«Գրանցված է»

ՀՀ արդարադատության

նախարարության կողմից

22 ապրիլի 2015 թ.

Պետական գրանցման թիվ 11815141

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

14 ապրիլի 2015 թ.

N 220-Ն

Հ Ր Ա Մ Ա Ն

 ՄԱՔՍԱՅԻՆ ՄԱՐՄՆԻ ԿՈՂՄԻՑ ԸՍՏ ԱՏԳ ԱԱ-Ի ԱՊՐԱՆՔՆԵՐԻ ԴԱՍԱԿԱՐԳՄԱՆ ՎԵՐԱԲԵՐՅԱԼ ՆԱԽՆԱԿԱՆ ՈՐՈՇՈՒՄՆԵՐԻ ԸՆԴՈՒՆՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

(վերնագիրը փոփ. 26.08.21 N 854-Ն)

Հիմք ընդունելով Եվրասիական տնտեսական միության մաքսային օրենսգրքի մասին» 11.04.2017թ. պայմանագրի 1-ին հավելվածով հաստատված՝ Եվրասիական տնտեսական միության մաքսային օրենսգրքի 23-րդ հոդվածի 1-ին կետը և «Մաքսային կարգավորման մասին» Հայաստանի Հանրապետության օրենքի 62-րդ հոդվածի 1-ին մասը.

(նախաբանը փոփ. 26.08.21 N 854-Ն)

Հրամայում եմ`

1. Հաստատել մաքսային մարմնի կողմից ըստ ԱՏԳ ԱԱ-ի ապրանքների դասակարգման վերաբերյալ նախնական որոշումների ընդունման կարգը՝ համաձայն հավելված 1-ի:

(1-ին կետը փոփ. 26.08.21 N 854-Ն)

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ժամանակավոր պաշտոնակատար`

Ա. Աֆրիկյան

Հավելված N 1 Հայաստանի Հանրապետության  ֆինանսների նախարարի 2015 թվականի ապրիլի 14-ի N 220-Ն հրամանի

ՄԱՔՍԱՅԻՆ ՄԱՐՄՆԻ ԿՈՂՄԻՑ ԸՍՏ ԱՏԳ ԱԱ-Ի ԱՊՐԱՆՔՆԵՐԻ ԴԱՍԱԿԱՐԳՄԱՆ ՎԵՐԱԲԵՐՅԱԼ ՆԱԽՆԱԿԱՆ ՈՐՈՇՈՒՄՆԵՐԻ ԸՆԴՈՒՆՄԱՆ ԿԱՐԳԸ

(վերնագիրը խմբ. 26.08.21 N 854-Ն)

1. Ապրանքների դասակարգման վերաբերյալ նախնական որոշումները տրամադրվում են «Եվրասիական տնտեսական միության մաքսային օրենսգրքի մասին» 11.04.2017թ. պայմանագրի 1-ին հավելվածով հաստատված՝ Եվրասիական տնտեսական միության մաքսային օրենսգրքի համաձայն և Եվրասիական տնտեսական հանձնաժողովի կոլեգիայի 17.04.2018թ. N58 որոշմամբ սահմանված ձևով և կարգով:

2. Ապրանքների դասակարգման վերաբերյալ նախնական որոշումները մաքսային մարմնի կողմից ընդունվում են անձանց (այսուհետ՝ դիմումատու) կողմից ներկայացված սույն կարգով հաստատված օրինակելի ձևի (Ձև N 1) դիմումի հիման վրա, որը մաքսային մարմին է ներկայացվում թղթային կամ էլեկտրոնային եղանակով:

3. Մաքսային մարմնի կողմից ապրանքների դասակարգման վերաբերյալ յուրաքանչյուր նախնական որոշման տրամադրման համար դիմումատուն դիմումի հետ միասին մաքսային մարմին է ներկայացնում պետական տուրքի վճարման անդորրագիրը:

4. Մաքսային մարմնի կողմից ապրանքների դասակարգման վերաբերյալ ընդունված նախնական որոշումը դիմումատուի կողմից կարող է բողոքարկվել վերադասության կամ դատական կարգով:

Օրինակելի ձև N 1

Դ Ի Մ ՈՒ Մ

ԱՊՐԱՆՔՆԵՐԻ ԴԱՍԱԿԱՐԳՄԱՆ ՎԵՐԱԲԵՐՅԱԼ ՆԱԽՆԱԿԱՆ ՈՐՈՇՄԱՆ

_____________________________________________________________________________________

(կազմակերպության անվանումը, ՀՎՀՀ-ն)

_____________________________________________________________________________________

(գտնվելու վայրը, հեռախոսահամարը, էլեկտրոնային փոստի հասցեն (առկայության դեպքում)

_____________________________________________________________________________________

(ղեկավարի (լիազորված անձի) անունը և ազգանունը)

_____________________________________________________________________________________

(ֆիզիկական անձի (անհատ ձեռնարկատիրոջ) անունը և ազգանունը, ՀՎՀՀ-ն (անհատ ձեռնարկատիրոջ դեպքում)

_____________________________________________________________________________________

(հաշվառման հասցեն (բացակայության դեպքում՝ բնակության վայրը), հեռախոսահամարը, էլեկտրոնային փոստի հասցեն (առկայության դեպքում)

____________________________________________________________________________________

(անձը հաստատող փաստաթղթի սերիան, համարը, երբ և ում կողմից է տրվել)

Խնդրում եմ տրամադրել Եվրասիական տնտեսական միության արտաքին տնտեսական գործունեության ապրանքային անվանացանկին համապատասխան ստորև ներկայացված ապրանքի դասակարգման վերաբերյալ նախնական որոշում:

1. Ապրանքի անվանում

____________________________________________________________________________________

(ապրանքի լրիվ առևտրային անվանումը, ֆիրմային անվանումը և մակնիշը, մոդելը, ապրանքատեսակը (արտիկուլ) և այլ նույնականացման նշաններ, որոնք նախատեսված են արտադրողների կողմից, ապրանքն արտադրողի վերաբերյալ տեղեկություններ)

2. Ապրանքի մանրամասն նկարագիր

____________________________________________________________________________________

(ապրանքների բնույթից կախված նկարագրի մեջ կարող են ներառվել ապրանքի արտաքին տեսքի նկարագրությունը, տրամաչափը, քաշը, չափսերը, նյութը և բաղադրությունը, որից պատրաստված է ապրանքը, ապրանքային նշանակությունը և կիրառման ոլորտը, ապրանքի տեխնիկական նկարագիրը (գործարկման սկզբունքը, իրականացվող գործառույթները, կառուցվածքը, կոմպլեկտավորումը, տեխնիկական բնութագրերը) և ապրանքային տեսքը հայտարարագրման պահին (քանդված, չկոմպլեկտավորված, անավարտ և այլն) և ապրանքի դասակարգման համար անհրաժեշտ այլ տեղեկություններ)

Կից թերթերի քանակը __   Ներկայացման ամսաթիվը
______________ (օր, ամիս, տարի)	________________________________________________ (ֆիզիկական անձի (անհատ ձեռնարկատիրոջ), կազմակերպության ղեկավարի (լիազորված անձի) ստորագրությունը)

 (հավելվածը խմբ. 26.08.21 N 854-Ն)