«Գրանցված է»

ՀՀ արդարադատության

նախարարության կողմից

8 օգոստոսի 2014 թ.

Պետական գրանցման թիվ 32014315

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅՈՒՆ

29 հուլիսի 2014 թ.

N 189-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅԱՆ ՊԵՏԻ 2012 ԹՎԱԿԱՆԻ ԱՊՐԻԼԻ 20-Ի ԹԻՎ 58-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Ավիացիայի մասին» Հայաստանի Հանրապետության օրենքի 43-րդ և 44-րդ հոդվածները և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը.

Հրամայում եմ`

1. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության (այսուհետ` Գլխավոր վարչություն) պետի 2012 թվականի ապրիլի 20-ի «Օդանավ շահագործողի վկայականի և ավիափոխադրողի մասնագրի նկատմամբ ներկայացվող պահանջների ու դրանց տալու կարգերը սահմանելու և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2009 թվականի հուլիսի 29-ի թիվ 108-Ն հրամանն ուժը կորցրած ճանաչելու մասին» թիվ 58-Ն հրամանում (այսուհետ` Հրաման) կատարել հետևյալ փոփոխությունները.

1) Հրամանի հավելված 1-ի 13-րդ կետի 2-րդ ենթակետից «և 8-րդ» բառերը հանել.

2) Հրամանի հավելված 1-ի 4-րդ կետի երկրորդ նախադասությունը շարադրել հետևյալ խմբագրությամբ.

«Օդանավ շահագործողի վկայականի բնօրինակը պահպանվում է կազմակերպությունում, իսկ օդանավի փաստաթղթերում՝ կազմակերպության կողմից հաստատված դրա պատճենը:».

3) Հրամանի Հավելված 1-ի Ձև 4-ը շարադրել նոր խմբագրությամբ՝ համաձայն Հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Գլխավոր վարչության պետ

Ա. Մովսեսյան

Հավելված ՀՀ կառավարությանն առընթեր քաղաքացիական ավիացիայի գլխավոր վարչության պետի 2014 թվականի հուլիսի 29-ի N 189-Ն հրամանի

«Ձև 4

Հայաստանի Հանրապետության Կառավարությանն առընթեր Քաղաքացիական ավիացիայի գլխավոր վարչություն General Department of Civil Aviation at the Government of the Republic of Armenia ՓԱՐՏ-Մ-Ի ԵՆԹԱՄԱՍ Ջ-Ի ՎԱՎԵՐԱՑՈՒՄ Part-M Subpart G APPROVAL ՀԱՅՏ՝ Application for սկզբնական շնորհման           [ ] initial grant փոփոխման          [ ] change   1. Հայտատուի գրանցված անվանումը: Registered name of applicant:         2. Առևտրային անվանումը (առկայության դեպքում) Trading name (if different):         3. Վավերացման ենթակա հասցեները: Addresses requiring approval:                           4. Հեռ. Tel. Ֆաքս. Fax. Էլ. փոստ. E-mail. 5. Ենթամաս-Ջ-ի վավերացման տիրույթը համաձայն սույն հայտի: Scope of Subpart-G Approval relevant to this application.   6. Հաշվետու կառավարիչի (ներկայացված*) պաշտոնը և անուն ազգանունը: Position and name of the (proposed *) Accountable Manager.   7. Հաշվետու կառավարիչի ստորագրությունը (ներկայացված*): Signature of the (proposed *) Accountable Manager.   8. Հասցե: Place.   9. Թվականը: Date.     Ծանոթություն 1. Ձև(եր)ը ներկայացվում է (են) Note 1: The Form(s) should be sent to Հայաստանի Հանրապետության Կառավարությանն առընթեր Քաղաքացիական ավիացիայի գլխավոր վարչություն General Department of Civil Aviation at the Government of the Republic of Armenia   Ծանոթություն 2. Տեղեկատվություն վճարումների վերաբերյալ Note 2: Information on any fees payable   * Կիրառելի է միայն ՓԱՐՏ-ի նոր հայտատուի համար Applicable only in the case of new PART Applicant

»: