ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՆԱԽԱԳԱՀ

7 ապրիլի 2021 թ.

N 340-Ա

Հ Ր Ա Մ Ա Ն

«ԳՈՒԴ ՍՈՖԹ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ (ՀՎՀՀ 02283016) ՆԿԱՏՄԱՄԲ ՈՐՊԵՍ ՊԱՏԱՍԽԱՆԱՏՎՈՒԹՅԱՆ ՄԻՋՈՑ ՏՈՒԳԱՆՔ ԿԻՐԱՌԵԼՈՒ ՄԱՍԻՆ

Հիմք ընդունելով հետևյալ փաստական հանգամանքները.

1. Հայաստանի Հանրապետության պետական եկամուտների կոմիտեի նախագահի 25.12.2020թ-ի թիվ 0000002 հանձնարարագրի հիման վրա իրականացված ստուգման արդյունքում 25.02.2021թ-ին կազմված ԻՇԽ N 0000002 ակտի համաձայն «Գուդ Սոֆթ» սահմանափակ պատասխանատվությամբ ընկերությունը (այսուհետ՝ Ընկերություն) կատարել է «Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքի (այսուհետ՝ Օրենք) 6-րդ հոդվածի 2.1-րդ մասի «ա» և «ե» կետերով, որոնց կապակցությամբ Հայաստանի Հանրապետության պետական եկամուտների կոմիտեի կողմից 2021թ. մարտի 10-ի թիվ /6-3/13290-2021 ծանուցմամբ (Ընկերության կողմից ստացվել է 15.03.2021 թ-ին) Ընկերության նկատմամբ հարուցվել է վարչական վարույթ։

Վերոգրյալի հիման վրա, ղեկավարվելով Օրենքի 13-րդ հոդվածի 2-րդ մասի «բ» և «է» կետերով, Հայաստանի Հանրապետության վարչապետի 2018 թվականի հունիսի 18-ի թիվ 702-Լ որոշմամբ հաստատված Հայաստանի Հանրապետության պետական եկամուտների կոմիտեի կանոնադրության 17-րդ կետի 16-րդ ենթակետով.

ՀՐԱՄԱՅՈՒՄ ԵՄ`

1. «Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքի 6-րդ հոդվածի 2.1-ին մասի «ա» կետով սահմանված պահանջը` առաջին անգամ՝ մեկ դեպքով խախտելու համար «Գուդ Սոֆթ» սահմանափակ պատասխանատվությամբ ընկերության նկատմամբ կիրառել տուգանք երկու միլիոն Հայաստանի Հանրապետության դրամի չափով։

2. «Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքի 6-րդ հոդվածի 2.1-ին մասի «ե» կետով սահմանված պահանջը իննսունինը դեպքով խախտելու համար «Գուդ Սոֆթ» սահմանափակ պատասխանատվությամբ ընկերության նկատմամբ կիրառել տուգանք քառասունինը միլիոն հինգ հարյուր հազար Հայաստանի Հանրապետության դրամի չափով։

3. Նշված տուգանքը ենթակա է վճարման Հայաստանի Հանրապետության պետական բյուջեի գանձապետական 900005024154 հաշվեհամարին։

4. Կիրառված տուգանքը սույն հրամանն օրենքով սահմանված ժամկետում անբողոքարկելի դառնալուց հետո՝ ամբողջությամբ կամ մասամբ վճարված չլինելու դեպքում, ենթակա է հարկադիր կատարման Հայաստանի Հանրապետության օրենսդրությամբ սահմանված կարգով և ժամկետներում՝ Հայաստանի Հանրապետության արդարադատության նախարարության դատական ակտերի հարկադիր կատարման ծառայության միջոցով։

5. Սույն հրամանը կարող է բողոքարկվել վարչական կարգով՝ այն ուժի մեջ մտնելու օրվանից երկամսյա ժամկետում կամ Հայաստանի Հանրապետության վարչական դատարան։

6. Սույն հրամանն ուժի մեջ է մտնում «Վարչարարության հիմունքների և վարչական վարույթի մասին» Հայաստանի Հանրապետության օրենքի 59-րդ հոդվածով սահմանված կարգով՝ իրազեկելուն հաջորդող օրվանից։

Է. ՀՈՎՀԱՆՆԻՍՅԱն

Պաշտոնական հրապարակման օրը՝ 14 ապրիլի 2021 թվական: