Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ

Ա Ր Ձ Ա Ն Ա Գ Ր ՈՒ Թ Յ ՈՒ Ն Ի Ց

16 ապրիլի 2015 թվականի N 17

15. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՆՈՅԵՄԲԵՐԻ 7-Ի ՆԻՍՏԻ N 46 ԱՐՁԱՆԱԳՐՈՒԹՅԱՆ 16-ՐԴ ԿԵՏՈՎ ՀԱՎԱՆՈՒԹՅԱՆ ԱՐԺԱՆԱՑԱԾ ԱՐՁԱՆԱԳՐԱՅԻՆ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

(անվավեր է ճանաչվել 21.10.21 N 1728-Ն որոշման 1-ին կետով)

1. Ուժը կորցրած ճանաչել Հայաստանի Հանրապետության կառավարության 2013 թվականի նոյեմբերի 7-ի նիստի N 46 արձանագրության 16-րդ կետով հավանության արժանացած «Հայաստանի Հանրապետության կառավարությանն առընթեր պետական եկամուտների կոմիտեի մաքսային վարչարարության ռազմավարության 2013-2014 թվականների ծրագրին հավանություն տալու մասին» արձանագրային որոշման հավելվածի Մաքսային վարչարարության ռազմավարության 2013-2014 թվականների ծրագրի նպատակների «Ռազմավարական նպատակ 9» բաժնի միջոցառումների 2-րդ և 3-րդ կետերը:

2. Սույն արձանագրային որոշման 1-ին կետով ուժը կորցրած ճանաչված կետերով նախատեսված «ապրանքների ծագման երկրի հավաստագրերի տրամադրման ընթացակարգերի սահմանում» և «ապրանքների ծագման երկրի հավաստագրերի տրամադրման գործընթացում ռիսկերի բացահայտում, չափանիշների մշակում և կառավարում» միջոցառումների կատարման պատասխանատու համարել Հայաստանի Հանրապետության էկոնոմիկայի նախարարությունը և այդ միջոցառումների կատարման ժամկետ սահմանել 2015 թվականի հուլիսի 1-ը:

Հայաստանի Հանրապետության վարչապետ	Հ. Աբրահամյան
2015 թ. ապրիլի 21 Երևան