«Գրանցված է»

ՀՀ արդարադատության

նախարարության կողմից

27 մարտի 2015 թ.

Պետական գրանցման թիվ 11815097

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ՄԵՏԱՂՆԵՐԻ ԽՏԱՆՅՈՒԹԻ ԱՐՏԱՀԱՆՄԱՆ ՀԱՄԱՐ ՄԱՔՍԱՅԻՆ ՄԱՐՄԻՆՆԵՐԻՆ ՄԵՏԱՂՆԵՐԻ ԽՏԱՆՅՈՒԹԻ ՓՈՐՁԱՔՆՆՈՒԹՅԱՆ ՎԵՐԱԲԵՐՅԱԼ ԵԶՐԱԿԱՑՈՒԹՅԱՆ ՄԵՋ ՆԵՐԿԱՅԱՑՎՈՂ ՏԵՂԵԿՈՒԹՅՈՒՆՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Մաքսային միության մաքսային օրենսգրքի 134-րդ հոդվածին և «Մաքսային կարգավորման մասին» Հայաստանի Հանրապետության օրենքի 139-րդ հոդվածի 4-րդ մասին համապատասխան սահմանել.

1. Հայաստանի Հանրապետության տարածքից մետաղների խտանյութի արտահանման համար մաքսային մարմիններին մետաղների խտանյութի փորձաքննության վերաբերյալ եզրակացության մեջ ներկայացվող տեղեկությունների ցանկը` համաձայն հավելվածի:

2. Սույն հրամանը ուժի մեջ է մտնում պաշտոնական հրապարակման օրվան հաջորդող տասներորդ օրը:

Նախարար

Գ. Խաչատրյան

Հավելված ՀՀ ֆինանսների նախարարի 2015 թվականի մարտի 9-ի թիվ 120-Ն հրամանի

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ՄԵՏԱՂՆԵՐԻ ԽՏԱՆՅՈՒԹԻ ԱՐՏԱՀԱՆՄԱՆ ՀԱՄԱՐ ՄԱՔՍԱՅԻՆ ՄԱՐՄԻՆՆԵՐԻՆ ՄԵՏԱՂՆԵՐԻ ԽՏԱՆՅՈՒԹԻ ՓՈՐՁԱՔՆՆՈՒԹՅԱՆ ՎԵՐԱԲԵՐՅԱԼ ԵԶՐԱԿԱՑՈՒԹՅԱՆ ՄԵՋ ՆԵՐԿԱՅԱՑՎՈՂ ՏԵՂԵԿՈՒԹՅՈՒՆՆԵՐԻ

1. Հայաստանի Հանրապետության տարածքից մետաղների խտանյութի արտահանման համար Հայաստանի Հանրապետության և Եվրասիական տնտեսական միության օրենսդրությամբ մաքսային մարմիններին ներկայացման ենթակա փաստաթղթերի հետ միասին մաքսային մարմիններին ներկայացվում է նաև մետաղների խտանյութի փորձաքննության վերաբերյալ եզրակացություն, որում ներառվում են առնվազն հետևյալ տեղեկությունները.

1) Խտանյութի անվանումը

2) Խտանյութի թաց նետտո քաշը (տոննա)

3) Խտանյութի խոնավության տոկոսը (%)

4) Խտանյութի չոր քաշը (տոննա)

5) Չոր քաշում գտնվող տարրերի (պայմանագրով նշված մետաղների զանգվածային տոկոսային մեծությունները (%))։

2. Հայաստանի Հանրապետության տարածքից մետաղների համաձուլվածքների արտահանման համար Հայաստանի Հանրապետության և Եվրասիական տնտեսական միության օրենսդրությամբ մաքսային մարմիններին ներկայացման ենթակա փաստաթղթերի հետ միասին մաքսային մարմիններին ներկայացվում է նաև մետաղների համաձուլվածքի փորձաքննության վերաբերյալ եզրակացություն, որում ներառվում են առնվազն հետևյալ տեղեկությունները.

1) Համաձուլվածքի անվանումը

2) Պայմանագրում նշված տարրերի զանգվածային տոկոսային մեծությունները (%):