«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
25 սեպտեմբերի 1996 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 սեպտեմբերի 1996 թվականի N 316
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂՆԵՐԻՆ ԳՈՒՅՔԱՀԱՐԿԻ ԵՎ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳԾՈՎ ԱՐՏՈՆՈՒԹՅՈՒՆՆԵՐ ՍԱՀՄԱՆԵԼՈՒ ՄԱՍԻՆ
Առողջապահության բնագավառում իրականացվող բարեփոխումների գործընթացի խթանման նպատակով և, հաշվի առնելով Հայաստանի Հանրապետության Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.
1. Հայաստանի Հանրապետության օրենսդրությամբ սահմանված կարգով Հայաստանի Հանրապետությունում բժշկական օգնություն և սպասարկում իրականացնողներին բժշկական օգնության և սպասարկման ծառայությունների մասով ազատել գույքահարկից`
ա) բժշկական տեխնիկայի մասով` ամբողջությամբ, Հայաստանի Հանրապետության կառավարության հաստատած ցանկին համապատասխան.
բ) գույքահարկով հարկման ենթակա մնացած գույքի մասով` 50 տոկոսի չափով:
2. (կետն ուժը կորցրել է 24.07.97 N 293)
3. Ուժը կորցրած ճանաչել Հայաստանի Հանրապետության կառավարության 1993 թվականի հունիսի 2-ի «Հայաստանի Հանրապետության առողջապահության պետական համակարգի բուժկանխարգելիչ ձեռնարկությունները, հիմնարկներն ու կազմակերպություններն ավելացված արժեքի հարկից և հիմնական արտադրական ֆոնդերի օգտագործման համար վճարից ազատելու մասին» N 289 որոշումը:
4. Սույն որոշումն ուժի մեջ է մտնում 1996 թվականի սեպտեմբերի 25-ից:
|
Հայաստանի Հանրապետության վարչապետ |
Հ. ԲԱԳՐԱՏյան |
| Changing Act | Corresponding incorporation | |
|---|---|---|
| 02.07.2001, N 588 | 02.07.2001, N 316 | |
| 24.07.1997, N 293 | 01.09.1997, N 316 |
| Changing Act | Corresponding incorporation |
|---|