ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՕՐԵՆՔԻ ՈՒԺ ՈՒՆԵՑՈՂ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ԴԵԿՏԵՄԲԵՐԻ 31-Ի N ՀՕՈ-3 ՕՐԵՆՔԻ ՈՒԺ ՈՒՆԵՑՈՂ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի դեկտեմբերի 31-ի «Բնապահպանական վճարի դրույքաչափերի մասին» N ՀՕՈ-3 օրենքի ուժ ունեցող որոշման մեջ կատարել հետևյալ փոփոխությունները`

ա) որոշման 2-րդ կետի`

«բ» ենթակետը շարադրել հետևյալ խմբագրությամբ.

«բ) իրավաբանական և ֆիզիկական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից ու մեխանիզմներից վնասակար նյութերի արտանետման համար վճարը հաշվարկվում է սույն որոշմամբ հաստատված դրույքաչափերի I բաժնի 1-ին կետի «բ» և «գ» ենթակետերին համապատասխան` բացառությամբ սույն ենթակետի երկրորդ պարբերությամբ սահմանված դեպքի:

Անհատ ձեռնարկատերեր չհանդիսացող ֆիզիկական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից ու մեխանիզմներից վնասակար նյութերի արտանետման համար վճարը հաշվարկվում է միայն սույն որոշմամբ հաստատված դրույքաչափերի I բաժնի 1-ին կետի «գ» ենթակետին համապատասխան:

Սույն որոշմամբ հաստատված դրույքաչափերի I բաժնի 1-ին կետի «բ» ենթակետին համապատասխան հաշվարկված վճարը վճարվում է «Բնապահպանական և բնօգտագործման վճարների մասին» Հայաստանի Հանրապետության օրենքին համապատասխան, իսկ «գ» ենթակետին համապատասխան հաշվարկված վճարը` տարեկան մեկ անգամ, մինչև դրանց տարեկան տեխնիկական զննությունը»,

«գ» ենթակետը հանել.

բ) որոշմամբ հաստատված բնապահպանական վճարի դրույքաչափերում`

I բաժնի 1-ին կետի` «բ» ենթակետում «իրավաբանական անձանց պատկանող» բառերը փոխարինել «Հայաստանի Հանրապետությունում գրանցված և շահագործվող» բառերով.

«գ» ենթակետում «ֆիզիկական անձանց սեփականության իրավունքով պատկանող և Հայաստանի Հանրապետությունում գրանցված» բառերը փոխարինել «Հայաստանի Հանրապետությունում գրանցված և շահագործվող» բառերով, իսկ «ՎԱԶ 2105, 2107, մյուս մակնիշների» բառերը` «ՎԱԶ 2105, 2107, մյուս մոդիֆիկացիայի» բառերով,

 III բաժինը շարադրել հետևյալ խմբագրությամբ.

«III. Շրջակա միջավայրին վնաս պատճառող ապրանքների համար վճարի դրույքաչափերը

Շրջակա միջավայրին վնաս պատճառող ապրանքների համար վճարը գանձվում է հետևյալ դրույքաչափերով`

ազբոշիֆեր, ջերմամեկուսիչ ազբեստային	3 տոկոս
սարքեր (էկրաններ), ավտոմեքենայի արգելակներ կապար պարունակող արտադրանք, ներկեր	3 տոկոս
լյումինեսցենտային լամպեր, ամալգամներ (սնդիկային)	3 տոկոս
տպագրական նյութեր, ցինկի շապր (բելիլա)	3 տոկոս
նավթ, նավթամթերք	2 տոկոս
մայթաձյութ	2 տոկոս
վառելիքաքսուքային նյութեր	2 տոկոս
հանքային յուղեր	2 տոկոս
էլեկտրոդներ (եռակցման)	1,5 տոկոս
նավթալին (կարծր)	1,5 տոկոս
ավտոմեքենաների մարտկոցներ (կապարային, լիթիումային)	1,5 տոկոս
տրանսֆորմատորներ, կոնդենսատորներ	1,5 տոկոս
ավտոդողեր	0,8 տոկոս
կինո-ֆոտո ժապավեններ	0,8 տոկոս
ապակյա մանրաթելեր	0,8 տոկոս
չմաքրված դատարկ տարողություններ (կոնտեյներներ, ավտոցիստեռններ, կանիստրներ)	0,8 տոկոս
դետերգենտներ (լվացող նյութեր)	0,5 տոկոս
ֆրեոն պարունակող սարքեր և ապրանքներ (սառնարաններ, դեզոդորանտներ)	0,5 տոկոս
պլաստիկ, պոլիէթիլային տարաներ և փաթեթներ	0,5 տոկոս»:

2. Մինչև սույն որոշումն ուժի մեջ մտնելը տարեկան տեխնիկական զննությունն անցած այն ավտոմեքենաների և մեխանիզմների սեփականատերերը, որոնք ավտոմեքենաների ու մեխանիզմների տարեկան տեխնիկական զննության ժամանակ սույն որոշմամբ հաստատված դրույքաչափերի I բաժնի 1-ին կետի «գ» ենթակետին համապատասխան վճար վճարող չեն հանդիսացել նշված վճարի տեսակի համար պետք է վճարեն մինչև 1999 թվականի հոկտեմբերի 31-ը:

Հայաստանի Հանրապետության Նախագահ	Ռ. Քոչարյան
Երևան 15 հունիսի 1999 թ. ՀՕՈ-1