ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

18 հունիսի 2021 թ.

N 49-Ն

Հ Ր Ա Մ Ա Ն

ՁԵՎԱԲԱՆԱԿԱՆ ՀԵՏԱԶՈՏՈՒԹՅԱՆ ԵԶՐԱԿԱՑՈՒԹՅԱՆ ՕՐԻՆԱԿԵԼԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Բնակչության բժշկական օգնության և սպասարկման մասին» Հայաստանի Հանրապետության օրենքի 12-րդ հոդվածի 1-ին մասը, Կառավարության 2021 թվականի մարտի 4-ի N 288-Ն որոշման N 2 հավելվածի 6-րդ կետը`

Հրամայում եմ

1. Հաստատել`

1) ձևաբանական հետազոտության եզրակացության օրինակելի ձևերը` համաձայն հավելված 1-ի,

2) ձևաբանական հետազոտության եզրակացության օրինակելի ձևերի լրացման կարգը` համաձայն հավելված 2-ի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՊԱՇՏՈՆԱԿԱՏԱՐ՝

Ա. ԱՎԱՆԵՍՅԱՆ

Հավելված 1 Առողջապահության նախարարի 2021 թվականի հունիսի 18-ի N 49-Ն հրամանի

Ձև 1

Թքագեղձի ասպիրատի բջջաբանական եզրակացության ախտորոշիչ դասերը` ըստ Միլանի համակարգի

Նկարագրական մաս

Բջջաբանական եզրակացություն –

Մեկնաբանություններ –

Բջջաբան` ԱԱՀ---

«   » ---------- 202 թ.

Ձև 2

Կրծքագեղձի ասպիրատի բջջաբանական եզրակացության ախտորոշիչ դասերը` ըստ Յոկոհամայի համակարգի

Նկարագրական մաս

Բջջաբանական եզրակացություն –

Մեկնաբանություններ –

Բջջաբան` ԱԱՀ----

«   » ---------- 202 թ.

Ձև 3

Մեզի բջջաբանական եզրակացությունների ախտորոշիչ դասերը` ըստ Փարիզյան համակարգի

Նկարագրական մաս

Բջջաբանական եզրակացություն –

Մեկնաբանություններ –

Բջջաբան` ԱԱՀ----

«   » ---------- 202 թ.

Ձև 4

Ոսկրածուծի ձևաբանական հետազոտություն N

Նկարագրական մաս

Բջջաբանական եզրակացություն –

Մեկնաբանություններ –

Բջջաբան` ԱԱՀ---

«   » ---------- 202 թ.

Ձև 5

Արգանդի պարանոցի բջջաբանական հետազոտություն (ՊԱՊ-թեստ) N

Նկարագրական մաս

 Բջջաբան` ԱԱՀ--

 «___» _______ 202 թ. (տվյալ հետազոտությունը սքրինինգային է և չի կարող հանդիսանալ վերջնական ախտորոշում)

Ձև 6

Շճային խոռոչների (պլևրալ, պերիկարդիալ, որովայնի) հեղուկի բջջաբանական հետազոտություն N

Նկարագրական մաս

Բջջաբանական եզրակացություն –

Մեկնաբանություններ –

Բջջաբան` ԱԱՀ--

«   » ---------- 202 թ.

Ձև 7

Վահանաձև գեղձի նուրբ ասեղնային ասպիրատի բջջաբանական հետազոտություն N

Նկարագրական մաս

Վահանագեղձի ասպիրատի ախտորոշիչ կարգերը ըստ Բեթեսդա համակարգի

Ոչ ախտորոշիչ

● Կիստայի պարունակություն

● Ոչ բջջային նմուշ

● Այլ (արյուն, արտեֆակտ, այլ)

I. Բարորակ

● Համատեղելի է բարորակ ֆոլիկուլային հանգույցի հետ (ադենոմատոիդ հանգույց, կոլոիդ հանգույց)

● Համատեղելի է քրոնիկ լիմֆոցիտային (Հաշիմոտոյի) թիրեոիդիտի հետ

● Համատեղելի է գրանուլեմատոզ (ենթասուր) թիրեոիդիտի հետ

II. Ատիպիա անորոշ նշանակության

III. Ֆոլիկուլային նեոպլազիա

● Հարթ-բջջային (օնկոցիտային) տարբերակ

IV. Կասկածելի չարորակացման համար

● Կասկածելի պապիլյար կարցինոմայի համար

● Կասկածելի մեդուլյար կարցինոմայի համար

● Կասկածելի մետաստատիկ կարցինոմայի համար

● Կասկածելի լիմֆոմայի համար

V. Չարորակ

● Պապիլյար կարցինոմա

● Մեդուլյար կարցինոմա

● Չտարբերակված/անապլաստիկ կարցինոմա

● Տափակաբջջային կարցինոմա

● Մետաստատիկ կարցինոմա

● Ոչ-Հոջկինյան լիմֆոմա

● Այլ

Բջջաբանական եզրակացություն –

Մեկնաբանություններ –

Բջջաբան` ԱԱՀ---

«   » ---------- 202 թ.

Ձև 8

Այլ նյութի բջջաբանական հետազոտություն N

Մանրադիտակային նկարագրություն ––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––

Բջջաբանական եզրակացություն –

Մեկնաբանություններ –

Բջջաբան` ԱԱՀ----

«   » ---------- 202 թ.

Հավելված 2 Առողջապահության նախարարի 2021 թվականի հունիսի 18-ի N 49-Ն հրամանի

ԿԱՐԳ

ՁԵՎԱԲԱՆԱԿԱՆ ՀԵՏԱԶՈՏՈՒԹՅԱՆ ԵԶՐԱԿԱՑՈՒԹՅԱՆ ՕՐԻՆԱԿԵԼԻ ՁԵՎԵՐԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

 1. Ձևաբանական լաբորատորիայում կատարված հետազոտության արդյունքներն ամփոփվում են ձևաբանական հետազոտության եզրակացության օրինակելի ձևում (այսուհետ` ձևաթուղթ) հետազոտող բժշկի կողմից։

 2. Ձևաթուղթը լրացվում է գրական հայերենով:

 3. Ձևաթղթում լրացված տեղեկությունները պետք է լինեն հավաստի և ժամանակագրական առումով ճշգրիտ:

 4. Ձևաթղթում արված խմբագրումները և դրանք իրականացնողների վերաբերյալ տվյալներն ամրագրվում և պահպանվում են:

 5. Ձևաթղթի համապատասխան տողերը լրացնում է բջջաբանը սույն կարգին համապատասխան:

2. ՁԵՎԱԲԱՆԱԿԱՆ ՀԵՏԱԶՈՏՈՒԹՅԱՆ ԵԶՐԱԿԱՑՈՒԹՅԱՆ ՕՐԻՆԱԿԵԼԻ ՁԵՎԵՐԻ ԼՐԱՑՄԱՆ ԵՆԹԱԿԱ ՏՈՂԵՐԸ

 6. Ձևաթղթի սկզբնամասում նշվում է հետազոտությունը կատարող լաբորատորիայի անվանումը, հասցեն։

 7. Բջջաբանական հետազոտության ձևաթուղթը համարակալվում է։

 8. Ձևաթղթի համարը համընկնում է նյութը ընդունելու ժամանակ տրված համարին, բջջաբանական ապակիների վրա առկա համարներին։

 9. «Պացիենտի ԱԱՀ» տողում նշվում է հետազոտվող պացիենտի անունը, ազգանունը, հայրանունը:

 10. «Տարիքը» տողում նշվում է հետազոտվող պացիենտի տարիքը կամ ծննդյան տարեթիվը:

 11. «Նյութը ընդունված է» տողում նշվում է հետազոտվող նյութի լաբորատորիա ընդունման օրը, ամիսը և տարեթիվը:

