Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ

Ա Ր Ձ Ա Ն Ա Գ Ր ՈՒ Թ Յ ՈՒ Ն Ի Ց

2 ապրիլի 2015 թվականի N 14

36. ԿԻՈՏՈՅԻ ԱՐՁԱՆԱԳՐՈՒԹՅԱՆ ԴՈՀԱՅԻ ՓՈՓՈԽՈՒԹՅԱՆԸ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(անվավեր է ճանաչվել 21.10.21 N 1728-Ն որոշման 1-ին կետով)

Հավանություն տալ Կիոտոյի արձանագրության Դոհայի փոփոխությանը՝ համաձայն հավելվածի:

Հայաստանի Հանրապետության վարչապետ	Հ. Աբրահամյան
2015 թ. ապրիլի 8 Երևան

Հավելված ՀՀ կառավարության 2015 թվականի ապրիլի 2-ի նիստի N 14 արձանագրային որոշման

Կիոտոյի արձանագրության Դոհայի փոփոխություն

Հոդված 1. Փոփոխություն

Ա. Կիոտոյի արձանագրության Բ հավելված

Արձանագրության Բ հավելվածի աղյուսակը փոխարինել հետևյալ աղյուսակով.

ԱԿ հապավումը նշանակում է անկիրառելի:

Տողատակի բոլոր ներքոնշյալ հղումները, բացառությամբ 1-ին, 2-րդ և 5-րդ հղումների, ստացվել են համապատասխան Կողմերի հաղորդագրությունների միջոցով:

1Կողմը կարող է օգտագործել բազային տարին ֆակուլտատիվ հիմքով, իր սեփական նպատակների համար` արտահայտելու համար արտանետումների սահմանափակման կամ կրճատման իր քանակական պարտավորությունները (ԱՍԿՔՊ) որպես արտանետումների բաժնեչափ այդ տարվա համար, որը, ըստ Կիոտոյի արձանագրության, չի կրում միջազգայնորեն պարտադիր բնույթ, ի լրումն սույն աղյուսակի երկրորդ և երրորդ սյունակներում բազային տարվա համեմատությամբ բերվող ԱՍԿՔՊ(ներ)-ի, որը միջազգային մակարդակով իրավաբանորեն պարտադիր է:

2 Հանձնառությունների մասին լրացուցիչ տեղեկատվություն կարելի է գտնել FCCC/SB/2011/INF.1/Rev.1 և FCCC/KP/AWG/2012/MISC.1, Add.1 և Add.2. փաստաթղթերում:

3 Ըստ Կիոտոյի արձանագրության երկրորդ ժամանակահատվածի պարտավորությունների` Ավստրալիայի ԱՍԿՔՊ-ն համապատասխանում է Ավստրալիայի կողմից այն պարտավորության անվերապահորեն կատարամանը, որի նպատական է 2020 թվականին հասնել մի ցուցանիշի, որը 2000 թվականի մակարդակից ցածր է 5%-ով: Եթե կատարվեն որոշակի պայմաններ, ապա Ավստրալիան պահպանում է իր հնարավորությունը հետագայում 2020 թվականի իր նպատակային ցուցանիշը 2000 թվականի մակարդակի համեմատությամբ մեծացնել 5-ից մինչև 15 կամ 25 %-ով ցածր: Սույն հղումը ցույց է տալիս այն հանձնառությունների վիճակը, որոնք կատարվել են Կանկունի պայմանավորվածություններով և, ըստ սույն Արձանագրության կամ դրա հետ կապված կանոնների և պայմանների, նոր` իրավաբանորեն պարտադիր պարտավորություններ չեն համարվում:

4 Ըստ Կիոտոյի արձանագրության երկրորդ ժամանակահատվածի պարտավորությունների, Եվրամիության և նրա անդամ պետությունների ԱՍԿՔՊ-ն հիմնվում է այն ըմբռնման վրա, որ դրանք պետք է իրականացվեն Եվրամիության և նրա անդամ պետությունների հետ համատեղ՝ համաձայն Կիոտոյի արձանագրության 4-րդ հոդվածի: ԱՍԿՔՊ-ն չի խոչընդոտում Եվրամիության և նրա անդամ պետությունների կողմից հետագայում ծանուցել, որ նրանք համաձայնություն ունեն իրենց պարտավորությունները կատարել համատեղ՝ համաձայն Կիոտոյի արձանագրության դրույթների:

5 Բ Հավեվածը լրացվել է 10/CMP.2 որոշման համաձայն ընդունված փոփոխությամբ: Այս փոփոխությունը դեռևս ուժի մեջ չի մտել:

6 Ըստ Կիոտոյի արձանագրության գործողության երկրորդ ժամանակահատվածի պարտավորությունների` Խորվաթիայի ԱՍԿՔՊ-ն հիմնվում է այն ըմբռնման վրա, որ Խորվաթիան դրանք կիրականացնի Եվրամիության և նրա անդամ պետությունների հետ համատեղ՝ համաձայն Կիոտոյի արձանագրության 4-րդ հոդվածի: Հետևաբար, Խորվաթիայի անդամակցությունը Եվրամիությանը չպետք է անդրադառնա նրա մասնակցությանը` 4-րդ հոդվածի համաձայն համատեղ կատարման մասին այդ համաձայնության վրա կամ նրա ԱՍԿՔՊ-ի վրա:

7 Որպես համընդհանուր և համապարփակ համաձայնության մաս, 2012 թվականից հետո ժամանակահատվածի համար, Եվրամիությունը վերահաստատում է 2020 թվականին 1990 թվականի մակարդակի համեմատությամբ 30%-ով նվազեցնելու մասին իր պայմանական առաջարկը՝ պայմանով, որ մյուս զարգացած երկրները կապահովեն արտանետումների համադրելի կրճատման պարտավորություն, իսկ զարգացող երկրները կկատարեն իրենց պատասխանատվությանը և համապատասխան հնարավորություններին համարժեք ներդրում:

8 Ըստ Կիոտոյի արձանագրության գործողության երկրորդ ժամանակահատվածի պարտավորությունների` Իսլանդիայի ԱՍԿՔՊ-ն հիմնվում է այն ըմբռնման վրա, որ Իսլանդիան դրանք կիրականացնի Եվրամիության և նրա անդամ պետությունների հետ համատեղ՝ համաձայն Կիոտոյի արձանագրության 4-րդ հոդվածի:

9 3-րդ սյունակում նշված ԱՍԿՔՊ-ն վերաբերում է 1990 թվականի մակարդակի համեմատությամբ 2020 թվականին 20%-ով կրճատելու նպատակային ցուցանիշին: Լիխտենշտայնը կքննարկի 1990 թվականի մակարդակի համեմատությամբ 2020 թվականին մինչև 30%-ով կրճատելու նպատակային ցուցանիշին հասնելու հնարավորությունը` պայմանով, որ մյուս զարգացած երկրները կստանձնեն արտանետումների կրճատման համադրելի պարտավորություններ, և եթե տնտեսապես առավել առաջացած զարգացող երկրները կկատարեն իրենց պատասխանատվությանը և համապատասխան հնարավորություններին համարժեք ներդրում:

10 Նորվեգիայի 84-ի չափով ԱՍԿՔՊ-ն համապատասխանում է 2020 թվականին 1990 թվականի համեմատությամբ արտանետումները 30%-ով կրճատելու նպատակային ցուցանիշին: Եթե նա կարողանա նպաստել համընդհանուր և համապարփակ համաձայնության հասնելուն, որի շրջանակներում արտանետումների աղբյուր հանդիսացող հիմնական երկրները կհամաձայնեն կրճատելու արտանետումերն այնքանով, որը համապատասխանում է 2O C նպատակային ցուցանիշին, ապա Նորվեգիան 2020 թվականին 1990 թվականի մակարդակի համեմատությամբ նպատակային ցուցանիշը կբարձրացնի մինչև 40%: Այս հղումը պահպանում է Կանկունի պայմանավորվածությունների շրջանակում ստանձնած հանձնառության կարգավիճակը և չի դիտարկվում որպես սույն Արձանագրությամբ ստանձնած իրավաբանական պարտադիր նոր պարտավորություն:

11 Սույն աղյուսակի 3-րդ սյունակում նշված ԱՍԿՔՊ-ն վերաբերում է 1990 թվականի մակարդակի համեմատությամբ 2020 թվականին 20%-ով կրճատելու նպատակային ցուցանիշին: Շվեյցարիան կարող է դիտարկել 2020 թվականին արտանետումների նպատակային ցուցանիշը 1990 թվականի մակարդակի համեմատությամբ ընդհուպ մինչև 30% բարձրացնելու հարցը` պայմանով, որ դա համադրելի լինի այլ զարգացած երկրների կողմից արտանետումների կրճատման ստանձնած պարտավորություններին և համարժեք լինի զարգացող երկրների նպաստին՝ իրենց 2O C նպատակային ցուցանիշի գծով պատասխանատվության և համապատասխան հնարավորությունների համաձայն: Այս հղումը պահպանում է Կանկունի պայմանավորվածությունների շրջանակում ստանձնած հանձնառության կարգավիճակը և չի դիտարկվում որպես սույն Արձանագրությամբ կամ դրա հետ կապված կանոններով և պայմաններով ստանձնած իրավաբանական պարտադիր նոր պարտավորություն:

12 Ենթակա է լիարժեք կատարման, և օրինականորեն ձեռք բերված ինքնիշխան սեփականության օգտագործման համար որևէ չեղարկում կամ սահմանափակում անընդունելի է:

13 2011 թվականի դեկտեմբերի 15-ին ավանդապահն ստացել է Կիոտոյի արձանագրությունից դուրս գալու մասին Կանադայի գրավոր ծանուցումը: Այն Կանադայի համար ուժի մեջ կմտնի 2012 թվականի դեկտեմբերի 15-ից:

14 2010 թվականի դեկտեմբերի 10-ի հաղորդագրությամբ Ճապոնիան նշել է, որ 2012 թվականից հետո մտադրություն չունի ստանձնելու արևէ պարտավորություն Կիոտոյի արձանագրության գործողության երկրորդ ժամանակահատվածի համար:

15 Նոր Զելանդիան շարունակում է մնալ Կիոտոյի արձանագրության Կողմ: Նոր Զելանդիան կսահմանի արտանետումների կրճատման որոշակի նպատակային ցուցանիշ 2013-2020 թվականների ժամանակահատվածի համար ամբողջ տնտեսության մասշտաբով` Կլիմայի փոփոխության մասին Միավորված ազգերի կազմակերպության շրջանակային կոնվենցիայի շրջանակներում:

16 2010 թվականի դեկտեմբերի 8-ով թվագրված հաղորդագրությամբ, որը Քարտուղարությունն ստացել է 2010 թվականի դեկտեմբերի 9-ին, Ռուսաստանի Դաշնությունը նշել է, որ պարտավորությունների երկրորդ ժամանակահատվածի համար մտադիր չէ ստանձնելու արտանետումների սահմանափակման կամ կրճատման քանակական պարտավորություն:

Բ. Կիոտոյի արձանագրության Ա հավելված

Ստորև բերվող ցուցակը կփոխարինի Արձանագրության Ա հավելվածում «Ջերմոցային գազեր» ենթավերնագրերի ներքո զետեղված ցուցակին.

ածխածնի երկօքսիդ (CO2)

մեթան (CH4)

ազոտի ենթօքսիդ (N2 O)

հիդրոֆտորածխաջրածիններ (ՀՖԱ)

պերֆտորածխաջրածիններ (ՊՖԱ)

ծծմբի հեքսաֆտորիդ (SF6)

ազոտի եռֆտորիդ (NF3)1

Գ. Հոդված 3, կետ 1 bis

Արձանագրության 3-րդ հոդվածի 1-ին կետից հետո ավելացնել հետևյալ կետը.

1bis. 1–ին հավելվածում ներառված Կողմերն անհատականորեն կամ համատեղ ապահովում են, որ Ա հավելվածում թվարկված ջերմոցային գազերի ածխածնի երկօքսիդի համարժեքով արտահայտված իրենց համատեղ

¹ Կիրառվում է միայն պարտավորությունների երկրորդ ժամանակահատվածի սկզբից:

արտանետումները չգերազանցեն նրանց համար սահմանված այն քանակները, որոնք հաշվարկվել են Բ հավելվածում նշված աղյուսակի երրորդ սյունակում ներառված արտանետումների սահմանափակման և կրճատման` իրենց քանակական պարտավորությունների հիման վրա և սույն հոդվածի դրույթների համաձայն` 2013- 2020 թվականների պարտավորությունների ժամանակահատվածում այդ գազերի ընդհանուր արտանետումները 1990 թվականի մակարդակից առնվազն 18%-ով ցածր նվազեցնելու նպատակով:

Դ. Հոդված 3, կետ 1 ter

Արձանագրության 3-րդ հոդվածի 1 bis կետից հետո ավելացնել հետևյալ կետը.

1 ter. Բ հավելվածում ներառված Կողմը կարող է ուղղում առաջարկել Բ հավելվածի երրորդ սյունակում նշված տոկոսային մասնաբաժնի իջեցման նպատակով Բ հավելվածում բերված աղյուսակի երրորդ սյունակում նշված իր արտանետումների քանակական սահմանափակման կամ կրճատման պարտավորության մասով: Ուղղում կատարելու մասին այդպիսի առաջարկությունը քարտուղարությունը պետք է փոխանցի Կողմերին՝ որպես Արձանագրության Կողմերի հանդիպում գործող Կողմերի Համաժողովի այն հանդիպումից առնվազն երեք ամիս առաջ, որտեղ առաջարկվում է ընդունել ուղղումը:

Ե. Հոդված 3, կետ 1 quater

Արձանագրության 3-րդ հոդվածի 1 ter կետից հետո ավելացնել հետևյալ կետը.

1 quater. Վերոհիշյալ 3-րդ հոդվածի 1 ter կետի համաձայն արտանետումների սահմանափակման կամ կրճատման իր քանակական պարտավորությունը բարձրացնելու նպատակով 1-ին հավելվածում ընդգրկված Կողմի առաջարկած ուղղումը համարվում է ընդունված որպես Արձանագրության Կողմերի հանդիպում գործող Կողմերի համաժողովի կողմից՝ բացառությամբ այն դեպքերի, եթե ներկա գտնվող և քվեարկող Կողմերի ավելի քան երեք քառորդը դրա ընդունման դեմ է: Ընդունված ուղղումը քարտուղարությունը փոխանցում է ավանդապահին, որն էլ այն փոխանցում է Կողմերին: Ուղղումն ուժի մեջ է մտնում ավանդապահի կողմից փոխանցվելու հաջորդ տարվա հունվարի 1-ից: Այդպիսի ուղղումները Կողմի համար պարտադիր են:

Զ. Հոդված 3, կետ 7 bis

Արձանագրության 3-րդ հոդվածի 7-րդ կետից հետո ավելացնել հետևյալ կետը.

7 bis. արտանետումների սահմանափակման կամ կրճատման պարտավորության երկրորդ ժամանակահատվածի ընթացքում` 2013-ից մինչև 2020 թվականը, 1-ին հավելվածում ընդգրկված յուրաքանչյուր Կողմի համար սահմանված քանակը Բ հավելվածում բերված աղյուսակի երրորդ սյունակում նշված տոկոսային մասնաբաժնով պետք է հավասարվի Ա հավելվածում թվարկված ջերմոցային գազերի ընդհանուր մարդածին արտանետումների՝ ածխածնի երկօքսիդով արտահայտված` իր համար սահմանված համարժեքին՝ հաշվարկված 1990 թվականի համար կամ բազային տարում կամ այն ժամանակահատվածում, որը որոշվում է վերը նշված 5-րդ կետի համաձայն՝ բազմապատկած ութով: 1-ին հավելվածում ընդգրկված այն Կողմերը, որոնց համար 1990 թվականին ջերմոցային գազերի արտանետումների աղբյուրները եղել են զուտ հողօգտագործման և անտառտնտեսության բնագավառում փոփոխությունները, իրենց համար սահմանված քանակը հաշվարկելու նպատակով պետք է ներառեն 1990 թվականի արտանետումների բազային տարում կամ ժամանակահատվածում ածխածնի երկօքսիդով արտահայտված համարժեք աղբյուրներից ընդհանուր մարդածին արտանետումները՝ հանելով 1990 թվականին հողօգտագործման փոփոխությունների արդյունքում կլանիչների կողմից աբսորբցիան:

Է. Հոդված 3, կետ 7 ter

Արձանագրության 3-րդ հոդվածի 7 bis կետից հետո ավելացնել հետևյալ կետը.

7 ter. 1-ին հավելվածում ընդգրկված Կողմի համար պարտավորությունների երկրորդ ժամանակահատվածում սահմանված քանակի և պարտավորությունների նախորդ ժամանակահատվածի առաջին երեք տարվա ամենամյա միջին արտանետումների միջև ցանկացած դրական տարբերություն բազմապատկվում է ութով և պետք է փոխանցվի այդ Կողմի համար չեղյալ համարված արտանետումների քանակի հաշվին:

Ը. Հոդված 3, կետ 8

Արձանագրության 3-րդ հոդվածի 8-րդ կետում`

«վերը` 7-րդ կետում նշված հաշվարկի» բառերը փոխարինել հետևյալով.

«վերը` 7-րդ և 7 bis կետերում նշված հաշվարկների»:

Թ. Հոդված 3, կետ 8 bis

Արձանագրության 3-րդ հոդվածի 8-րդ կետից հետո ավելացնել հետևյալ կետը.

8 bis. 1-ին հավելվածում ընդգրկված յուրաքանչյուր Կողմ կարող է օգտագործել 1995 կամ 2000 թվականը որպես բազային տարի` ազոտի եռֆտորիդի համար վերոհիշյալ 7 bis կետում նշված հաշվարկների կատարման նպատակով:

Ժ. Հոդված 3, կետեր 12 bis և ter

Արձանագրության 3-րդ հոդվածի 12-րդ կետից հետո ավելացնել հետևյալ կետերը.

12 bis. Կոնվենցիայի կամ դրա գործիքների հիման վրա ստեղծված շուկայական մեխանիզմների գործողության շնորհիվ ստացված ցանկացած միավոր կարող է օգտագործվել 1-ին հավելվածում ընդգրկված Կողմերի կողմից, որպեսզի նրանք օժանդակեն 3-րդ հոդվածի համաձայն արտանետումների սահմանափակման կամ կրճատման իրենց քանակական պարտավորության կատարմանը: Ցանկացած այդպիսի միավոր, որը Կողմ ձեռք է բերում Կոնվենցիայի այլ Կողմից, պետք է ավելացվի ձեռք բերող Կողմի սահմանված քանակներին և հանվի փոխանցող Կողմի ունեցած միավորների քանակից:

12 ter. Կողմերի համաժողովը, որը գործում է որպես սույն Արձանագրության Կողմերի հանդիպում, ապահովում է, որ այն դեպքերում, երբ վերը նշված 12 bis կետում նշված շուկայական մեխանիզմների շրջանակում հավանություն արժանացած գործունեության արդյունքում ստացված միավորները 1-ին հավելվածում ընդգրկված Կողմերը օգտագործում են 3-րդ հոդվածի համաձայն քանակական արտանետումների սահմանափակման կամ կրճատման իրենց պարտավորության իրականացմանն օժանդակելու համար, այդ միավորների որոշակի մասն օգտագործվի վարչական ծախսերի փակման համար, ինչպես նաև` օգնեն այն զարգացող երկիր Կողմերին, որոնք առանձնապես խոցելի են կլիմայի փոփոխության անբարենպաստ ազդեցությունից, դրանց հարմարվելու առումով իրենց ծախսերը հոգալու համար, եթե այդ միավորները ձեռք են բերվել 17-րդ հոդվածին համապատասխան:

Ժա. Հոդված 4, կետ 2

Արձանագրության 4-րդ հոդվածի 2-րդ կետի առաջին նախադասության վերջում ավելացնել հետևյալ բառերը.

«կամ, համաձայն 3-րդ հոդվածի 9-րդ կետի, Բ հավելվածում կատարված ցանկացած փոփոխության ընդունման մասին իր փաստաթղթերն ի պահ հանձնելու օրը»:

Ժբ. Հոդված 4, կետ 3

Արձանագրության 4-րդ հոդվածի 3-րդ կետում`

 «7-րդ կետ» բառերը պետք է փոխարինվեն հետևյալով.

 «, որին դա վերաբերում է»:

Հոդված 2. Ուժի մեջ մտնելը

Սույն փոփոխությունն ուժի մեջ է մտնում համաձայն Կիոտոյի արձանագրության 20-րդ և 21-րդ հոդվածների: