15 օգոստոսի 2017 թ.

N 275-Ն

Հ Ր Ա Մ Ա Ն

Հրամայում եմ`

Վ. Հարությունյան

Հավելված N 1 Հայաստանի Հանրապետության կառավարությանն առընթեր պետական եկամուտների կոմիտեի նախագահի 2017 թվականի օգոստոսի 15-ի N 275-Ն հրամանի

Ձև

Ա Ր Տ Ո Ն Ա Գ Ի Ր  N _____________   _____ ________________ 20___թ.

Հարկային մարմին

________________________________________________________ ստորագրությունը, անունը, ազգանունը

Ձև

ԼՐԱՑՄԱՆ ԿԱՐԳ

ԱՐՏՈՆԱԳՐԱՅԻՆ ՀԱՐԿ ՎՃԱՐԵԼՈՒ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԻ

1. Արտոնագրային հարկ վճարելու վերաբերյալ հայտարարության ձևը (այսուհետ` Հայտարարություն) լրացվում և ներկայացվում է հարկային մարմին Հայաստանի Հանրապետության հարկային օրենսգրքի (այսուհետ` հարկային օրենսգիրք) 275-րդ հոդվածին համապատասխան: Հայտարարությունը ներկայացվում է էլեկտրոնային եղանակով:

2. Հայտարարության 1-ին կետում լրացվում է հարկ վճարողի հաշվառման համարը:

3. Հայտարարության 2-րդ կետում լրացվում է հարկ վճարողի լրիվ անվանումը, իսկ անհատ ձեռնարկատեր համարվող հարկ վճարողի դեպքում ֆիզիկական անձի անունը, ազգանունը:

4. Հայտարարության 3-րդ կետում լրացվում է կազմակերպության գտնվելու վայրը` հարկային օրենսգրքի 23-րդ հոդվածին համապատասխան, իսկ անհատ ձեռնարկատիրոջ դեպքում ֆիզիկական անձի բնակության վայրը` հարկային օրենսգրքի 26-րդ հոդվածին համապատասխան:

5. Հայտարարության 4-րդ կետում լրացվում է արտոնագրային հարկի հաշվետու ժամանակաշրջանը` մեկ հաշվետու ամիսը կամ հարկային տարվա մեջ ներառված մեկ և ավելի հաջորդական ամիսները ներառող ժամանակահատվածը:

6. Հայտարարության 5-րդ կետում լրացվում է հարկային օրենսգրքի 276-րդ հոդվածի 1-ին մասով սահմանված գործունեության տեսակը կամ տեսակները:

7. Հայտարարության 6-րդ կետում լրացվում է գործունեության իրականացման վայրը: Ընդ որում, մեկից ավելի վայրում գործունեություն իրականացնելու դեպքում, այդ կետում առանձին տողերով լրացվում է գործունեության իրականացման յուրաքանչյուր վայրը առանձին-առանձին: Գործունեության իրականացման վայրը լրացվում է ամբողջությամբ, օրինակ, քաղաքը, փողոցի անվանումը, շենքի համարը կամ մարզը, գյուղը և այլն: Թեթև մարդատար մեքենայով, ավտոբուսով կամ միկրոավտոբուսով ուղևորափոխադրում իրականացնելու դեպքում հայտարարության 6-րդ կետում լրացվում է համապատասխան բնակավայրի անվանումը: Ընդ որում, միևնույն հաշվետու ժամանակաշրջանում տարբեր բնակավայրերում կամ տարբեր բնակավայրերի միջև նույն թեթև մարդատար մեքենայով, ավտոբուսով կամ միկրոավտոբուսով ուղևորափոխադրում իրականացնելու դեպքում որպես գործունեության իրականացման վայր լրացվում է այն բնակավայրը, որը հարկային օրենսգրքի 277-րդ հոդվածի 2-րդ մասի համաձայն պետք է հիմք ընդունվի արտոնագրային հարկի ամսական դրույքաչափի կիրառման համար:

8. Հայտարարության 7-րդ կետում լրացվում է տվյալ գործունեության տեսակի համար սահմանված ելակետային տվյալի մեծությունը:

9. Հայտարարության 8-րդ կետի 1-ին ենթակետում լրացվում է տվյալ գործունեության տեսակի համար հարկային օրենսգրքի 279-րդ հոդվածի 1-ին մասով սահմանված գործակիցը, իսկ 8-րդ կետի 2-րդ ենթակետում` հարկային օրենսգրքի 279-րդ հոդվածի 2-րդ մասով սահմանված լրացուցիչ գործակիցը (գործակիցները):

10. Հայտարարության 9-րդ կետի 1-ին ենթակետում լրացվում է գործունեության իրականացման ժամանակահատվածի սկիզբը` ամսաթիվը, ամիսը, տարեթիվը, իսկ նույն կետի 2-րդ ենթակետում գործունեության իրականացման ժամանակահատվածի ավարտը` ամսաթիվը, ամիսը, տարեթիվը:

11. Հայտարարության 10-րդ կետում լրացվում է արտոնագրային հարկի չափը` դրամներով (լումաները անտեսվում են)` հաշվարկված հարկային օրենսգրքի 282-րդ հոդվածին համապատասխան: Ընդ որում, արտոնագրային հարկի չափը լրացվում է գործունեության իրականացման յուրաքանչյուր տեսակի և գործունեության իրականացման յուրաքանչյուր ժամանակահատվածի համար առանձին-առանձին:

12. Հայտարարության 11-րդ կետի 1-ին ենթակետում լրացվում է թեթև մարդատար մեքենայով ուղևորափոխադրում իրականացնելու դեպքում` թեթև մարդատար ավտոմեքենաների հաշվառման համարանիշները: Հայտարարության 11-րդ կետի 2-րդ ենթակետում լրացվում է հարկային օրենսգրքի 277-րդ հոդվածի 3-րդ մասով սահմանված դեպքում անհատ ձեռնարկատերերի գրանցման (հաշվառման) վայրում (հասցեում) գրանցված (հաշվառված) այլ ֆիզիկական անձանց տվյալները, որոնց համար պետք է կատարվի արտոնագրային հարկի վճարում:

13. Հայտարարության 12-րդ կետում լրացվում է ավտոբուսով ուղևորափոխադրում իրականացնելու դեպքում յուրաքանչյուր ավտոբուսի մակնիշը, հաշվառման համարանիշը, նստատեղերի քանակը: Ընդ որում, հարկային օրենսգրքի 278-րդ հոդվածի 2-րդ մասին համապատասխան ավտոբուսներով օրենքով սահմանված կարգով ուղևորների կանոնավոր փոխադրումներ (բացառությամբ` Երևան քաղաքում և Երևան քաղաքի հետ կապված երթուղիներով ուղևորափոխադրումների) իրականացնելիս անսարք ավտոբուսի փոխարինման դեպքում հարկ վճարողը ներկայացնում է արտոնագրային հարկ վճարելու վերաբերյալ հայտարարության փոփոխություն` լրացնելով միայն փոխարինող ավտոբուսի մակնիշը, հաշվառման համարանիշը, նստատեղերի քանակը:

14. Հայտարարության 13-րդ կետում լրացվում է միկրոավտոբուսով ուղևորափոխադրում իրականացնելու դեպքում յուրաքանչյուր միկրոավտոբուսի մակնիշը, հաշվառման համարանիշը, նստատեղերի քանակը: