ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

17 մարտի 2021 թ.

N 13-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԴԵՂԱՏՆԱՅԻՆ ԳՈՐԾՈՒՆԵՈՒԹՅԱՆ ԿԱՄ ԴԵՂԵՐԻ ՄԵԾԱԾԱԽ ԻՐԱՑՄԱՆ ՀԱՄԱՐ ԼԻՑԵՆԶԱՎՈՐՎԱԾ ԱՆՁԱՆՑ ԿՈՂՄԻՑ ԴԵՂԵՐԻ, ԴԵՂԱՆՅՈՒԹԵՐԻ, ԴԵՂԱԲՈՒՍԱԿԱՆ ՀՈՒՄՔԻ ԻՐԱՑՄԱՆ ԾԱՎԱԼՆԵՐԻ ՎԵՐԱԲԵՐՅԱԼ ՏԱՐԵԿԱՆ ՀԱՇՎԵՏՎՈՒԹՅԱՆ ՆԵՐԿԱՅԱՑՄԱՆ ԿԱՐԳԸ ԵՎ ԴԵՂԵՐԻ ՄԵԾԱԾԱԽ ԻՐԱՑՄԱՆ ԼԻՑԵՆԶԻԱ ՈՒՆԵՑՈՂ ԻՐԱՎԱԲԱՆԱԿԱՆ ԱՆՁԱՆՑ ԵՎ ԱՆՀԱՏ ՁԵՌՆԱՐԿԱՏԵՐԵՐԻ ԿՈՂՄԻՑ ՄԵԾԱԾԱԽ ԿԱՐԳՈՎ ԻՐԱՑՎԱԾ ԴԵՂԵՐԻ ՎԵՐԱԲԵՐՅԱԼ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ԵՎ ՀԱՇՎԵՏՎՈՒԹՅԱՆ ՁԵՎԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Դեղերի մասին» Հայաստանի Հանրապետության օրենքի 23-րդ հոդվածի 1-ին և 24-րդ հոդվածի 12-րդ մասերը,

ՀՐԱՄԱՅՈՒՄ ԵՄ`

1. Սահմանել, որ

1) Հայաստանի Հանրապետությունում դեղատնային գործունեության կամ դեղերի մեծածախ իրացման համար լիցենզավորված անձինք մինչև յուրաքանչյուր տարվա հունվարի 31-ը նախորդ տարում դեղերի, դեղանյութերի, դեղաբուսական հումքի իրացման ծավալների վերաբերյալ տարեկան հաշվետվությունը ներկայացնում են Հայաստանի Հանրապետության առողջապահության նախարարության ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն (այսուհետ՝ Փորձագիտական կենտրոն) լիցենզավորված անձի ղեկավարի ստորագրությամբ հաստատված և կատարողի մասին տվյալներ պարունակող գրությամբ՝ առձեռն կամ էլեկտրոնային փոստով կամ էլեկտրոնային համակարգի միջոցով կամ փոստային առաքմամբ, նշելով՝ իրավաբանական անձի կամ անհատ ձեռնարկատիրոջ անվանումը, լիցենզիայի համարը, գտնվելու վայրը, դեղերի, դեղանյութերի, դեղաբուսական հումքի իրացման ծավալները (ՀՀ դրամով):

2) Հայաստանի Հանրապետությունում դեղերի մեծածախ իրացման լիցենզիա ունեցող իրավաբանական անձիք և անհատ ձեռնարկատերերը մինչև յուրաքանչյուր տարվա հունվարի 31-ը նախորդ տարում իրենց կողմից մեծածախ կարգով իրացված դեղերի վերաբերյալ տարեկան հաշվետվությունը ներկայացնում են Փորձագիտական կենտրոն՝ լիցենզավորված անձի ղեկավարի ստորագրությամբ հաստատված և կատարողի մասին տվյալներ պարունակող գրությամբ՝ էլեկտրոնային փոստով կամ էլեկտրոնային համակարգի միջոցով՝ Հայաստանի Հանրապետության վարչապետի 2019 թվականի հոկտեմբերի 7-ի N 1414-Ա որոշման համաձայն «Վիրտուալ պահեստ» ավտոմատացված տեղեկատվական համակարգի ներդրումից հետո՝ այդ համակարգից էլեկտրոնային քաղվածքի ձևով:

 2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Ա. ԱՎԱՆԵՍՅԱՆ

Պաշտոնական հրապարակման օրը՝ 26 մարտի 2021 թվական: