ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ՆԱԽԱԳԱՀ
|
9 օգոստոսի 2022 թ. |
N 822-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2020 ԹՎԱԿԱՆԻ ԱՊՐԻԼԻ 17-Ի ԹԻՎ 337-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 34-րդ հոդվածի 1-ին մասը՝
ՀՐԱՄԱՅՈՒՄ ԵՄ՝
1. Հայաստանի Հանրապետության պետական եկամուտների կոմիտեի նախագահի 2020 թվականի ապրիլի 17-ի «Հիմնադրամների գործունեության մասին հաշվետվության օրինակելի ձևը, հրապարակման և ներկայացման կարգը հաստատելու և Հայաստանի Հանրապետության կառավարությանն առընթեր պետական եկամուտների կոմիտեի նախագահի 2017 թվականի փետրվարի 24-ի թիվ 58-Ն հրամանն ուժը կորցրած ճանաչելու մասին» թիվ 337‑Ն հրամանում (այսուհետև` Հրաման) և Հրամանով հաստատված N 1 հավելվածում կատարել հետևյալ փոփոխությունները և լրացումները․
1) Հրամանի վերնագրից, 1-ին կետից և Հավելվածի N 1-ի «Հիմնադրամների գործունեության մասին հաշվետվության» անվանումից, 1-ին և 20-րդ կետերից հանել «օրինակելի» բառը,
2) Հավելվածի N 1-ի «Հիմնադրամների գործունեության մասին հաշվետվության ձևում» (այսուհետև՝ Ձև) «Աուդիտորական եզրակացություն» բառերը փոխարինել «Ֆինանսական հաշվետվություններն ու ֆինանսական հաշվետվությունների վերաբերյալ աուդիտն իրականացնող անձի (աուդիտորի) եզրակացությունը`» բառերով,
3) Հավելվածի N 1-ի Ձևում «Թերթ» բառը փոխարինել «Էջերի քանակը» բառերով,
4) Հավելվածի N 1-ի 4-րդ կետում «կայքը» բառից հետո լրացնել «(առկայության դեպքում)» բառերը,
5) Հավելվածի N 1-ի 6-րդ կետը շարադրել հետևյալ խմբագրությամբ. «6.Հաշվետվության 5-րդ կետում լրացվում է հաշվետու տարվա ընթացքում Հիմնադրամի աշխատակազմում ընդգրկված անձանց (բացառությամբ քաղաքացիաիրավական պայմանագրի շրջանակներում աշխատանք կատարողների) ընդհանուր քանակը:»,
6) Հավելվածի N 1-ի 9-րդ կետում «հանրագումարը» բառից հետո լրացնել «,բացառությամբ հիմնադրամի հիմնադրի կողմից կատարված ներդրումների» բառերը,
7) Հավելվածի N 1-ի 19-րդ կետում «հաշվետվությունը» բառից հետո լրացնել «ներբեռնելուց, ստորագրելուց և վերբեռնելուց հետո» բառերը,
8) Հավելվածի N 1-ի 21-րդ կետում «լրացվում է» բառից հետո լրացնել «Հայաստանի Հանրապետության հարկային օրենսգրքով սահմանված եկամուտների և ծախսերի հաշվառման դրամարկղային մեթոդի կիրառմամբ, հայերեն,» բառերը։
2. Սույն հրամանն ուժի մեջ է մտնում պաշտոնական հրապարակման օրվան հաջորդող երկրորդ ամսվա 1-ից:
| Ռ. Բադասյան |
Պաշտոնական հրապարակման օրը՝ 17 օգոստոսի 2022 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|