ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

4 հոկտեմբերի 2019 թ.

N 2788-Ա

Հ Ր Ա Մ Ա Ն

«ԱՐԻՆՏԵԼԵՎ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ 2019 ԹՎԱԿԱՆԻ ԱՊՐԻԼԻ 18-ԻՆ ՏՐԱՄԱԴՐՎԱԾ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ N Կ-ԲՕ-002536 ԼԻՑԵՆԶԻԱՅԻ ԱՐՏԱՀԻՎԱՆԴԱՆՈՑԱՅԻՆ` ԲԺՇԿԱԿԱՆ ԸՆԴՀԱՆՈՒՐ ՊՐԱԿՏԻԿԱ, ՄԱՆԿԱԲՈՒԺԱԿԱՆ, ՔԻԹ-ԿՈԿՈՐԴ-ԱԿԱՆՋԱԲԱՆԱԿԱՆ, ՆՅԱՐԴԱԲԱՆԱԿԱՆ, ՌԵՎՄԱՏՈԼՈԳԻԱԿԱՆ, ՖՈՒՆԿՑԻՈՆԱԼ ԱԽՏՈՐՈՇԻՉ, ԼԱԲՈՐԱՏՈՐ-ԱԽՏՈՐՈՇԻՉ (ԻՄՈՒՆԱԲԱՆԱԿԱՆ, ԲՋՋԱԲԱՆԱԿԱՆ, ՇՃԱԲԱՆԱԿԱՆ, (ՍԵՐՈԼՈԳԻԱԿԱՆ)), ԿՈՍՄԵՏՈԼՈԳԻԱԿԱՆ, ՈՒՌՈՒՑՔԱԲԱՆԱԿԱՆ, ՄԱՆԿԱԲԱՐՁԱԳԻՆԵԿՈԼՈԳԻԱԿԱՆ ԸՆԴՀԱՆՈՒՐ ՊՐԱԿՏԻԿԱ, ԱՆԸՆԿԱԼՈՒՆԱԲԱՆԱԿԱՆ, ՎԵՐԱԿԱՆԳՆՈՂԱԿԱՆ (ՌԵՖԼԵՔՍԱԹԵՐԱՊԵՎՏԻԿ, ՄԱՆՈՒԱԼ ԹԵՐԱՊԵՎՏԻԿ, ԲՈՒԺԱԿԱՆ ՄԵՐՍՈՒՄ, ԲԱԼՆԵՈԼՈԳԻԱԿԱՆ, ՑԵԽԱԲՈՒԺՈՒԹՅՈՒՆ), ԴԻԵՏԱԲԱՆԱԿԱՆ (ԴԻԵՏՈԼՈԳԻԱԿԱՆ), ՄԱՆԿԱԿԱՆ ՈՒՐՈԼՈԳԻԱԿԱՆ, ՄԱՆԿԱԿԱՆ ՔԻԹ-ԿՈԿՈՐԴ-ԱԿԱՆՋԱԲԱՆԱԿԱՆ ՏԵՍԱԿՆԵՐԻ ԳՈՐԾՈՒՆԵՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ

(հրամանը 16.10.19 թվականից «բժշկական ընդհանուր պրակտիկա, մանկաբուժական, վերականգնողական (ռեֆլեքսաթերապևտիկ, մանուալ թերապևտիկ, բուժական մերսում), նյարդաբանական, ուռուցքաբանական, ռևմատոլոգիական, մանկաբարձագինեկոլոգիական ընդհանուր պրակտիկա» տեսակների մասով ուժը կորցրել է 15.10.19 N 2973-Ա, իսկ 18.10.19-ից «անընկալունաբանական» տեսակների մասով ուժը կորցրել է 17.10.19 N 3022-Ա հրամանների համաձայն)

Հիմք ընդունելով «Լիցենզավորման մասին» Հայաստանի Հանրապետության օրենքի 8-րդ հոդվածի 5-րդ մասը, 12-րդ հոդվածի 1-ին մասը, 13-րդ հոդվածի 6-րդ մասը, վարչապետի 2018 թվականի հունիսի 11-ի N 728-Լ որոշմամբ հաստատված Առողջապահության նախարարության կանոնադրության 18-րդ կետի 20-րդ ենթակետը, Առողջապահության նախարարության լիցենզավորման հանձնաժողովի եզրակացությունը, հաշվի առնելով Հայաստանի Հանրապետության Առողջապահական և աշխատանքի տեսչական մարմնի գրությունը այն մասին, որ «ԱՐԻՆՏԵԼԵՎ» սահմանափակ պատասխանատվությամբ ընկերությունն իրականացնում է բժշկական օգնության և սպասարկման արտահիվանդանոցային` բժշկական ընդհանուր պրակտիկա, մանկաբուժական, քիթ-կոկորդ-ականջաբանական, նյարդաբանական, ռևմատոլոգիական, ֆունկցիոնալ ախտորոշիչ, լաբորատոր-ախտորոշիչ (իմունաբանական, բջջաբանական, շճաբանական, (սերոլոգիական)), կոսմետոլոգիական, ուռուցքաբանական, մանկաբարձագինեկոլոգիական ընդհանուր պրակտիկա, անընկալունաբանական, վերականգնողական (ռեֆլեքսաթերապևտիկ, մանուալ թերապևտիկ, բուժական մերսում, բալնեոլոգիական, ցեխաբուժություն), դիետաբանական (դիետոլոգիական), մանկական ուրոլոգիական, մանկական քիթ-կոկորդ-ականջաբանական տեսակները, խախտելով Հայաստանի Հանրապետության կառավարության 2002 թվականի հունիսի 29-ի թիվ 867 որոշման N 5 հավելվածի 18-րդ կետով նախատեսված պահանջը, որի համաձայն`

1. լիցենզավորված անձը լիցենզավորված գործունեությունը սկսելուց առնվազն հինգ աշխատանքային օր առաջ լիազոր մարմին է ներկայացնում գործունեության իրականացման յուրաքանչյուր վայրի համար էլեկտրոնային առողջապահության համակարգն սպասարկող օպերատորի հետ կնքված էլեկտրոնային առողջապահության համակարգին միացման և սպասարկման պայմանագիրը, համապատասխան որակավորված անձի մասին տեղեկատվություն` կցելով համապատասխան որակավորում ունեցող անձի մասնագիտական կրթության փաստը հավաստող վկայականը և վերջին հինգ տարվա ընթացքում վերապատրաստման վկայականը` համաձայն Հայաստանի Հանրապետության կառավարության 2002 թվականի դեկտեմբերի 5-ի N 1936-Ն կամ Հայաստանի Հանրապետության կառավարության 2009 թվականի հոկտեմբերի 29-ի N 1275-Ն որոշումների և Հայաստանի Հանրապետության օրենսդրությամբ սահմանված կարգով վտանգավոր թափոնների վնասազերծման ոլորտում համապատասխան լիցենզիա ունեցող որևէ կազմակերպության հետ կնքված պայմանագիրը: Լիցենզիա ստանալուց հետո բուժաշխատողի փոփոխության դեպքում լիցենզավորված անձը սույն կետով նախատեսված փաստաթղթերը լիազոր մարմին է ներկայացնում փոփոխություններից հետո` 3 աշխատանքային օրվա ընթացքում: (Առձեռն փաստաթղթեր ներկայացնելիս պետք է ներկայացվեն դրանց բնօրինակները, իսկ պատճենահանումն անվճար իրականացնում է լիազոր մարմինը:), սակայն «ԱՐԻՆՏԵԼԵՎ» սահմանափակ պատասխանատվությամբ ընկերության կողմից արտահիվանդանոցային` բժշկական ընդհանուր պրակտիկա, մանկաբուժական, քիթ-կոկորդ-ականջաբանական, նյարդաբանական, ռևմատոլոգիական, ֆունկցիոնալ ախտորոշիչ, լաբորատոր-ախտորոշիչ (իմունաբանական, բջջաբանական, շճաբանական, (սերոլոգիական)), կոսմետոլոգիական, ուռուցքաբանական, մանկաբարձագինեկոլոգիական ընդհանուր պրակտիկա, անընկալունաբանական, վերականգնողական (ռեֆլեքսաթերապևտիկ, մանուալ թերապևտիկ, բուժական մերսում, բալնեոլոգիական, ցեխաբուժություն), դիետաբանական (դիետոլոգիական), մանկական ուրոլոգիական, մանկական քիթ-կոկորդ-ականջաբանական տեսակներով բժշկական օգնություն և սպասարկում իրականացնելուց առաջ համապատասխան կադրային փաստաթղթեր չեն ներկայացվել, ուստի ելնելով վերոգրյալից և ղեկավարվելով «Լիցենզավորման մասին» Հայաստանի Հանրապետության օրենքի 36-րդ հոդվածի 1-ին մասի 8-րդ կետի, նույն հոդվածի 2-րդ, 8-րդ մասերի պահանջներով`

ՀՐԱՄԱՅՈՒՄ ԵՄ`

1. Կասեցնել «ԱՐԻՆՏԵԼԵՎ» սահմանափակ պատասխանատվությամբ ընկերության (Երևան, Կենտրոն, Վարդանանց փողոց, 18/1 շենք, 51 շինություն) Առողջապահության նախարարության կողմից 2019 թվականի ապրիլի 18-ին տրամադրված բժշկական օգնության և սպասարկման N Կ-ԲՕ-002536 լիցենզիայով նախատեսված արտահիվանդանոցային` բժշկական ընդհանուր պրակտիկա, մանկաբուժական, քիթ-կոկորդ-ականջաբանական, նյարդաբանական, ռևմատոլոգիական, ֆունկցիոնալ ախտորոշիչ, լաբորատոր-ախտորոշիչ (իմունաբանական, բջջաբանական, շճաբանական, (սերոլոգիական)), կոսմետոլոգիական, ուռուցքաբանական, մանկաբարձագինեկոլոգիական ընդհանուր պրակտիկա, անընկալունաբանական, վերականգնողական (ռեֆլեքսաթերապևտիկ, մանուալ թերապևտիկ, բուժական մերսում, բալնեոլոգիական, ցեխաբուժություն), դիետաբանական (դիետոլոգիական), մանկական ուրոլոգիական, մանկական քիթ-կոկորդ-ականջաբանական տեսակներով զբաղվելու իրավունքը՝ մինչև խախտման պատճառների վերացումը:

2. Առողջապահության նախարարության լիցենզավորման գործակալության պետի ժամանակավոր պաշտոնակատար Վահե Ալեքսանյանին`

1) ապահովել լիցենզիայի կասեցման մասին տեղեկությունների գրանցումը համապատասխան գրանցամատյանում,

2) եռօրյա ժամկետում ապահովել սույն հրամանի առաքումը գերատեսչական նորմատիվ ակտերը հրապարակող մարմին և Պետական եկամուտների կոմիտե:

3. Առողջապահության նախարարության քարտուղարության պետ Զարուհի Դարբինյանին` եռօրյա ժամկետում ապահովել սույն հրամանի առաքումը հայտատուին:

4. Սույն հրամանի կատարման հսկողությունը հանձնարարել Առողջապահության նախարարի տեղակալ Հովհաննես Հարությունյանին:

5. Սույն հրամանն ուժի մեջ է մտնում «ԱՐԻՆՏԵԼԵՎ» սահմանափակ պատասխանատվությամբ ընկերությանն իրազեկելուն հաջորդող օրվանից:

6. Սույն հրամանը «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով կարող է բողոքարկվել Հայաստանի Հանրապետության առողջապահության նախարարություն, ինչպես նաև ՀՀ վարչական դատարան՝ վարչական ակտն ուժի մեջ մտնելու օրվանից 2 ամսվա ընթացքում:

Ա. Թորոսյան