ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԷԿՈՆՈՄԻԿԱՅԻ ՆԱԽԱՐԱՐ

ՀՀ ԷԿՈՆՈՄԻԿԱՅԻ ՆԱԽԱՐԱՐԻ 2013 ԹՎԱԿԱՆԻ ՄԱՐՏԻ 19-Ի N 170-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի դ) կետով և 34-րդ հոդվածի 1-ին և 2-րդ մասերով՝

ՀՐԱՄԱՅՈՒՄ ԵՄ․

1․ Հայաստանի Հանրապետության էկոնոմիկայի նախարարի 2013 թվականի մարտի 19-ի «Սոցիալական փաթեթի հանգստի ապահովման ծառայության մեջ ընդգրկվող զբոսաշրջային օպերատորների հաշվառման կարգը հաստատելու և Հայաստանի Հանրապետության էկոնոմիկայի նախարարի 2012 թվականի հունվարի 26-ի N 67-Ն հրամանն ուժը կորցրած ճանաչելու մասին» N 170-Ն հրամանի հավելվածում (այսուհետ` Հավելված) կատարել հետևյալ փոփոխությունները և լրացումները՝

1) Հավելվածի 3-րդ կետի 1-ին ենթակետի դ) պարբերությունն ուժը կորցրած ճանաչել,

2) Հավելվածի 4-րդ կետի 4-րդ ենթակետում «իրենց մասնաճյուղերի» բառերից առաջ լրացնել «մասնաճյուղեր կամ գործակալներ ունենալու դեպքում,» բառերով,

3) Հավելվածի 10․1-ին կետում «tourism@mineconomy.am» բառերը փոխարինել «stc@mineconomy.am» բառերով,

4) Հավելվածի 12-րդ կետի 2-րդ ենթակետից հանել «(այդ թվում նաև մասնաճյուղերի և գործակալների գրասենյակների)» և «և գործակալների» բառերը,

5) Հավելվածի 14-րդ կետը «օպերատորի և» բառերից հետո լրացնել «գործակալներ կամ մասնաճյուղեր ունենալու դեպքում,» բառերով,

6) Հավելվածի 19-րդ կետից հանել «երկու անգամ» և «երկրորդ անգամ» բառերը,

7) Հավելվածը լրացնել 19․1 կետով հետևյալ բովանդակությամբ․

«19․1․ Լիազոր մարմնի կողմից սույն կարգի 16-րդ կետով նախատեսված հիմքերով նույն զբոսաշրջային օպերատորին մեկ տարվա ընթացքում երեք անգամ մերժելուց հետո զբոսաշրջային օպերատորը չի կարող հայտ ներկայացնել երրորդ մերժման օրվանից հետո՝ մեկ տարվա ընթացքում։»,

8) Հավելվածի Ձև 3-ի 5-րդ կետի 6-րդ ենթակետը շարադրել նոր խմբագրությամբ հետևյալ բովանդակությամբ․

«6) գործակալ ունենալու դեպքում՝ գործակալների հետ կնքված պայմանագրերի պատճենները _______ թերթ,»,

9) Հավելվածի Ձև 3-ի 5-րդ կետի 7-րդ ենթակետից հանել «(եթե զբոսաշրջային օպերատորը գրանցված կամ գտնվում է Երևանում)» բառերը։

Վ. ՔԵՐՈԲՅԱՆ պաշտոնակատար

Պաշտոնական հրապարակման օրը՝ 28 հուլիսի 2021 թվական: