Հաստատված է` ՀՀ հարկային պետական տեսչության կողմից` «28» դեկտեմբերի 1994 թ. թ. 03519/3-3	Համաձայնեցված է` ՀՀ ֆինանսների նախարարության հետ «28» դեկտեմբերի 1994 թ. թ. 3-04/16
ՀՀ մաքսային վարչության կողմից` «28» դեկտեմբերի 1994 թ. թ. 1082-ՄՎ	ՀՀ արդարադատության նախարարության հետ` «29» դեկտեմբերի 1994 թ. թ. 1-8

ՀՀ ՀԱՐԿԱՅԻՆ ՊԵՏԱԿԱՆ ՏԵՍՉՈՒԹՅԱՆ ԵՎ ՀՀ ՄԱՔՍԱՅԻՆ ՎԱՐՉՈՒԹՅԱՆ 1993Թ. ՄԱՅԻՍԻ 27-Ի «ՆԵՐՄՈՒԾՎՈՂ ԱՊՐԱՆՔՆԵՐԻ ԱԿՑԻԶԱՅԻՆ ՀԱՐԿԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ» ԹԻՎ 01127/3-3 ԵՎ ԹԻՎ 573 ՄՎ ՀՐԱՀԱՆԳԻ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ Հ.1

«Ակցիզային հարկի մասին» Հայաստանի Հանրապետության օրենքում փոփոխություններ կատարելու մասին» 1994 թ. նոյեմբերի 30-ի ՀՀ օրենքի համաձայն ՀՀ հարկային պետական տեսչության և ՀՀ մաքսային վարչության 1993 թ. մայիսի 27-ի «Ներմուծվող ապրանքների ակցիզային հարկի հաշվարկման և վճարման կարգի մասին» թիվ 01127/3-3 և թիվ 573 ՄՎ հրահանգում (այսուհետև` հրահանգ) կատարվում են հետևյալ փոփոխությունները և լրացումները.

1. Հրահանգի առաջին կետը շարադրվում է հետևյալ խմբագրությամբ.

«1. Ակցիզային հարկով հարկվում են ներմուծվող գինի-օղու արտադրանքի, գարեջրի, խաղողի գինիների, գինենյութի, ծխախոտի արտադրանքի, ոսկերչական իրերի, զարդեղենի (բիժուտերիայի), մորթու, մորթեղենի և բնական կաշվից հագուստի, ավտոդողերի, բյուրեղապակյա և ճենապակյա իրերի, ձեռագործ գորգերի ապրանքատեսակները»:

2. Հրահանգի 8-րդ կետը շարադրվում է հետևյալ խմբագրությամբ.

«8. Սույն հրահանգի 4-րդ կետի «դ» ենթակետով նախատեսված դեպքում ապրանքները սեփական ենթաակցիզային ապրանքների արտադրության համար վերամշակման նպատակով որպես հումք (կիսաֆաբրիկատ) ներմուծող իրավաբանական անձինք այդ ներմուծվող ապրանքների գծով ակցիզային հարկից ազատվելու նպատակով ԲՄՀ-ի լրացման օրը պարտադիր կարգով մաքսային մարմիններին են տալիս իրենց գտնվելու վայրի հարկային պետական տեսչության կողմից հաստատված տեղեկանք* (տեղեկանքի ձևը տրված է հավելված 6-ում) այն մասին, որ իրենք հանդիսանում են ներմուծվող հումքի հետ տեխնոլոգիապես կապված ենթաակցիզային ապրանք արտադրող, իրավաբանական անձի կարգավիճակ ունեցող ձեռնարկություն: Սակայն այդ ապրանքները հետագայում ոչ վերամշակման համար օգտագործելիս կամ իրացնելիս** ակցիզային հարկը հաշվարկվում և վճարվում է ընդհանուր կարգին համապատասխան (ելնելով այդ ապրանքների ներմուծման արժեքից և գործող դրույքաչափերից):

Վերը նշված տեղեկանքի բացակայության դեպքում նույնպես ակցիզային հարկը հաշվարկվում է ընդհանուր կարգին համապատասխան»:

3. Հրահանգը հավելված 5-ից հետո լրացվում է հետևյալ բովանդակությամբ հավելված 6-ով.

Հավելված 6

-------------------------------------------------------------------------------------------------------------------------------- Տ Ե Ղ Ե Կ Ա Ն Ք Տրվում է ---------------------------------- շրջանի հարկային պետական տեսչության կողմից (շրջանի/քաղաքի անունը) առ այն, որ ------------------------------- ձեռնարկությունը (կազմակերպությունը)` պետական ռեգիստրի (ձեռնարկության անվանումը) գրանցման ամսաթիվ ------- հ. ---------, ունի իրավաբանական անձի կարգավիճակ և հանդիսանում է  ---------------------------------------- արտադրող: (ենթաակցիզային ապրանքի անվանումը)   Լրացուցիչ տվյալներ   Լիցենզիայի տրման ամսաթիվը --------------------------- Լիցենզիայի համարը ---------------------------------- Լիցենզիայի գործողության ժամկետը -------------------- Ձեռք բերվող ենթաակցիզային հումքի                անվանումը -------------------                               քանակը ----------------------      Կ. Տ. Տեսչության պետ` ----------------------  «--» ------------ 199  թ.       (ստորագրություն) ---------------------------------------------------------------------------------------------------------------------------------

4. Սույն փոփոխությունները և լրացումները գործողության մեջ են դրվում 1995 թ. հունվարի 1-ից:

ՀՀ հարկային պետական տեսչության պետ` Պ. Սաֆարյան	ՀՀ ֆինանսների նախարար` Լ. Բարխուդարյան
ՀՀ մաքսային վարչության պետ` Ե. Աբգարյան	ՀՀ արդարադատության նախարար` Վ. Ստեփանյան