ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

15 հունիսի 2021 թ.

N 2296-Ա

Հ Ր Ա Մ Ա Ն

ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2020 ԹՎԱԿԱՆԻ ՍԵՊՏԵՄԲԵՐԻ 24-Ի ԹԻՎ 3313-Ա ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները և ՀՀ ԱՆ «ՊՐՈՖԵՍՈՐ Ռ.Օ.ՅՈԼՅԱՆԻ ԱՆՎԱՆ ԱՐՅՈՒՆԱԲԱՆԱԿԱՆ ԿԵՆՏՐՈՆ» փակ բաժնետիրական ընկերության կողմից գլխավոր տնօրենի կողմից 2021 թվականին հունիսի 10-ին Առողջապահության նախարարություն ներկայացված դիմումը`

Հրամայում եմ`

1. Առողջապահության նախարարի 2020 թվականի սեպտեմբերի 24-ի «ՀՀ ԱՆ «ՊՐՈՖԵՍՈՐ Ռ.Օ.ՅՈԼՅԱՆԻ ԱՆՎԱՆ ԱՐՅՈՒՆԱԲԱՆԱԿԱՆ ԿԵՆՏՐՈՆ» փակ բաժնետիրական ընկերության Առողջապահության նախարարության կողմից 2003 թվականի հունիսի 20-ին տրված N Կ-XX-000131, 2016 թվականի հուլիսի 04-ին տրված N Կ-ԲՕ-002172, 2017 թվականի ապրիլի 6-ի տրված N Կ-ԲՕ-002257 լիցենզիաներով նախատեսված բժշկական օգնության և սպասարկման հիվանդանոցային` մանկական անեսթեզիոլոգիական, մանկական վերակենդանացման լաբորատոր-ախտորոշիչ` միկրոբիոլոգիական, սերոլոգիական, կլինիկական, բիոքիմիական, արյունաբանական, ուլտրաձայնային, ռենտգենաբանական, անեսթեզիոլոգիական և վերակենդանացում, արտահիվանդանոցային` ճառագայթային ախտորոշիչ (համակարգչային տոմոգրաֆիկ), սրտաբանական տեսակներով զբաղվելու իրավունքը կասեցնելու մասին» թիվ 3313-Ա հրամանի`

1) 20-րդ և 21-րդ կետերից հանել «մեծահասակների» բառերը,

2) 14-րդ և 17-րդ կետերն ուժը կորցրած ճանաչել:

2. Առողջապահության նախարարության լիցենզավորման գործակալության պետ Վահե Ալեքսանյանին՝ եռօրյա ժամկետում ապահովել սույն հրամանի առաքումը գերատեսչական նորմատիվ իրավական ակտերը հրապարակող մարմին և Պետական եկամուտների կոմիտե:

3. Առողջապահության նախարարության քարտուղարության պետ Զարուհի Դարբինյանին` եռօրյա ժամկետում ապահովել սույն հրամանի առաքումը «ՀՀ ԱՆ «ՊՐՈՖԵՍՈՐ Ռ.Օ.ՅՈԼՅԱՆԻ ԱՆՎԱՆ ԱՐՅՈՒՆԱԲԱՆԱԿԱՆ ԿԵՆՏՐՈՆ»» փակ բաժնետիրական ընկերությանը:

ՊԱՇՏՈՆԱԿԱՏԱՐ՝

Ա. ԱՎԱՆԵՍՅԱՆ

Պաշտոնական հրապարակման օրը՝ 17 հունիսի 2021 թվական: