ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

«ՎԻՎԱՌՈ ԳՐՈՒՊ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ԿՈՂՄԻՑ 2011 ԹՎԱԿԱՆԻ ՍԵՊՏԵՄԲԵՐԻ 28-ԻՆ ՏՐՎԱԾ ԻՆՏԵՐՆԵՏ ՇԱՀՈՒՄՈՎ ԽԱՂԵՐԻ ԿԱԶՄԱԿԵՐՊՄԱՆ ԹԻՎ ԻՇԽ-004 ԼԻՑԵՆԶԻԱՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Լիցենզավորման մասին» օրենքի 37-րդ հոդվածի 1-ին մասի 7-րդ կետով, «Շահումով խաղերի, ինտերնետ շահումով խաղերի և խաղատների մասին» օրենքի 15-րդ հոդվածի 1-ին մասի «ե» կետով, հիմք ընդունելով «ՎԻՎԱՌՌ» սահմանափակ պատասխանատվությամբ ընկերության (ԻՇԽ-004 լիցենզիա) և «Սոֆթ Կոնստրակտ» ՍՊԸ կողմից 2020 թվականի սեպտեմբերի 22-ին ներկայացված համատեղ դիմումը (այսուհետ՝ Դիմում)՝ Հայաստանի Հանրապետության ֆինանսների նախարարության կողմից 2011 թվականի սեպտեմբերի 28-ին «ՎԻՎԱՌՈ ԳՐՈՒՊ» ՍՊԸ տրված ինտերնետ շահումով խաղերի կազմակերպման լիցենզիայի գործողությունը դադարեցնելու մասին, 2020 թվականի սեպտեմբերի 30-ին կայացած վիճակախաղերի, շահումով խաղերի, ինտերնետ շահումով խաղերի և խաղատների լիցենզավորող հանձնաժողովի նիստի եզրակացությունը, Հայաստանի Հանրապետության ֆինանսների նախարարի 2020 թվականի սեպտեմբերի 30-ի թիվ 275-Ա հրամանը՝ «Սոֆթ Կոնստրակտ» սահմանափակ պատասխանատվությամբ ընկերությանը ինտերնետ շահումով խաղերի կազմակերպման լիցենզիա տրամադրելու մասին.

ՀՐԱՄԱՅՈՒՄ ԵՄ`

1. Հայաստանի Հանրապետության ֆինանսների նախարարության կողմից 2011 թվականի սեպտեմբերի 28-ին «ՎԻՎԱՌՈ ԳՐՈՒՊ» սահմանափակ պատասխանատվությամբ ընկերությանը տրված ինտերնետ շահումով խաղերի կազմակերպման թիվ ԻՇԽ-004 լիցենզիան ուժը կորցրած ճանաչել համաձայն Դիմումի։

2. Սույն հրամանը կարող է բողոքարկել վարչական կարգով՝ այն ուժի մեջ մտնելու օրվանից երկամսյա ժամկետում կամ Հայաստանի Հանրապետության վարչական դատարան՝ Հայաստանի Հանրապետության օրենսդրությամբ սահմանված ժամկետում։

3. Սույն հրամանն ուժի մեջ է մտնում «Վարչարարության հիմունքների և վարչական վարույթի մասին» օրենքի 59-րդ հոդվածով սահմանված կարգով՝ իրազեկելուն հաջորդող օրվանից։

Ա. Ջանջուղազյան

Պաշտոնական հրապարակման օրը՝ 2 հոկտեմբերի 2020 թվական: