Basic information
Number
Ն-238-3
Type
Որոշում
Act type
Ինկորպորացիա (22.03.2008-մինչ օրս)
Status
Գործում է
Source
ՀՀՊՏ 2006.01.11/2(457) Հոդ.30
Enactment organisation
ՀՀ Ազգային ժողով
Enactment date
08.12.2005
Signing organisation
ՀՀ ԱԺ նախագահ
Signing date
08.12.2005
Effective date
21.01.2006


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ

Ո Ր Ո Շ ՈՒ Մ Ը

«ԱՊՐԱՆՔՆԵՐԻ ՄԻՋԱԶԳԱՅԻՆ ԱՌՈՒՎԱՃԱՌՔԻ ՊԱՅՄԱՆԱԳՐԵՐԻ ՄԱՍԻՆ» ՄԻԱՎՈՐՎԱԾ ԱԶԳԵՐԻ ԿԱԶՄԱԿԵՐՊՈՒԹՅԱՆ ԿՈՆՎԵՆՑԻԱՆ (ԿԻՑ ՀԱՅՏԱՐԱՐՈՒԹՅՈՒՆՆԵՐՈՎ) ՎԱՎԵՐԱՑՆԵԼՈՒ ՄԱՍԻՆ

Հայաստանի Հանրապետության Ազգային ժողովը որոշում է.

Վավերացնել 1980 թվականի ապրիլի 11-ին Վիեննա քաղաքում ստորագրված «Ապրանքների միջազգային առուվաճառքի պայմանագրերի մասին» Միավորված ազգերի կազմակերպության կոնվենցիան (կից հայտարարություններով):
 

Հայաստանի Հանրապետության
Ազգային ժողովի նախագահ

  Ա. Բաղդասարյան
   

8 դեկտեմբերի 2005 թվականի,
քաղ. Երևան
Ն-238-3

  

        
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅՏԱՐԱՐՈՒԹՅՈՒՆՆԵՐԸ «ԱՊՐԱՆՔՆԵՐԻ ՄԻՋԱԶԳԱՅԻՆ ԱՌՈՒՎԱՃԱՌՔԻ ՊԱՅՄԱՆԱԳՐԵՐԻ ՄԱՍԻՆ» ԿՈՆՎԵՆՑԻԱՅԻ ՎԵՐԱԲԵՐՅԱԼ

1. (1-ին կետը հանվել է 26.02.08 Ն-051-4)

2. Կոնվենցիայի 95-րդ հոդվածին համապատասխան՝ Հայաստանի Հանրապետությունը հայտարարում է, որ չի կիրառելու  կոնվենցիայի 1-ին հոդվածի 1-ին կետի «բ» ենթակետը այն պետությունների նկատմամբ, որոնք հայտարարություն կանեն կոնվենցիայի 1-ին հոդվածի 1-ին կետի «բ» ենթակետը չկիրառելու մասին:

3. Կոնվենցիայի 12-րդ և 96-րդ հոդվածներին համապատասխան՝ Հայաստանի Հանրապետությունը հայտարարում է, որ կոնվենցիայի 11-րդ և 29-րդ հոդվածների և 2-րդ մասի ցանկացած դրույթ, որը թույլ է տալիս, որ առուվաճառքի պայմանագիրը, կողմերի համաձայնությամբ դրա փոփոխությունը կամ դադարեցումը կամ օֆերտան, ակցեպտը կամ մտադրության ցանկացած այլ արտահայտություն կատարվի ոչ թե գրավոր, այլ ցանկացած այլ ձևով, կիրառելի չէ, եթե կողմերից մեկն ունի իր առևտրային կազմակերպությունը Հայաստանի Հանրապետությունում: