«Գրանցված է»

ՀՀ արդարադատության

նախարարության կողմից

13 հուլիսի 2017 թ.

Պետական գրանցման թիվ 11317277

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐԻ 2016 ԹՎԱԿԱՆԻ ԴԵԿՏԵՄԲԵՐԻ 29-Ի N 15-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Ղեկավարվելով «Լիցենզավորման մասին» Հայաստանի Հանրապետության օրենքի 8-րդ հոդվածի 3-րդ և 4-րդ մասերի ու «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի պահանջներով՝

1. Հայաստանի Հանրապետության պաշտպանության նախարարի 2016 թ. դեկտեմբերի 29-ի «Ռազմական նշանակության արտադրանքի ներմուծման և արտահանման, ռազմական նշանակության արտադրանքի տարանցիկ փոխադրման, ռազմական նշանակության արտադրանքի առևտրի միջնորդական գործունեության լիցենզավորման հանձնաժողով ստեղծելու և հանձնաժողովի կանոնադրությունը հաստատելու մասին» N 15-Ն հրամանում (այսուհետ` հրաման) կատարել հետևյալ փոփոխությունները և լրացումը.

1) հրամանի 3-րդ կետում`

ա. «ՀՀ պաշտպանության նախարարի առաջին տեղակալին» բառերը փոխարինել «Հայաստանի Հանրապետության պաշտպանության նախարարի տեղակալ – ռազմարդյունաբերության պետական կոմիտեի նախագահին» բառերով.

բ. 1-ին ենթակետը հանել,

2) հրամանի 1-ին հավելվածը շարադրել նոր խմբագրությամբ` համաձայն հավելվածի,

3) հրամանի 2-րդ հավելվածում`

ա. 4-րդ կետի 1-ին ենթակետում «դադարեցնելու» բառից հետո լրացնել «, ռազմական նշանակության արտադրանքի ներմուծման և արտահանման, ռազմական նշանակության արտադրանքի տարանցիկ փոխադրման, ռազմական նշանակության արտադրանքի առևտրի միջնորդական գործունեության` «Լիցենզավորման մասին» Հայաստանի Հանրապետության օրենքի 5-րդ հոդվածով նախատեսված նպատակներին համապատասխանության» բառերը.

բ. 6-րդ կետը շարադրել հետևյալ խմբագրությամբ.

«6. Հանձնաժողովը կազմված է 9 անդամից:»:

ՀՀ պաշտպանության նախարար

Վ. Սարգսյան

Հավելված  ՀՀ պաշտպանության նախարարի 2017 թվականի հուլիսի 7-ի N 7-Ն հրամանի

«Հավելված N 1 ՀՀ պաշտպանության նախարարի 2016 թվականի դեկտեմբերի 29-ի N 15-Ն հրամանի

ԿԱԶՄ

ՌԱԶՄԱԿԱՆ ՆՇԱՆԱԿՈՒԹՅԱՆ ԱՐՏԱԴՐԱՆՔԻ ԱՐՏԱՀԱՆՄԱՆ ԵՎ ՆԵՐՄՈՒԾՄԱՆ, ՌԱԶՄԱԿԱՆ ՆՇԱՆԱԿՈՒԹՅԱՆ ԱՐՏԱԴՐԱՆՔԻ ՏԱՐԱՆՑԻԿ ՓՈԽԱԴՐՄԱՆ, ՌԱԶՄԱԿԱՆ ՆՇԱՆԱԿՈՒԹՅԱՆ ԱՐՏԱԴՐԱՆՔԻ ԱՌԵՎՏՐԻ ՄԻՋՆՈՐԴԱԿԱՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՀԱՆՁՆԱԺՈՂՈՎԻ

1. ՀՀ պաշտպանության նախարարի տեղակալ – ռազմարդյունաբերության պետական կոմիտեի նախագահ Դ. Փախչանյան (հանձնաժողովի նախագահ),

2. ՀՀ պաշտպանության նախարարության նյութատեխնիկական ապահովման դեպարտամենտի վարչական ապարատի ղեկավար, քհծ 1-ին դասի խորհրդական Կ. Սողոմոնյան,

3. ՀՀ զինված ուժերի սպառազինության վարչության շտաբի պետ-սպառազինության վարչության պետի տեղակալ, գնդապետ Ն. Ավետիսյան,

4. ՀՀ զինված ուժերի ինժեներական զորքերի պետի տեղակալ-վարչության պետի տեղակալ, գնդապետ Հ. Հարությունյան,

5. ՀՀ զինված ուժերի հրթիռային զորքերի և հրետանու շտաբի պետ-վարչության պետի տեղակալ, գնդապետ Ա. Յաղմուրյան,

6. ՀՀ զինված ուժերի հակաօդային պաշտպանության վարչության տեխնիկական ապահովման բաժնի պետ, գնդապետ Ա. Հասրաթյան,

7. ՀՀ զինված ուժերի ռադիացիոն քիմիական, կենսաբանական պաշտպանության վարչության ՌՔԿՊ և էկոլոգիական անվտանգության ապահովման բաժնի պետ, գնդապետ Հ. Հարությունյան,

8. ՀՀ պաշտպանության նախարարության պաշտպանական քաղաքականության վարչության միջազգային ռազմական համագործակցության 1-ին բաժնի պետ, գնդապետ Ա. Զաքարյան,

9. ՀՀ պաշտպանության նախարարության ռազմարդյունաբերության պետական կոմիտեի ընկերությունների կառավարման և զորահավաքային նախապատրաստության բաժնի գլխավոր մասնագետ, քհծ 1-ին դասի խորհրդական Լ. Ավագյան։»: