«Գրանցված է»

ՀՀ արդարադատության

նախարարության կողմից

7 սեպտեմբերի 2015 թ.

Պետական գրանցման թիվ 11615382

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ 2012 ԹՎԱԿԱՆԻ ՀՈԿՏԵՄԲԵՐԻ 30-Ի ԹԻՎ 604-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի պահանջներով.

Հրամայում եմ`

1. Հայաստանի Հանրապետության տրանսպորտի և կապի նախարարի 2012 թվականի հոկտեմբերի 30-ի «Կապի և տեղեկատվական հեռահաղորդակցական տեխնոլոգիաների ոլորտի ցուցանիշների ձևաչափը հաստատելու մասին» թիվ 604-Ն հրամանում կատարել հետևյալ փոփոխությունները.

1) Հրամանի 1-ին կետի «N 1, N 2 և N 3» թվերը փոխարինել «N 1 և N 2» թվերով:

2) Հրամանի 2-րդ կետը ուժը կորցրած ճանաչել:

3) Հրամանի 1-ին և 2-րդ հավելվածները շարադրել նոր խմբագրությամբ, համաձայն N 1 և N 2 հավելվածների:

2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրվանից:

ՀՀ տրանսպորտի և կապի նախարար

Գ. Բեգլարյան

Հավելված N 1 ՀՀ տրանսպորտի և կապի նախարարի 24 օգոստոսի 2015 թ.   թիվ 439-Ն հրամանի

«Հավելված N 1 Հայաստանի Հանրապետության տրանսպորտի և կապի նախարարի 30 հոկտեմբերի 2012 թ. թիվ 604-Ն հրամանի

Ձ Ե Վ Ա Չ Ա Փ

ԿԱՊԻ ԵՎ ՏԵՂԵԿԱՏՎԱԿԱՆ ՀԵՌԱՀԱՂՈՐԴԱԿՑԱԿԱՆ ՏԵԽՆՈԼՈԳԻԱՆԵՐԻ ՈԼՈՐՏԻ ՑՈՒՑԱՆԻՇՆԵՐԻ՝ ԸՍՏ ՀԵՌԱՀԱՂՈՐԴԱԿՑՈՒԹՅԱՆ ՄԻՋԱԶԳԱՅԻՆ ՄԻՈՒԹՅԱՆ (ՀՄՄ)

N	ՀՄՄ-ի կոդ	Ցուցանիշ	Սահմանում	Նախորդ տարի	Տարի	Տրամադրման և հրապարակման պատասխանատու մարմին
1. Ֆիքսված հեռախոսակապի ցանց
1.	112	Ֆիքսված հեռախոսագծեր	Ֆիքսված հեռախոսագիծ նշանակում է անալոգային ֆիքսված հեռախոսագծերի գործող թվի, ՎոԻՓ (VoIP) բաժանորդագրությունների, ֆիքսված անլար կապի (ԴաբլյուԷլԷլ (WLL)) բաժանորդագրությունների, ԱյԷսԴիԷն (ISDN) ձայնային ալիքների համարժեքի և հանրային վճարովի հեռախոսների գումարը: Այս ցուցանիշը նախկինում անվանվել է Հիմնական գործող հեռախոսագծերը:			ՀՀ հանրային ծառայությունները կարգավորող հանձնաժողով (համաձայնությամբ)
2.	112IP	ՎոյԱյՓի (VoIP) բաժանորդագրությունները	Նշանակում է ինտերնետ արձանագրության ձայնային ծառայության (ՎոԻՓ (VoIP)) ֆիքսված գծի բաժանորդագրություններ: Նաև հայտնի է որպես լայնաշերտ ձայնային ծառայություն (ՎոԲ), և ներառում է ՎոԻՓ բաժանորդագրությունները ֆիքսված անլար, ԴիԷսԷլ (DSL), կաբելային, օպտիկամանրաթելային և այլ ֆիքսված լայնաշերտ ինտերնետային հարթակների միջոցով, որոնք ապահովում են ֆիքսված հեռախոսակապ` օգտագործելով ինտերնետ արձանագրություն: Այն բացառում է ծրագրային ապահովման վրա հիմնված ՎոԻՓ գործիքները (օրինակ` ՎոԻՓ-ը Սկայփի (Skype) հետ՝ օգատգործելով համակարգչից համակարգիչ կամ համակարգչից հեռախոս կապ): Այն ՎոԻՓ բաժանորդագրություները, որոնք չեն ենթադրում պարբերական ամսական վճար, պետք է հաշվվեն միայն այն դեպքում, եթե դրանք սկզբնավորել են կամ ապահովել թողունակություն վերջին երեք ամիսների ընթացքում:			ՀՀ հանրային ծառայությունները կարգավորող հանձնաժողով (համաձայնությամբ)
3.	116	Տնային ֆիքսված հեռախոսագծերի տոկոսը	Տնային ֆիքսված հեռախոսագծերի տոկոսը ստացվում է տնային տնտեսությունները սպասարկող գործող ֆիքսված գծերի թիվը (այսինքն` գծեր, որոնք չեն օգտագործվում բիզնեսի, կառավարության կամ այլ մասնագիտական նպատակներով կամ որպես հանրային հեռախոսակայաններ) ֆիքսված հեռախոսագծերի ընդհանուր թվին բաժանելիս և հետո բազմապատկելով 100-ով: Տնային տնտեսությունը բաղկացած է միասին ապրող մեկ կամ ավելի մարդկանցից, ովքեր կարող են հարազատական կապ ունենալ կամ չունենալ միմյանց հետ, ովքեր կիսում են հարմարությունները և կիրառում են սննդի համատեղ օգտագործում: Գործող բաժանորդագրությունները ներառում են բոլոր հետվճարային բաժանորդագրությունները և վերջին երեք ամսվա ընթացքում գործող կանխավճարային բաժանորդագրությունները:			ՀՀ հանրային ծառայությունները կարգավորող հանձնաժողով (համաձայնությամբ)
4.	112pt	Պորտավորված ֆիքսված համարները	Պորտավորված ֆիքսված համարները ֆիքսված հեռախոսագծի ցանցում պորտավորման այն գործարքների թիվն է, որոնք իրականացվել են ֆիքսված հեռախոսահամարների համար նշված տարվա ընթացքում:			ՀՀ հանրային ծառայությունները կարգավորող հանձնաժողով (համաձայնությամբ)
2. Շարժական բջջային կապի ցանց
5.	271	Շարժական բջջային հեռախոսակապի բաժանորդագրություններ	Նշանակում է հանրային բջջային հեռախոսակապի ծառայության բաժանորդագրությունների թիվը, որը մուտք է ապահովում Հանրային համակցված հեռախոսային ցանց` օգտագործելով բջջային տեխնոլոգիա: Ցուցանիշը ներառում է (և բաժանված է) հետվճարային բաժանորդագրությունների թիվը, և ակտիվ կանխավճարային հաշիվների թիվը (այսինքն՝ որոնք օգտագործվել են վերջին 3 ամիսների ընթացքում): Այս ցուցանիշն առնչվում է բորո շարժական բջջային կապի բաժանորդագրություններին, որոնք առաջարկում են ձայնային կապ: Այն բացառում է բաժանորդագրությունները տվյալների քարտերի կամ ՅուԷսԲի (USB) մոդեմների միջոցով, հանրային շարժական տվյալների ծառայություններին, առանձին հատուկ շարժական ռադիոյի, հեռակետի, ռադիո փեյջինգի և հեռուստաչափության ծառայությունների բաժանորդագրությունները:			ՀՀ հանրային ծառայությունները կարգավորող հանձնաժողով (համաձայնությամբ)
6.	271p	Կանխավճարային շարժական բջջային հեռախոսակապի բաժանորդագրություններ	Շարժական բջջային հեռախոսակապի բաժանորդագրությունների ընդհանուր թիվը, որոնք օգտվում են կանխավճարային ծառայություններից: Սրանք այն բաժանորդագրություններն են, որոնց դեպքում ամսական ընթացիկ վճարի փոխարեն օգտագործողները ձեռք են բերում օգտագործման ժամանակի բլոկեր: Պետք է ներառվեն միայն ակտիվ բաժանորդագրությունները (որոնք վերջին երեք ամսվա ընթացքում օգտագործվել են առնվազն մեկ անգամ՝ զանգ ուղարկելու կամ ընդունելու, կամ անձայն գործողություն իրականացնելու համար, ինչպես օրինակ կարճ հաղորդագրություն (SMS) ընդունելը կամ ստանալը, կամ մուտքը Ինտերնետ):			ՀՀ հանրային ծառայությունները կարգավորող հանձնաժողով (համաձայնությամբ)
7.	271m2m	M2M շարժական ցանցի բաժանորդագրություններ	M2M շարժական ցանցի բաժանորդագրություններ նշանակում է այն շարժական բջջային մեքենայից-մեքենա բաժանորդագրությունների թիվը, որոնք նշանակված են մեքենաներում և սարքերում (ավտոմեքենաներ, խելացի չափիչներ, սպառողական էլեկտրոնիկա) օգտագործման համար՝ ցանցային սարքերի միջև տվյալների փոխանակման նպատակով, և չեն հանդիսանում սպառողական բաժանորդագրությունների մաս: Օրինակ՝ SIM քարտերն անձնական ուղորդման սարքերի, խելացի չափիչների, գնացքների և ավտոմեքենաների մեջ պետք է ներառվեն: Շարժական ապարատային բանալիների և թաբլեթների բաժանորդագրությունները պետք է բացառվեն:			ՀՀ հանրային ծառայությունները կարգավորող հանձնաժողով (համաձայնությամբ)
8.	271pop	Շարժական բջջային կապի ցանցի ծածկույթով ապահովված բնակչության տոկոսը	Շարժական բջջային կապի ցանցի ծածկույթով ապահովված բնակչության տոկոսը նշանակում է բնակիչների տոկոսը, ովքեր գտնվում են շարժական բջջային կապի ազդանշանի տիրույթում` անկախ նրանից` իրենք բաժանորդ են, թե օգտագործողներ: Սա հաշվվում է շարժական բջջային կապի ազդանշանի տիրույթում գտնվող բնակիչների թիվն ընդհանուր բնակչության թվին բաժանելով և բազմապատկելով 100-ով:			ՀՀ հանրային ծառայությունները կարգավորող հանձնաժողով (համաձայնությամբ)
9.	271pt	Պորտավորված շարժական բջջային կապի համարներ	Պորտավորված շարժական բջջային կապի համարներ նշանակում է նշյալ տարվա ընթացքում պորտավորման ենթարկված շարժական կապի համարների թիվը:			ՀՀ հանրային ծառայությունները կարգավորող հանձնաժողով (համաձայնությամբ)
3. Ինտերնետ
10.	4214ս	Օգտագործված միջազգային ինտերնետ կապի թողունակությունը (հոսքը), Մբիթ/վրկ	Օգտագործված միջազգային ինտերնետ կապի թողունակություն նշանակում է ինտերնետի հոսքի փոխանցման համար միջազգային օպտիկամանրաթելային մալուխների և ռադիո կապուղիների հոսքի ծանրաբեռնվածությունը միջինով (արտահայտված Մբիթ/վրկ): Միջինը պետք է հաշվարկվի նշյալ տարվա 12 ամիսների ընթացքում, և պետք է հաշվի առնի բոլոր միջազգային ինտերնետ կապուղիների հոսքը: Եթե հոսքն ասիմետրիկ է (այսինքն` ավելի շատ մուտքային, քան ելքային հոսք), մուտքային հոսքի միջին ծանրաբեռնվածությունը պետք է տրամադրվի: Տարբեր միջազգային ինտերնետի կապուղիների հոսքի միասնական միջին ծանրաբեռնվածությունը պետք է ներկայացվի որպես լրացում յուրաքանչյուր կապուղու հոսքի միջին ծանրաբեռնվածության:			ՀՀ հանրային ծառայությունները կարգավորող հանձնաժողով (համաձայնությամբ)
11.	4214l	Լիտ/հագեցվածությամբ միջազգային ինտերնետ կապի թողունակությունը, Մբիթ/վրկ	Լիտ/հագեցվածությամբ միջազգային ինտերնետ կապի թողունակությունը նշանակում է ինտերնետ կապի հոսքի համար պահպանվող միջազգային օպտիկամանրաթելային մալուխների ամբողջական լիտ (Lit) հզորությունը՝ գումարած ինտերնետ կապի հոսքի համար պահպանվող միջազգային ռադիո կապուղիների հագեցվածության հզորությունը: Պետք է արտահայտվի Մբիթ/վրկ-ով: Պետք է ներառվի միջազգային կապուղիների ունեցող և շահագործող անդրազգային օպերատորների լիտ/հագեցվածությամբ միջազգային ինտերնետ կապի թողունակությունը, ինչպես նաև մեծածախի կողմից Ազգային ինտերնետ ծառայություն տրմադրողներին վարձակալությամբ տրվող միջազգային ինտերնետ թողունակության լիտ/հագեցվածությամբ հզորությունը: Եթե հզորությունն ասիմետրիկ է (այսինքն` ավելի շատ մուտքային, քան ելքային հոսք), մուտքային հոսքի միջին ծանրաբեռնվածությունը պետք է տրամադրվի:			ՀՀ հանրային ծառայությունները կարգավորող հանձնաժողով (համաձայնությամբ)
12.	i99H	Ինտերնետից օգտվողների թիվը	Իրականացվում է հետևյալ մեթոդաբանությամբ. 1)Հաշվարկել 10-ից 74 տարեկան բնակչության քանակը, կիրառելով ՀՀ ազգային վիճակագրական ծառայության տվյալների համաձայն տվյալ տարվա համար հաշվարկված տնային տնտեսությունների առկա բնակչության գործակիցը (ՀԲԹ):  2) ՀՀ ազգային վիճակագրական ծառայության կողմից հրապարակված բնակչության թվի վերաբերյալ տվյալները (ԲԹ): 3) Հաշվարկել ֆիքսված (լարային) ինտերնետ կապի բաժանորդագրությունների ընդհանուր թիվը, որը ներառում է ընդհանուր ֆիքսված (լարային) լայնաշերտ և Դայլ-Ափ (dial-up) բաժանորդագրությունները (վերջին 3 ամիսներում ակտիվ բաժանորդագրությունները) (ՖԲԹ): 4) Հաշվարկել առանձնացված շարժական կապով տվյալների փոխանցման ընդհանուր թիվը, որը ներառում է որպես ՅուԵսԲի (USB) մոդեմ (դոնգլ), նաև շարժական կապի ՎայՄաքս (WiMax) բաժանորդագրությունները (ԱՇԲԹ): 5) Հաշվարկել ստանդարտ շարժական կապի բաժանորդագրություններ` լայնաշերտ կապի 256 Մբ/վ և ավելի արագություններով տվյալների հաղորդման միջոցով (վերջին 3 ամսում օգտագործել են վերը նշված ծառայությունը) (ՇԲՔ): 6) Ինտերնետից օգտվող բաժանորդների քանակի (ԻՕԲՔ) հաշվարկը կատարել հետևյալ բանաձևով. ԻՕԲՔ= (ՖԲԹ+50% ԱՇԲԹ+10% ՇԲՔ)* ՀԲԹ+50% ԱՇԲԹ Ինտերնետից օգտվող բաժանորդների մասնաբաժինը (ԻՕԲՄ) հաշվարկը կատարել հետևյալ բանաձևով. ԻՕԲՄ= [(ՖԲԹ+50% ԱՇԲԹ+10% ՇԲՔ)* ՀԲԹ+50% ԱՇԲԹ]/ԲԹ*100			ՀՀ տրանսպորտի և կապի նախարարություն
4. Ֆիքսված (լարային) լայնաշերտ կապն ըստ տեխնոլոգիաների/արագության
13.	4213tfbb	Ֆիքսված լայնաշերտ կապի բաժանորդագրությունները	Ֆիքսված լայնաշերտ կապի բաժանորդագրությունները նշանակում է հանրային ինտերնետ բարձր արագությամբ մուտք գործելու բաժանորդագրություններ (ԹիՍիՓի/ԱյՓի (TCP/IP) միացում), որի նվազագույն արագությունը պետք է հավասար լինի կամ գերազանցի 256 Կբիթ/վրկ արագությունը: Սա ներառում է կաբելային մոդեմի, ԴիԷսԷլ (DSL)-ի, տներում/շենքերում մանրաթելային ինտերնետի և այլ ֆիքսված (լարային) լայնաշերտ կապի բաժանորդագրությունները, արբանյակային լայնաշերտ և ցամաքային ֆիքսված անլար կապի բաժանորդագրությունները: Հանրագումարը հաշվարկվում է անկախ վճարման մեթոդից: Այն բացառում է բաժանորդագրությունները, որոնք ապահովված են մուտքով դեպի տվյալների հաղորդակցություն (ներառյալ ինտերնետ) շարժական բջջային կապի ցանցերի միջոցով: Այն պետք է ներառի ֆիքսված ՈւայՄԱՔՍ (WiMAX) և ցանկացած այլ ֆիքսված անլար տեխնոլոգիաները: Այն ներառում է ինչպես բնակելի բաժանորդագրությունները, այնպես էլ կազմակերպությունների բաժանորդագրությունները:			ՀՀ հանրային ծառայությունները կարգավորող հանձնաժողով (համաձայնությամբ)
14.	4213tfb_o	Ֆիքսված լայնաշերտ կապի բաժանորդագրությունները կազմակերպությունների համար	Ֆիքսված լայնաշերտ կապի բաժանորդագրությունները կազմակերպությունների համար նշանակում է հանրային և մասնավոր կազմակերպությունների (այսինքն՝ ոչ բնակելի հաճախորդներ) կողմից ֆիքսված վայրից նվազագույնը 256 կբիթ/վրկ գերազանցող կամ հավասար արագությամբ հանրային ինտերնետ մուտք գործելու համար պայմանագրով կնքված բաժանորդագրություննրի ընդհանուր թիվը: Սա ներառում է կաբելային մոդեմի, ԴիԷսԷլ (DSL)-ի, տներում/շենքերում մանրաթելային ինտերնետի և այլ ֆիքսված անլար լայնաշերտ կապի տեխնոլոգիաները: Այն բացառում է բնակելի բաժանորդագրությունները և բաժանորդագրությունները, որոնք ապահովված են մուտքով դեպի տվյալների հաղորդակցություն (ներառյալ ինտերնետ) շարժական բջջային կապի ցանցերի միջոցով:			ՀՀ հանրային ծառայությունները կարգավորող հանձնաժողով (համաձայնությամբ)
15.	4213cab	Կաբելային մոդեմով ինտերնետ կապի բաժանորդագրությունները	Կաբելային մոդեմով ինտերնետ կապի բաժանորդագրությունները նշանակում է ինտերնետ կապի բաժանորդագրությունների թիվը, որոնք ինտերնետ մուտք գործելու համար օգտագործում են կաբելային մոդեմի ծառայությունները. նվազագույն արագությունը պետք է գերազանցի կամ հավասար լինի 256 կբիթ/վրկ: Կաբելային մոդեմը կաբելային հեռուստատեսության ցանցին միացված մոդեմն է:	0	0	ՀՀ հանրային ծառայությունները կարգավորող հանձնաժողով (համաձայնությամբ)
16.	4213dsl	ԴիԷսԷլ (DSL) ինտերնետ կապի բաժանորդագրությունները	ԴիԷսԷլ (DSL) ինտերնետ կապի բաժանորդագրությունները նշանակում է Ինտերնետ մուտք գործելու համար Թվային բաժանորդագրի գծի (ԴիԷսԷլ (DSL) ծառայություններից օգտվող ինտերնետ կապի բաժանորդագրությունների թիվը (նվազագույն արագությունը պետք է գերազանցի կամ հավասար լինի 256 կբիթ/վրկ արագությանը): ԴիԷսԷլ (DSL)-ը տեխնոլոգիա է, որն ապահովում է տներում և փոքր բիզնեսներում սովորական պղնձե հեռախոսագծերով բարձր թողունակությամբ տեղեկատվությունը: Սա պետք է բացառի շատ բարձր արագությամբ թվային բաժանորդագրի գծի (ՎիԴիԷսԷլ (VDSL)) բաժանորդագրությունները, եթե դրանք ներառված են ուղղակիորեն դեպի բնակելի վայրեր մանրաթելային կապի բաժանորդագրություններում:			ՀՀ հանրային ծառայությունները կարգավորող հանձնաժողով (համաձայնությամբ)
17.	4213ftth/b	Տներում/շենքերում մանրաթելային ինտերնետ կապի բաժանորդագրությունները	Տներում/շենքերում մանրաթելային ինտերնետ կապի բաժանորդագրությունները նշանակում է ինտերնետ կապի բաժանորդագրությունների թիվը, որոնք օգտվում են տներում կամ շենքերում մանրաթելային կապից, որի նվազագույն արագությունը պետք է հավասար լինի կամ գերազանցի 256 կբիթ/վրկ արագությունը: Սա պետք է ներառի այն բաժանորդագրությունները, որոնց դեպքում մանրաթելը գնում է ուղիղ դեպի բաժանորդի բնակարան կամ, երբ մանրաթելը գնում է դեպի շենք` ավարտվելով շենքի արտաքին պատից ոչ ավել, քան 2 մետր հեռավորության վրա: Մանրաթելերը դեպի առանձնասենյակ և հանգույց բացառվում են:			ՀՀ հանրային ծառայությունները կարգավորող հանձնաժողով (համաձայնությամբ)
18.	4213ob	Այլ ֆիքսված լայնաշերտ ինտերնետ կապի բաժանորդագրությունները	Այլ ֆիքսված (լարային) լայնաշերտ ինտերնետ կապի բաժանորդագրությունները նշանակում է ինտերնետ կապի բաժանորդագրությունները, որոնք ինտերնետ մուտք գործելու համար օգտագործում են այլ ֆիքսված (լարային) լայնաշերտ կապի տեխնոլոգիաներ (ԴիԷսԷլ (DSL)-ից, կաբելային մոդեմից և մանրաթելից տարբեր), և որոնց նվազագույն արագությունը պետք է հավասար լինի կամ գերազանցի 256 կբիթ/վրկ արագությունը: Սա ներառում է այնպիսի տեխնոլոգիաներ, ինչպիսիք են Էտերնետ ԼԱՆ-ը (Ethernet LAN) և լայնաշերտ կապը էլեկտրական հոսանքագծերի վրայով ԲիՓիԷլ (BPL) հաղորդակցությունը: Էտերնետ ԼԱՆ բաժանորդագրությունները նշանակում է ԱյԻԻԻ (IEEE) 802.3 տեխնոլոգիան օգտագործող բաժանորդագրությունները: ԲիՓիԷլ (BPL) բաժանորդագրությունները դա լայնաշերտ կապի էլեկտրական հոսանքագծերի միջոցով ծառայություններից օգտվող բաժանորդագրություններ է: Ժամանակավոր լայնաշերտ կապի մուտքով ապահովված օգտատերերը (օր.` ռոումինգը ՓիԴաբլյուԼԱՆ (PWLAN) գերբեռնված կետերի միջև), ՈւայՄաքս (WiMax)-ից օգտվողները և շարժական բջջային կապի ցանցերի միջոցով դեպի ինտերնետ մուտքով ունեցողները բացառված են:			ՀՀ հանրային ծառայությունները կարգավորող հանձնաժողով (համաձայնությամբ)
19.	271s	Արբանյակային լայնաշերտ կապի բաժանորդագրությունները	Արբանյակային լայնաշերտ կապի բաժանորդագրությունները նշանակում է արբանյակային ինտերնետ կապի բաժանորդագրությունների թիվը` առնվազն 256 կբիթ/վրկ արագությամբ ներբեռնման գովազդվող հնարավորությամբ: Այն վերաբերում է մանրածախ բաժանորդագրությունների տեխնոլոգիային, այլ ոչ հիմնական (backbone) տեխնոլոգիային			ՀՀ հանրային ծառայությունները կարգավորող հանձնաժողով (համաձայնությամբ)
20.	271fw	Ցամաքային ֆիքսված անլար կապի բաժանորդագրությունները	Ցամաքային ֆիքսված անլար կապի բաժանորդագրությունները նշանակում է ցամաքային ֆիքսված անլար կապի բաժանորդագրությունների թիվը` առնվազն 256 կբիթ/վրկ արագությամբ ներբեռնման գովազդվող հնարավորությամբ: Սա ներառում է ֆիքսված ՈւայՄաքս (WiMax) և ֆիքսված անլար կապի բաժանորդագրությունները, սակայն բացառում է գերծանրաբեռնված ժամերին պատահական օգտվողներին ՈւայՖայ (Wi-Fi) գերծանրաբեռնված կապի բաժանորդներին: Այն նաև բացառում է շարժական լայնաշերտ կապի բաժանորդագրությունները, երբ օգտագործողները կարող են երկրի տարածքում ծառայության մուտք ունենալ, երբ ծածկույթը հասանելի է:			ՀՀ հանրային ծառայությունները կարգավորող հանձնաժողով (համաձայնությամբ
21.	4213_256to2	Բաժանորդագրություններ` սկսած 256 Կբիթ/վրկ և պակաս քան 2 Մբիթ/վրկ	Բոլոր ֆիքսված (լարային) լայնաշերտ ինտերնետ կապի բաժանորդագրությունները, որոնց նվազագույն գովազդվող արագությունը հավասար է կամ գերազանցում է 256 Կբիթ/վրկ արագությունը և պակաս է 2 Մբիթ/վրկ-ից:			ՀՀ հանրային ծառայությունները կարգավորող հանձնաժողով (համաձայնությամբ)
22.	4213_2to10	Բաժանորդագրություններ` սկսած 2 Մբիթ/վրկ և պակաս քան 10 Մբիթ/վրկ	Բոլոր ֆիքսված (լարային) լայնաշերտ ինտերնետ կապի բաժանորդագրությունները, որոնց նվազագույն գովազդվող արագությունը հավասար է կամ գերազանցում է 2 Մբիթ/վրկ արագությունը և պակաս է 10 Մբիթ/վրկ-ից:			ՀՀ հանրային ծառայությունները կարգավորող հանձնաժողով (համաձայնությամբ)
23.	4213_G10	Բաժանորդագրություններ, որոնք հավասար են կամ գերազանցում են 10 Մբիթ/վրկ	Բոլոր ֆիքսված (լարային) լայնաշերտ ինտերնետ կապի բաժանորդագրությունները, որոնց նվազագույն գովազդվող արագությունը հավասար է կամ գերազանցում է 10 Մբիթ/վրկ արագությունը:			ՀՀ հանրային ծառայությունները կարգավորող հանձնաժողով (համաձայնությամբ)
5. Շարժական լայնաշերտ կապ
24.	271G	Առնվազն 3-րդ սերնդի (3G) շարժական ցանցի ծածկույթով բնակչության տոկոսը	Առնվազն 3-րդ սերնդի (3G) շարժական ցանցի ծածկույթով բնակչության տոկոսը նշանակում է այն բնակիչների տոկոսը, ովքեր գտնվում են առնվազն 3-րդ սերնդի (3G) շարժական բջջային ազդանշանի տիրույթում՝ անկախ իրենց բաժանորդ լինելուց: Սա հաշվարկվում է առնվազն 3-րդ սերնդի (3G) շարժական բջջային ազդանշանի տիրույթում գտնվող բնակիչների թիվն ընդհանուր բնակչության թվին բաժանելիս և բազմապատկելով 100-ով:			ՀՀ հանրային ծառայությունները կարգավորող հանձնաժողով (համաձայնությամբ)
25.	271GA	Առնվազն ԷլԹիԻ/ՈւայՄաքս (LTE/WiMax) շարժական ցանցի ծածկույթ ունեցող բնակչության տոկոսը	Առնվազն ԷլԹիԻ/ (LTE/WiMax)շարժական ցանցի ծածկույթ ունեցող բնակչության տոկոսը նշանակում է այն բնակիչների տոկոսը, ովքեր ապրում են ԷլԹիԻ /ԷլԹիԻ-Ադվանսիդ (LTE/LTE-Advanced) (զարգացած), շարժական ՈւայՄաքս/ՈւայռելեսսՄԱՆ (WiMax/WirelessMAN) (Անլար MAN) կամ այլ զարգացած շարժական բջջային կապի ցանցերի տիրույթում՝ անկախ իրենց բաժանորդ լինելուց: Սա հաշվարկվում է վերոնշյալ շարժական բջջային կապի տեխնոլոգիաների ծածկույթ ունեցող բնակիչների թիվն ընդհանուր բնակչության թվին բաժանելիս և բազմապատկելով 100-ով: Այն բացառում է մարդկանց, ովքեր գտնվում են միայն ՀաշԷսՓիԱյ (HSPA), ՅուԷմԹիԷս (UMTS), ԻՎ-ԴՕ (EV-DՕ) և նախորդ 3G տեխնոլոգիաների ծածկույթում, ինչպես նաև բացառում է ֆիքսված ՈւայՄաքս (WiMax) ծածկույթը:			ՀՀ հանրային ծառայությունները կարգավորող հանձնաժողով (համաձայնությամբ)
26.	271mw	Ակտիվ շարժական լայնաշերտ կապի բաժանորդագրությունները	Ակտիվ շարժական լայնաշերտ կապի բաժանորդագրությունները նշանակում է հանրային ինտերնետի ստանդարտ շարժական լայնաշերտ կապի և առանձնացված շարժական լայնաշերտ կապի բաժանորդագրությունների հանրագումարը: Այն ներառում է իրական բաժանորդներին, ոչ հնարավոր բաժանորդներին՝ չնայած վերջիններս կարող են ունենալ լայնաշերտ կապի հնարավորությամբ հեռախոսներ:			ՀՀ հանրային ծառայությունները կարգավորող հանձնաժողով (համաձայնությամբ)
27.	271mb_active	Ստանդարտ շարժական լայնաշերտ կապի բաժանորդագրությունները	Նշանակում է ակտիվ շարժական բջջային կապի բաժանորդագրությունները տվյալների 256 կբիթ/վ կամ առավել մեծ գովազդվող արագությամբ, որոնք ապահովում են ավելի լավ Ինտերնետի համար մուտքը ՀաշԹիԹիՓի (HTTP)-ի միջոցով, և որոնք վերջին երեք ամիսների ընթացքում օգտագործվել են տվյալների հաղորդակցության համար Ինտերնետ արձանագրության կիրառմամբ ԱկՓի (IP): Ստանդարտ կարճ հաղորդագրությունները ԷսԷմԷս (SMS) և մուլտիմեդիա հաղորդագրությունները ԷմԷմԷս (MMS) չեն համարվում ակտիվ Ինտերնետ տվյալների կապեր, նույնիսկ եթե դրանք առաքվում են ԱկՓի (IP)-ի միջոցով: Սա ներառում է շարժական կապի բաժանորդագրությունները, որոնք օգտագործում են շարժական լայնաշերտ կապի ծառայությունները վճարման-օգտագործման հիման վրա: Այն բացառում է շարժական կապի բաժանորդագրությունները շարժական լայնաշերտ կապի մուտքի առանձին ամսական տվյալների պլանով (տես Ցուցանիշ 25b` առանձնացված շարժական լայնաշերտ կապի բաժանորդագրությունները):			ՀՀ հանրային ծառայությունները կարգավորող հանձնաժողով (համաձայնությամբ)
28.	271md	Առանձնացված շարժական կապի բաժանորդագրությունները	Նշանակում է (շարժական կապի ցանցը շրջանցող) առանձնացված տվյալների փոխանցման ծառայությունների բաժանորդագրությունները, որոնք թույլ են տալիս առավել լավ ինտերնետի մուտքը և որոնք ձեռք են բերվում ձայնային ծառայություններից առանձին՝ որպես Սթենդըլոն (standalone) ծառայություն (օրինակ՝ օգտագործելով տվյալների քարտ, ինչպիսին է ՅուԷսԲի (USB) մոդեմը/շարժական ապարատները) կամ որպես ձայնային ծառայություններին հավելյալ տվյալների փաթեթ, որը պահանջում է հավելյալ բաժանորդագրություն: Բաժանորդագրման համար պարբերական վճարներ ունեցող բոլոր առանձնացված շարժական լայնաշերտ կապի բաժանորդագրությունները ներառվում են որպես «ակտիվ տվյալների բաժանորդագրություններ»` անկախ փաստացի օգտագործումից: Կանխավճարային շարժական լայնաշերտ կապի պլանները պահանջում են կիրառություն վերջին երեք ամիսների ընթացքում, եթե չկա ամենամսյա բաժանորդագրություն: Այս ցուցանիշը կարող է նաև ներառել շարժական ՈւայՄաքս (WiMax) կապի բաժանորդագրությունները, եթե երկրում այդպիսիք կան:			ՀՀ հանրային ծառայությունները կարգավորող հանձնաժողով (համաձայնությամբ)
6. Միավորված հեռահաղորդակցության ծառայություններ
29.	4213_2x	Ֆիքսված լայնաշերտ կապի և ֆիքսված հեռախոսակապի փաթեթների բաժանորդագրությունները	Ֆիքսված լայնաշերտ կապի և ֆիքսված հեռախոսակապի փաթեթների բաժանորդագրությունները նշանակում է միավորված հեռահաղորդակցության բաժանորդագրությունների թիվը՝ ներառյալ ֆիքսված լայնաշերտ կապի և ֆիքսված հեռախոսակապի ծառայությունները: Միայն միավորված հեռահաղորդակցության ծառայությունների սահմանման մեջ նշված չափանիշներին համապատասխանող բաժանորդագրությունները պետք է ներառվեն: Լրացուցիչ հեռահաղորդակցության ծառայություններ ներառող բաժանորդագրությունները, ինչպիսիք են եռակի նշանակություն ունեցող բաժանորդագրությունները՝ ներառյալ ֆիքսված հեռակապը, ֆիքսված լայնաշերտ կապը և վճարովի հեռուսատեսությունը, պետք է բացառվեն:			ՀՀ հանրային ծառայությունները կարգավորող հանձնաժողով (համաձայնությամբ)
30.	4213_3x	Ֆիքսված լայնաշերտ կապի, ֆիքսված հեռախոսակապի և վճարովի հեռուստատեսության փաթեթների բաժանորդագրությունները	Ֆիքսված լայնաշերտ կապի, ֆիքսված հեռախոսակապի և վճարովի հեռուստատեսության փաթեթների բաժանորդագրությունները նշանակում է միավորված հեռահաղորդակցության բաժանորդագրությունների թիվը՝ ներառյալ ֆիքսված լայնաշերտ կապի, ֆիքսված հեռախոսակապի և վճարովի հեռուստատեսության ծառայությունները: Միայն միավորված հեռահաղորդակցության ծառայությունների սահմանման մեջ նշված չափանիշներին համապատասխանող բաժանորդագրությունները պետք է ներառվեն: Լրացուցիչ հեռահաղորդակցության ծառայություններ ներառող բաժանորդագրությունները, ինչպիսիք են քառակի նշանակություն ունեցող բաժանորդագրությունները՝ ներառյալ ֆիքսված հեռակապը, ֆիքսված լայնաշերտ կապը, վճարովի հեռուսատեսությունը և շարժական ձայնային կապը/տվյալների փոխանցումը, չպետք է հաշվարկվեն այս ցուցանշի ներքո:			ՀՀ հանրային ծառայությունները կարգավորող հանձնաժողով (համաձայնությամբ)
7. Ծառայությունների որակ
31.	i146u	Շարժական բջջային կապի անպատասխան հեռախոսազանգերի հարաբերակցությունը (%)	Շարժական բջջային կապի անպատասխան հեռախոսազանգերի հարաբերակցությունը նշանակում է շարժական բջջային կապի անպատասխան հեռախոսազանգերի և տվյալ տարվա ընթացքում շարժական բջջային հեռախոսազանգերի կատարման փորձերի ընդհանուր թվի հարաբերակցությունը: Անպատասխան զանգը ծածկույթում գտնվող հասանելի հեռախոսահամարին կատարվող հեռախոսազանգի փորձ է, որի ժամանակ զանգը մնում է անպատասխան, ոչ էլ զանգն ընդունողի զբաղվածության կամ զանգի ընդունման ազդանշան է ստացվում զանգն ուղարկողի կողմից 40 վայրկյանի ընթացքում` սկսած այն պահից, երբ ցանցի կողմից ստացվում է նպատակային բաժանորդի համարի վերջին նիշը: Տվյալներն արտահայտվում են տոկոսով:			ՀՀ հանրային ծառայությունները կարգավորող հանձնաժողով (համաձայնությամբ)
32.	i146d	Շարժական բջջային կապի ընդհատված հեռախոսազանգերի հարաբերակցություն ը (%)	Շարժական բջջային կապի ընդհատված հեռախոսազանգերի հարաբերակցությունը նշանակում է շարժական բջջային կապի մուտքային և ելքային հեռախոսազանգերի չափաբաժինները, որոնք ճշգրիտ միացումից, և հետևաբար նշանակված հոսքային ալիք ունենալուց հետո, ընդհատվում կամ դադարեցվում են նախքան օգտագործողի կողմից դրանց բնական ավարտը` վաղաժամ ընդհատման պատճառը լինելով օպերատորի ցանցում: Տվյալներն արտահայտվում են տոկոսով:			ՀՀ հանրային ծառայությունները կարգավորող հանձնաժողով (համաձայնությամբ)
33.	i147t	Ծառայության ակտիվացման ժամանակը ֆիքսված (լարային) լայնաշերտ կապի ծառայության համար օրերով	Ծառայության ակտիվացման ժամանակը ֆիքսված լայնաշերտ կապի ծառայության համար նշանակում է դիմումի օրվանից մինչև ծառայության ակտիվացման օրը ընկած ժամանակը: Հարկավոր է ներկայացնել 12 ամսվա հաշվետու ժամանակահատվածում ստացված բոլոր նոր դիմումների ծառայությունների ակտիվացման միջին ժամանակահատվածը:			ՀՀ հանրային ծառայությունները կարգավորող հանձնաժողով (համաձայնությամբ)
8. Հոսք (տրաֆիկ)
34.	131m	Ֆիքսվածից ֆիքսվածին հեռախոսակապի ներքին հոսքը րոպեներով	Ֆիքսվածից ֆիքսվածին հեռախոսակապի ներքին հոսքը նշանակում է ֆիքսված հեռախոսակապի ավարտված տեղական և ներքին երկար տարածության վրա իրականացվող ձայնային կապի հոսքից: Ցուցանիշը պետք է ներկայացվի նշված տարվա ընթացքում հոսքի րոպեների քանակով: Սա պետք է բացառի դայըլ-ափ (dial-up)-ի միջոցով ինտերնետ մուտք գործելու համար օգտագործված րոպեները:			ՀՀ հանրային ծառայությունները կարգավորող հանձնաժողով (համաձայնությամբ)
35.	1313wm	Ֆիքսվածից շարժական հեռախոսակապի հոսքը րոպեներով	Ֆիքսվածից շարժական հեռախոսակապի հոսքը րոպեներով նշանակում է երկրի ներսում բոլոր ֆիքսված հեռախոսակապի ցանցերից դեպի շարժական բջջային կապի բոլոր ցանցեր իրականացված ընդհանուր հոսքը: Ցուցանիշը պետք է ներկայացվի նշված տարվա ընթացքում հոսքի րոպեների քանակով:			ՀՀ հանրային ծառայությունները կարգավորող հանձնաժողով (համաձայնությամբ)
36.	132m	Միջազգային ֆիքսված կապի ելքային հեռախոսազանգերի հոսքը րոպեներով	Նշանակում է տվյալ երկրում սկզբնավորվող, այդ երկրից դուրս նպատակակետ ունեցող հաջողված (ավարտված) ֆիքսված հեռախոսակապի ձայնային հոսքը: Սա պետք է ներառի երկրից դուրս դեպի բջջային հեռախոսներ հոսքը: Ցուցանիշը պետք է ներկայացվի հոսքի րոպեների քանակով: Այն բացառում է այլ երկրներում սկզբնավորվող զանգերը: Այն պետք է ներառի ՎօԱյՓի(VoIP )հոսքը:			ՀՀ հանրային ծառայությունները կարգավորող հանձնաժողով (համաձայնությամբ)
37.	132mi	Միջազգային ֆիքսված կապի մուտքային հեռախոսազանգերի հոսքը րոպեներով	Նշանակում է տվյալ երկրից դուրս սկզբնավորվող, այդ երկրի ներսում նպատակակետ ունեցող հաջողված (ավարտված) ֆիքսված հեռախոսակապի ձայնային հոսքը՝ անկախ նրանից զանգը ֆիքսված, թե շարժական կապի բաժանորդագրից էր: Այն բացառում է այլ երկրներում ընդհատվող զանգերի րոպեները, սակայն պետք է ներառի ՎօԱյՓի(VoIP ) հոսքը:			ՀՀ հանրային ծառայությունները կարգավորող հանձնաժողով (համաձայնությամբ)
38.	133wm	Ներքին շարժական հեռախոսակապի հոսքը րոպեներով	Ներքին շարժական հեռախոսակապի հոսքը նշանակում է երկրի ներսում շարժական կապի բաժանորդների կողմից կատարված զանգերի րոպեների ընդհանուր թիվը (ներառյալ ֆիքսված հեռախոսին րոպեների և շարժական հեռախոսին րոպեների բաժանորդներին):			ՀՀ հանրային ծառայությունները կարգավորող հանձնաժողով (համաձայնությամբ)
39.	1332wmf	Ելքային շարժական կապի հոսքը ֆիքսված կապի ցանցերին րոպեներով	Նշանակում է տվյալ երկրի ներսում շարժական բջջային կապի ցանցերից դեպի ֆիքսված գծով հեռախոսակապի ցանցեր կատարված զանգերի րոպեների թիվը: Ցուցանիշը նշանակում է երկրի ներսում շարժական կապի ցանցերում սկզբնավորվող և ֆիքսված գծով հեռախոսակապի ցանցերում դադարող ելքային րոպեների թիվը:			ՀՀ հանրային ծառայությունները կարգավորող հանձնաժողով (համաձայնությամբ)
40.	1333wm	Ելքային շարժական կապից դեպի միջազգային կապ րոպեներով	Ելքային շարժական կապից դեպի միջազգային կապ նշանակում է տվյալ երկրի ներսում սկզբնավորվող շարժական կապի րոպեների թիվն այդ երկրից դուրս ցանկացած նպատակակետին:			ՀՀ հանրային ծառայությունները կարգավորող հանձնաժողով (համաձայնությամբ)
41.	1335wm	Մուտքային միջազգային կապի հոսքը դեպի շարժական կապի ցանցեր րոպեներով	Մուտքային միջազգային կապի հոսքը դեպի շարժական կապի ցանցեր նշանակում է այլ երկրում սկզբնավորված շարժական կապի ցանցերի կողմից ստացված մուտքային րոպեների (ֆիքսված և շարժական կապեր) թիվը:			ՀՀ հանրային ծառայությունները կարգավորող հանձնաժողով
42.	133sms	Ուղարկված կարճ հաղորդագրությունները	Ուղարկված կարճ հաղորդագրությունները նշանակում է շարժական կապի կարճ հաղորդագրությունների ծառայությամբ ԷսԷմԷս (SMS) ազգային և միջազգային նպատակակետերի ուղարկված հաղորդագրությունների ընդհանուր թիվը: Սա պետք է բացառի համակարգիչներից շարժական կապի ապարատների կամ այլ համակարգիչների ուղարկված հաղորդագրությունները:			ՀՀ հանրային ծառայությունները կարգավորող հանձնաժողով (համաձայնությամբ)
9. Հոսք
43.	132t	Միջազգային ելքային հեռախոսակապի ընդհանուր հոսքը րոպեներով	Նշանակում է ազգային ցանցերում, ֆիքսված և շարժական կապի ցանցում՝ ներառյալ կառավարվող ՎօԱյՓի (VoIP) կապում սկզբնավորվող հեռախոսակապի հոսքի միջազգային ելքային հաջողված (ավարտված) րոպեները:			ՀՀ հանրային ծառայությունները կարգավորող հանձնաժողով (համաձայնությամբ)
44.	132ti	Միջազգային մուտքային հեռախոսակապի ընդհանուր հոսքը րոպեներով	Նշանակում է երկրից դուրս սկզբնավորվող հեռախոսակապի հոսքի միջազգային մուտքային հաջողված (ավարտված) և ազգային ֆիքսված և շարժական կապի ցանցերում առանց փոխանցման դադարող րոպեները՝ ներառյալ կառավարվող ՎօԱյՓի (VoIP) կապը:			ՀՀ հանրային ծառայությունները կարգավորող հանձնաժողով (համաձայնությամբ)
45.	135tfb	Ֆիքսված (լարային) լայնաշերտ ինտերնետ կապի հոսքը (էկզաբիթերով)	Ֆիքսված (լարային) լայնաշերտ ինտերնետ կապի հոսքը (էկզաբիթերով) նշանակում է վերջնական օգտագործողի հասանելիության կետում չափվող հոսքը, որը սկզբնավորվում է ֆիքսված լայնաշերտ կապի օպերատորի կողմից: Այն պետք է չափվի ներբեռնման և վերբեռնման հոսքերի գումարով: Սա պետք է բացառի մեծածախ հոսքը, «պատված այգին», ԱյՓիԹիՎի (IPTV) (ինտերնետ արձանագրությամբ հեռուստատեսություն) և կաբելային հեռուստատեսության հոսքը:			ՀՀ հանրային ծառայությունները կարգավորող հանձնաժողով (համաձայնությամբ)
46.	136mwi	Շարժական լայնաշերտ ինտերնետ կապի հոսքը (երկրի ներսում)	Շարժական լայնաշերտ ինտերնետ կապի հոսքը (երկրի ներսում) նշանակում է լայնաշերտ կապի հոսքի ծավալները, որոնք սկզբնավորվում են երկրի ներսում 3G (3-րդ սերնդի) ցանցերից կամ այլ առավել առաջընթաց շարժական կապի ցանցերից՝ ներառյալ 3G վերազինումը, էվոլյուցիաները կամ հավասարազոր չափանիշերը՝ տվյալների փոխանցման արագությունների տեսանկյունից: Հոսքը պետք է հավաքագրվի և ամփոփվի երկրի մակարդակով՝ երկրի ներսում բոլոր 3G կամ առավել առաջընթաց շարժական կապի ցանցերի համար: Ներբեռնման և վերբեռնման հոսքերը պետք է գումարվեն իրար և ներկայացվեն միասին: Հոսքը պետք է չափվի վերջնական օգտագործողի հասանելիության կետում: Մեծածախ և «պատված այգու» հոսքերը պետք է բացառվեն: Հոսքը պետք է ներկայացվի էկզաբիթերով:			ՀՀ հանրային ծառայությունները կարգավորող հանձնաժողով (համաձայնությամբ)
47.	136mwo	Շարժական լայնաշերտ ինտերնետ կապի հոսքը (երկրից դուրս, ռոմինգ դրսում)	Շարժական լայնաշերտ ինտերնետ կապի հոսքը (երկրից դուրս, ռոմինգ դրսում) նշանակում է լայնաշերտ կապի հոսքի ծավալները, որոնք սկզբնավորվում են երկրից դուրս 3G ցանցերից կամ այլ առավել առաջընթաց շարժական կապի ցանցերից՝ ներառյալ 3G վերազինումը, էվոլյուցիաները կամ հավասարազոր չափանիշները՝ տվյալների փոխանցման արագությունների տեսանկյունից: Հոսքը պետք է հավաքագրվի և ամփոփվի երկրի մակարդակով՝ երկրից դուրս ռոմինգի մեջ գտնվող և 3G կամ առավել առաջընթաց շարժական կապի ցանցերից օգտվող ներքին օպերատորների բոլոր հաճախորդների համար: Ներբեռնման և վերբեռնման հոսքերը պետք է գումարվեն իրար և ներկայացվեն միասին: Հոսքը պետք է չափվի վերջնական օգտագործողի հասանելիության կետում: Մեծածախ և «պատված այգու» հոսքերը պետք է բացառվեն: Հոսքը պետք է ներկայացվի էկզաբիթերով:			ՀՀ հանրային ծառայությունները կարգավորող հանձնաժողով (համաձայնությամբ)
10. Եկամուտ
48.	75	Բոլոր հեռահաղորդակցական ծառայություններից ստացված եկամուտը	Բոլոր հեռահաղորդակցական ծառայություններից ստացված եկամուտը նշանակում է այն եկամուտը, որը ստացվել է ֆիքսված հեռախոսակապից, շարժական բջջային կապից, ինտերնետի և տվյալների փոխանակման ծառայություններից, որոնք առաջարկվում են հեռահաղորդակցության օպերատորների կողմից (ցանցային և վիրտուալ՝ ներառյալ վերավաճառողները), որոնք ծառայություններ են առաջարկում երկրի ներսում քննարկվող ֆինանսական տարվա ընթացքում: Այն ներառում է հեռուստատեսային ազդանշանների հեռարձակումից ստացված մանրածախ եկամուտները, սակայն բացառում է հեռուստատեսության բովանդակության ստեղծման եկամուտները: Տվյալները պետք է բացառեն (i) մեծածախ եկամուտները (օրինակ՝ դադարեցման վճարները), (ii) սարքի վաճառքից կա վարձակալությունից ստացված եկամուտները, (iii) ԱԱՀ և ակցիզային հարկերը: Ցանակացած շեղում սահմանումից պետք է մանրամասնվի նշման մեջ՝ ներառյալ բացատրությունները, թե որ հեռուստատեսային եկամուտներն են ներառված/բացառված (օրինակ՝ ԱկՓիԹիՎի (IPTV), կաբելային հեռուստատեսություն, վճարովի արբանյակային և օդում ազատ հեռուստատեսություն):			ՀՀ հանրային ծառայությունները կարգավորող հանձնաժողով (համաձայնությամբ)
49.	741	Շարժական կապի ծառայություններից ստացված եկամուտը	Շարժական կապի ծառայություններից ստացված եկամուտը նշանակում է շարժական բջջային հաղորդակցության ծառայությունների պահպանումից ստացված մանրածախ եկամուտն է՝ ներառյալ բոլոր ձայնային. ԷսԷմԷս (SMS) և տվյալների (նեղշերտ և լայնաշերտ) ծառայությունները, որոնք առաջարկվում են քննարկվող ֆինանսական տարվա ընթացքում երկրի ներսում ծառայություններ առաջարկող շարժական կապի օպերատորների կողմից: Ավելացված արժեքով ծառայություններից (օրինակ՝ պրեմիում SMS) պետք է ներառվի: Ներկայացվող տվյալները պետք է բացառեն (i) մեծածախ եկամուտները, (ii) սարքի վաճառքից կա վարձակալությունից ստացված եկամուտները, (iii) ԱԱՀ և ակցիզային հարկերը:			ՀՀ հանրային ծառայությունները կարգավորող հանձնաժողով (համաձայնությամբ)
11. Ներդրում
50.	81	Հեռահաղորդակցության ծառայություններում տարեկան ներդրումը	Հեռահաղորդակցության ծառայություններում տարեկան ներդրումը նշանակում է ֆինանսական տարվա ընթացքում ներդրում, որը ստացվում է հեռահաղորդակցության ցանցերի կապի և/կամ ֆիքսված ակտիվների ձեռքբերման կամ վերազինման (ներառյալ ֆիքսված, շարժական և ինտերնետ կապի ծառայությունները, ինչպես նաև հեռուստատեսային ազդանշանների հեռարձակումը) ծառայություններից (սովորաբար CAPEX)՝ ավելի քիչ ֆիքսված ակտիվների ոչնչացման ապաներդրումային պարտավորությունը: Ֆիքսված ակտիվները պետք է ներառեն շոշափելի ակտիվներ, ինչպիսիք են շինությունները և ցանցերը, և ոչ շոշափելի ակտիվներ, ինչպիսիք են համակարգչի ծրագրային ապահովումը և մտավոր սեփականությունը: Սահմանումը մեծապես համապատասխանում է համախառն ֆիքսված կապիտալի ձևավորման բովանդակության հետ, ինչպես սահմանված է 2008թ. Ազգային հաշվեհամարների համակարգում: Ցուցանիշը ներդրման չափումն է, որը կատարվել է երկրի ներսում հեռահաղորդակցության ցանցեր և/կամ ծառայություններ տրամադրող մարմինների կողմից, և ներառում է նախնական տեղադրումների և արդեն գոյություն ունեցող տեղադրումներին կատարվող հավելումների ծախսերը, որոնց օգտագործումն ակնկալվում է ընդլայնված ժամանակահատվածի համար: Այն բացառում է շահագործման լիցենզիաների վճարի և ռադիոտիրույթների օգտագործման համար ծախսերը:			ՀՀ հանրային ծառայությունները կարգավորող հանձնաժողով (համաձայնությամբ)
51.	841f	Հեռահաղորդակցություններում արտասահմանյան տարեկան ներդրումը	Հեռահաղորդակցություններում արտասահմանյան տարեկան ներդրումը նշանակում է հեռահաղորդակցության ծառայություններում ֆինանսական տարվա ընթացքում ներդրումը (ներառյալ ֆիքսված, շարժական և ինտերնետ կապի ծառայությունները), որը գալիս է արտասահմանյան աղբյուրներից, կոչվում է նաև արտասահմանյան ուղղակի ներդրում ԷֆԴիԱյ (FDI):			ՀՀ հանրային ծառայությունները կարգավորող հանձնաժողով (համաձայնությամբ)
12. Աշխատող անձնակազմ
52.	51	Լրիվ հաստիքի հավասարազորով աշխատող անձնակազմ	Լրիվ հաստիքի հավասարազորով աշխատող անձնակազմ նշանակում է հեռահաղորդակցության օպերատորների կողմից աշխատանքի լրիվ դրույքի հավասարազորով ԷֆԹիԻ (FTE) վարձված աշխատողների ընդհանուր թիվը` երկրում հեռահաղորդակցության ծառայություններ մատուցելու համար՝ ներառյալ ֆիքսված հեռախոսակապի, շարժական բջջային կապի, ինտերնետի և տվյալների փոխանցման ծառայությունները: Այս ցուցանիշը բացառում է աշխատակազմի աշխատանքները հեռարձակման բիզնեսներում, որոնք առաջարկում են միայն ավանդական հեռարձակման ծառայություններ: Մասնակի դրույքով աշխատող աշխատակազմը պետք է արտահայտված լինի լրիվ դրույքով աշխատող աշխատակազմի հավասարազորով ԷֆԹիԻ (FTE):			ՀՀ հանրային ծառայությունները կարգավորող հանձնաժողով (համաձայնությամբ)
53.	51f	Բոլոր հեռահաղորդակցության օպերատորների կողմից վարձված անձնակազմ, կանայք	Նշանակում է հեռահաղորդակցության օպերատորների կողմից աշխատանքի լրիվ դրույքի հավասարազորով (FTE) վարձված կանանց ընդհանուր թիվը` երկրում հեռահաղորդակցության ծառայություններ մատուցելու համար՝ ներառյալ ֆիքսված, շարժական և ինտերնետ կապի ծառայությունները: Այս ցուցանիշը բացառում է աշխատակազմի աշխատանքները հեռարձակման բիզնեսներում, որոնք առաջարկում են միայն ավանդական հեռարձակման ծառայություններ:			ՀՀ հանրային ծառայությունները կարգավորող հանձնաժողով (համաձայնությամբ)
13. Վճարովի հեռուստատեսություն
54.	965IP	ԱյՓիԹիՎի (IPTV) բաժանորդագրությունները	ԱյՓիԹիՎի (IPTV) բաժանորդագրությունները նշանակում է ինտերնետ արձանագրությամբ հեռուստատեսության ԱյՓիԹիՎի (IPTV) բաժանորդագրությունների թիվը, այսինքն՝ հեռուստատեսությունը IP-ի վրա հիմնված ցանցի միջոցով, որը կառավարվում է ծառայության որակի, փորձի որակի, անվտանգության, փոխգործակցության և հուսալիության պահանջվող մակարդակն ապահովելու համար: Սա չի ներառում հանրային ինտերնետի միջոցով ստացվող տեսաձայնագրությունը, օրինակ՝ հեռարձակման հոսքը, և բաժանորդագրությունները բարձրաստիճան տեսալսողական բովանդակություն տրամադրողներին:			ՀՀ ազգային վիճակագրական ծառայություն (համաձայնությամբ) ՀՀ հեռուստատեսության և ռադիոյի ազգային հանձնաժողով (համաձայնությամբ)
55.	965s	Արբանյակային հեռուստատեսության բաժանորդագրությունները (հավաքագրված է արբանյակային ափսեների թիվը)	Արբանյակային հեռուստատեսության բաժանորդագրությունները նշանակում է վճարովի ուղիղ դեպի տուն ԴիԹիԷյջ (DTH) արբանյակային բաժանորդագրությունների թիվը, այսինքն՝ արբանյակային ափսեի միջոցով ստացվող վճարովի հեռուստատեսությունը, որը կարող է ստանալ արբանյակային հեռուստատեսության հեռարձակումներ: Սա չի ներառում եթերում ազատ արբանյակային հեռուստատեսությունը:			ՀՀ տրանսպորտի և կապի նախարարություն
56.	965cab	Կաբելային հեռուստատեսության բաժանորդագրությունները	Կաբելային հեռուստատեսության բաժանորդագրությունները նշանակում է բազմալիքային հեռուստատեսության ծրագրերի հեռարձակում, որոնք տրամադրվում են միառանցքային կաբելային ցանցերի շնորհիվ: Այն ներառում է անալոգային և թվային կաբելային հեռուստատեսության բաժանորդագրությունները: Եթե հասանելի է անալոգային/թվային կաբելային հեռուսատեսության բաժանորդագրությունների բաժանում, կաբելային հեռուստատեսության բաժանորդագրությունների յուրաքանչյուր տեսակի վերաբերյալ տվյալները պետք է մանրամասնվեն նշումով: Այն բացառում է ԱյՓիԹիՎի (IPTV)՝ տրամադրված կաբելային հեռուսատեսության ցանցերի միջոցով:			ՀՀ ազգային վիճակագրական ծառայություն (համաձայնությամբ) ՀՀ հեռուստատեսության և ռադիոյի ազգային հանձնաժողով (համաձայնությամբ)
57.	965oth	Այլ հեռուստատեսային բաժանորդագրություններ	Այլ հեռուստատեսային բաժանորդագրություններ նշանակում է վճարովի հեռուստատեսության բաժանորդագրություններ՝ ԱյՓիԹիՎի (IPTV)-ից, արբանյակային հեռուստատեսությունից և կաբելային հեռուստատեսությունից տարբեր: Սա ներառում է բաժանորդագրություններ հեռուստատեսային պլատֆորմերի, ինչպիսիք են միկրոալիքային, բազմակետային բաշխման համակարգերը (MMDS) և վճարովի թվային ցամաքային հեռուստատեսությունը (վճարովի DTT): Օդում ազատ հեռուստատեսությունը չպետք է ներառվի: Ներկայացված տվյալներին համապատասխանող հեռուստատեսային պլատֆորմերը պետք է նշվեն նշման մեջ:			ՀՀ տրանսպորտի և կապի նախարարություն

Հավելված N 2 ՀՀ տրանսպորտի և կապի նախարարի 24 օգոստոսի 2015 թ.   թիվ 439-Ն հրամանի

«Հավելված N 2 Հայաստանի Հանրապետության տրանսպորտի և կապի նախարարի 30 հոկտեմբերի 2012 թ. թիվ 604-Ն հրամանի

ՁԵՎԱՉԱՓ

ԿԱՊԻ ԵՎ ՏԵՂԵԿԱՏՎԱԿԱՆ ՀԵՌԱՀԱՂՈՐԴԱԿՑԱԿԱՆ ՏԵԽՆՈԼՈԳԻԱՆԵՐԻ ՈԼՈՐՏԻ ՑՈՒՑԱՆԻՇՆԵՐԻ՝

ԸՍՏ ԿԱՊԻ ՏԱՐԱԾԱՇՐՋԱՆԱՅԻՆ ՀԱՄԱԳՈՐԾԱԿՑՈՒԹՅԱՆ (ԿՏՀ)

______________________________________

¹Ցուցանիշը արդիական է, սակայն ՀՄՄ-ում դեռևս մշակման փուլում է: Ցուցանիշը ընդլայնում է մուլտիսերվիս ցանցերում «ՀՀՍ» հասկացությունը: