ՀՀ արդարադատության

նախարարության կողմից

28 փետրվարի 2017 թ.

Պետական գրանցման թիվ 12417111

Հիմք ընդունելով «Հիմնադրամների մասին» Հայաստանի Հանրապետության օրենքի 38-րդ և 39-րդ հոդվածները, «Ինտերնետով հրապարակային և անհատական ծանուցման մասին» Հայաստանի Հանրապետության օրենքի 3-րդ հոդվածը`

Հրամայում եմ՝

1. Հաստատել հիմնադրամների կողմից հրապարակվող հաշվետվության ձևը` համաձայն N 1 հավելվածի:

2. Հաստատել հիմնադրամների կողմից հրապարակվող հաշվետվության լրացման կարգը` համաձայն N 2 հավելվածի:

3. Հաստատել հիմնադրամների կողմից հրապարակվող հաշվետվության հրապարակման և Հայաստանի Հանրապետության կառավարությանն առընթեր պետական եկամուտների կոմիտե ներկայացման կարգը` համաձայն N 3 հավելվածի:

4. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Վ. Հարությունյան

Ձև

ՀԻՄՆԱԴՐԱՄՆԵՐԻ ԿՈՂՄԻՑ ՀՐԱՊԱՐԱԿՎՈՂ ՀԱՇՎԵՏՎՈՒԹՅԱՆ

ՀԱՍՏԱՏՎԱԾ Է

Հիմնադրամի հոգաբարձուների

խորհրդի ____ ______________ 20  թ.
որոշմամբ

ՀԱՇՎԵՏՎՈՒԹՅՈՒՆ

«------------------------------------------------------»

հիմնադրամի 20  թ. գործունեության մասին

1. Հիմնադրամի`
1.1 Լրիվ անվանումը
1.2 Գտնվելու վայրը
1.3 Պետական գրանցման համարը
1.4 Պետական գրանցման տարին, ամիսը, ամսաթիվը
1.5 ՀՎՀՀ-ն
1.6 Հեռախոսը (այդ թվում` բջջային)
1.7 Պաշտոնական ինտերնետային կայքը
1.8 Էլեկտրոնային փոստը
2. Հիմնադրի անուն, ազգանուն կամ անվանում`
3. Հոգաբարձուների խորհրդի անդամների անուն, ազգանուն`
4. Կառավարչի անուն, ազգանուն`
5. Աշխատակազմում ընդգրկված անձանց անուն, ազգանուն`
6. Անձեռնմխելի կապիտալի չափը
7. Անձեռնմխելի կապիտալի կառավարումից ստացված եկամուտ
8. Ֆինանսավորման աղբյուրները`
8.1 Ֆինանսավորումն ըստ խմբերի	8.2 Ծրագրի անվանումը	8.3 Չափը
8.1.1 Պետական և հայմայնքային բյուջեներից դրամական մուտքեր
8.1.2 Իրավաբանական անձանցից դրամական մուտքեր
8.1.3 Ֆիզիկական անձանցից դրամական մուտքեր
9. Հիմնադրի ներդրումը`
9.1 Դրամական միջոցներ	9.2 Գույք
	9.2.1 Տեսակը	9.2.2 Արժեքը
10. Նվիրատվությունները/նվիրաբերությունները
10.1 Նվիրատուները/նվիրաբերողներն ըստ խմբերի`	10.2 Նվիրված/նվիրաբերված գույք
	10.2.1 Տեսակը	10.2.2 Արժեքը
10.1.1 Հայաստանի Հանրապետություն/համայնքներ
10.1.2 Իրավաբանական անձինք
10.1.3 Ֆիզիկական անձինք
11. Իրականացված ծրագրերը`
11.1 Ծրագրի անվանումը	11.2 Ծախսված գումարը
12. Ֆինանսական տարում օգտագործված միջոցների ընդհանուր չափը
13. Կանոնադրական նպատակների իրականացմանն ուղղված ծախսերի չափը

Կից ներկայացվում է աուդիտորական եզրակացությունը` _________________ թերթից:

թերթերի քանակը

Հիմնադրամի տնօրեն	__________________________________
	ստորագրությունը, անունը, ազգանունը
Գլխավոր հաշվապահ	__________________________________
	ստորագրությունը, անունը, ազգանունը

(հավելվածը խմբ. 11.05.18 N 310-Ն)

ԿԱՐԳ

 ՀԻՄՆԱԴՐԱՄՆԵՐԻ ԿՈՂՄԻՑ ՀՐԱՊԱՐԱԿՎՈՂ ՀԱՇՎԵՏՎՈՒԹՅԱՆ ԼՐԱՑՄԱՆ

1. Հիմնադրամների կողմից հրապարակվող հաշվետվության (այսուհետ` Հաշվետվություն) 1-ին կետում լրացվում են հիմնադրամի` լրիվ անվանումը, գտնվելու վայրը, պետական գրանցման համարը, պետական գրանցման տարին, ամիսը, ամսաթիվը, ՀՎՀՀ-ն, հեռախոսը (այդ թվում` բջջային), պաշտոնական ինտերնետային կայքը և էլեկտրոնային փոստը: Եթե հաշվետու տարվա ընթացքում հիմնադրամը չի ունեցել պաշտոնական կայք, ապա 1.7-րդ ենթակետը կարող է բովանդակել այդ մասին նշում կամ չլրացվել:

2. Հաշվետվության 2-րդ, 3-րդ, 4-րդ և 5-րդ կետերը լրացվում են, եթե հաշվետու տարվա ընթացքում այդ կետերում նշված անձինք օգտվել են հիմնադրամի միջոցներից և ծառայություններից:

3. Հաշվետվության 6-րդ կետում լրացվում է անձեռնմխելի կապիտալի չափը` հաշվետու տարվա դեկտեմբերի 31-ի դրությամբ: Նշված կետը լրացնում են միայն անձեռնմխելի կապիտալով հիմնադրամները:

4. Հաշվետվության 7-րդ կետում լրացվում է անձեռնմխելի կապիտալի կառավարումից ստացված եկամտի չափը:

5. Հաշվետվության 8-րդ կետում լրացվում են հաշվետու տարվա ընթացքում ֆինանսավորման աղբյուրները (ստացված դրամական միջոցների հանրագումարը) ըստ ֆինանսավորումն իրականացրած անձանց խմբերի, ներառյալ՝ անձեռնմխելի կապիտալի համալրման նպատակով տրամադրված դրամական միջոցները: Ընդ որում տվյալ խմբում մի քանի ծրագրերով ֆինանսավորման առկայության դեպքում առանձին տողով նշվում է միայն յուրաքանչյուր ծրագիրը և համապատասխան ֆինանսավորման չափը:

6. Հաշվետվության 9-րդ կետում լրացվում են հիմնադրի կողմից հաշվետու տարվա ընթացքում կատարված (այդ թվում` անձեռնմխելի կապիտալի համալրման նպատակով) ներդրումները: Ընդ որում, դրամական միջոցների դեպքում լրացվում է հանրագումարը, իսկ գույք ներդնելու դեպքում` յուրաքանչյուր գույքի տեսակը և արժեքը:

7. Հաշվետվության 10-րդ կետում լրացվում են հաշվետու տարվա ընթացքում հիմնադրամին կատարած գույքային (բացառությամբ դրամական միջոցների) նվիրատվությունները և նվիրաբերությունները՝ ըստ նվիրատվություն/նվիրաբերություն կատարած անձանց խմբերի, ներառյալ՝ անձեռնմխելի կապիտալի համալրման նպատակով տրամադրված գույքը: Ընդ որում, տվյալ խմբում մի քանի գույքի առկայության դեպքում առանձին տողով նշվում է միայն յուրաքանչյուր գույքի տեսակը և արժեքը:

8. Հաշվետվության 11-րդ կետում լրացվում է հաշվետու տարվա ընթացքում իրականացված յուրաքանչյուր ծրագրի անվանումը և յուրաքանչյուր ծրագրի համար ծախսված գումարի չափը:

9. Հաշվետվության 12-րդ կետում լրացվում է հաշվետու տարվա ընթացքում օգտագործված միջոցների ընդհանուր չափը, ներառյալ՝ կանոնադրական նպատակների իրականացմանն ուղղված ծախսերը, պահպանման ծախսերը և այլն:

10. Հաշվետվության 13-րդ կետում լրացվում է հաշվետու տարվա ընթացքում միայն կանոնադրական նպատակների իրականացմանն ուղղված ծախսերի ընդհանուր չափը:

11. Աուդիտորական եզրակացությունը կցվում է հաշվետվությանը, եթե հիմնադրամի ակտիվների արժեքը գերազանցում է 10 միլիոն ՀՀ դրամը:

12. Հաշվետվությունը ստորագրվում է հիմնադրամի գործադիր մարմնի ղեկավարի ու գլխավոր հաշվապահի կողմից և հաստատվում է հիմնադրամի հոգաբարձուների խորհրդի կողմից` նշելով համապատասխան որոշման ամսաթիվը:

13. Եթե հաշվետու տարվա ընթացքում հիմնադրամը չի գործել, միջոցների հոսքեր չեն եղել, ապա հաշվետվության մեջ արտացոլվում են միայն 1-ին կետում լրացվող տեղեկությունները և կատարվում է նշում այն մասին, որ հիմնադրամը չի գործել, գույք չի օգտագործվել, ծրագրեր չեն իրականացվել, ֆինանսական հոսքեր չեն եղել:

14. Հաշվետվությունը համարվում է թերի, եթե լրացման ենթակա տեղեկության առկայության դեպքում այն չի պարունակում N 1 հավելվածի ձևում նշված տեղեկություններից որևէ մեկը կամ պարունակում է ակնհայտ հակասություններ:

15. Հաշվետվությունը լրացվում է ՀՀ դրամով:

(հավելվածը խմբ. 11.05.18 N 310-Ն)

Հավելված N 3 Հայաստանի Հանրապետության կառավարությանն առընթեր պետական եկամուտների կոմիտեի նախագահի 2017 թվականի փետրվարի 24-ի N 58-Ն հրամանի

Կ Ա Ր Գ

ՀԻՄՆԱԴՐԱՄՆԵՐԻ ԿՈՂՄԻՑ ՀՐԱՊԱՐԱԿՎՈՂ ՀԱՇՎԵՏՎՈՒԹՅԱՆ ՀՐԱՊԱՐԱԿՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ ՆԵՐԿԱՅԱՑՄԱՆ

1. Հիմնադրամն իր գործունեության մասին հաշվետվությունը, իսկ աուդիտը պարտադիր լինելու դեպքում, նաև տարեկան ֆինանսական հաշվետվությունը և աուդիտորի եզրակացությունը, օրենքով սահմանված կարգով և ժամկետներում հրապարակում է http://www.azdarar.am հասցեում գտնվող` Հայաստանի Հանրապետության հրապարակային ծանուցումների պաշտոնական ինտերնետային կայքում:

2. Հիմնադրամը սույն կարգի 1-ին կետում նշված հաշվետվությունը հրապարակելուց հետո` 30 օրվա ընթացքում, այդ հաշվետվությունը ներկայացնում է իր հաշվառման վայրի հարկային տեսչություն: Հարկային տեսչություն հաշվետվություն ներկայացնելը համարվում է Հայաստանի Հանրապետության կառավարությանն առընթեր պետական եկամուտների կոմիտեին այդ մասին գրավոր ծանուցում: