ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱԴԱՍՏՐԻ ԿՈՄԻՏԵԻ ՂԵԿԱՎԱՐ
|
12 հունվարի 2022 թվականի |
N 4-Ն |
Հ Ր Ա Մ Ա Ն
ԿԱԴԱՍՏՐԻ ԿՈՄԻՏԵԻ ՂԵԿԱՎԱՐԻ 2021 ԹՎԱԿԱՆԻ ԱՊՐԻԼԻ 8-Ի Ν 75-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» ՀՀ օրենքի 33-րդ, 34-րդ հոդվածների պահանջներով`
ՀՐԱՄԱՅՈՒՄ ԵՄ`
1. Կադաստրի կոմիտեի ղեկավարի 2021 թվականի ապրիլի 8-ի «Հողամասի և շինության հատակագծերի ձևերը, հատակագծերին ներկայացվող պահանջները և հատակագծերի ներկայացման կարգը սահմանելու և ՀՀ կառավարությանն առընթեր անշարժ գույքի կադաստրի պետական կոմիտեի 2011 թվականի հոկտեմբերի 20-ի N 283-Ն ու N 284-Ն հրամաններն ուժը կորցրած ճանաչելու մասին» N 75-Ն հրամանով հաստատված հավելվածում կատարել հետևյալ փոփոխությունները և լրացումը.
1) 1-ին կետի 8-րդ ենթակետը շարադրել հետևյալ խմբագրությամբ.
«8) Չափագրման նյութերի փաթեթ՝ փաթեթ, որը ներառում է որակավորված անձի կողմից կազմված հողամասի և շինության հատակագծերը, կոմիտեից ձեռք բերված ելակետային տվյալների պատճենը, ինքնակամ կառույցների (բացառությամբ մինչև 2001 թվականի մայիսի 15-ը ինքնակամ կառուցված բնակելի նշանակության, ինչպես նաև դրանց տնտեսական և օժանդակ շենքերի, շինությունների) օրինականացման համար նաև տվյալ կառույցի արտաքին մասերը հստակ արտացոլող էլեկտրոնային լուսանկարները:»:
2) 27-րդ կետը լրացնել նոր նախադասությամբ հետևյալ բովանդակությամբ.
«Արտաքին և կրող պատերի վրա ինքնակամ բացված պատուհանները և դռները նշագծվում (շտրիխապատվում) են:»:
3) 39-րդ կետի 11-րդ ենթակետի «ա» պարբերությունում «Հայաստանի Հանրապետության կառավարության 2017 թվականի հունիսի 29-ի N 757-Ն» բառերը փոխարինել «Հայաստանի Հանրապետության կառավարության 2021 թվականի ապրիլի 15-ի N 600-Ն» բառերով:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
| Ս. Թովմասյան |
Պաշտոնական հրապարակման օրը՝ 17 հունվարի 2022 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|