահմանվում է ՉՄ տեսակի հաստատման ժամանակ:

Շահագործման հանձնված, սակայն երկարաժամկետ (ստուգաչափումների միջև սահմանված ժամկետը գերազանցող ժամկետով) պահեստավորված ՉՄ ենթարկվում է պարտադիր պարբերական ստուգաչափման միայն պահեստավորման ժամկետն ավարտվելուց հետո։

13. Կրկնակի ստուգաչափումն իրականացվում է պայմանով, որ նախկինում իրականացվել է առաջնային ստուգաչափում և լինում է հետևյալ տեսակների՝

1) արտահերթ՝ մինչև միջստուգաչափական ժամանակահատվածի ավարտը,

2) ՉՄ վերանորոգումից հետո՝ առաջնային ստուգաչափման ծավալով,

3) ստուգաչափման դրոշմի արտատիպի, բարձր պաշտպանվածության համարակալված ինքնակպչուն դրոշմի կամ ՉՄ-ների կարգավորումների մասերում չարտոնված մուտքից պաշտպանող կապարակնիքի վնասման ժամանակ՝ ներառյալ ծրագրային ապահովումը։

Կրկնակի ստուգաչափումն իրականացվում է տվյալ ՉՄ տեսակի հաստատման ժամանակ որոշված ստուգաչափման մեթոդիկային համապատասխան։

(13-րդ կետը լրաց. 28.04.20 N 493-Ն, փոփ. 30.08.23 N 1619-Ն)

14. Ընտրանքային ստուգաչափման ենթակա են այն ՉՄ-ները, որոնց արտադրող կազմակերպության որակի համակարգը գնահատված է չափագիտության ազգային մարմնի կողմից և այն համապատասխանում է միջազգային ստանդարտների պահանջներին։ Ընտրանքային ստուգաչափումը իրականացվում է խմբաքանակից ընտրելով սույն հավելվածի Աղյուսակ N 1-ով սահմանված քանակի ՉՄ-ների նմուշներ, եթե տվյալ ՉՄ համար իրավական ակտերով այլ բան նախատեսված չէ:

(14-րդ կետը փոփ. 30.08.23 N 1619-Ն)

15. Օրենսդրական չափագիտության ոլորտներում կիրառվող ՉՄ-ները «Չափումների միասնականության ապահովման մասին» Հայաստանի Հանրապետության օրենքի համաձայն տրամաչափարկված լինելու դեպքում, եթե պարունակում են ստուգաչափման նորմատիվային փաստաթղթերով պահանջված կետերում տրամաչափարկում և այդ կետերում չափման անորոշությունը չի գերազանցում տվյալ ՉՄ առավելագույն թույլատրելի սխալանքը, ապա ՉՄ տրամաչափարկման արդյունքները համարվում են բավարար ստուգաչափված լինելու համար: Ստուգաչափումը հաստատվում է Չափագիտության ազգային մարմնի կամ իրավասու կազմակերպության կողմից՝ տրամաչափարկման սերտիֆիկատի վրա դնելով սույն հրամանի Հավելված N 2-ի Ձև N 1-ով սահմանված ՉՄ ստուգաչափման դրոշմի արտատիպի պատկերը։

(15-րդ կետը փոփ. 30.08.23 N 1619-Ն)

16. Ստուգաչափման իրականացման համար հայտատուն Չափագիտության ազգային մարմին կամ իրավասու կազմակերպություն է ներկայացնում.

