«Գրանցված է»

ՀՀ արդարադատության

նախարարության կողմից

24 հունիսի 2016 թ.

Պետական գրանցման թիվ 11316200

Ղեկավարվելով «Պաշտպանության մասին» Հայաստանի Հանրապետության օրենքի 13-րդ հոդվածի 2-րդ մասի 2-րդ կետի պահանջներով և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով`

Հրամայում եմ`

Հայաստանի Հանրապետության պաշտպանության նախարարի 2013 թվականի ապրիլի 8-ի «Զինապարտների և զինծառայողների առողջական վիճակի փորձաքննության կարգը հաստատելու և Հայաստանի Հանրապետության պաշտպանության նախարարի 2010 թվականի փետրվարի 26-ի N 175-Ն հրամանն ուժը կորցրած ճանաչելու մասին» N 410-Ն հրամանում (այսուհետ` հրաման) կատարել հետևյալ լրացումները.

1. հրամանով հաստատված «Զինապարտների և զինծառայողների առողջական վիճակի փորձաքննության կարգ»-ում`

1) լրացնել նոր 45.1 կետ` հետևյալ բովանդակությամբ.

«45.1. Այն զորակոչիկներին, ովքեր հայտարարված զորակոչի ընթացքում փորձաքննության արդյունքներով առնվազն 5 տարբեր հոդվածներով ճանաչվում են պիտանի զինվորական ծառայությանը սահմանափակումով, տրվում է տարկետում բուժման նպատակով` մինչև մեկ տարի ժամկետով:»,

2) 94-րդ կետի 2-րդ մասի երկրորդ նախադասությունում «աշխատունակությունը» բառից հետո լրացնել «, ինչպես նաև սույն կարգի հավելված 18-ում նախատեսված սահմանափակումները և հավելված 19-ում նախատեսված թույլատրված ֆիզիկական վարժությունների ցանկը» բառերը,

3) լրացնել նոր 18-րդ և 19-րդ հավելվածներ` համաձայն հավելված 1-ի և 2-ի:

ՀՀ պաշտպանության նախարար

Ս. Օհանյան

Հավելված 1 ՀՀ պաշտպանության նախարարի 2016թ. հունիսի 13-ի N 9-Ն հրամանի   «Հավելված 18

ԶԻՆՎՈՐԱԿԱՆ ԾԱՌԱՅՈՒԹՅԱՆ ՍԱՀՄԱՆԱՓԱԿՈՒՄՆԵՐԻ ԲՆՈՒԹԱԳԻՐԸ

Ծանոթություն.

1. Սույն սահմանափակումները հիմք ընդունելով հրամանատարները և կադրային մարմինները պետք է ապահովեն ծառայության այնպիսի պայմաններ, որոնք չնայած զինծառայողի առողջական սահմանափակումներին, հնարավորություն կընձեռնեն վերջինիս շարունակել ծառայությունն իր պաշտոնում և միայն եզակի դեպքերում միջնորդել այլ պաշտոնի նշանակման: Միևնույն ժամանակ դրանք հստակեցնում են զորամասի տեսչական և ամփոփիչ ստուգումների ընթացքում ֆիզիկական և շարային պատրաստության ստուգողական պարապմունքների սահմանափակումները:

2. Զինծառայողներին առողջական սահմանափակումով պաշտոնների նշանակման կադրային առաջարկներ ներկայացնելիս հաշվի են առնվում հավելված 2-ի` 1-ին, 2-րդ, 3-րդ, 6-րդ, 7-րդ, 8-րդ սյունակներում ներառված և 9-րդ սյունակի *** -ով նշված սահմանափակումները:

3.

գույնով նշված են հակացուցումները:

4. Բարձր լեռնային են համարվում ծովի մակերևույթից 2000մ և ավելի բարձր շրջանները:

5. Աստղանիշներն ունեն հետևյալ նշանակությունը`

*	Հակացուցված է արևի ինտենսիվ ճառագայթների երկարատև ներգործությունը,
**	Սահմանափակումները սահմանվում են զորամասի բժշկի կողմից,
***	Մշտական բժշկական մասնագիտական հսկողության իրականացում,
****	Ենթակա է վիրահատական բուժման:»:

Հավելված 2 ՀՀ պաշտպանության նախարարի 2016թ. հունիսի 13-ի N 9-Ն հրամանի   «Հավելված 19

ԹՈՒՅԼԱՏՐՎՈՂ ՖԻԶԻԿԱԿԱՆ ՎԱՐԺՈՒԹՅՈՒՆՆԵՐԻ ՑԱՆԿԸ

Ծանոթություն.

1.

գույնով նշված են թույլատրվող վարժությունները:

2. Բուժական ֆիզկուլտուրայի խմբում ընդգրկվում են`

1) բուժկետում ստացիոնար բուժման մեջ գտնվող հիվանդները,

2) հետբուժական-վերականգնողական փուլում գտնվող զինծառայողները` բժշկական փաստաթղթերում համապատասխան գրառումների առկայության դեպքում,

3) զորամասի բժշկի եզրակացությամբ ֆիզիկական (շարային) պատրաստության պարապմունքներից ժամանակավորապես ազատված զինծառայողները:

3. «Սահմանափակումները սահմանվում են զորամասի բժշկի կողմից» հասկացությունը չի վերաբերվում ծառայողական պարտականություններից մասնակի կամ լրիվ ազատելու մասին բժշկի եզրակացությանը, այլ ախտահարման անատոմիական տեղակայումից և բարդությունից ելնելով սահմանափակում է որոշակի ֆիզիկական վարժություններ կամ ծառայության առանձնահատկության հետ կապված խնդիրներ կատարելը:

4. Ցանկում չնշված ֆիզիկական վարժությունները թույլատրվում են միայն լիարժեք առողջ զինծառայողներին: