Գլխավոր տեղեկություն

Համար

N 362-Ն

Տիպ

Հրաման

Ակտի տիպ

Հիմնական ակտ (25.05.2017-մինչ օրս)

Կարգավիճակ

Գործում է

Սկզբնաղբյուր

ՀՀԳՏ 2017.05.15/16(585) Հոդ.172

Ընդունող մարմին

Արտակարգ իրավիճակների նախարար

Ընդունման ամսաթիվ

29.03.2017

Ստորագրող մարմին

Արտակարգ իրավիճակների նախարար

Ստորագրման ամսաթիվ

29.03.2017

Ուժի մեջ մտնելու ամսաթիվ

25.05.2017

«Գրանցված է»

ՀՀ արդարադատության

նախարարության կողմից

28 ապրիլի 2017 թ.

Պետական գրանցման թիվ 32617173

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐ

29 մարտի 2017 թ.

ք. Երևան

N 362-Ն

Հ Ր Ա Մ Ա Ն

ՓՐԿԱՐԱՐ ԾԱՌԱՅՈՒԹՅԱՆ ՍՏՈՐԱԲԱԺԱՆՈՒՄՆԵՐՈՒՄ ՄԱՐՏԱԿԱՆ ԵՎ ԱՅԼ ԶԵՆՔԻ, ԶԻՆԱՄԹԵՐՔԻ ԵՎ ՍՊԱՌԱԶԻՆՈՒԹՅԱՆ ՀԱՇՎԱՌՄԱՆ, ՊԱՀՊԱՆՄԱՆ ՈՒ ՏՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Համաձայն «Փրկարարական ծառայության կանոնագիրքը հաստատելու մասին» Հայաստանի Հանրապետության օրենքով հաստատված փրկարարական ծառայության կանոնագրքի 117-րդ հոդվածի 3-րդ մասի և ղեկավարվելով Հայաստանի Հանրապետության կառավարության 2016 թվականի մարտի 3-ի N 259-Ն որոշման 2-րդ կետի 1-ին ենթակետով հաստատված Հայաստանի Հանրապետության արտակարգ իրավիճակների նախարարության կանոնադրության 16-րդ կետի 1-ին ենթակետով.

Հրամայում եմ`

1. Սահմանել` փրկարար ծառայության ստորաբաժանումներում մարտական և այլ զենքի, զինամթերքի և սպառազինության հաշվառման, պահպանման ու տրման կարգը` համաձայն հավելվածի:

2. Հայաստանի Հանրապետության արտակարգ իրավիճակների նախարարության փրկարար ծառայության ծառայության կազմակերպման վարչության պետին` սահմանված ժամկետում ու կարգով ապահովել սույն հրամանի ներկայացումը Հայաստանի Հանրապետության արդարադատության նախարարություն` պետական գրանցման:

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ արտակարգ իրավիճակների

նախարար
Դ. Տոնոյան

Հավելված
Հայաստանի Հանրապետության
արտակարգ իրավիճակների նախարարի 2017 թվականի մարտի 29-ի N 362-Ն հրամանի

ԿԱՐԳ

ՓՐԿԱՐԱՐ ԾԱՌԱՅՈՒԹՅԱՆ ՍՏՈՐԱԲԱԺԱՆՈՒՄՆԵՐՈՒՄ ՄԱՐՏԱԿԱՆ ԵՎ ԱՅԼ ԶԵՆՔԻ, ԶԻՆԱՄԹԵՐՔԻ ԵՎ ՍՊԱՌԱԶԻՆՈՒԹՅԱՆ ՀԱՇՎԱՌՄԱՆ, ՊԱՀՊԱՆՄԱՆ ՈՒ ՏՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են Հայաստանի Հանրապետության (այսուհետ` ՀՀ) պաշտպանությանը, տարածքային պաշտպանությանը, քաղաքացիական պաշտպանության միջոցառումներում ընդգրկված, բնակչության և տարածքների պաշտպանության ոլորտում այլ գործառույթներ իրականացնող, ՀՀ արտակարգ իրավիճակների նախարարության (այսուհետ` ԱԻՆ) փրկարար ծառայության (այսուհետ` ՓԾ) ստորաբաժանումներում ձեռքի մարտական հրաձգային և այլ զենքի, ինչպես նաև մարտական սառը զենքի (այսուհետ` զենք), զինամթերքի ու սպառազինության հաշվառման, պահպանման ու տրման հետ կապված հարաբերությունները:

2. Զենքի ու զինամթերքի առկայությունը, սարքին պահելը հանդիսանում է ստորաբաժանման մարտունակության կարևորագույն բաղադրիչը, իսկ նրանց հուսալի պահպանությունը` հրամանատարների (պետերի) պարտականությունը:

3. Հրամանատարները (պետերը) զենքի ու զինամթերքի պահպանման և վիճակի համար պատասխանատվություն են կրում ամբողջությամբ, պարտավոր են ապահովել դրանց պահպանման, հաշվառման և շահագործման պահանջները, բացառելով դրանց հնարավոր խափանումը, կորուստը և առևանգումը:

4. Հրամանատարը (պետը) միշտ պետք է ունենա հստակ տեղեկություն սպառազինության, զենքի ու զինամթերքի առկայության և վիճակի մասին:

5. Պարապմունքների, հրաձգության, զորավարժությունների, տագնապի ազդարարման և այլ միջոցառումների ժամանակ բոլոր պաշտոնատար անձինք պարտավոր են հսկողություն սահմանել իրենց ենթակաների սպառազինության, զենքի, զինամթերքի առկայության և պահպանվածության նկատմամբ:

6. Օբյեկտների պահպանության, մարտական գործողությունների, պարապմունքների, հրաձգության, զորավարժության կամ զենքի օգտագործմամբ այլ միջոցառումների ավարտից հետո ստորաբաժանման հրամանատարը (պետը) անձամբ պետք է ստուգի ամբողջ սպառազինության, զենքի ու զինամթերքի առկայությունն ու լրակազմությունը:

7. Հրաձգային զենքը, պահեստատուփերը, պայուսակները, զինամթերքը, սվին-դանակները, օպտիկական նշանոցները ստուգում են խմբերի և ջոկատների հրամանատարները (պետերը)` արդյունքները զեկուցելով ըստ վերադասության:

8. Հրաձգային զենքի ու զինամթերքի հաշվառման, պահպանման, բացթողման և ընդունման համար համապատասխան ստորաբաժանումում ՀՀ ԱԻՆ ՓԾ տնօրենի հրամանով նշանակվում է պատասխանատու անձ ու նրան փոխարինող: Փոխարինողը պատասխանատու անձին փոխարինում է միայն վերջինիս սահմանված կարգով արձակուրդի, գործուղման, հիվանդության դեպքերում:

9. Սպառազինության, զենքի ու զինամթերքի յուրաքանչյուր կորստի կամ առևանգման դեպքում ջոկատի (ստորաբաժանման) հրամանատարը (պետը) պարտավոր է անհապաղ զեկուցել`

1) ՀՀ ԱԻՆ ՓԾ ճգնաժամային կառավարման ազգային կենտրոն (այսուհետ` ՃԿԱԿ): ՃԿԱԿ-ը զեկուցում է ՀՀ արտակարգ իրավիճակների նախարարին (այսուհետ` Նախարար) և ՀՀ ԱԻՆ ՓԾ տնօրենին.

2) վերադաս հրամանատարին (պետին): Վերադաս հրամանատարը (պետը) զեկուցում է ՀՀ ԱԻՆ ՓԾ ծառայության կազմակերպման վարչությանն ու ՀՀ ԱԻՆ ՓԾ թիկունքի և նյութատեխնիկական ապահովման վարչությանը:

10. Սույն կարգի 9-րդ կետում նշված դեպքերում անմիջապես միջոցներ է ձեռնարկվում սպառազինության, զենքի և զինամթերքի որոնման համար, նշանակվում է ծառայողական քննություն, միաժամանակ դեպքի մասին հայտնվում է իրավապահ մարմիններին:

11. Սպառազինության, զենքի ու զինամթերքի հաշվառման, պահպանման համար պատասխանատու անձանց փոխարինման դեպքում հրաձգային զենքի, զինամթերքի և հաշվառման փաստաթղթերի ընդունումն ու հանձնումը պետք է կատարվի Նախարարի կողմից սահմանված կարգի համաձայն:

12. Սպառազինության, զենքի ու զինամթերքի հաշվառման, պահպանման և բացթողման համար պատասխանատու անձի գործուղման, արձակուրդ կամ երկարատև բուժման մեկնելու դեպքում ամբողջ զենքն ու զինամթերքը, ինչպես նաև հաշվառման փաստաթղթերն ակտով փոխանցվում են փոխարինող անձին:

13. Սպառազինության, զենքի ու զինամթերքի հաշվառման, պահպանման և բացթողման համար պատասխանատու անձի բացակայության դեպքում զենքի պահարանները և զինամթերքի արկղերը ջոկատի հրամանատարի հրամանով կարող են բացվել պահեստային բանալիներով, երեք հոգուց ոչ պակաս կազմով հանձնաժողովի ներկայությամբ:

14. Սույն կարգի 13-րդ կետում նշված դեպքում`

1) ջոկատի հրամանատարն անմիջապես զեկուցում է ՀՀ ԱԻՆ ՓԾ ՃԿԱԿ.

2) ստորաբաժանումներում նյութական միջոցների առկայության և շարժի հաշվառման մատյանում կատարվում են գրառումներ (տես` Ձև 5).

3) կազմվում է ակտ երկու օրինակից, որտեղ նշվում է ում կարգադրությամբ, երբ և ով է բացել, զենքի (զինամթերքի) առկայությունը, ինչ է վերցված և ում է փոխանցված.

4) ակտը ստորագրում են բացումը կատարող հանձնաժողովի անդամները.

5) ակտի մեկ օրինակը դրվում է զինապահարանի (զինամթերքով արկղի) մեջ, իսկ մյուսը պահվում է ստորաբաժանման հրամանատարի (պետի) մոտ.

6) պահարանը (արկղը) կողպվում և կնիքվում է բացումը կատարող անձի կնիքով, կնիքի համարը նշվում է ակտում ու համապատասխան մատյանում:

15. Զենքի ու զինամթերքի հաշվառման մատյաններն ու քարտերը վարվում են մինչև դրանց լրիվ ավարտվելը:

16. Արգելվում է նյութական պատասխանատու անձանց պաշտոնի հանձնման, հերթական գույքագրման և սպասվող ստուգումների ժամանակ հաշվառման մատյանները փոխարինել նորով:

17. Հաշվառման մատյաններում և քարտերում գրանցումները կատարվում են թանաքով, պարզ ու առանց ջնջումների:

18. Անհրաժեշտ վերահսկողություն իրականացնելու նպատակով զենքի, զինամթերքի առկայությունը, լրակազմությունը և սարքինությունը պարտավոր են ստուգել անձամբ`

1) կառուցվածքային և տարածքային ստորաբաժանումների պետերը` եռամսյակը մեկ անգամ.

2) ջոկատների և խմբերի հրամանատարները (պետերը)` ամիսը մեկ անգամ:

19. Կառուցվածքային և տարածքային ստորաբաժանումների պետերը պարտավոր են առնվազն տարին երկու անգամ, ներքին հանձնաժողովի միջոցով, ստուգել հրաձգային զենքի, զինամթերքի առկայությունը, պահպանման կարգը և միջոցներ ձեռնարկել ի հայտ եկած թերությունները վերացնելու համար:

20. Սույն կարգի 19-րդ կետում նշված ստուգման ժամանակ ստորաբաժանման հաշվառման տվյալները համեմատում են ՀՀ ԱԻՆ ՓԾ թիկունքի և նյութատեխնիկական ապահովման վարչության հաշվառման տվյալների հետ, այնուհետև ստուգման արդյունքում կազմվում է ակտ, որի մեկ օրինակը ներկայացվում է ըստ վերադասության, երկրորդ օրինակը մնում է ստորաբաժանման պետի մոտ:

21. Հրաձգային զենքի ու զինամթերքի պահեստները, վերանորոգման արտադրամասերն ու արհեստանոցները, ստորաբաժանումներում զենքի պահասենյակները պետք է սարքավորված լինեն հուսալի էլեկտրալուսաձայնային ազդանշանիչով, որը պետք է ազդանշանային հարմարանքի ծածուկ ելք ունենա ստորաբաժանման հերթապահի սենյակում գտնվող վահանակի վրա:

22. Էլեկտրալուսաձայնային ազդանշանիչն ամեն օր ստուգվում է պահեստապետի, արտադրամասի, արհեստանոցի պետի ու պահակապետի կողմից` օբյեկտը պահպանման վերցնելիս, ջոկատի և ստորաբաժանման հերթապահների կողմից հերթապահությունը ընդունելիս:

23. Զենքի պահասենյակներն ու տարածքներն աշխատանքային ժամերին բացելիս (պահեստ, հրաձգային զենքի վերանորոգման արհեստանոց, արտադրամաս) կատարվում է ստորաբաժանման հրամանատարի (պետի) թույլտվությամբ:

24. Զենքի ու զինամթերքի պահասենյակի, պահոցի (պահեստի) ոչ աշխատանքային ժամերին (ժամը 18.00-ից ժամը 09.00-ն) և ոչ աշխատանքային օրերին բացումը կատարվում է միայն ստորաբաժանման պատասխանատու հերթապահի թույլտվությամբ` նախապես զեկուցելով`

1) Երևան քաղաքում տեղակայված ստորաբաժանումներում` ՀՀ ԱԻՆ ՓԾ ՃԿԱԿ.

2) մարզերում տեղակայված ստորաբաժանումներում` ՀՀ ԱԻՆ ՓԾ համապատասխան մարզային ճգնաժամային կառավարման կենտրոն (այսուհետ` ՄՃԿԿ):

25. Հրաձգային զենքերը և դրանց զինամթերքը պահելու կամ վերանորոգելու համար նախատեսված սենյակները, պահեստները, շինությունները, արտադրամասերն ու արհեստանոցները պետք է բավարարեն հետևյալ պահանջներին`

1) պատուհանները պետք է սարքավորված լինեն մետաղյա վանդակաճաղերով, վանդակների չափերը չպետք է գերազանցեն 150X150 մմ, ամրանների տրամաչափը պետք է լինի 10 մմ-ից ոչ պակաս, (ամրանները զոդվում են յուրաքանչյուր հատման տեղում).

2) առաջին հարկում գտնվող շինությունների պատուհաններին լրացուցիչ ավելացվում է 10X10 մմ-ից ոչ ավելի վանդակներով մետաղյա ցանց.

3) թույլատրվում է ունենալ երեք հիմնական պատերով և մեկ մետաղյա վանդակապատով զենքի ու զինամթերքի պահասենյակ.

4) թույլատրվում է տեղադրել մետաղյա շարժական վանդակապատ.

5) զենքի պահարանները վանդակապատից պետք է հեռու գտնվեն 1,5 մ հեռավորության վրա.

6) հրաձգային զենքի պահպանման սենյակի փայտե դուռը (դռները) պետք է պատվեն մետաղյա թիթեղով, թույլատրվում է տեղադրել նաև վանդակաճաղերով դռներ.

7) զենքի պահասենյակի դուռը (եթե այն վանդակաճաղերով չէ) սարքավորվում է դիտարկման պատուհանով` 150X150 մմ չափերով, որը սենյակի ներսից փակվում է ապակիով.

8) եթե սենյակի կամ շինության չափերը չեն թույլատրում զենքի պահարանները տեղադրել վանդակաճաղերից (պատից, դռնից, պատուհաններից) 1,5 մ հեռավորության վրա, ապա վանդակների չափերը պետք է լինեն 50X50 մմ-ից ոչ ավել.

9) հրաձգային զենքի և զինամթերքի պահասենյակի վանդակաճաղով դռների, պատերի, պատուհանների, դրանց փականների, առաստաղի հիմնակառուցվածքը պետք է բացառի այդ սենյակ ներս թափանցելու կամ այլ կերպ սենյակից զենք դուրս բերելու հնարավորությունը:

26. Անձնակազմի մոտ զենք գտնվելու ժամանակ հրամանատարները (պետերը) պետք է սահմանեն անհրաժեշտ անվտանգության միջոցներ, դրանք հասցնեն իրենց ենթականերին և պահանջեն դրանց խստորեն կատարումը:

27. Զենքի ու զինամթերքի հետ վարվելիս արգելվում է.

1) առանց հրամանի զենքը պահել լիցքավորված վիճակում.

2) սվին-դանակը կրել առանց պատյանի, իսկ փամփուշտները` առանց տուփերի կամ պահեստատուփերի.

3) պահակակետից փոխարինվելու կամ հերթափոխի ժամանակ իրար փոխանցել զենք-զինամթերքը.

4) մարտական, ուսումնական, սպորտային զենքերը և զինամթերքը պահել ստորաբաժանումից դուրս (տանը, հանրակացարաններում).

5) զենքը կրել աշխատանքային սենյակում, հանգստյան տանը, արձակուրդի ընթացքում, թատրոնում, ակումբներում և այլ հասարակական վայրերում գտնվելիս, եթե այնտեղ գտնվելը կապված չէ ծառայության հետ.

6) կատարել փամփուշտների, նռնակների, արկերի, պայթուցիչների, նմանակիչ և այլ պայթուցիկ նյութերի քանդում.

7) հաստիքային զենքը փոխանցել այն անձանց, որոնց այն ամրակցված չէ, բացառությամբ սույն կարգի 28-րդ, 86-րդ և 87-րդ կետերում նշված դեպքերի.

8) զենքը ամրակցել չուսուցանված անձնակազմին:

28. Պարապմունքների, պահակային ծառայություն կամ հատուկ առաջադրանքներ կատարելու համար հաստիքային զենք չունեցող զինծառայողներին թույլատրվում է հրամանատարի (պետի) հրամանով զինել անհրաժեշտ քանակության ոչ հաստիքային զենքով:

II. ՀՐԱՁԳԱՅԻՆ ԶԵՆՔԻ ԵՎ ԶԻՆԱՄԹԵՐՔԻ ՀԱՇՎԱՌՈՒՄԸ, ՊԱՀՈՒՄԸ ԵՎ ԲԱՑԹՈՂՈՒՄԸ

29. ՀՀ ԱԻՆ ՓԾ թիկունքի և նյութատեխնիկական ապահովման վարչությունում հրաձգային զենքն ու զինամթերքը (ընդհանուր առմամբ արտացոլելով ջոկատի, առանձին վերցված պահեստի և յուրաքանչյուր ստորաբաժանման նյութական միջոցները) հաշվառվում են`

1) նյութական միջոցների առկայության ու շարժի մատյանում` համաձայն Ձև 1-ի.

2) սպառազինության և տեխնիկայի համարային հաշվառման ու ամրակցման մատյանում` համաձայն Ձև 2-ի:

30. Սպաներին և ենթասպաներին ամրակցված զենքի հաշվառումը տարվում է անձնական օգտագործման տրված նյութական միջոցների հաշվառման քարտերով` համաձայն Ձև 3-ի:

31. Ստորաբաժանումներում հրաձգային զենքը և զինամթերքը հաշվառվում է հետևյալ փաստաթղթերով`

1) պահպանման հանձնման զենքի փոխարինման քարտ` համաձայն Ձև 4-ի.

2) ստորաբաժանումներում նյութական միջոցների առկայության և շարժի հաշվառման մատյան` համաձայն Ձև 5-ի.

3) հերթապահության հանձնման-ընդունման գիրք` համաձայն Ձև 6-ի.

4) զենքի ու զինամթերքի տրման գիրք` համաձայն Ձև 7-ի.

5) ժամանակավոր օգտագործման տրված նյութական միջոցների հաշվառման մատյան` համաձայն Ձև 8-ի.

6) պահեստում զինամթերքի բաշխման-հանձնման տեղեկագիր` համաձայն Ձև 9-ի.

7) անձնակազմին զենքի ամրակցման տեղեկագիր` համաձայն Ձև 10-ի.

8) զենքի պահասենյակի գույքացուցակ` համաձայն Ձև 11-ի.

9) զենքի կրման անձնական քարտ` համաձայն Ձև 30-ի:

32. Զենքի և զինամթերքի պահպանման պահարանների ու արկղերի համար պահանջվող ցուցակները և պիտակներն են`

1) զենքի (ատրճանակների) պահարանի (արկղերի) պիտակ` համաձայն Ձև 12-ի.

2) զինամթերքի պահարանի (արկղի) պիտակ` համաձայն Ձև 13-ի.

3) պահարանում պահվող ստորաբաժանման զենքի ցուցակ` համաձայն Ձև 14-ի.

4) պահարանում (արկղում) պահվող ստորաբաժանման շարքայինների ու սերժանտների ատրճանակների անվանացուցակ` համաձայն Ձև 15-ի.

5) պահարանում (արկղում) պահվող ստորաբաժանման սպաների և ենթասպաների զենքի անվանացուցակ` համաձայն Ձև 16-ի.

6) զինապահարանների և ատրճանակների արկղերի բնիկների պիտակներ` համաձայն Ձև 17-ի.

7) արկղում պահվող ստորաբաժանման զինամթերքի անվանացուցակ` համաձայն Ձև 18-ի.

8) պահեստատուփերի վերալիցքավորման ժամանակացույց` համաձայն Ձև 19-ի:

33. Բոլոր տեսակի հաշվառման մատյանները հաշվառվում են ՀՀ ԱԻՆ ՓԾ թիկունքի և նյութատեխնիկական ապահովման վարչությունում:

34. Ստորաբաժանումներում նյութական միջոցների առկայության և շարժի հաշվառման մատյանն ու ժամանակավոր օգտագործման տրված նյութական միջոցների հաշվառման մատյանը պահվում են ստորաբաժանման պատասխանատուի մոտ:

35. Ստորաբաժանումում հերթական զենքի և զինամթերքի ստացման կամ հանձնման ժամանակ ստորաբաժանման հրամանատարը (պետը) ստորաբաժանումներում նյութական միջոցների առկայության և շարժի հաշվառման մատյանը ներկայացնում է ՀՀ ԱԻՆ ՓԾ թիկունքի և նյութատեխնիկական ապահովման վարչություն` համապատասխան նշումներ կատարելու համար:

36. Նյութական միջոցների առկայության և շարժի հաշվառման մատյանում նյութական միջոցների հաշվառումից հետո բաց է թողնվում մի քանի էջ` համարային հաշվառման համար, զենքը հաշվառվում է ըստ նմուշների (տեսակների), անվանումների, իր հետ նախատեսված անհատական տվյալներով ու լրակազմով: Մատյանում յուրաքանչյուր զենքի տեսակի և սպառազինության համար առանձնացվում է մի քանի էջ, իսկ վերջին երկու-երեք էջերը նախատեսվում են ՀՀ ԱԻՆ ՓԾ թիկունքի և նյութատեխնիկական ապահովման վարչության հետ համեմատություններ կատարելու համար: Զինամթերքը հաշվառվում է ըստ տրամաչափի, տեսակի և ըստ գնդակի (արկի) նշանակության:

37. Սպառազինություն, հրաձգային զենք ստորաբաժանման անձնակազմին տրվում է` կատարելով համապատասխան գրառում անձնական օգտագործման նյութական միջոցների հաշվառման քարտում:

38. Տրված զենքի տվյալները գրանցվում են ծառայողի զենքի կրման անձնական քարտում (տես` Ձև 30) և զենքի փոխարինման քարտում (տես` Ձև 4): Զենքի կրման անձնական քարտը և զենքի փոխարինման քարտը գտնվում են ծառայողի մոտ: Իրեն ամրակցված զենքը ստանալուց հետո ծառայողը զենքի փոխարինման քարտը հանձնում է զենքը բաշխողին, որը մնում է զինանոցում: Զենքը հանձնելուց ծառայողը ստանում է զենքի փոխարինման քարտը:

39. Յուրաքանչյուր զենքի տրման-հանձնման նշումները հաստատվում է ստորաբաժանման հրամանատարի (պետի) ստորագրությամբ և հաստատվում ստորաբաժանման կնիքով:

40. Ստորաբաժանման (ջոկի, խմբի) անձնակազմին զենքն ամրակցվում է ամրակցման տեղեկագրով:

41. Չամրակցված զենք ստորաբաժանումում թույլատրվում է պահել երկու օրից ոչ ավել, իսկ այն ստորաբաժանումները, որոնք գտնվում են ՀՀ ԱԻՆ ՓԾ թիկունքի և նյութատեխնիկական ապահովման վարչության պահեստից 15 կմ-ից ավել հեռավորության վրա, հինգ օրից ոչ ավել:

42. Ստորաբաժանման անձնակազմի ժամանակավոր բացակայության (արձակուրդ, հիվանդություն, գործուղում) դեպքում զենքը ՀՀ ԱԻՆ ՓԾ թիկունքի և նյութատեխնիկական ապահովման վարչության պահեստ չի հանձնվում, այլ պահպանվում է միայն տվյալ ստորաբաժանման զինանոցի զինապահարանում կամ առանձին արկղի մեջ, կողպված և կնիքված ստորաբաժանման հերթապահի կնիքով:

43. Օրվա վերակարգի փոխարինման ժամանակ ստորաբաժանման հերթապահները սույն կարգի 42-րդ կետում նշված արկղի հանձնում-ընդունումը կատարում են համաձայն սույն կարգի 67-ից 73-րդ կետերի պահանջների:

44. Ստորաբաժանումներում հրաձգային զենքն ու զինամթերքը, այդ թվում` նաև ուսումնականը, պետք է պահվի զենքի պահասենյակում` կողպված և կնիքված զինապահարաններում (արկղերում):

45. Արգելվում է զինապահարաններում զենքի հետ առնչություն չունեցող այլ պարագաներ պահելը:

46. Գործնական հրաձգությունների և զորավարժությունների համար ստացված փամփուշտներն ու այլ զինամթերքը թույլատրվում է ստորաբաժանումում պահել մեկ օրից ոչ ավելի` առանձին, կողպված և կնիքված արկղերում:

47. Զենքի պահպանման սենյակը պետք է մշտապես գտնվի օրվա վերակարգի հսկողության ներքո:

48. Երեկոյան ժամերին, մինչև լուսաբաց, սենյակում պետք է լինի լրիվ լուսավորություն:

49. Զենքի պահասենյակում փակցվում է սենյակում պահվող նյութական միջոցների անվանացուցակը, որում նշվում է պահարանների, արկղերի, սեղանների, աթոռների, վահանակների և այլ իրերի քանակները, ինչպես նաև զինապահարաններից դուրս պահվող ծանր զենքերի համարներն ու քանակը:

50. Եթե նույն վայրում մեկ ստորաբաժանման զենքի պահասենյակում պահվում է մի քանի ստորաբաժանումների զենք-զինամթերք, ապա վերադաս հրամանատարի (պետի) հրամանով նշանակվում է պատասխանատու անձ` դրանց տեղաբաշխման, պահպանման պատասխանատվությունը կրելու համար, որը և ստորագրում է պահասենյակի գույքացուցակը:

51. Միևնույն սենյակում մի քանի ստորաբաժանումների զենք-զինամթերք պահելու դեպքում դրանց և այլ նյութական միջոցների բացթողումն ու ընդունումը կատարվում է մեկ զենքի բացթողնման գրքով սենյակում գտնվող բոլոր ստորաբաժանումների զենք-զինամթերքի համար:

52. Յուրաքանչյուր զինապահարանի (արկղի) վրա փակցվում է պիտակ, որում նշվում է ստորաբաժանումը, պատասխանատու անձի կոչումն ու ազգանունը, զինապահարանի (արկղի) և այն կնիքվող կնիքի համարը:

53. Զինապահարանի (արկղի) ներսում փակցվում է զենքի անվանացուցակ, որում նշվում է պահվող զենքի, ունեցվածքի անվանումներն ու քանակը:

54. Անվանացուցակը ստորագրում և նրանում փոփոխություններ է մտցնում ստորաբաժանման հրամանատարը (պետը):

55. Զինապահարանի (պահարանի) ամեն մի բնիկին ամրացվում է պիտակ, պիտակներում նշվում է զենքի տեսակը, համարը, հակագազի համարը, ծառայողի կոչումը, անվան առաջին տառը և ազգանունը:

56. Զինամթերքով արկղում փակցվում է ցուցակ, որի մեջ նշվում է զինամթերքի տեսակը, քանակը:

57. Արկղում լիցքավորված պահեստատուփեր կամ ժապավեններ պահելու դեպքում արկղում փակցվում է պահեստատուփերի վերալիցքավորման ժամանակացույց դրանց փոխարինման նպատակով, որը կատարվում է վեց ամիսը մեկ անգամ:

58. Ժապավենների վրա փամփուշտների պահումը ոչ հերմետիկ տարաներում չպետք է գերազանցի երկու տարին:

59. Ինքնաձիգները, կարաբինները, հրացանները, ուսումնական հրաձգության սարքավորումները, գնդացիրները և ձեռքի նռնականետերը, ինչպես նաև դրանց օպտիկական սարքավորումները, հեռադիտակները, գնդացրի պահեստային փողերը, պահեստատուփերը, ինքնաձիգի ենթապայուսակները, սվին-դանակները, հետևակային բահերը, հակագազերը, յուղամանները պահվում են զինապահարանների ներսում, ստորաբաժանման հրամանատարի (պետի) որոշմամբ սաղավարտները թույլատրվում է պահել պահեստանոցում կամ զինաբուրգերի վրա, զրահաբաճկոնները դարսել զինաբուրգերից դուրս կողերում:

60. Ատրճանակները, զինամթերքը, ձեռքի նռնակները պահվում են մետաղյա կամ թիթեղապատ, կողպեքով փակվող պահարաններում կամ արկղերում:

61. Յուրաքանչյուր զինապահարան և արկղ փակվում է առանձին կողպեքով:

62. Սպաների և ենթասպաների ատրճանակներն ու փամփուշտները պահվում են զենքերի պահասենյակներից (բուրգերից) մեկում:

63. Ատրճանակների փամփուշտները պետք է պահվեն պահարանում (արկղում) ատրճանակների հետ միասին, բայց առանձին մետաղյա, կողպեքով փակվող ու կնիքված արկղում:

64. Սպաների, ենթասպաների ատրճանակների ու դրանց փամփուշտների պահարանը (արկղը) կնիքվում է հերթապահի կողմից:

65. Ատրճանակների ու դրանց փամփուշտների հատկացման տեղը, կարգը որոշում է հրամանատարը (պետը):

66. Վերակարգի համար փամփուշտների մի մասը թույլատրվում է պահել առանց տուփերի, փամփուշտների տրամաչափին համապատասխան անցքերով տախտակների վրա:

67. Ուսումնական զենք-զինամթերքը, բացի ատրճանակներից, պահվում են մարտականից առանձին:

68. Առանձին զինապահարանի բացակայության դեպքում թույլատրվում է ուսումնական զենքը պահել մարտական զենքի հետ, այդ դեպքում, որտեղ պահվում է ուսումնական զենքը, նշվում է «Ուսումնական զենք» գրությամբ և առանձնացվում միջնապատով:

69. Ուսումնական ատրճանակները պահպանվում են ստորաբաժանման սպաների ու ենթասպաների մարտական ատրճանակների հետ, դրանց պահպանման տեղը նշվում է «Ուսումնական զենք» գրությամբ:

70. Ուսումնական փամփուշտները պահպանվում են զենքի պահասենյակում առանձին կողպեքով փակված ու կնիքված մետաղյա արկղում:

71. Մարզական զենքը պահվում է մարտականի հետ միասին, պահպանման տեղը նշվում է «Մարզական զենք» գրությամբ:

72. Մարզական զենքի փամփուշտները պահվում են մարտական փամփուշտների հետ միասին:

73. Ուսումնական, մարզական զենքի և դրանց փամփուշտների բաց թողումը կատարվում է մարտական զենքի ու դրանց փամփուշտների բաց թողնման կարգի համաձայն:

74. Զենքի պահասենյակը, զինապահարանները, ատրճանակների և զինամթերքի պահարանները (արկղերը) պետք է ունենան հուսալի փականներ, կողպվեն ու կնքվեն:

75. Զենքի պահասենյակը և զինաբուրգերը կնիքվում են ստորաբաժանման հերթապահի կնիքով, իսկ ատրճանակների ու զինամթերքի պահարանները (արկղերը) խմբի պետի կամ 1-ին օղակի հրամանատարի կնիքով:

76. Զենքի պահասենյակի, զինապահարանների բանալիները և կնիքը պետք է լինեն առանձին կապոցով ու միշտ գտնվեն ստորաբաժանման հերթապահի մոտ. խստիվ արգելվում է դրանք փոխանցել այլ անձանց:

77. Ատրճանակների զինաբուրգի բանալին գտնվում է ստորաբաժանման հերթապահի մոտ, իսկ զինամթերքի և ուսումնական փամփուշտների բանալիները պահվում են ստորաբաժանումների հրամանատարների (պետերի) մոտ:

78. Զենքի պահասենյակի ու զինապահարանների պահեստային բանալիները պահվում են ստորաբաժանման հրամանատարի (պետի) մոտ, կողպեքով փակվող, կնիքված մետաղյա պահարանում:

79. Բանալիների կորստի դեպքում`

1) անմիջապես կատարվում են սույն կարգի 9-րդ կետում նշված գործողությունները.

2) անմիջապես կողպեքներն անհապաղ փոխարինվում են նորով.

3) նշանակվում է ծառայողական քննություն:

80. Զենքով գործուղում մեկնող զինծառայողի գործուղման թերթիկում նշվում է զենքի տեսակը, համարը և տրված փամփուշտների քանակը:

81. Գործուղված ջոկատին, խմբին (պահակախմբին)`

1) զինելու համար նախատեսված զենք-զինամթերքի քանակը գրանցվում է խմբի (պահակախմբի) ավագի գործուղման թերթիկում.

2) գործուղման թերթիկի, հրամանի համարն ու ամսաթիվը գրանցվում է ստորաբաժանման զենքի բացթողման գրքում.

3) գործուղման վայր ներկայանալուն պես զենք-զինամթերքը (եթե դրանք անհրաժեշտ չեն ծառայողական առաջադրանք կատարելու համար) ժամանակավոր պահպանման է հանձնվում տվյալ վայրի ստորաբաժանում կամ զինվորական պարետատուն.

4) գործուղված ծառայողների զենքի ու զինամթերքի պահման համար առանձնացվում է առանձին զինապահարան կամ առանձին տեղ զինապահարանի ներսում, դրանց բացթողնումն ու ընդունումը կատարվում է զենք-զինամթերքի բացթողման գրքով:

82. Օրվա վերակարգի փոխարինման ժամանակ հերթապահի կողմից հրաձգային զենքերի, ատրճանակների հանձնում-ընդունումը կատարվում է ըստ քանակի, համարի ու լրակազմ, ընդ որում` ստուգվում է ամեն մի զենքի փամփշտանոցը` չբացելով ապահովիչը փակաղակի շրջանակի բռնակը ետ քաշելով, իսկ զինամթերքը` կողպված և կնիքված արկղերով, արկղերի քանակը և կնիքների համարները գրանցվում է հերթապահության հանձնման-ընդունման գրքում: Հատուկ ուշադրություն է դարձվում զենքի պահասենյակի էլեկտրալուսաձայնային ազդանշանիչի սարքինության, բոլոր կողպեքների և փականների հուսալիության ու կնիքների ամբողջականության և դրանց համարների համապատասխանության վրա:

83. Անձնակազմին հրաձգային զենքը տրվում է ստորաբաժանման հերթապահի կողմից` ստորաբաժանման հրամանատարի (պետի) հրամանով:

84. Ատրճանակները ստորաբաժանման սպաներին և ենթասպաներին բաց է թողնում ստորաբաժանման հրամանատարի (պետի) տեղակալը կամ ստորաբաժանման հերթապահը` ստորաբաժանման հրամանատարի (պետի) թույլտվությամբ, որը և ընդունում է զենքն ու ստորագրում զենքի բացթողման գրքում:

85. Հերթապահ ստորաբաժանմանը փամփուշտներ բաց է թողնվում հերթապահի կարգադրությամբ` ջոկատի հրամանատարի կողմից:

86. Զորավարժությունների, պարապմունքների, ինչպես նաև զենքի մաքրման համար զենքի բացթողման դեպքում զենք-զինամթերքի բացթողման գրքում ստորագրում է ստորաբաժանման հրամանատարը (պետը), իսկ պահակային ծառայության ստանձնման դեպքում ստացված զենքի ու զինամթերքի համար ստորագրում է պահակապետը: Ընդ որում` զենք-զինամթերքը ծառայողները ստանում են անձնական ստորագրությամբ:

87. Մարտական հերթապահության ստանձնման դեպքում ստացված զենքի և զինամթերքի համար գրքում ծառայողները ստորագրում են անձամբ ու հետո հենակետում հրամանատարը (հենակետի ավագը) զենք-զինամթերքն անձնակազմին ամրակցում է մարտական հենակետի զենք-զինամթերքի ամրակցման տեղեկագրով:

88. Տագնապի ազդարարման դեպքում զենք-զինամթերքի բացթողման ժամանակը կրճատելու համար բացթողման գրքի վերջում նախապես կատարվում է գրառում, որը անհրաժեշտության դեպքում ճշտվում է զենքի տրման ընթացքում:

89. Ստորաբաժանումը տագնապով դուրս գալու ժամանակ զենքի ու զինամթերքի (ժամանակավոր բացակա անձնակազմի զենքերի) համար ստորագրում է խմբի պետը կամ 1-ին օղակի հրամանատարը:

90. Տագնապի ազդարարման դեպքում սպաներին ու ենթասպաներին թույլատրվում է ատրճանակներն ու դրանց փամփուշտները բաց թողնել փոխարինող քարտերով:

91. Ստորաբաժանման հերթապահ մասում գտնվող բացակա սպաների ու ենթասպաների (հիվանդություն, արձակուրդ) ատրճանակները տագնապի ժամանակ դուրս բերման կարգը որոշում է ստորաբաժանման հրամանատարը (պետը):

92. Տագնապի ավարտից հետո ստորաբաժանման հերթապահը սպաներից և ենթասպաներից ընդունում է ատրճանակներն ու փամփուշտները` վերադարձնելով զենքի փոխարինման քարտերը:

93. Ստորաբաժանման առանձին ծառայողներին զենք-զինամթերքը տրվում է զենքի բացթողման գրքում նրանց անձնական ստորագրությամբ:

94. Ոչ հաստիքային զենքով զինվող անձնակազմը զենք-զինամթերքը ստանում է պահեստից կամ ստորաբաժանումից, որոնք գրանցվում են ժամանակավոր օգտագործման տրված նյութական միջոցների հաշվառման մատյանում:

95. Ստորաբաժանման կողմից զինված պարեկներ հատկացնելու դեպքում նրանց զենքերը` զենքի պահասենյակում կամ հերթապահ մասում պահվում են կողպված, կնիքված առանձին զինապահարանի (արկղի) մեջ, իսկ դրանց համար նախատեսված փամփուշտները կնիքված առանձին մետաղյա արկղում:

96. Հերթապահ մասում պահվող պարեկներին հատկացված զինապահարանը և փամփուշտների արկղը կնիքվում է ստորաբաժանման հերթապահի կնիքով:

97. Զենքի հատկացումը պարեկներին կատարվում է ստորաբաժանման հերթապահի կարգադրությամբ ստորաբաժանման հրամանատարի (պետի) կողմից նշված ժամանակ:

98. Զենքի տրման ժամանակ ջոկատի հրամանատարի տեղակալը և խմբի պետը պարտավոր են հետևել, որպեսզի անձնակազմը ստանա միայն իրեն ամրակցված զենքը:

99. Զորավարժությունների, պարապմունքների, հրաձգությունների, ծառայողական առաջադրանքների, հերթապահության, պարեկության ու պահակային ծառայությունից հետո զենքն անհապաղ պետք է մաքրվի, յուղվի, հետո նոր հանձնվի ստորաբաժանման հերթապահին:

100. Գիշերային ժամերին վերադառնալու ժամանակ զենքը միայն մաքրվում է արտաքինից և հետո հանձնվում, իսկ վերջնական մաքրումը կատարվում է հաջորդ օրը:

III. ԶԵՆՔԻ ԵՎ ԴՐԱՆՑ ՓԱՄՓՈՒՇՏՆԵՐԻ ՀԱՇՎԱՌՄԱՆ, ՊԱՀՊԱՆՄԱՆ ՈՒ ԲԱՑԹՈՂՆՄԱՆ ԿԱՐԳԸ

101. Ծառայողական և պարգևատրված զենքերն ու փամփուշտները հաշվառվում են անձնական օգտագործման նյութական միջոցների հաշվառման քարտով (տես` Ձև 3):

102. Զենքի ու փամփուշտների ստուգումը կատարվում է առնվազն եռամսյակը մեկ անգամ ստորաբաժանման վերադաս պետի կողմից, որից հետո կատարվում է համապատասխան գրառումներ ստուգման մատյանում:

103. Զենքն ու դրանց փամփուշտները տրվում է պահեստից ՀՀ ԱԻՆ ՓԾ թիկունքի և նյութատեխնիկական ապահովման վարչության կողմից դուրս գրված ապրանքագրով:

Ապրանքագրի դուրսգրման հիմքը հանդիսանում է ծառայողին պաշտոնի նշանակման հրամանը: Ծառայողն ապրանքագրով անձամբ ստանում է զենքն ու փամփուշտները: Ապրանքագիրը մնում է ուժի մեջ մինչև յոթ օր:

104. ՀՀ ԱԻՆ ՓԾ կենտրոնական (կառուցվածքային) վարչությունների սպաների զենք-զինամթերքի հատկացումը կազմակերպվում է սույն կարգի համաձայն: Վարչության ծառայողներին զենք-զինամթերք հատկացվում է պահեստից հայտով` ստորագրված ՀՀ ԱԻՆ ՓԾ տնօրենի կողմից: Հայտում նշվում է պաշտոնը, կոչումը, ազգանունը, անունը, հայրանունը, անձը հաստատող փաստաթղթի համարը, իրավասու պաշտոնատար անձի հրամանի համարը` պաշտոնին նշանակվելու վերաբերյալ: Հայտի հիման վրա ծառայողն անձամբ պահեստից ստանում է զենքը: Հայտն ուժի մեջ է մինչև 10 օր:

105. Ծառայողը պահեստից ստանալով զենքն ու փամփուշտները, անմիջապես ի պահ է հանձնում հերթապահին, հերթապահը զենքի ու զինամթերքի բացթողման գրքում կատարում է համապատասխան նշումներ:

106. Գեներալների և բարձրագույն խմբի պաշտոն զբաղեցնող ծառայողների ատրճանակներն ու փամփուշտները պահվում են ՀՀ ԱԻՆ վարչական շենքի զինանոցում` կողպվող և կնիքվող մետաղյա պահարաններում: Պահարանները կողպվում ու կնիքվում են հերթապահի կողմից: Ատրճանակների պահպանման պահարանում փակցվում է պահպանվող զենքերի անվանացուցակ: Անվանացուցակը հաստատում է ՀՀ ԱԻՆ ՓԾ տնօրենը, իսկ ստորագրում՝ ՀՀ ԱԻՆ ՓԾ թիկունքի և նյութատեխնիկական ապահովման վարչության պետը:

107. Ատրճանակներով պահարանը կահավորվում է համապատասխան դարակներով ատրճանակների, փամփուշտների և ռադիոակտիվ ճառագայթման դոզաչափերի տեղադրման համար, փամփուշտները պահվում են նույն պահարանում առանձին մետաղյա արկղում կնիքված ստորաբաժանման հերթապահի կնիքով: Պահարանում այլ պարագաներ, բացի ատրճանակների բացթողման գրքից, պահելն արգելվում է:

108. Ծառայողի` նոր ծառայության վայր տեղափոխվելու կամ ծառայությունից ազատվելու դեպքում ատրճանակն ու փամփուշտները հանձնվում են պահեստ, հիմք ընդունելով ազատման հրամանի քաղվածքը: Ծառայողին ՀՀ ԱԻՆ ՓԾ թիկունքի և նյութատեխնիկական ապահովման վարչությունից տրվում է ապրանքագիր, որի հիման վրա նա հերթապահից ստանում է ատրճանակն ու փամփուշտները` ստորագրում զենք-զինամթերքի բացթողման գրքում և անմիջապես հանձնում ստորաբաժանման պահեստ: Ապրանքագիրը ծառայողը ներկայացնում է ՀՀ ԱԻՆ ՓԾ թիկունքի և նյութատեխնիկական ապահովման վարչություն: Պահեստապետի կողմից ստորագրված ապրանքագրի հիման վրա հերթապահը զենքի ու զինամթերքի տրման գրքից, իսկ ՀՀ ԱԻՆ ՓԾ թիկունքի և նյութատեխնիկական ապահովման վարչության պետը` հաշվառման ցուցակներից, ինչպես նաև ծառայողի անձնական օգտագործման նյութական միջոցների քարտից դուրս են գրում տվյալ զենքը: Ապրանքագրի հետ միաժամանակ հանձնվում է զենքի փոխարինող քարտը:

109. Ծառայությունից կարգապահական խախտումների հիմքով ազատվող ծառայողների վերադաս հրամանատարի (պետի) ցուցումով իրենց զենքն ու փամփուշտները պահեստ են հանձնում նրանց ուղղակի պետերի կողմից նույն կարգով:

110. Սպաների ու ենթասպաների` մինչև 60 օր ժամանակավոր բացակայության դեպքում, զենքն ու փամփուշտները պահեստ չի հանձնվում:

111. Ծառայությունից ազատված ծառայողների պարգևատրված զենքերը (ատրճանակ, հրացան, կարաբին, սառը զենք) հետագա պահպանման համար համապատասխան որոշմամբ դուրս են գրվում հաշվառումից և գրանցվում ՀՀ ոստիկանությունում, որից հետո հանձնվում զորացրված ծառայողին:

112. Այն ստորաբաժանումներում, որտեղ չկա օրվա վերակարգ, ատրճանակներն ու փամփուշտները թույլատրվում է պահել`

1) առանձին պահասենյակում, որի ազդանշանային համակարգը միացված է պահակատան հետ.

2) մոտակա ստորաբաժանումում, վերադաս պետի որոշմամբ՝ ակտով հանձնելով ատրճանակներն ու փամփուշտները:

IV. ԶԵՆՔԸ ՊԱՀԵԼՈՒ, ԿՐԵԼՈՒ ԵՎ ՀԱՆՁՆԵԼՈՒ ԿԱՐԳԸ

113. Պահելու և կրելու կամ ծառայության ընթացքում կրելու իրավունքով զենք ստացած ծառայողը պարտավոր է սարքին, անվտանգ և մաքուր պահել ստացած զենքը:

114. Զենքի կորուստը բացառելու նպատակով այն պետք է համապատասխան ամրակապով հուսալիորեն ամրացված լինի ծառայողի հագուստին, արգելվում է ծառայողի կողմից զենք կրելն առանց համապատասխան հարմարանքների (ատրճանակի պատյան, ամրակապ, ինքնաձիգի գոտի և այլն):

115. Ծառայողին արգելվում է զենքը փոխանցել այլ անձանց կամ թողնել առանց հսկողության` բացառությամբ ՀՀ օրենսդրությամբ սահմանված դեպքերի:

116. ՀՀ տարածքից դուրս ծառայողը զենքով գործուղվում է միջպետական պայմանագրերով սահմանված դեպքերում և կարգով:

117. Ծառայողին հատկացված զենքի, դրա տեխնիկական վիճակի, ինչպես նաև հատուկ պարագաների առկայության նկատմամբ վերահսկողությունն իրականացվում է`

1) ծառայողի անմիջական պետի կողմից` յուրաքանչյուր շաբաթը մեկ անգամ` ծառայողի ծառայության մեջ գտնվելու ժամանակ.

2) տվյալ ստորաբաժանման պետի կողմից` յուրաքանչյուր եռամսյակը մեկ անգամ.

3) սպառազինության համար պատասխանատու մարմնի (անձի) կողմից` տարեկան մեկ անգամ.

4) համապատասխան պլան-առաջադրանքներով` ենթակա ստորաբաժանումներ գործուղված ոստիկանության կենտրոնական ապարատի սպառազինության համար պատասխանատու մարմնի (անձի) կողմից.

5) շարային ստուգատես անցկացնելու ժամանակ` ստուգատես անցկացնող անձի կողմից:

118. Ծառայողը, ստորաբաժանման պետի կարգադրությամբ, պարտավոր է զենքը հանձնել, եթե`

1) ծառայողի կողմից խախտվել են սույն կարգով նախատեսված զենքը պահելու և կրելու պայմանները.

2) ծառայողը ժամանակավորապես մեկուսացվել է ծառայողական պարտականությունների կատարումից:

119. Զենքը կորցնելու կամ փչացնելու դեպքերում ծառայողն անմիջապես զեկուցում է վերադասության կարգով և ձեռնարկում միջոցներ` զենքը վերանորոգելու, կորած զենքը որոնելու համար:

V. ՀՐԱՁԳԱՅԻՆ ԶԵՆՔԻ ԵՎ ԶԻՆԱՄԹԵՐՔԻ ՀԱՇՎԱՌՈՒՄԸ, ՊԱՀՈՒՄՆ ՈՒ ՀԱՏԿԱՑՈՒՄՆ ՈՒՍՈՒՄՆԱԿԱՆ ԿԵՆՏՐՈՆՆԵՐՈՒՄ, ԿՐԱԿԱՅԻՆ ԱՎԱՆՆԵՐՈՒՄ, ԶՈՐԱՎԱՐԺՈՒԹՅՈՒՆՆԵՐԻ, ՀՐԱՁԳՈՒԹՅՈՒՆՆԵՐԻ ԱՆՑԿԱՑՄԱՆ ՈՒ ՄԱՐՏԱԿԱՆ ԾԱՌԱՅՈՒԹՅԱՆ (ՀԵՐԹԱՊԱՀՈՒԹՅԱՆ) ԺԱՄԱՆԱԿ

120. Ուսումնական կենտրոններում զենք-զինամթերքի հաշվառումը, պահպանումն ու բացթողումն իրականացվում է նույն կարգով, ինչպես զորանոցային պայմաններում և կազմակերպվում է ուսումնական կենտրոնի պետի կողմից:

121. Ուսումնական կենտրոն դուրս բերված մարտական մեքենաները` ամենագնացներ, զրահափոխադրիչներ և այլ տեխնիկա, անհրաժեշտ է պահպանել ցանկապատված, գիշերը լուսավորված, ժամապահի հսկողության տակ գտնվող տարածքում:

122. Մարտական մեքենաների պահպանումը կատարվում է ՀՀ Զինված ուժերի կայազորային և պահակային ծառայությունների կանոնագրքով սահմանված կարգով: Մեքենաների կնքումը պետք է բացառի առանց կնիքները խախտելու դրանց մեջ ներթափանցելու հնարավորությունը:

123. Մարտական մեքենաները, մարտական և անգնդակ զինամթերքով հրաձգությամբ զորավարժությունների նախապատրաստելիս, անհրաժեշտ է մեքենաների մարտադարակներից հանել բոլոր մարտական փամփուշտները, ձեռքի նռնակներն ու դրանց պայթուցիչները, և դրանց պահպանումը կազմակերպել պահեստում: Եթե մարտալրակազմի պահպանումը կազմակերպվում է կրակային ավանում, ապա դրանք պետք է պահպանվեն ծածկով թափք ունեցող ավտոմեքենայի մեջ, որը պահպանման հանձնելուց առաջ հուսալի կնքվում է:

124. Ջոկատի հրամանատարները զրահափոխադրիչները կրակային ավանի պետին պահպանման են հանձնում կնիքված` կատարելով համապատասխան գրառումներ մարտական մեքենաների պահպանման-հանձնման գրքում:

125. Կրակային ավանի պետի կողմից ընդունված մարտական մեքենաները հանձնվում են պահակախմբի պահպանությանը:

126. Զորավարժության, հրաձգության և պարապմունքների ընթացքում ծառայողների զենքերը միշտ պետք է գտնվեն իրենց մոտ:

127. Հանգստի ժամերին (ընդմիջմանը), ինչպես նաև սպառազինության սպասարկման ժամանակ ստորաբաժանման հրամանատարի (պետի) որոշմամբ զենքերը կարող են պահվել դրանց համար հարմարեցված զինաբուրգերում: Այդ դեպքում զենքերը պետք է գտնվեն տվյալ ստորաբաժանման տարածքում և պահպանվեն հատուկ դրա համար նշանակված անձանց կողմից:

128. Ուսումնական հրաձգության համար զինամթերքը պահեստից բաց է թողնվում ստորաբաժանման հրամանատարի (պետի) կողմից ներկայացված հայտի հիման վրա (տես` Ձև 20), որի հիմքն է հանդիսանում ՀՀ ԱԻՆ ՓԾ տնօրենի հրամանը և ՀՀ ԱԻՆ ՓԾ թիկունքի և նյութատեխնիկական ապահովման վարչության պետի գրավոր թույլտվությունը: Այդ զինամթերքը բաշխման-հանձնման տեղեկագրով (տես` Ձև 9) պահեստից ստանում է ջոկատի հրամանատարը:

129. Ստորաբաժանման հրամանատարը (պետը) հրաձգության ժամանակ կազմակերպում է զինամթերքի բաշխման կետ: Զինամթերքի բաշխման կետի բաշխողները բաշխման-հանձնման տեղեկագրով (տես` Ձև 21) զինամթերքը հատկացնում են անձնակազմին: Հրաձգության, նռնակների նետման ավարտից հետո հավաքվում են բոլոր կրակված պարկուճները, ժապավենները, նռնակների պայթուցիչների օղակները:

130. Հրաձգության ավարտից հետո բաշխման կետի պետը ստորաբաժանման հրամանատարին (պետին) զեկուցում է բացթողնված, ծախսված և մնացորդ զինամթերքի մասին: Զինամթերքի բաշխման-հանձնման ամփոփագիրը չծախսված զինամթերքի և կրակված պարկուճների հետ միասին հանձնվում է պահեստ:

131. Հրաձգությունից հետո զինամթերքի, կրակված պարկուճների կամ նռնակների պայթուցիչների օղակների կորստի դեպքում կազմվում է ակտ` հրաձգություն կատարող ստորաբաժանման հրամանատարի (պետի), պահեստից զինամթերք ստացող պաշտոնատար անձի և հրաձգության ղեկավարի ստորագրություններով:

132. Կորած պարկուճներն ու նռնակների պայթուցիչների օղակները դուրս են գրվում վերադասի ներկայացմամբ` սույն կարգի 152-րդ կետով սահմանված կարգով:

133. Մարտական հենակետերում ծառայություն կատարելու ժամանակ, ջոկատի մարտական դիրքերում, խմբի հենակետերում, այլ ստորաբաժանումների հերթապահ հրամանատարական դիտակետերում գտնվող զենքերի, զինամթերքի պաշարների, օպտիկական սարքավորումների, գիշերային տեսանելիության սարքերի ստուգումը, պահպանումը, ինչպես նաև դրանց կիրառումը կատարվում է Նախարարի հրամանի պահանջների համաձայն:

134. Սահմանամերձ շրջաններում մարտական հերթապահություն կատարող ստորաբաժանումներում մարտական հենակետերը ստուգման նպատակով ուղարկված օպերատիվ խմբի սպաներին վերադաս պետի որոշմամբ թույլատրվում է ստանալ իրենց ամրակցված զենքն ու փամփուշտները: Ստուգումների ավարտից հետո զենքն անմիջապես հանձնվում է հերթապահ մաս (ստորաբաժանման զենքի պահասենյակ):

VI. ԶԻՆԱՄԹԵՐՔԻ ՀԱՇՎԱՌՈՒՄԸ, ՊԱՀՈՒՄԸ ԵՎ ՊԱՀՊԱՆՈՒՄԸ ՄԱՐՏԱԿԱՆ ՄԵՔԵՆԱՆԵՐՈՒՄ ՈՒ ՏՐԱՆՍՊՈՐՏԱՅԻՆ ՄԻՋՈՑՆԵՐՈՒՄ

135. Զինամթերքի պաշարների, հատկացված տարածքում մարտական մեքենաների, սարքավորումների պահպանման, տարածքում տրանսպորտային միջոցների տեղաբաշխման համար անմիջական պատասխանատվություն է կրում այն անձը, որը նշանակվել է ստորաբաժանման հրամանատարի (պետի) հրամանով:

136. Ստորաբաժանումներին ամրակցված մարտական մեքենաների ու տրանսպորտային միջոցների մեջ գտնվող զինամթերքի պահպանման համար պատասխանատու են ստորաբաժանումների հրամանատարները (պետերը):

137. Պահոցների, հավաքակայանների, ինչպես նաև սպառազինություն ու զինամթերք ունեցող տեխնիկայի կնիքման կարգը սահմանում է ՀՀ ԱԻՆ ՓԾ տնօրենը:

138. Զինամթերքով բարձված մարտական մեքենաները տեղաբաշխվում են հակահրդեհային և էլեկտրաձայնաազդանշանային միջոցներով կահավորված պահոցներում և հավաքակայաններում: Այդպիսի մեքենաների պահպանումը ծածկերի կամ բաց երկնքի տակ թույլատրվում է, բացառությամբ այն դեպքերի, եթե տարածքը ցանկապատված է և հսկվում է ժամապահի կողմից:

139. Հրաձգային զենքի համար զինամթերքով բեռնված տրանսպորտային միջոցները հավաքակայանի պահոցներում տեղաբաշխվում են առանձին, ցանկապատված տարածքում, ժամապահի հսկողության տակ: Ընդ որում` տրանսպորտային միջոցների թափքերը պետք է ծածկված լինեն բրեզենտե ծածկոցներով, որոնք հնարավորություն կտան դրանք հուսալի կնիքել:

140. Փամփուշտները, ձեռքի նռնակներն իրենց պայթուցիչների հետ միասին պահվում են գործարանային կապարակնիքված արկղերում: Մարտական մեքենաներում փամփուշտները հատիկներով կամ թղթյա փաթեթներով (տուփերով) պահելն արգելվում է:

141. Զինամթերքով բարձված մարտական մեքենաներն ու փոխադրամիջոցները տագնապով կամ զորավարժությունների դուրս բերումից հետո պետք է կատարվի զինամթերքով արկղերի հաշվում և զինամթերքի առկայության ստուգում, ընդ որում` հերմետիկ փաթեթավորումները բացելն արգելվում է:

142. Մարտական մեքենաների և տրանսպորտային միջոցների մեջ գտնվող հրաձգային զենք-զինամթերքի հաշվառումը տարվում է ՀՀ ԱԻՆ ՓԾ թիկունքի և նյութատեխնիկական ապահովման վարչության կողմից:

VII. ՀՐԱՁԳԱՅԻՆ ԶԵՆՔԻ ԵՎ ԶԻՆԱՄԹԵՐՔԻ ՀԱՇՎԱՌՈՒՄՆ ՈՒ ՊԱՀՊԱՆՈՒՄԸ ՊԱՀԱԿԱԿԵՏԵՐՈՒՄ

143. Պահակատանը գտնվող զենք-զինամթերքի պահպանման համար պատասխանատու է պահակապետը:

144. Զինապահարանից զենքը վերցվում է միայն պահակապետի կամ նրա օգնականի թույլտվությամբ:

145. Պահակատանը գտնվող փամփուշտների, նռնակների ու դրանց պայթուցիչների պաշարները հաշվառվում են (ՀՀ ԶՈՒ կայազորային ու պահակային ծառայությունների կանոնագիրք) պահակատանը գտնվող պահեստային փամփուշտների հաշվառման գրքով, որը պահվում է զինամթերքի արկղում:

146. Դրանց առկայության ու վիճակի ստուգումը կատարվում է ՀՀ Զինված ուժերի կայազորային ու պահակային ծառայությունների կանոնագրքի պահանջների համաձայն:

147. Զինամթերքի պաշարի արկղը գրանցվում է պահակապետի սենյակում գտնվող գույքացուցակում: Պահակապետը պահակախմբի անձնակազմին զենք-զինամթերք է տալիս բաշխման տեղեկագրով, զենք ստացող ամեն մի զինծառայողի ստորագրությամբ` նշելով զենքի տեսակը, համարն ու զինամթերքի քանակը:

148. Պահակային ծառայությունից զինծառայողին հեռացնելու կամ ազատելու (անկարգապահության կամ հիվանդության պատճառով) և ստորաբաժանում ուղարկելու դեպքում պահակապետը պետք է վերցնի (ընդունի) նրա զենք-զինամթերքը և հերթափոխից հետո դրանք հանձնի ստորաբաժանման հերթապահին:

149. Պահակախմբի փամփուշտների և նռնակների պաշարը պահվում է կողպվող երկաթյա արկղում, պայթուցիչները նռնակների մեջ չեն դրվում, այլ պահվում են նույն արկղում առանձին փաթեթում, արկղը կնիքում է 1-ին ջոկատի հրամանատարը կամ խմբի պետը:

150. Զինամթերքով արկղի բանալին և պահպանվող օբյեկտների կնիքների ծեփապատճենները պահվում են պահակապետի սենյակում, դրանք այլ անձանց փոխանցելն արգելվում է, իսկ պահեստային բանալիները պահվում են գաղտնի մասում:

151. Ճանապարհային երթևեկության ժամանակ զենք-զինամթերքի կորստի դեպքում պահակախմբի պետը (խմբի ավագը) պարտավոր է անհապաղ զեկուցել սույն կարգի 9-րդ կետով սահմանված կարգով:

152. Պահակային ծառայության ընթացքում ծախսված զինամթերքը, ինչպես նաև օգտագործված գնդակները և պարկուճները դուրս են գրվում (ոչնչացվում) ՀՀ օրենսդրությամբ սահմանված կարգով` հանձնաժողովի կողմից կազմված ակտով, որը հաստատվում է ՀՀ ԱԻՆ ՓԾ տնօրենի կողմից (տես` Ձև 22):

VIII. ՀՐԱՁԳԱՅԻՆ ԶԵՆՔԻ ԵՎ ԶԻՆԱՄԹԵՐՔԻ ՀԱՇՎԱՌՈՒՄԸ, ՊԱՀՈՒՄԸ, ՊԱՀՊԱՆՈՒՄՆ ՈՒ ԲԱՑԹՈՂՈՒՄԸ ՊԱՀԵՍՏԻՑ

153. Հրաձգային զենքն ու զինամթերքը կարող են պահպանվել հատուկ ջեռուցվող և չջեռուցվող պահեստներում (պահոցներում), ինչպես նաև դրանց համար հարմարեցված շինություններում, որոնք պետք է ապահովեն`

1) զենքի ու զինամթերքի պահպանվածությունը.

2) զենքի ու զինամթերքի դիտարկման, հսկողության և դրանց մշտական մարտունակ պահելու աշխատանքների կատարման հարմարությունը:

154. Հրաձգային զենքը պետք է պահվի հաստիքային արկղում, անհատական լրակազմի հետ միասին, կնիքված, իսկ կափարիչը ամրացված 4-8 պտուտակներով:

155. Հրաձգային զենքը պահեստից բաց է թողնվում ապրանքագրով, միայն սարքին և լրակազմ վիճակում, տեղեկամատյանների հետ միասին (որակական վիճակի քարտ):

156. Հրաձգային զենքի անսարք մասերի փոխարինման համար, դրանց մասերը պահեստից ապրանքագրով բաց է թողնվում ստորաբաժանման հրամանատարի (պետի) ներկայացված հայտի հիման վրա, անսարք մասերը պարտադիր կերպով պահեստ հանձնելու դեպքում:

157. Պահեստից տագնապով հրաձգային զենքի ու զինամթերքի բացթողման (կենտրոնացման շրջան տեղափոխման) կարգն ու հերթականությունը սահմանում է ՀՀ ԱԻՆ ՓԾ տնօրենը:

158. Զինամթերքը պետք է պահպանվի մուտքի դարպասներ (դռներ) ունեցող սենյակում (շինությունում): Կրակված պարկուճները պահվում են առանձին արկղերում` ըստ տեսակների:

159. Պահեստներում հրաձգային զենքի ու զինամթերքի հետ աշխատելու թույլտվություն ունեցող անձինք նշանակվում են ստորաբաժանման վերադաս պետի հրամանով: Այդ անձանց քանակը պետք է լինի սահմանափակ:

160. Սպառազինության պահեստ բոլոր այցելողներին պահեստապետը գրանցում է «Պահեստ այցելողների և կատարվող աշխատանքների հաշվառման մատյանում» (տես` Ձև 23)` նշելով այցի օրը, ժամը, նպատակը:

161. Հրաձգային զենքի ու զինամթերքի հաշվառումը պահեստում վարվում է նյութական միջոցների հաշվառման քարտով (տես` Ձև 24) կամ նյութական միջոցների առկայության ու շարժի մատյանով (տես` Ձև 5): Բացի դրանից, հրաձգային զենքը հաշվառվում է ժամանակավոր օգտագործման տրված նյութական միջոցների հաշվառման մատյանով (տես` Ձև 8):

162. Ստորաբաժանումներին հրաձգային զենք բացթողման կամ դրանցից զենք ընդունման դեպքում պահեստի պետը նույն օրը պետք է զեկուցի ՀՀ ԱԻՆ ՓԾ թիկունքի և նյութատեխնիկական ապահովման վարչության պետին:

IX. ԶԻՆԱՄԹԵՐՔՈՎ ՊԱՀՈՑԻ (ՊԱՀԵՍՏԻ) ՊԵՏԻ ԳՈՐԾԱՌՈՒՅԹՆԵՐԸ

163. Պահոցի (պահեստի) պետը ենթարկվում է ՀՀ ԱԻՆ ՓԾ թիկունքի և նյութատեխնիկական ապահովման վարչության պետին` զինամթերքի պահպանման, հաշվառման, ընդունման և տեղափոխման հարցերով կատարելով նրա ցուցումները:

164. Յուրաքանչյուր պահոցի պետին կարող է կցվել մի քանի համարակալված պահոցներ, ծածկեր, բաց տարածքներ:

165. Պահոցի պետը հանդիսանում է նյութական միջոցների պատասխանատու անձ, նա պատասխանատու է`

1) ընդունված զինամթերքի պահպանման համար.

2) զինամթերքի տեխնիկական փաստաթղթերի պահպանման համար.

3) զինամթերքի քանակական հաշվառման և պահպանման որակի համար.

4) պահոցում գտնվող գույքի համար:

166. Պահպանման ընթացքում զինամթերքի, գործիքների, սարքավորումների, գույքի և այլ ապրանքների կորստի կամ փչացման համար պահոցի պետը կրում է նյութական պատասխանատվություն, իսկ գաղտնի զինամթերքի, փաստաթղթերի կորստի և գաղտնի տեղեկությունների տարածման համար, որոնք պարունակում են զինվորական, ինչպես նաև պետական գաղտնիք, պատասխանատվություն է կրում օրենքով սահմանված կարգով:

167. Պահոցի պետը պետք է իմանա`

1) պահպանվող ապրանքի որակը, քանակն ու վիճակը.

2) օդերևութաբանական, ազդանշանային միջոցների ճիշտ շահագործման կարգը.

3) պահոցին կցված օդափոխման համակարգերի, բարձրացնող-իջեցնող միջոցների ճիշտ շահագործման կանոնները, ինչպես նաև ձեռնարկի միջոցներ դրանք մշտապես սարքին պահելու համար:

168. Պահոցում (պահեստում) գտնվող սարքավորումների և փաստաթղթերի ցուցակներն ու պահոցի (պահեստի) մոտ գտնվող հակահրդեհային վահանակում անհրաժեշտ պարագաների ցուցակը ներկայացված են Ձև 26-ում, Ձև 27-ում և Ձև 28-ում:

169. Պատրաստի կրակոցները պահոցներում, որպես կանոն, տեղավորվում են համալրված վիճակում, պայթուցիչների հետ, բացառությամբ 3-րդ կարգի կրակոցների, ոչ վերջնական լիցքավորված տեսքով: 120 մմ և դրանից փոքր տրամաչափի ականանետային բոլոր կրակոցները բեկորաֆուգասային և բեկորային արկերով տեղաբաշխվում են մեկ պահոցում, համալրված լիցքերով ու պայթուցիչներով:

170. Զինամթերքի ամեն մի խմբաքանակի համար լրացվում են դարսերի պիտակներ, պիտակներում նշվում է խմբաքանակի համարը, քանակը, ամսաթիվը, նմուշի կարճ անվանումը` չնշելով տրամաչափը և տիպը:

171. Դարսերի պիտակները տեղավորվում են շրջանակով ապակու տակ կամ մետաղյա շրջանակի մեջ և ամրացվում դարսերի վրա անցումների կողմից:

172. Զինամթերքով արկղերին դարսերի պիտակներ մեխերով ամրացնելն արգելվում է:

173. Ներմուծվող զինամթերքը պետք է ստուգվի առաքողի որակական, քանակական, բնութագրային ուղեկցող փաստաթղթերով:

174. Ներմուծված զինամթերքն առաքողի փաստաթղթերի հետ չհամապատասխանելու դեպքում ներմուծումը կատարվում է ստացողի ընդունման ակտի հիման վրա:

175. Հրաձգային զենք-զինամթերքի, ձեռքի նռնակների ու գաղտնի նմուշների, ինչպես նաև ոչ լրիվ լցված, առանց տարաների ու ոչ հերմետիկ փաթեթներում գտնվող զինամթերքը պահոցի պետը ընդունում է քանակով:

176. Ներմուծված զինամթերքի քանակի, համալրվածության ու սարքինության համար պատասխանատվություն է կրում պահոցի պետը:

177. Պահոցի պետը պետք է լավ իմանա զինամթերքի հետ կատարվող աշխատանքների հերթականությունը: Մինչև զինամթերքի հետ աշխատելը հարկավոր է ապահովել հակահրդեհային կետ, ստուգել դրա համալրվածությունը և սարքինությունը, ինչպես նաև հակահրդեհային ազդանշանային համակարգը:

178. Կատարվելիք աշխատանքների հերթականությունը և վտանգավորության աստիճանը պարզաբանելուց հետո պահոցի պետը պարտավոր է`

1) հրահանգավորել աշխատողներին, նշելով յուրաքանչյուրի աշխատանքի բնույթը, պահպանվող անվտանգության կանոններն աշխատանքների ընթացքում, ղեկավարել աշխատանքները` չթուլացնելով հսկողությունը.

2) ձեռնարկել միջոցներ, որպեսզի բացառվեն զինամթերքի գետնին ընկնելն ու իրար հարվածումը.

3) պահոցում թույլ չտալ կատարել այլ աշխատանքներ, որոնք կապված չեն զենք-զինամթերքի ներմուծման, բացթողման, բարձման, սպասարկման հետ:

179. Արգելվում է օրվա մութ ժամերին դարսերի վրա տեղադրել լուսավորության միջոցներ, պահոցում չխոչընդոտել անցումները արկղերով կամ այլ առարկաներով:

180. Պահոցում զինամթերքի հետ լաքեր, ներկեր, դյուրավառ նյութեր պահելն արգելվում է:

181. Կրակոցների համալրվածության մեջ մտնող նետող ու պայթեցնող լիցքերը տեղաբաշխվում են առանձին այն դեպքում, երբ կրակոցները ոչ վերջնական լիցքավորված տեսքով են:

182. Անհրաժեշտ է զինամթերքի պահոցում տեղաբաշխման ժամանակ թույլ չտալ դրանց խմբաքանակի կոտրատումը, իրար հարվածումը:

183. Զինամթերքի յուրաքանչյուր խմբաքանակ պետք է տեղաբաշխվի մեկ պահոցում` մեկ դարսով:

184. Դարսերով զինամթերքի տեղաբաշխման ժամանակ դարսերի միջև թողնվում են անցումներ, դիտարկման անցում պատերի կողմից 0,6-0,7 մ, և աշխատանքային անցում, ամեն դռան դիմաց 1,5 մ լայնությամբ և պահոցի երկարությամբ մեջտեղից 1,25-1,5 մ լայնությամբ:

185. Պահոցների անցումները նշելու համար հատակին սպիտակ ներկով գծվում է եզրափակիչ գծեր կամ այնպիսի գույնի ներկով, որը կտարբերվի հատակի գույնից:

186. Զինամթերքով դարսերը տեղավորվում են հավասար և կայուն:

187. Կայունության համար դարսերն ամրացվում են խցուկներով և փայտյա ձողերով: Զինամթերքով դարսերի թույլատրելի բարձրությունը տակդիրների հետ միասին բերված է Ձև 29-ում:

188. Զինամթերքը, որը հաստատված է առաքման համար, պետք է պահել ամուր փաթեթներում, որը կապահովի անվտանգությունը տեղափոխման ընթացքում:

189. Զինամթերքի հետ փորձնական, անգնդակ և ուսումնական արկերն ու կրակոցները տեղաբաշխվում են առանձին դարսերով, դարսերի վրա գրված «Ուսումնական», «Անգնդակ» և «Գործնական» գրություններով:

190. Ոչ լրիվ զինամթերքով արկղերը դարսով տեղավորելու դեպքում արկղերի ճակատային հատվածում փակցվում է թղթե պիտակ «Ոչ լրիվ ______հատ» գրությամբ կամ կատարվում է նույնանուն գրառում: Այդ դեպքում զինամթերքի ամեն մի խմբաքանակը չպետք է լինի ոչ լրիվ մեկ արկղից ավել: Այդպիսի արկղը դրվում է դարսի վերևից, աշխատանքային կամ դիտարկման անցումների կողմով:

191. Հրաձգային զենքի փամփուշտները, ձեռքի նռնակները, վառոդներն ու գաղտնի օրինակներով նմուշները տեղավորվում են միայն ծածկված, փակվող պահոցներում:

192. Բաց տարածքներում զինամթերքի պահման համար անհրաժեշտ է պատրաստել հատուկ տեղեր: Բաց տարածքներում պահպանվող զինամթերքի դարսերը ծածկվում են բրեզենտե կամ այնպիսի ծածկոցներով, որոնք դարսերը կպաշտպանեն մթնոլորտային ազդեցություններից:

193. Պարբերաբար պետք է ստուգել պահպանվող զինամթերքի տեխնիկական վիճակը, անսարքություններ հայտնաբերելու դեպքում ձեռնարկել միջոցներ` դրանց վերացման համար:

194. Մեքենայի թափքից ձեռքով զինամթերքի բեռնաթափման ընթացքում հետևել, որպեսզի կամրջակները լինեն սարքին և հուսալի ամրացված, ձմռանը դրանք պետք է մաքրվեն ձյունից ու սառույցից:

195. Պահոցները միշտ պետք է գտնվեն սարքին վիճակում, փոքր անսարքությունները պահոցի պետը վերացնում է իր ուժերով: Անսարքությունները, որոնք պահանջում են կատարել միջին կամ կապիտալ վերանորոգումներ, անհրաժեշտ է դրանք ընդգրկել ստորաբաժանման առանձին շինությունների վերանորոգման պլանի մեջ:

196. Պահոցի շրջակայքը` մինչև 1 մ, խոտերից պահել մաքրված, մինչև 20 մ` պետք է տարածքը մաքրված լինի տերևներից, մետաղյա իրերից և այլ աղբից:

197. Պահոցի դռների ողջ լայնքով և հակահրդեհային վահանակ տանող ճանապարհները պետք է մաքրվեն ձյունից: Մինչև ձյան հալվելն այն ցած թափել կտուրից և հեռացնել պահոցի պատերի մոտից:

198. Աշխատանքների ավարտից հետո բոլոր պահոցներում պատուհաններն ու օդափոխման անցքերը փակել ներքին փականներով, դռները փակել կողպեքով և կնիքել:

199. Պահոցների բանալիները կնիքված ձևով, ստորագրությամբ հանձնել հերթապահին:

200. Պահոցի պահեստային բանալիները կնիքված, տուփով պահվում են գաղտնի մասում:

201. Կնիքների ամբողջականության խախտում, պատուհանների, դռների, օդափոխման անցքերի բացման նշաններ հայտնաբերելու դեպքում անհապաղ զեկուցել սույն կարգի 9-րդ կետով սահմանված կարգով:

202. Պահոցների բացումն այդ դեպքում կատարվում է հանձնաժողովի ներկայությամբ, որը ստուգում է ապրանքի քանակը, պահպանման ու հաշվառման փաստաթղթերը:

203. Բացակայության ժամանակ դռները չպետք է թողնել բաց ու չկողպված:

204. Սույն հրահանգի պահանջների կատարման համար պատասխանատու է ստորաբաժանման հրամանատարը (պետը):

205. Ստորաբաժանումներում ու պահեստներում զենքի ու զինամթերքի առկայության և պահպանման համար անմիջական հսկողություն է իրականացնում ստորաբաժանման պետը:

Ձև 1

ՆՅՈՒԹԱԿԱՆ ՄԻՋՈՑՆԵՐԻ ԱՌԿԱՅՈՒԹՅԱՆ ԵՎ ՇԱՐԺԻ ՀԱՇՎԱՌՄԱՆ

ՄԱՏՅԱՆ N_______

______________________________________

(ծառայությունը (կառավարման մարմինը)

_____________________________________

(ստորաբաժանումը)

սկսված է «_____» ________________ 201 թ.

ավարտված է «_____» _____________ 201 թ.

1-ին թերթի մինչև 8-րդ աղյուսակը

Գրանցման ամսաթիվը	փաստաթղթի			մատակարարը	մուտք	ելք	ընդամենը
	անվանումը	համարը	ամսաթիվը

1	2	3	4	5	6	7	8

1-ին թերթի 9-ից մինչև 26-րդ աղյուսակը

առկա է ըստ կարգերի (տեսակների)					մուտք	ելք	ընդամենը	Այդ թվում պահեստում և ստորաբաժանումներում
առկա է ըստ կարգերի (տեսակների)								պահեստում					ստորաբաժանումներում
	l	ll	V						l	ll	V	V
9	10	11	12	13	14	15	16	17	18	19	20	21	22	23	24	25	26

2-րդ թերթը

_________________________________________________________________

Ձև 4

ԶԵՆՔԻ ՓՈԽԱՐԻՆՄԱՆ ՔԱՐՏ

Քարտը պատրաստվում է կոշտ թղթից` 90 X 60 մմ չափսերով

Ներմուծեք նկարագրությունը_11953

Ձև 5

ՍՏՈՐԱԲԱԺԱՆՈՒՄՆԵՐՈՒՄ ՆՅՈՒԹԱԿԱՆ ՄԻՋՈՑՆԵՐԻ ԱՌԿԱՅՈՒԹՅԱՆ ԵՎ ՇԱՐԺԻ ՀԱՇՎԱՌՄԱՆ

ՄԱՏՅԱՆ N _______

_________________________________

ստորաբաժանումը (արհեստանոցը)

_________________________________

(պահեստը, բազան)

սկսված է «_____»__________ 201 թ.

ավարտված է «_____» ________ 201 թ.

___________________________________________________________________

(նյութական միջոցների անվանումը)

1-ից մինչև 13-րդ աղյուսակ

լրացման ամսաթիվը	հոդվածների համարներն ըստ մատյանի	նյութական միջոցների անվանումը և տեսակը
		չափման միավորը
		անվանումը և փաստա-թղթի համարը	որտեղից է ստաց-ված և ում է հասցեա-գրված	ստացվել է	դուրս է գրվել	մնա-ցորդը	ստացվել է	դուրս է գրվել	մնա-ցորդը	մնա-ցորդը	դուրս է գրվել	մնա-ցորդը
1	2	3	4	5	6	7	8	9	10	11	12	13

14-ից մինչև 31-րդ աղյուսակ



ստաց-վել է	դուրս է գրվել	մնա-ցորդը	ստա-ցվել է	դուրս է գրվել	մնա-ցորդը	ստաց-վել է	դուրս է գրվել	մնա-ցորդը	ստաց-վել է	դուրս է գրվել	մնա-ցորդը	ստաց-վել է	դուրս է գրվել	մնա-ցորդը	ստաց-վել է	դուրս է գրվել	մնա-ցորդը
14	15	16	17	18	19	20	21	22	23	24	25	26	27	28	29	30	31

Ձև 6

___________ հերթապահության հանձնման և ընդունման գիրք

Օրը և ամիսը	Հերթապահության ընդունման և հանձնման գրառումները, զենքերի և զինամթերքով արկղերի քանակը, հերթապահության ընթացքում հայտնաբերված թերությունների մասին	Հրամանատարի որոշումը

Հանձնեց`

______________

(կոչում)

________________

(ստորագրություն)

______________________

(անուն, ազգանուն)

Ընդունեց`

______________

(կոչում)

________________

(ստորագրություն)

_______________________
(անուն, ազգանուն)

Ձև 7

ԶԵՆՔԻ ՈՒ ԶԻՆԱՄԹԵՐՔԻ ՏՐՄԱՆ ԳԻՐՔ

հ/հ	տրված է					վերադարձված է
հ/հ	ամսաթիվը	Զենքի (զինամթերքի) անվանումը	քանակը	զենք ստացողի կոչումը, Ա. Ա.	ստացողի ստորա-գրությունը	ամսաթիվը	քանակը	ընդունողի տորա-գրությունը

Ձև 8

ԺԱՄԱՆԱԿԱՎՈՐ ՕԳՏԱԳՈՐԾՄԱՆ ՏՐՎԱԾ ՆՅՈՒԹԱԿԱՆ ՄԻՋՈՑՆԵՐԻ ՀԱՇՎԱՌՄԱՆ

ՄԱՏՅԱՆ N_______

(ստորաբաժանումը) _________________________________________

(ծառայությունը)

(_______________ը)

սկսված է «_____» ___________201 թ.

ավարտած է «____» __________201 թ.

________________________________________________________________

նյութական միջոցների կամ ստորաբաժանումների (ստացողների) անվանումը

հ/հ	նյութական միջոցների անվանումը (գործարանային համարը, տիպը, մակնիշը) կամ ստորաբա-ժանումների (ստացողների) անվանումը	Չափման միավորը	տրվել է				վերադարձվել է
հ/հ		Չափման միավորը	Ամսաթիվը	Կարգը	Քանակը	Ստացողի ստորա-գրությունը	Ամսաթիվը	Կարգը	Քանակը կամ արդարա-ցուցիչ փաստա-թղթերը	Ընդունողի ստորա-գրությունը, ազգանունը
1	2	3	4	5	6	7	8	9	10	11

Ձև 10

_________________ անձնակազմին զենքի ամրակցման

Տ Ե Ղ Ե Կ Ա Գ Ի Ր

Հ/հ	կոչումը	Ազգանուն Ա. Հ.	Ամրակցված է				Ստացողի ստորագրությունը
Հ/հ	կոչումը	Ազգանուն Ա. Հ.	Զենքի տեսակը և համարը	Սվին- դանակ	Փամփուշտա-տուփ	Հակագազ	Ստացողի ստորագրությունը

_______________
(ստորաբաժանում)

հրամանատար (պետ)

____________

(կոչում)

______________

(ստորագրություն)

___________________

(անուն, ազգանուն)

Ձև 11

ԶԵՆՔԻ ՊԱՀԱՍԵՆՅԱԿԻ ԳՈՒՅՔԱՑՈՒՑԱԿ

Հ/հ	նյութական միջոցների անվանումը	Գրանցված համարը	քանակը
1.	զինաբուրգ N 1, 2, 3` կնքված N 15 կնիքով
2.	սպաների ու ենթ. սպ. ատրճ. արկղ` կնքված N 12 կնիքով
3.	զինամթերքի արկղ` կնքված N 12 կնիքով
4.	ականանետ N 251
5.	ԴՇ N 120
6.	սեղան
7.	աթոռ

________________________________________________________

(պաշտոնը, կոչումը, ստորագրությունը, ազգանունը)

210x297, 148x210

Ձև 12

Զինապահարանի դռան (արկղի) վրա փակցված պիտակ 140x100 մմ

1-ին խումբ

Պատասխանատու

___________________________

(կոչում, անուն, ազգանուն)

Զինապահարան N 9

Կնիքված N 15 կնիքով

1-ին ջոկատ

Պատասխանատու

___________________________

(կոչում, անուն, ազգանուն)

Ատրճանակներով պահարան (արկղ)

N 5 կնիքված N 18 կնիքով

Ձև 13

Զինամթերքի պահարանի (արկղի) պիտակ 110 x 70

1-ին խումբ
Պատասխանատու
___________________________
(կոչում, անուն, ազգանուն)
Զինամթերքի արկղ N 3
կնիքված N 18 կնիքով

Ձև 14

Զինապահարանում գտնվող զենքի ցուցակ 150 x 210

Հ/Հ	զենքի անվանումը	առկա է
		17.01.2016	20.03.2016
1. 2. 3.	Ինքնաձիգ ԱԿ-74 պահեստատուփ սվին-դանակ	11 44 11	10 40 10
_________________ հրամանատարի ստորագրությունը փոփոխություն մտցնելու մասին		_____________ Անուն ազգանուն	______________ Անուն ազգանուն

__________________________________________

(պաշտոն, կոչում, ստորագրություն, անուն, ազգանուն)

«____» _____________ 201 թ.

Ձև 15

Պահարանում (արկղում) գտնվող շարքայինների և սերժանտների ատրճանակների անվանացուցակ
Հ/հ	զենքի ու զինամթերքի անվանումը	հաշվառված է
Հ/հ	զենքի ու զինամթերքի անվանումը	14.02.2016	20.03.2016
1	Ատրճանակ ՊՄ	15	14
2	9 մմ փամփուշտ	240	224
	___________ ստորագրությունը փոփոխություն մտցնելու մասին	_____________ Անուն ազգանուն	_____________ Անուն ազգանուն

__________________________________________

(պաշտոն, կոչում, ստորագրություն, անուն, ազգանուն)

«____» _____________ 201 թ.

Ձև 16

____________սպաների և ենթասպաների պահարանում (արկղում) պահվող զենքի անվանացուցակ

Հ/հ	զենքի և զինամթերքի անվանումը	առկա է
Հ/հ	զենքի և զինամթերքի անվանումը	25.02.2016	15.07.2016
1. 2. 3.	Ատրճանակ ՊՄ լրակազմով Փամփուշտներով արկղ N 1, կնիքված N 15 կնիքով 9 մմ փամփուշտներ	30 1 240	27 1 216
	_______________ստորագրությունը փոփոխություն մտցնելու դեպքում	_____________ Անուն ազգանուն	_____________ Անուն ազգանուն

__________________________________________

(պաշտոն, կոչում, ստորագրություն, անուն, ազգանուն)

«____» _____________ 201 թ.

Ձև 17

Զինապահարանների և ատրճանակների արկղերի բնիկների պիտակ

Ակ-74 24041968

Հակագազ 555

__________________________

կոչում, անուն, ազգանուն

Ձև 18

___________ արկղի մեջ պահվող զինամթերքի ցուցակ

Հ/հ	զինամթերքի անվանումը	հաշվառված է

-------------- հրամանատարի ստորագրությունը -------------- --------------

փոփոխություններ մտցնելիս

__________________________________________

(պաշտոն, կոչում, ստորագրություն, անուն, ազգանուն)

«____» _____________ 201 թ.

Ձև 19

Պահեստատուփերի վերալիցքավորման ժամանակացույց

պահեստատուփի (տուփի) համարը	լիցքավորման ամսաթիվը
	2015		2016
1 2	2. 01	9. 04	25. 04

Խմբի պետի ստորագրությունը __________________________

_________ ստորաբաժանման հրամանատար (պետ)

_________________________________
(կոչում, ստորագրություն, անուն, ազգանուն)

Ձև 20

_____________________ պետին

Հ Ա Յ Տ

Զինամթերքի բացթողման

___ ___________ անձնակազմի հետ գործնական հրաձգություն անցկացնելու և N____ ստուգողական վարժության կատարման համար, ՀՀ ԱԻՆ ՓԾ տնօրենի N____ առ «____»_________20 թ. հրամանի համաձայն՝ խնդրում եմ բաց թողնել «_____»__________20 թ. զինամթերք հետևյալ քանակությամբ:

հ/հ

զինամթերքի անվանումը

նախատեսված է բացթողման համար

թույլատրվում է

բաց թողնել (հատ)

կրակողների քանակը___________

________________ հրամանատար (պետ) _____________________________

____________ պահեստապետին` _______ բաց թողնել զինամթերք 4-րդ աղյուսակում նշված քանակությամբ:

___________________ պետ ___________

«___»______________ 201 թ.

Ձև 23

Պահեստի այցելության և կատարվող աշխատանքների հաշվառման

ՄԱՏՅԱՆ N ______

_________________________________________

ծառայությունը

__________________________________________

, բազա, պահեստ)

Սկսված է «____»________201__թ.

Ավարտված է «____» _______201__թ.

Պահեստի բացելու (այցելության) օրն ու ժամը	Պահեստը բացող (այցելող) կամ աշխատանքներ կատարող անձի (անձանց) Ա.Ա.Հ.	Պահեստում կատարվելիք աշխատանքների անվանումը	Պահեստի փակման (դուրս գալու) օրն ու ժամը	Գրառումներ հակահրդեհային և ազդանշանային համակարգերի, կնիքների պահպանման վերաբերյալ	Պահեստը բացողի (հաճախողի) ստորագրությունը

Ձև 26

ՊԱՀՈՑՈՒՄ (ՊԱՀԵՍՏՈՒՄ) ԳՏՆՎՈՂ ՍԱՐՔԱՎՈՐՈՒՄՆԵՐԻ ՄՈՏԱՎՈՐ ՑՈՒՑԱԿ

1. Կողապահարան (սեղանիկ)` հաշվառման և այլ փաստաթղթեր պահելու համար.

2. Աթոռակ.

3. Գույքի պահպանման համար պահարան (բուրգ).

4. Շարժական աստիճան.

5. Դարսերի վերևի շարքերը դասավորելու համար սեղան (անհրաժեշտության դեպքում).

6. Մետեոսարքավորումների համար սեղան.

7. Պահոցում (պահեստում) օդի խոնավությունը, ջերմաստիճանը չափող սարք.

8. Գործիքներով արկղ.

9. Հրշեջ խմբի հաշվարկի փաստատախտակ.

10. Կրծողների դեմ պայքարի համար գույք և սարքավորումներ (անհրաժեշտության դեպքում).

11. Դեղապահարանիկ.

12. Ներս մտնելուց առաջ կոշիկները մաքրելու համար ճաղեր:

Ձև 27

ՊԱՀՈՑՈՒՄ (ՊԱՀԵՍՏՈՒՄ) ԳՏՆՎՈՂ ՓԱՍՏԱԹՂԹԵՐԻ ՄՈՏԱՎՈՐ ՑՈՒՑԱԿ

1. Ապրանքի հաշվառման քարտ (գիրք),

2. Դարսերի և դարակների պիտակներ,

3. Պահոցի անձնագիր,

4. Պահոցի պետի պարտականություններ,

5. Պահոցը փակելուց առաջ երթուղային զննման քարտ,

6. Տարերային աղետների ժամանակ պահոցի ապրանքի դուրս հանելու պլան,

7. Պահոցի պետի հրահանգ անվտանգության կանոնների վերաբերյալ,

8. Անվտանգության կանոնների պահպանման հրահանգավորման գիրք,

9. Պահոցի պետի հրահանգ պահոցը փակելու ժամանակ,

10. Պահոցի շանթարգելային սարքավորումների անձնագիր,

11. Պահոցում գտնվող գույքի ու սարքավորումների ցուցակ,

12. Այցելուների հաշվառման գիրք,

13. Դատարկ արկղների և տարաների հաշվառման գիրք,

14. Պահոցի օդափոխման գրաֆիկ։

Ձև 28

ՊԱՀՈՑԻ (ՊԱՀԵՍՏԻ) ՄՈՏ ԳՏՆՎՈՂ ՀԱԿԱՀՐԴԵՀԱՅԻՆ ՎԱՀԱՆԱԿՈՒՄ ԳՏՎՈՂ ՊԱՐԱԳԱՆԵՐԸ

1. Կրակմարիչ - 2 հատ,

2. Ջրով տակառ - 2 հատ,

3. Դույլ - 2 հատ,

4. Ավազով արկղ - 2 հատ,

5. Բահ - 2 հատ,

6. Լինգ - 1 հատ,

7. Կացին - 1 հատ,

8. Կեռաձող - 1 հատ,

9. Շարժական աստիճան - 1 հատ:

Ձև 29

ԶԻՆԱՄԹԵՐՔՈՎ ԴԱՐՍԵՐԻ ԹՈՒՅԼԱՏՐԵԼԻ ԲԱՐՁՐՈՒԹՅՈՒՆԸ ՏԱԿԴԻՐՆԵՐԻ ՀԵՏ ՄԻԱՍԻՆ

Հ/հ	Զինամթերքի տեսակը	Դարսերի առավելագույն թույլատրվող բարձրությունը
1	Առանց տարաների անծուխ վառոդներ ու դրանցից պատրաստված լիցքեր կորտուզային պարկուճներում	1,5 մ
2	Պայթուցիչներ, բոցավառման միջոցներ, հրապատիճային վռաններ, պիրոփամփուշտներ, էլեկտրոնային պայթուցիչներ, ձեռքի և հակատանկային նռնակների պայթուցիչներ	1,5 մ
3	Ձեռքի և հակատանկային նռնակներ արկղերում առանց պայթուցիչների, պիրոտեխնիկական միջոցներ, նռնականետերի նռնակներ, որոնք չունեն հրապատիճային դետոնատորներ	1,5 մ
4	Ձեռքի և հակատանկային նռնակներ արկղերում պայթուցիչներով	2,5 մ
5	Հրաձգային զենքի փամփուշտներ	2,5 մ

Ձև 30

ԶԵՆՔԻ ԿՐՄԱՆ ԱՆՁՆԱԿԱՆ ՔԱՐՏ

Քարտը պատրաստվում է կոշտ թղթից` 90 X 60 մմ չափսերով

Ներմուծեք նկարագրությունը_11954

Ձև 2

ՍՊԱՌԱԶԻՆՈՒԹՅԱՆ ՀԱՄԱՐԱՅԻՆ ՀԱՇՎԱՌՄԱՆ ԵՎ ԱՄՐԱԿՑՄԱՆ

ՄԱՏՅԱՆ

_____________________________________

(սպառազինության նմուշը)

նմուշի համարը		Տեղեկա-մատյանի (անձնագրի) համարը	Թողարկ-ման տարե-թիվը	Ամսա-թիվը	մուտքա-գրվել է	որտեղ է գտնվում	Ամրակցման հրամանի համարը և ամսաթիվը	դուրս է գրված
Գործա- րանային	Ռազ-մական	Տեղեկա-մատյանի (անձնագրի) համարը	Թողարկ-ման տարե-թիվը	Ամսա-թիվը	Փաստաթղթի համարը և ամսաթիվը	որտեղ է գտնվում	Ամրակցման հրամանի համարը և ամսաթիվը	ամսաթիվը	Փաստաթղթի համարը և ամսաթիվը
1	2	3	4	5	6	7	8	9	10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

Ձև 3

ԱՆՁՆԱԿԱՆ ՕԳՏԱԳՈՐԾՄԱՆ ՆՅՈՒԹԱԿԱՆ ՄԻՋՈՑՆԵՐԻ ՀԱՇՎԱՌՄԱՆ

ՔԱՐՏ

Չափումների տվյալները

տեղեկանքի N և ամսաթիվը
հասակը, սմ
կրծքի ծավալը սմ

ինֆոր-մացիայի հայտա-նիշը

գրանց-ման N

թերթի N

փաստաթղթի

զին. կոչումը

անուն, ազգանուն, հայրանուն

ստորա-բաժա-նումը

ծառա-յությունը

հիմքը

ապա-հովման
նորման

ծածկա-գիրը

ամսա-թիվը

բավա-րարման գրանցելու
(հրամանի N__ և ամսաթիվը)

բավարա-րումից հանելու
(հրամանի N__ և ամսաթիվը)

000

001

002

003

005

032

190

191

046

045

022

ապահովման նորման

բավարարումից հանելու

(հրամանի N__ և ամսաթիվը)

«_____»__________ 201 թ.
Կ. Տ.
_____________________________________

(պաշտոնը, կոչումը, ստորագրությունը, ազգանունը)

հ/հ	նյութական միջոցների անվանումը	կրման սահմանված ժամկետը	անվանացանկի ծածկագիրը	հասակը, չափը գիրությունը փաստաթղթի N	031		բացթողման (հանձնման) ամսաթիվը

					004		օպերացիայի անվանումը (ծածկագիրը)

					005		փաստաթղթի անվանումը և N

1	2	3	4	5	6	7	8	9	10	11	12	13	14	15	16	17	18
		024	075	184







Ընդամենը առարկաներ
Ունեցվածքի ստացումը, տվյալների ճշտությունը հաստատողի ստորագրությունը

Մեկնելիս տրվել է վկայական _______________ «____» ___________ 201 թ.

______________________________________________

(պաշտոնը, կոչում, ստորագրություն, ազգանուն)

420x297

Ձև 9

____________պահեստում զինամթերքի բաշխման-հանձնման տեղեկագիր N_____

անվանացանկի կոդը ________________

--------------------------------------------------------------------------------------------------------------------

(զինամթերքի անվանումը)

տրման ամսա-թիվը

ստորա-բաժան-ման անվա-նումը

խմբա-քանակի համարը

տրվածի
քանակը

ամսաթիվը, ստորա-գրությունը ստացման համար

ծախսվածի քանակը

հետ հանձնվածների քանակը

չհանձնվածների քանակը

ամսա-թիվը, ստորա-գրությունը հանձնման համար

զինա-մթերք

փաթեթ-ներ, արկղեր

չծախսված զինա-մթերք

անսարք զինա-մթերք

ՊՏՈՒՌՍ, հրթիռներ,
էլեմենտներ, կրակված պարկուճ-ներ

ընդամենը

փաթեթ-ներ, արկղեր

լրա-ցուցիչ փնջեր (պուչոկ)

զինա-մթերք

փաթեթ-ներ, արկղեր

Զինամթերքի ցուցումները տեղեկագրում

բաց թողեց`
___________________________________ (պաշտոն, կոչում, ստորագրություն, ազգանուն)
ընդունեց`
___________________________________ (պաշտոն, կոչում, ստորագրություն, ազգանուն)

«_____» _____________201 թ. «_____» __________________201 թ.

Տրման (բացթողման) ճշտությունը ստուգեց

_____________ պետ
___________________________________________

(կոչում, ստորագրություն, ազգանուն)

«_____» _____________ 201 թ.

Ձև 21

_________________ սնուցման կետի բաշխման-հանձնման տեղեկագիր «_____» _______ 201 թ. համար

ստացողը

տրված է

ամսաթիվը, ստորա-գրությունը ստացման համար

հանձնված է զինամթերքի սնուցման կետ

ամսաթիվը, ստորա-գրությունը հանձնման համար

ծանո-թություն

հրետ. կրակոց ՊՏՈՒՌՍ հրթիռ

Փամփուշտ

հրետ. կրակոց ՊՏՈՒՌՍ հրթիռ

Փամփուշտ

հրետ. պարկուճ, կրակոցներ ՊՏՈՒՌՍ, հրթիռներ

Փամփուշտների պարկուճներ

հրետ. կրակոցի տրամ.
ՊՏՈՒՌՍ, հրթիռների
ինդեքսը, հրթիռ

քանակը

տրամա-չափը

քանակը

հրետ. կրակոցի տրամ.
ՊՏՈՒՌՍ, հրթիռների
ինդեքսը, հրթիռ

քանակը

տրամա-չափը

քանակը

պարկուճների տրամաչափը,
էլեմենտների ինդեքսը

քանակը

տրամա-չափը

քանակը

Սնուցման կետի պետ _______________________

Ստորաբաժանման հրամանատար______________________

Հրաձգության ղեկավար

__________________________________

(կոչում, ստորագրություն, ազգանուն)

Ձև 22

«ՀԱՍՏԱՏՈՒՄ ԵՄ»

ԴՈՒՐՍԳՐՄԱՆ (ՄՆԱՑՈՐԴՆԵՐԻ ՀԱՆՄԱՆ)

ԱԿՏ N_____

Կ. Տ. ______________________________

(պաշտոնը)

_______________________________________________________________________________

(կոչումը, ստորագրությունը, ազգանունը)

«_____» ____________ 201 թ.

Ինֆորմա-ցիայի հայտա-նիշը	Գրանց-ման համարը	թերթի համարը	Փաստա-թղթի ծածկա-գիրը	Փաստա-թղթի համարը	Փաստա-թղթի ամսաթիվը	Գործողու-թյան հիմնավո-րումը (նպատակը)	Գործո-ղության ծածկա-գիրը	Գործո-ղության ամսա- թիվը	Ծառա-յությունը	Ստորաբա-ժանումը
000	001	002	003	005	032	045	004	034	046

հ/հ
N

նյութական միջոցների անվա-նումը (ինդեքսը, գծագրի համարը)

անվանա-ցուցակի
ծածկա-գիրը

չափման միավորը

կարգը (տեսակը, խտու-թյունը)

միավորի գինը

հասնում է ըստ նորմայի (հաշվառ-վում է ըստ հաշվառ-ման)

փաստացի ծախսը, կորուստը (առկա)

գերածախսը
(պակասորդը)

խնայվել (շռայլվել է)

ծանո-թություն

քանակը

գումարը

քանակը

գումարը

քանակը

գումարը

հավելված __________________________________________________________________________

հանձնաժողովի եզրակացությունը

__________________________________________________________________________________

Հանձնաժողովի նախագահ

___________________________________________
(պաշտոնը, կոչումը, ստորագրությունը. ազգանունը)

Հանձնաժողովի անդամներ

___________________________________________
(պաշտոնը, կոչումը, ստորագրությունը. ազգանունը)

Վերադաս պետի եզրակացությունը

_________________________________________________________________________________

«_____» _________ 201 թ.

Նյութական պատասխանատու

___________________________________________
(պաշտոնը, կոչումը, ստորագրությունը. ազգանունը)

297x 110

Ձև 24

ՆՅՈՒԹԱԿԱՆ ՄԻՋՈՑՆԵՐԻ ՀԱՇՎԱՌՄԱՆ ՔԱՐՏ N ______

--------------------------------------------------------------------------------------------------------------------------

(նյութական միջոցների անվանումը)

Անվանակարգի համարը _____ հաշվառման միավոր ______

Պահեստ _______

Պետ___________________________________
(պաշտոնը, կոչումը)

Պահեստարան N ______

Դարակաշար N _______

Դարակ N ___________

Վանդակ N _________

«____» ___________________ 201 թ.

գրանցման ամսաթ.	փաստաթղթի անվանումը և համարը	ումից է ստացված կամ ում է տրված	Մուտք						Ելք							Մնացորդ
			ընդամենը	այդ թվում ըստ կարգի (պիտա-նելության աստիճանի)					ընդամենը		այդ թվում ըստ կարգի (պիտանե-լության աստիճանի)					ընդամենը	այդ թվում ըստ կարգի (պիտանե-լության աստիճանի)
			ընդամենը
1	2	3	4	5	6	7	8	9	10	11	12	13	14	15	16	17

Ձև 25

ՍՊԱՌԱԶԻՆՈՒԹՅԱՆ ԵՎ ՌԱԶՄԱԿԱՆ ԱՅԼ ՈՒՆԵՑՎԱԾՔԻ ՆՈՐՈԳՄԱՆ (ՍՊԱՍԱՐԿՄԱՆ, ՄՇԱԿՄԱՆ) ՀԱՇՎԱՌՄԱՆ

ՄԱՏՅԱՆ

_____________________________________

(ստորաբաժանումը, ձեռնարկությունը,

պահեստը, բազան)

սկսված է «______» _________201 թ.

ավարտված է «______» ________ 201 թ.

1-ից մինչև 13-րդ աղյուսակ

(նյութական միջոցների տեսակը (խումբը)

նորոգման (մշակման) ընդունման ամսաթիվը	Հանձնողը (հիմքը)	Նյութ. միջոցների անվանումը (ինդեքսը, գծագրի համարը)	չափման միավորը	գործ. համարը (նյութ. միջոցների քանակը)	Ամսաթիվը		Պահանջվող նորոգման (սպա-սարկման, նախա-տեսված մշակման աշխա-տանքների) տեսակը	Կարգագրի կատարման ժամկետը	կատարված նորոգումների քանակը		Աշխատել է (քան. ցիկլ, ժամ, կմ, վազք)
					թողարկ-ման	շարքից դուրս գալու			հիմնական կապիտալ	միջին	շահա-գործման սկզբից	վերջին նորո-գումից հետո
1	2	3	4	5	6	7	8	9	10	11	12	13

14-ից մինչև 21-րդ աղյուսակ

Նորոգման պատաս-խանատուն (կոչումը Ա.Ա.Հ.)	Նորոգումը (մշակումը) սկսելու ամսաթիվը	Կատարված նորոգման (սպասարկման, նախատեսված մշակման աշխա-տանքների) տեսակը	Աշխատանքային ծախսերը մարդ/ժամ	փոխված հանգույցները, ծախսված պահեստային գործիքները, պիտույքները և նյութերը	Ամսաթիվը		Նորոգումից (մշակումից հետո) ստանալու ստորագր. ուր է ուղարկվել փաստաթղթի համարը, ամսաթ.
					Նորոգումը (մշակումը) ավարտելու	Նորոգումից (մշակումից) հետո հանձնելու
14	15	16	17	18	19	20	21

Փոփոխման պատմություն

Փոփոխող ակտ		Համապատասխան ինկորպորացիան

Փոփոխված ակտ

Փոփոխող ակտ		Համապատասխան ինկորպորացիան