ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

10 ապրիլի 2009 թ.

N 245-Ա/Ք

Հ Ր Ա Մ Ա Ն

ՀՀ ՊՆ Վ. Սարգսյանի անվան ռազմական ինստիտուտին տրանսպորտային միջոցներ վարելու ուսուցման գործունեության իրականացման լիցենզիա տալու մասին

Ղեկավարվելով «Լիցենզավորման մասին» ՀՀ օրենքի 8-րդ հոդվածի 2-րդ մասով, «Հայաստանի Հանրապետությունում տրանսպորտային միջոցներ վարելու ուսուցման գործունեության իրականացման լիցենզավորման կարգի» 4-րդ կետի պահանջներով, հիմք ընդունելով ՀՀ կրթության և գիտության նախարարության կրթական ծրագրերի իրականացման լիցենզավորման հանձնաժողովի եզրակացությունը.

Հրամայում եմ`

1. ՀՀ ՊՆ Վ. Սարգսյանի անվան ռազմական ինստիտուտին տալ միջնակարգ (լրիվ) ընդհանուր կրթության հիմքով, առկա ուսուցմամբ, ընդունելության սահմանային 250 տեղով` BC կարգի տրանսպորտային միջոցներ վարելու ուսուցման գործունեության իրականացման լիցենզիա:

2. Սույն հրամանի կատարման կազմակերպումը և հսկողությունը հանձնարարել նախարարության «Լիցենզավորման և հավատարմագրման ծառայություն» գործակալության պետ Մ. Մակիչյանին:

Նախարար`

Ս. Սեյրանյան