 12. «ԲԺշկական կազմակերպություն» տողում լրացվում է այն բժշկական կազմակերպության անվանումը, որտեղ պացիենտից վերցվել է հետազոտվող բջջաբանական նյութը։

 13. «Պատասխանատու բժիշկ`» տողում լրացվում է նյութը լաբորատորիա ուղեգրող բժշկի անունը, ազգանունը:

 14. «Հետազոտվող նյութի բնութագիրը» տողում նշվում է հետազոտման ենթակա նյութը (բիոպտատ, ռեզեկտատ, օրգանի մասնահատված կտոր կամ ամբողջական օրգան): Մեկից ավելի նմուշների դեպքում պարտադիր է կատարել հստակ նշագրում:

 15. «Հետազոտման մեթոդները» տողում նշվում է հետազոտման համար օգտագործված ներկման մեթոդը կամ մեթոդները:

 16. «Մանրադիտակային նկարագրություն» տողում նկարագրվում է նմուշի, մեկից ավելի նմուշների դեպքում՝ դրանցից յուրաքանչյուրի առանձին միկրոսկոպիկ և մակրոսկոպիկ բնութագրերը` չափերը կամ ծավալը, գույնը, համակազմությունը, հատման եզրերը և այլն:

 17. «Բջջաբանական եզրակացություն» տողում լրացվում է ձևաբանական հետազոտության արդյունքները:

 18. «Մեկնաբանություններ» տողում կատարվում են նշումներ հայտնաբերված ձևաբանական փոփոխությունների մասին, որոնք կարող են ունենալ կարևոր դեր պացիենտի բուժման կամ հետագա վարման գործընթացում։ Այս տողում կարող են կատարվել նաև նշումներ հայտնաբերված փոփոխությունների կարևոր գիտական և համաճարակաբանական արժեքի մասին։

 19. «Բջջաբան» տողում նշվում է ձևաբանական հետազոտությունը կատարած բջջաբանի անունը և ազգանունը։ Նույն տողի վերջում դրվում է հետազոտող բժշկի ստորագրությունը: Ձևաբանական հետազոտության ներքևի մասում նշվում է հետազոտության ամսաթիվը:

 3. ՀԱՄԱՊԱՏԱՍԽԱՆ ՁԵՎԱՆՄՈՒՇՈՒՄ ՏԱՐԲԵՐ ՕՐԳԱՆՆԵՐԻՑ ՎԵՐՑՎԱԾ/ՍՏԱՑՎԱԾ ԲՋՋԱԲԱՆԱԿԱՆ ՆՅՈՒԹԻ ՄԱՆՐԱԴԻՏԱԿԱՅԻՆ ՀԵՏԱԶՈՏՈՒԹՅԱՆ ԱՐԴՅՈՒՆՔՆԵՐԻ ԼՐԱՑՄԱՆ ԵՆԹԱԿԱ ԿԵՏԵՐԸ

 20. Թքագեղձի նորագոյացությունից ստացված նուրբ ասեղնային ասպիրատի բջջաբանական եզրակացությունը լրացվում է համապատասխան ձևաթղթում` ըստ Միլանի համակարգի կողմից առաջարկված ախտորոշիչ դասերի:

 21. Կրծքագեղձի նորագոյացությունից ստացված նուրբ ասեղնային ասպիրատի բջջաբանական եզրակացությունը լրացվում է համապատասխան ձևաթղթի նկարագրական մասում` ըստ Յոկոհամայի համակարգի կողմից առաջարկված ախտորոշիչ դասերի:

 22. Մեզի բջջաբանական հետազոտության եզրակացությունն ամփոփվում է համապատասխան ձևաթղթի նկարագրական մասում` ըստ Փարիզյան համակարգի կողմից առաջարկված ախտորոշիչ դասերի:

 23. Ոսկրածուծի ասպիրատի ձևաբանական հետազոտության արդյունքները լրացվում են համապատասխան ձևաթղթի նկարագրական մասում:

 24. Նկարագրական մասի «Տոկոսը» տողի ստորին վանդակներում նշվում է արյունաստեղծ բջիջների համապատասխան բջջային տարրերի տոկոսային արժեքը:

 25. Նկարագրական մասի «Դիսպլաստիկ փոփոխություններ» տողի ստորին վանդակներում նշվում են համապատասխան արյունաստեղծ բջջային տարրում հայտնաբերված դիսպլաստիկ փոփոխությունները։ Նշված վանդակները չեն լրացվում` եթե գնահատում չի կատարվել։

 26. Նկարագրական մասի «Այլ նշումներ» տողի ստորին վանդակներում նշվում է համապատասխան արյունաստեղծ բջջային տարրում հայտնաբերված այլ կառուցվածքային ձևաբանական բնութագիր, և/կամ այլ քանակային կամ նկարագրական բնութագիր։ Նշված վանդակները չեն լրացվում` եթե այլ քանակային կամ այլ նկարագրական բնութագրեր չեն հայտնաբերվում:

 27. Նկարագրական մասի «Այլ բջիջներ» տողի ստորին վանդակներում նշումներ են արվում համապատասխան բջջային տարրերի հայտնաբերման, նրանց քանակային կամ նկարագրական բնութագրերի մասին։

 28. Նշված տողի ամենաներքևի «Այլ» կետի դիմաց նշվում են հայտնաբերված մետաստատիկ չարորակ նորագոյացության բջիջները, հայտնաբերված մանրէային կամ այլ ինֆեկցիոն տարրերը (Լեյշմանիոզի հարուցիչ, Մալարիայի հարուցիչ և այլն)։ Նշված վանդակները չեն լրացվում` եթե համապատասխան բջջային տարրեր, մետաստատիկ չարորակ նորագոյացության բջջային տարրեր, մանրէային կամ այլ ինֆեկցիոն տարրեր չեն հայտնաբերվում։

 29. Նկարագրական մասի «Բջջաբանական ասպիրատի որակական գնահատում» տողի կողքին նշում է արվում հետազոտվող բջջաբանական ասպիրատի գնահատելի կամ ոչ գնահատելի լինելու մասին։ Վերջինիս դեպքում նշվում է ոչ գնահատելի լինելու պատճառը:

 30. Արգանդի պարանոցի բջջաբանական հետազոտության արդյունքները (PAP-թեստ) լրացվում են Բեթեզդա համակարգի կողմից առաջարկված ձևաթղթի նկարագրական մասում։

 31. Շճային խոռոչների (պլևրալ, պերիկարդիալ, որովայնի խոռոչ) հեղուկի բջջաբանական հետազոտության արդյունքները լրացվում են ըստ համապատասխան ձևաթղթում առաջարկված ախտորոշիչ դասերի:

 32. Վահանաձև գեղձի նուրբ ասեղնային ասպիրատի բջջաբանական հետազոտության արդյունքները լրացվում են Բեթեզդա համակարգի կողմից առաջարկված ձևաթղթի նկարագրական մասի ախտորոշիչ դասերում։

 33. Եթե հետազոտվող բջջաբանական նյութի օրգանը նշված չէ ձևաթղթերում, կամ բջջաբանական նյութը ստացվել է այլ կերպ, քան նուրբ ասեղնային ասպիրացիան, ապա հետազոտության արդյունքներն ամփոփվում են «Այլ նյութի բջջաբանական հետազոտություն» ձևաթղթում։

 34. «Այլ նյութի բջջաբանական հետազոտություն» ձևաթղթի «Մանրադիտակային նկարագրություն» տողում նշվում են հայտնաբերված բոլոր բջջային տարրերի մասին նկարագրական կառուցվածքային բնութագրերը։

Պաշտոնական հրապարակման օրը՝ 25 հունիսի 2021 թվական: