ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ, ԿԱՊԻ ԵՎ ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՆԱԽԱՐԱՐԻ 2018 ԹՎԱԿԱՆԻ ԱՊՐԻԼԻ 7-Ի ԹԻՎ 245-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆԻ ՆՄՈՒՇԸ ՀԱՍՏԱՏԵԼՈՒ ՈՒ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» կետի և «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածների դրույթներով.

1. Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարի 2018 թվականի ապրիլի 7-ի «2018 թվականի փոստային վճարման պետական նշանների թեման, գործողության մեջ դնելու ժամկետը, անվանագինը և տպաքանակը հաստատելու մասին» N 245-Ն հրամանում կատարել հետևյալ փոփոխությունները`

1) հրամանով հաստատված հավելվածի «3.5», «4.4», «8.1» և «12.2» կետերը ուժը կորցրած ճանաչել.

2) հրամանի հավելվածի «12.1» կետը շարադրել հետևյալ խմբագրությամբ՝

«

12.1 Հայկական մուլտֆիլմեր 2 նամականիշ IV եռամսյակ 100 230 40 000x2

»:

2. Հաստատել փոստային վճարման պետական նշանի նմուշը` մանկական ֆիլատելիա. Հայկական մուլտֆիլմեր թեմային նվիրված «ԳՏՆՎԱԾ ԵՐԱԶ. FOUND DREAM» նամականիշի, համաձայն հավելվածի:

3. Գործողության մեջ դնել` մանկական ֆիլատելիա. Հայկական մուլտֆիլմեր թեմային նվիրված «ԳՏՆՎԱԾ ԵՐԱԶ. FOUND DREAM» նամականիշը, սահմանելով անվանագինը` 230 դրամ, տպաքանակը` 40 000 հատ: