118.0111.26.03.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

(հրամանը խմբ. 05.05.17 թիվ 200-Ն)

26 մարտի 1999 թ. քաղ. Երևան

N 111

Հիմք ընդունելով «Պետական տուրքի մասին» Հայաստանի Հանրապետության օրենքի 32-րդ հոդվածը և ղեկավարվելով ՀՀ կառավարության 2008 թվականի մայիսի 15-ի թիվ 503-Ն որոշմամբ հաստատված ՀՀ ֆինանսների նախարարության կանոնադրության 11-րդ կետի 1-ին ենթակետով՝

ՀՐԱՄԱՅՈՒՄ ԵՄ՝

1. Հաստատել պետական տուրքի այն տեսակների ցանկը, որոնց համար նախատեսված պետական տուրքը, անկանխիկ եղանակից բացի, կարող է գանձվել նաև կանխիկ եղանակով՝ համաձայն հավելվածի:

Հայաստանի Հանրապետության ֆինանսների և էկոնոմիկայի նախարար

Է. Սանդոյան

Հավելված Հաստատված է ՀՀ ֆինանսների և էկոնոմիկայի նախարարի 1999 թ. մարտի 26-ի N 111 հրամանով

Ց Ա Ն Կ

ՊԵՏԱԿԱՆ ՏՈՒՐՔԻ ԱՅՆ ՏԵՍԱԿՆԵՐԻ, ՈՐՈՆՑ ՀԱՄԱՐ ՆԱԽԱՏԵՍՎԱԾ ՊԵՏԱԿԱՆ ՏՈՒՐՔԸ, ԱՆԿԱՆԽԻԿ ԵՂԱՆԱԿԻՑ ԲԱՑԻ, ԿԱՐՈՂ Է ԳԱՆՁՎԵԼ ՆԱԵՎ ԿԱՆԽԻԿ ԵՂԱՆԱԿՈՎ

(վերնագիրը խմբ. 05.05.17 թիվ 200-Ն)

ԲԱԺԻՆ I

ՖԻԶԻԿԱԿԱՆ ԱՆՁԱՆՑ ՏՐՎՈՂ ԻՐԱՎԱԲԱՆԱԿԱՆ ՆՇԱՆԱԿՈՒԹՅՈՒՆ ՈՒՆԵՑՈՂ ՓԱՍՏԱԹՂԹԵՐԻ, ՈՐՈՇԱԿԻ ԾԱՌԱՅՈՒԹՅՈՒՆՆԵՐԻ ԿԱՄ ԳՈՐԾՈՂՈՒԹՅՈՒՆՆԵՐԻ ՀԱՄԱՐ ՊԵՏԱԿԱՆ ՏՈՒՐՔԻ ՏԵՍԱԿՆԵՐԸ

1. Օտարերկրյա քաղաքացիներին և քաղաքացիություն չունեցող անձանց Հայաստանի Հանրապետության պետական սահմանի անցման կետերում Հայաստանի Հանրապետության մուտքի արտոնագիր տալու համար՝

1) Հայաստանի Հանրապետություն այցելության մուտքի արտոնագիր տալու համար.

2) Հայաստանի Հանրապետություն այցելության բազմակի մուտքի արտոնագիր տալու համար.

3) Հայաստանի Հանրապետություն մեկ մուտքի տարանցիկ արտոնագիր տալու համար.

4) Հայաստանի Հանրապետություն բազմակի մուտքի տարանցիկ արտոնագիր (մեկ տարի վավերականության ժամկետով) տալու համար:

ԲԱԺԻՆ II

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԵՎ ՀՅՈՒՊԱՏՈՍԱԿԱՆ ՀԻՄՆԱՐԿՆԵՐԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ԿԱՄ ԳՈՐԾՈՂՈՒԹՅՈՒՆՆԵՐԻ ՀԱՄԱՐ ՊԵՏԱԿԱՆ ՏՈՒՐՔԻ ՏԵՍԱԿՆԵՐԸ

1. Հայաստանի Հանրապետության քաղաքացիություն ստանալու համար.

2. Հայաստանի Հանրապետության քաղաքացիությունը փոխելու համար.

3. Օտարերկրյա քաղաքացիներին Հայաստանի Հանրապետությունում հատուկ կացության կարգավիճակ, հատուկ անձնագիր տալու համար.

4. «Պետական տուրքի մասին» Հայաստանի Հանրապետության օրենքի 15-րդ հոդվածով նախատեսված հյուպատոսական ծառայությունների և գործողությունների համար:

ԲԱԺԻՆ III

ՆՈՏԱՐԱԿԱՆ ԳՈՐԾՈՂՈՒԹՅՈՒՆՆԵՐԻ ՀԱՄԱՐ ՊԵՏԱԿԱՆ ՏՈՒՐՔԻ ՏԵՍԱԿՆԵՐԸ

1. «Պետական տուրքի մասին» Հայաստանի Հանրապետության օրենքի 11-րդ հոդվածով նախատեսված նոտարական գործողությունների համար:

(հավելվածը խմբ. 05.05.17 թիվ 200-Ն)

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅաՆ ԿՈՂՄԻՑ

22 հունիսի 1999 թ.

ՊԵՏԱԿԱՆ ԳՐԱՆՑՄԱՆ ԹԻՎ 118990100