1) Հայտ, որը ներառում է ՉՄ անվանումը, հայտատու իրավաբանական անձի լրիվ անվանումը, գտնվելու վայրը կամ անհատ ձեռնարկատիրոջ անունը, ազգանունը, բնակության վայրը. իրավաբանական անձի պետական գրանցման համարը կամ անհատ ձեռնարկատիրոջ պետական հաշվառման համարը, գործունեության իրականացման վայրը, հեռախոսահամարը, էլեկտրոնային փոստի հասցեն (առկայության դեպքում). ֆիզիկական անձի դեպքում` բնակության վայրը, հեռախոսահամարը, էլեկտրոնային փոստի հասցեն (առկայության դեպքում)։

2) Նախորդ ստուգաչափման վկայականը (առկայության դեպքում)։

3) ՉՄ լրակազմը` ՉՄ տեսակի նկարագրին համապատասխան։

4) ՉՄ վերանորոգման ենթարկված լինելու դեպքում ՉՄ վերանորոգման իրականացման վերաբերյալ տեղեկատվություն։

(16-րդ կետը փոփ. 30.08.23 N 1619-Ն)

17. ՉՄ-ները ստուգաչափման են ներկայացվում մաքուր, փաթեթավորումից հանված վիճակում՝ ՉՄ տեխնիկական նկարագրի կամ շահագործման ձեռնարկի կամ ստուգաչափման մեթոդիկայի կամ անձնագրի (առկայության դեպքում), ինչպես նաև վերջին ստուգաչափման վկայականի հետ միասին:

18. Ստուգաչափողի մոտ ստուգվող ՉՄ կից ներկայացվող փաստաթղթերի, ինչպես նաև ստուգաչափման մեթոդիկայի առկայության դեպքում նշված փաստաթղթերի ներկայացումը ՉՄ հետ միասին պարտադիր չէ, ինչի մասին նշվում է ստուգաչափման իրականացման վերաբերյալ պայմանագրի կնքման ժամանակ:

19. Հատուկ միջավայրերում շահագործվող ՉՄ-ները ստուգաչափման պետք է ներկայացվեն մանրէազերծված, վնասազերծված, չեզոքացված վիճակում, և Չափագիտության ազգային մարմնի կամ իրավասու կազմակերպության կողմից պետք է ընդունվեն միայն Հայտատուի կողմից դրանց մանրէազերծված, վնասազերծված, չեզոքացված լինելու վերաբերյալ տեղեկանքի ներկայացման դեպքում:

(19-րդ կետը փոփ. 30.08.23 N 1619-Ն)

20. Ստուգաչափման համար ՉՄ-ների տեղափոխումը պետք է ապահովի Հայտատուն:

21. Եթե ստուգաչափումն իրականացվում է ՉՄ արտադրման, նորոգման և շահագործման վայրում, Հայտատուն`

1) Ապահովում է չափանմուշների, օժանդակ սարքավորումների փոխադրումը ստուգաչափման վայր և հետ տեղափոխումը,

2) Հատկացնում է ստուգաչափման համար աշխատատեղ և օժանդակ անձնակազմ,

3) Ապահովում է չափանմուշների, ՉՄ-ների պահպանումը,

4) Եթե սպասարկումն իրականացվում է շարժական ստուգաչափական լաբորատորիայի միջոցով` հատկացնում է կայանատեղ և ապահովում է դրա միացումը էլեկտրագազաջրամատակարարման ու կոյուղու ցանցերին և ապահովում պահպանումը:

22. Հայտատուն, ով արտադրում, նորոգում և կիրառում է ՉՄ-ներ, որոնց ստուգաչափումը տեղերում անցկացնելու համար պահանջվում են ստացիոնար (մնայուն) ստուգաչափական կայանքներ և ստացիոնար ՉՄ-ներ, ապահովում է նշված սարքերի առկայությունը և դրանք տրամադրում ստուգաչափողին` օգտագործման:

23. (կետն ուժը կորցրել է 30.08.23 N 1619-Ն)

23. ՉՄ կառուցվածքը պետք է ապահովի տեսանելի վայրում ստուգաչափման դրոշմի արտատիպը դնելու հնարավորություն: Եթե ՉՄ-ի կառուցվածքը կամ օգտագործման պայմանների յուրահատկությունները թույլ չեն տալիս ստուգաչափման դրոշմի արտատիպը անմիջապես դնել ՉՄ-ի վրա, ապա այն դրվում է անձնագրի վրա, իսկ այլ յուրահատկություններից ելնելով (ծավալով փոքր, ոչ ստանդարտ կառուցվածք կամ օգտագործման պայմաններ, յուրահատկություններ ունեցող, ստուգաչափման դրոշմի արտատիպ դնելու հնարավորություն չունեցող, նույնականացման կամ սերիական համար չունեցող,) ՉՄ-ի վրա փակցվում է բարձր պաշտպանվածության համարակալված ինքնակպչուն դրոշմ (N 2 հավելվածի Ձև 3-ով սահմանված) լիազորված մարմնի կողմից սահմանված կարգով և հաշվառվում է հաշվառման համար նախատեսված մատյանում:

(23-րդ կետը խմբ. 28.04.20 N 493-Ն)

24. (կետն ուժը կորցրել է 28.04.20 N 493-Ն)

25. Ստուգաչափողը, հայտատուի կողմից համապատասխան վճարման առկայության դեպքում, ՉՄ ստուգաչափման, չափագիտական վկայագրման դրական արդյունքներն առավելագույնը 10 աշխատանքային օրվա ընթացքում, եթե հայտատուի կողմից այլ առավել երկար ժամկետներ չեն առաջարկվում, ՉՄ-ի (և) կամ ՉՄ-ի անձնագրի վրա վավերացնում է սույն հրամանի N 2 հավելվածի Ձև N 1-ով սահմանված ստուգաչափման դրոշմի արտատիպով և (կամ) տալիս սույն հավելվածի Ձև N 2-ով սահմանված ստուգաչափման վկայական կամ տալիս է QR կոդ (արագ արձագանքման կոդ, որը պարունակում է նույն տեղեկատվությունն, ինչ վկայականը կամ ինքնակպչուն դրոշմը)։

Ստուգաչափողի կողմից սույն կարգի 23-րդ կետով սահմանված՝ այլ յուրահատկություններ ունեցող ՉՄ ստուգաչափման, չափագիտական վկայագրման դրական արդյունքներն առավելագույնը 10 աշխատանքային օրվա ընթացքում, եթե հայտատուի կողմից այլ առավել երկար ժամկետներ չեն առաջարկվում, (հայտատուի կողմից համապատասխան վճարման առկայության դեպքում) փակցվում է (վավերացվում է) սույն հրամանի N 2 հավելվածի Ձև N 3-ով սահմանված բարձր պաշտպանվածության համարակալված ինքնակպչուն դրոշմ, որի վերաբերյալ Չափագիտության ազգային մարմինը և իրավասու կազմակերպությունը եռամսյակային տեղեկատվություն են ներկայանում չափագիտության լիազոր մարմնին։

(25-րդ կետը խմբ. 28.04.20 N 493-Ն, 30.08.23 N 1619-Ն)

26. Իր կազմում մեկից ավելի ինքնավար միավորներ ունեցող և շահագործման ընթացքում դրանք միմյանցով փոխարինելու հնարավորություն ունեցող ՉՄ ստուգաչափման արդյունքում ևս տրվում է սույն Հավելվածի Ձև N 2-ով սահմանված ստուգաչափման վկայական:

27. Ստուգաչափման վկայականի լրացման ժամանակ հապավումների կիրառումն ու տեքստի ուղղումն արգելվում է:

28. Ստուգաչափման վկայականը կորցնելու կամ փչացնելու դեպքում տրամադրվում է ստուգաչափման վկայականի կրկնօրինակ, որի աջ կողմի վերին հատվածում արվում է հետևյալ գրառումը. «Կրկնօրինակը տրվել է …… 20.. թ.»` նշելով ստուգաչափման վկայականի բնօրինակի համարը և տրման ամսաթիվը:

(28-րդ կետը փոփ. 30.08.23 N 1619-Ն)

29. Ստուգաչափման վկայականում սխալների հայտնաբերման դեպքում վկայականի վրա կատարվում է փոփոխություն ստուգաչափողի և ստորաբաժանման ղեկավարի (տվյալ կառուցվածքային միավորի բացակայության դեպքում՝ մարմնի ղեկավարի) կողմից և վավերացվում կնիքով կամ ստուգաչափման վկայականը փոխարինվում է նոր ստուգաչափման վկայականով, որում նշվում է փոխարինվող ստուգաչափման վկայականի համարը և տրման ամսաթիվը:

(29-րդ կետը խմբ. 30.08.23 N 1619-Ն)

30. ՉՄ ստուգաչափման բացասական արդյունքների դեպքում 5-օրյա ժամկետում Չափագիտության ազգային մարմնի կամ իրավասու կազմակերպության ստուգաչափողը մարում է ստուգաչափման դրոշմի արտատիպը կամ հեռացնում, հանում է բարձր պաշտպանվածության համարակալված ինքնակպչուն դրոշմը՝ դնելով սույն հրամանի Հավելված N 2-ի Ձև N 2-ով սահմանված մարման դրոշմի պատկերը և հայտատուին տալիս է N 1 հավելվածի Ձև N 3-ով սահմանված ձևին համապատասխան ՉՄ հետագա օգտագործման համար ոչ պիտանի ճանաչելու մասին ծանուցագիր։

(30-րդ կետը փոփ. 28.04.20 N 493-Ն, 30.08.23 N 1619-Ն)

31. Չափագիտության ազգային մարմնի և իրավասու կազմակերպության կողմից ստուգաչափման իրականացման արդյունքում կազմվում է ստուգաչափման արդյունքների վերաբերյալ արձանագրություն, որը ստուգաչափման վկայականի գործողության ժամկետի մեջ լինելու ընթացքում ստուգաչափման վկայականի պատճենի (եթե դրանք սահմանված են ստուգաչափման մեթոդիկայում) հետ պահվում են Չափագիտության ազգային մարմնի և իրավասու կազմակերպության կողմից:

(31-րդ կետը խմբ. 30.08.23 N 1619-Ն)

32. ՉՄ ստուգաչափման աշխատանքների վճարումն իրականացվում է չափագիտության լիազոր մարմնի ղեկավարի հրամանով հաստատված ՉՄ ստուգաչափման գներին համապատասխան: Հրամանում չներառված ՉՄ ստուգաչափման աշխատանքների համար վճարումն իրականացվում է Հայտատուի հետ կնքված պայմանագրին համապատասխան:

33. Չափագիտության ազգային մարմնի կամ իրավասու կազմակերպության կողմից իրականացված ՉՄ ստուգաչափման արդյունքների վերաբերյալ տեղեկատվությունը հրապարակվում է դրանց պաշտոնական կայքում:

(33-րդ կետը փոփ. 30.08.23 N 1619-Ն)

Աղյուսակ N 1

Ստուգաչափվող չափման միջոցների նմուշների քանակի

Ընտրանքի կոդը N

Խմբաքանակի ծավալը

Նմուշների քանակը
(ընտրանքի ծավալը)

Արատավոր նմուշների քանակը

Պահուստային նմուշների քանակը

ընդունման

խոտանման

01

02

03

04

05

06

07

08

09

10

11

Մինչև 8

9-15

16-25

26-50

51-90

91-150

151-280

281-500

501-1200

1201-3200

3201-10000

2

3

5

8

13

20

32

50

80

125

200

0

0

0

0

0

0

0

1

3

5

10

1

1

1

1

1

1

1

2

4

6

11

2

3

4

6

7

8

9

9

10

16

25

Ձև N 1

___________________________________________________________________________________

Ստուգաչափում իրականացնող կազմակերպության անվանումը

Պարոն _______________________________________

(տնօրենի անուն, ազգանուն)

Հ Ա Յ Տ

Ս Տ Ո Ւ Գ Ա Չ Ա Փ Մ Ա Ն

Խնդրում եմ ստուգաչափել _____________________________________________________

հայտատու (անվանում/անուն, ազգանուն)

պատկանող ներքոհիշյալ ՉՄ-ները՝

1. ___________________________________________

(ՉՄ անվանումը)

___________________

(քանակը)

2. ___________________________________________

(ՉՄ անվանումը)

___________________

(քանակը)

3. ___________________________________________

(ՉՄ անվանումը)

___________________

(քանակը)

4. ___________________________________________

(ՉՄ անվանումը)

___________________

(քանակը)

Վճարումը երաշխավորում ենք անկանխիկ:

Հայտատու` _____________________________

(անվանում/անուն,ազգանուն)

________________________

(ստորագրություն)

«____»______________20 թ.

Հայտատուի տվյալները՝ ___________________________________________________________

(հասցե, հեռախոս, էլեկտրոնային փոստի հասցե)

____________________________________________________________________________________

____________________________________________________________________________________

(ձևը փոփ. 28.04.20 N 493-Ն)

Ձև N 2

Չափման միջոցների ստուգաչափման վկայականի ձևը «Ստանդարտացման և չափագիտության ազգային մարմին» փակ բաժնետիրական ընկերության համար

(վերնագիրը խմբ. 30.08.23 N 1619-Ն)

Ներմուծեք նկարագրությունը_1796

ՀՀ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

__________________________________________________________________________

Ստուգաչափում իրականացնող կազմակերպության անվանումը

ՍՏՈՒԳԱՉԱՓՄԱՆ ՎԿԱՅԱԿԱՆ N _______

Ստուգաչափման թվականը 20___ թ._____________«___»

Ուժի մեջ է մինչև 20___ թ._______________«___»

_________________________________________________________________________________

չափման միջոցի անվանումը և տեսակը

Գործարանային համարը __________________________________________________________

Տեսակը _________________________________________________________________________

Չափման տիրույթը _______________________________________________________________

Ճշտության դասը, կարգը (սխալանքը) _______________________________________________

Արտադրողը _____________________________________________________________________

Պատկանում է ____________________________________________________________________

Իրավաբանական, ֆիզիկական անձ/անհատ ձեռնարկատեր, անվանում/անուն,ազգանուն

Ստուգաչափման արդյունքների հիման վրա չափման միջոցը բավարարում է սահմանված պահանջներին:

Ստուգաչափումը կատարվել է համաձայն _____________________________________________

ստուգաչափման մեթոդիկայի անվանումը, նշագիրը

_________________________________________________________________________________

Ստուգաչափող՝

_______________________

ստորագրություն

___________________________________

ա. ա.

Ստուգաչափման դրոշմի արտատիպը

Ստորաբաժանման ղեկավար

_______________________

ստորագրություն

___________________________________

ա. ա.

Ստուգաչափման արդյունքները

(լրացվում է ստուգաչափման մեթոդիկայում՝ համապատասխան պահանջի առկայության դեպքում)

__________________________________________________________________________________

Չափման միջոցների ստուգաչափման վկայականի ձևը Հայաստանի Հանրապետության օրենսդրությամբ սահմանված կարգով հավատարմագրված իրավաբանական անձանց համար

___________________________________________________________________________________

Ստուգաչափում իրականացնող կազմակերպության անվանումը

ՍՏՈՒԳԱՉԱՓՄԱՆ ՎԿԱՅԱԿԱՆ N _______

Ստուգաչափման թվականը 20___ թ._____________«___»

Ուժի մեջ է մինչև 20___ թ._______________«___»

_________________________________________________________________________________

չափման միջոցի անվանումը և տեսակը

Գործարանային համարը __________________________________________________________

Տեսակը _________________________________________________________________________

Չափման տիրույթը _______________________________________________________________

Ճշտության դասը, կարգը (սխալանքը) _______________________________________________

Արտադրողը _____________________________________________________________________

Պատկանում է ___________________________________________________________________

Իրավաբանական, ֆիզիկական անձ/անհատ ձեռնարկատեր, անվանում/անուն,ազգանուն

Ստուգաչափման արդյունքների հիման վրա չափման միջոցը բավարարում է սահմանված պահանջներին:

Ստուգաչափումը կատարվել է համաձայն _____________________________________________

ստուգաչափման մեթոդիկայի անվանումը, նշագիրը

_________________________________________________________________________________

Ստուգաչափող՝

_______________________

ստորագրություն

___________________________________

ա. ա.

Ստուգաչափման դրոշմի արտատիպը

Ստորաբաժանման ղեկավար

_______________________

ստորագրություն

___________________________________

ա. ա.

Ստուգաչափման արդյունքները

(լրացվում է ստուգաչափման մեթոդիկայում՝ համապատասխան պահանջի առկայության դեպքում)

__________________________________________________________________________________

_________________________________________________________________________________

(ձևը փոփ. 28.04.20 N 493-Ն, խմբ. 30.08.23 N 1619-Ն)

Ձև N 3

Չափման միջոցը հետագա օգտագործման համար ոչ պիտանի ճանաչելու մասին ծանուցագրի ձևը «Ստանդարտացման և չափագիտության ազգային մարմին» փակ բաժնետիրական ընկերության համար
(վերնագիրը խմբ. 30.08.23 N 1619-Ն)

Ներմուծեք նկարագրությունը_1796

ՀՀ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

__________________________________________________________________________

Ստուգաչափում իրականացնող կազմակերպության անվանումը

ԾԱՆՈՒՑԱԳԻՐ N _______

Չափման միջոցը հետագա օգտագործման համար ոչ պիտանի ճանաչելու մասին

_____________________________________________________________________________________

Չափման միջոցի անվանումը

ՏԵՍԱԿԸ ___________________________________________________________________________

ԳՈՐԾԱՐԱՆԱՅԻՆ ՀԱՄԱՐԸ __________________________________________________________

ՏՐՎԱԾ Է ___________________________________________________________________________

ԱՐՏԱԴՐՈՂԸ _______________________________________________________________________

ՊԱՏԿԱՆՈՒՄ Է _____________________________________________________________________

իրավաբանական անձի (անհատ ձեռնարկատիրոջ) անվանումը, գտնվելու վայրը

Ստուգաչափման արդյունքներով ճանաչվել է կիրառման համար ոչ պիտանի

_____________________________________________________________________________________

ոչ պիտանի ճանաչվելու պատճառը

_____________________________________________________________________________________

Ստորաբաժանման ղեկավար՝

_______________________

ստորագրություն

___________________________________

ա. ա.

Ստուգաչափող՝

_______________________

ստորագրություն

__________________________________

ա. ա.

Չափման միջոցը հետագա օգտագործման համար ոչ պիտանի ճանաչելու մասին ծանուցագրի ձևը Հայաստանի Հանրապետության օրենսդրությամբ սահմանված կարգով հավատարմագրված իրավաբանական անձանց համար

__________________________________________________________________________

Ստուգաչափում իրականացնող կազմակերպության անվանումը

ԾԱՆՈՒՑԱԳԻՐ N _______

Չափման միջոցը հետագա օգտագործման համար ոչ պիտանի ճանաչելու մասին

__________________________________________________________________________________

չափման միջոցի անվանումը

ՏԵՍԱԿԸ _________________________________________________________________________

ԳՈՐԾԱՐԱՆԱՅԻՆ ՀԱՄԱՐԸ _______________________________________________________

ՏՐՎԱԾ Է ________________________________________________________________________

ԱՐՏԱԴՐՈՂԸ ____________________________________________________________________

ՊԱՏԿԱՆՈՒՄ Է _ _________________________________________________________________

իրավաբանական անձի (անհատ ձեռնարկատիրոջ) անվանումը, գտնվելու վայրը

Ստուգաչափման արդյունքներով ճանաչվել է կիրառման համար ոչ պիտանի

__________________________________________________________________________________

ոչ պիտանի ճանաչվելու պատճառը

__________________________________________________________________________________

Ստորաբաժանման ղեկավար՝

_______________________

ստորագրություն

___________________________________

ա. ա.

Ստուգաչափող՝

_______________________

ստորագրություն

__________________________________

ա. ա.

(ձևը փոփ., լրաց. 28.04.20 N 493-Ն, խմբ. 30.08.23 N 1619-Ն)

(հավելվածը փոփ., լրաց., խմբ. 28.04.20 N 493-Ն, փոփ., խմբ. 30.08.23 N 1619-Ն)

Հավելված N 2

Հայաստանի Հանրապետության

տնտեսական Զարգացման
և ներդրումների նախարարի

2018 թ. փետրվարի 19-ի

N 133-Ն հրամանի

ՉԱՓՄԱՆ ՄԻՋՈՑՆԵՐԻ ՍՏՈՒԳԱՉԱՓՄԱՆ ԴՐՈՇՄԻ ԱՐՏԱՏԻՊԻ ՊԱՏԿԵՐԸ

(վերնագիրը խմբ. 30.08.23 N 1619-Ն)

1. Ստուգաչափման դրոշմը տեխնիկական միջոց է՝ դրոշմակնիք կամ ինքնակպչուն կամ այլ կերպ պատրաստված պայմանական պատկեր, որը կիրառվում է ՉՄ-ի և (կամ) ստուգաչափման վկայականի կամ անձնագրի (ձևի) վրա և հավաստում է չափման միջոցի չափագիտական բնութագրերի համապատասխանությունը սահմանված պահանջներին (Ձև N 1, Ձև N 2, Ձև N 3):

2. Ստուգաչափման (ստուգաչափման մարման) դրոշմները դասակարգվում են որպես՝ պողպատյա, պողպատյա հարվածային, պողպատյա հարվածային ձևավոր, ռետինե, բարձր պաշտպանվածության համարակալված ինքնակպչուն։

3. Պողպատյա, պողպատյա հարվածային, պողպատյա հարվածային ձևավոր, ռետինե ստուգաչափման դրոշմն ունի հստակ պատկեր, որը պահպանվում է ՉՄ-ի շահագործման ընթացքում:

4. Ստուգաչափման դրոշմը կիրառելու իրավունք ունեն Չափագիտության ազգային մարմինը և Հայաստանի Հանրապետության օրենսդրությամբ սահմանված կարգով հավատարմագրված իրավաբանական անձինք (այսուհետ` իրավասու կազմակերպություն)՝ իրենց հավատարմագրման ոլորտին համապատասխան:

5. Ստուգաչափման դրոշմը (դրոշմակնիքը) պետք է պարունակի`

1) Հայաստանի Հանրապետության հապավումը` ՀՀ,

2) Դրոշմի կիրառման տարեթվի վերջին երկու թվանշանները,

3) Իրավասու կազմակերպության և Չափագիտության ազգային մարմնի պայմանական ծածկագիրը՝ ՊԾ,

4) Ստուգաչափողի անհատական նշանը:

5) ստուգաչափում կատարելու տարվա եռամսյակը կամ տարվա ամիսը (ստուգաչափման մեթոդիկայով սահմանված դեպքում):

6. Փոքր՝ 3,5 մմ-ոց դրոշմները պարունակում են՝

1) Հայաստանի Հանրապետության հապավումը - ՀՀ,

2) դրոշմի կիրառման տարեթվի վերջին 2 թվանշանը,

3) ստուգաչափողի անհատական նշանը:

7. Չափագիտության ազգային մարմնի և իրավասու կազմակերպության կողմից կիրառվող ստուգաչափման դրոշմի արտատիպը ներկայացված է սույն հավելվածի Ձև N 1-ում:

8. Ստուգաչափման դրոշմ կիրառելու տեղը նշվում է ՉՄ-ի տեսակի նկարագրության մեջ: Ստուգաչափման դրոշմը կիրառվում է ՉՄ-ի վրա բոլոր այն դեպքերում, երբ ՉՄ-ի չափերը չեն խոչընդոտում դրան, և դրանց շահագործման պայմանները ապահովում են ստուգաչափման դրոշմի անվտանգությունը ստուգաչափման պարբերականության ամբողջ ընթացքում:

9. Չափագիտության ազգային մարմնի կողմից կիրառվում է կլոր (շրջանաձև) ստուգաչափման դրոշմը, իրավասու կազմակերպության համար՝ քառակուսի:

10. Անհրաժեշտության դեպքում կարող է նշվել լրացուցիչ տեղեկություն` ստուգաչափում կատարելու եռամսյակը կամ ամիսը: Տարվա ամիսը նշվում է արաբական թվերով (օրինակ ՝ 1, 2, 3), եռամսյակները նշվում են հռոմեական թվանշաններով` I, II, III և IV։

11. Ստուգաչափման դրոշմի չափերը որոշվում են' կախված ՉՄ-ի չափից և տեղակայման վայրից։

12. Ստուգաչափման կլոր դրոշմի տրամագծերի նոմինալ չափերն ընտրվում են` 1.5 մմ, 3.5 մմ, 6.0 մմ, 8.0 մմ, 12.0 մմ, 16.0 մմ և 18.0 մմ շարքից:

13. Ստուգաչափման ուղղանկյուն դրոշմն ունի սույն հավելվածի 12-րդ կետում նշված տրամագծերին հավասար անկյունագիծ։

14. Արգելվում է Ստուգաչափման դրոշմի անհատական նշանի փոխանցումն այլ անձանց։

15. Ստուգաչափման դրոշմի օգտագործման ժամկետի լրանալու դեպքերում կամ այն դեպքերում, երբ Չափագիտության ազգային մարմինը կամ իրավասու կազմակերպությունը դադարեցրել է իր գործունեությունը տվյալ ոլորտում, ստուգաչափման դրոշմները ոչնչացվում են՝ դրանք բերելով այնպիսի վիճակի, որը թույլ չի տա դրանց հետագա օգտագործումը, ինչը գրանցվում է արձանագրությամբ:

16. Ստուգաչափողի անհատական նշանի համար օգտագործվում են հայկական այբուբենի մեծատառերը, փոքրատառերը:

17. Հայաստանի Հանրապետության պաշտպանության նախարարության ՉՄ-ների ստուգաչափման դրոշմների վրա թույլատրվում է կիրառել նախարարության տարբերանշանը ռուսերեն այբուբենի մեծատառերով` «MО»։

18. Ստուգաչափման բացասական արդյունքների դեպքում ստուգաչափման դրոշմի արտատիպը մարվում է սույն հավելվածի Ձև N 2-ով ներկայացված դրոշմով:

19. Բարձր պաշտպանվածության համարակալված ինքնակպչուն դրոշմը (Ձև N 3) պետք է պարունակի`

1) Հայաստանի Հանրապետության հապավումը` «ՀՀ» կարմիր գույնով, որի աջ և ձախ կողմերը շրջագծված են եռագույնով,

2) Չափագիտության ազգային մարմնի և իրավասու կազմակերպության պայմանական ծածկագիրը` ՊԾ, Չափագիտության ազգային մարմնի դեպքում՝ ՍՉԱՄ, դրոշմի կիրառման տարեթվի վերնամասում և կապույտ գույնով,

3) Դրոշմի կիրառման տարեթիվը դրոշմի կենտրոնում և նարնջագույն գույնով,

4) Նույնականացման համար նախատեսված հերթական համարը` տարեթվի ստորին մասում` Չափագիտության ազգային մարմնի համար մեկ տառի և չորս թվի պարզ համակցմամբ` սև գույնով, իրավասու կազմակերպության դեպքում՝ պայմանական անվանումը և հավատարմագրման եզակի (չկրկնվող) գրանցահամարը՝ սև գույնով․

5) Դրոշմը` կլոր, շրջանի տրամագիծը 25 մմ, եռագույնի ներսից եզրագրված տարվա 12 ամիսների սև գույնի նշագրումով:

6) 25 մմ տրամագծով շրջանն ամփոփող 0,5-1,0 մմ լայնությամբ սև քառակուսի շրջանակ։

Ձև N 1

Ներմուծեք նկարագրությունը_22993

Ձև 2

Ներմուծեք նկարագրությունը_22994

Ձև N 3

Բարձր պաշտպանվածության համարակալված ինքնակպչուն դրոշմի արտատիպի պատկերը

Ներմուծեք նկարագրությունը_22995

(հավելվածը լրաց. 28.04.20 N 493-Ն, խմբ. 30.08.23 N 1619-Ն)